सोयगाव:ज्ञानेश्वर पाटील(युवरे)― राज्यात राष्ट्रवादी कॉंग्रेस पक्ष महाविकास आघाडीच्या सत्तेत आहे.त्यामुळे पक्षाच्या माध्यमातून ग्रामीण भागांचा सर्वांगीण विकास करण्यासाठी प्रयत्नशील राहून गावांच्या समस्या सोडवू असे आश्वासन राष्ट्रवादी कॉंग्रेसचे जेष्ठ्नेते रंगनाथ काळे यांनी बुधवारी नवनिर्वाचित सदस्यांना दिले आहे.त्यासाठी आधी नवीन सदस्यांना सोयगावला ग्राम पंचायत विषयक योजनांच्या बाबतीत माहिती व्हावी यासाठी प्रशिक्षण दिले जाईल असेही त्यांनी सांगितले.
राष्ट्रवादी कॉंग्रेसचे जेष्ठ्नेते रंगनाथ काळे यांनी बुधवारी सोयगाव तालुक्यातील नवनिर्वाचित सदस्यांच्या भेटी घेवून त्यांना याबाबत माहिती दिली.यावेळी जरंडी, निंबायती, बहुलखेडा, निमखेडी,घोसला,वरठाण,बनोटी,गोंदेगाव या ठिकाणी जावून नाव निर्वाचित सदस्यांच्या भेटी घेवून नव्याने विकास कामांना लागण्याबाबत आवाहन केले आहे.जरंडी येथील भेटीत त्यांनी नवीन पाणी पुरवठ्याची साठवण टाकी,पाणंद रस्ते,याबाबत पाठपुरावा करणार असल्याचे नवीन सदस्यांना सांगितले.घोसला ग्रामस्थांच्या अडचणी समजून घेत त्यांनी या अडचणी सोडविणार असल्याचे आश्वासन दिले.यावेळी जेष्ठ नेते राजेंद्र अहिरे,विलासचंद्र काबरा,युवक राष्ट्रवादीचे राजू दुतोंडे,जरंडी सेवा संस्थचे अध्यक्ष राजेंद्र पाटील,रवींद्र पाटील,रामदास क्षीरसागर,श्रीराम पाटील,आदींसह नवनिर्वाचित सदस्यांची उपस्थिती होती.
