अंबाजोगाई तालुकाबीड जिल्हा

मराठवाडयातले पाच मंत्र्यांचे खुर्चीसाठी हाताची घडी तोंडावर बोट ; वॉटरग्रीड,अतिवृष्टी, पिक विमासह विकास प्रश्नांवर दुर्लक्ष मग,मंत्रीपदावर बसले कशाला ? - प्रवक्ते राम कुलकर्णी यांचा सवाल

अंबाजोगाई:आठवडा विशेष टीम― राज्याच्या मंत्रीमंडळात मराठवाडयातून पाच मंत्री असतांना विकासाचा आणि शेतक-यांच्या मुळ प्रश्नावर त्यांचे लक्ष नाही.सरकारने वॉटरग्रीड योजना बंद ठेवली,तर शेतक-यांना अतिवृष्टीचा पैसा सरसगट अद्याप मिळालेला नाही.पिक विमा लोंबकळत पडला असून जनता त्रस्त आहे.हे प्रश्न मार्गी लावण्यासाठी मराठवाड्यातील मंत्री धजावत नसून त्यांची निष्क्रियता जनहिताला आडवी येत आहे.या मंत्र्याला केवळ मंत्रीपदाची खुर्ची हवी असून विकास प्रश्नांवर सर्व मंत्र्याची तोंडे गप्प का ? असा सवाल भाजपाचे राज्य प्रवक्ते राम कुलकर्णी यांनी केला आहे.एकेकाळी मुख्यमंत्रीपदावर राहिलेले कॉंग्रेस नेते अशोकराव चव्हाण हे बघ्याच्या भुमिकेत असल्याची टिका पण,त्यांनी केली.

प्रसिद्धीसाठी काढलेल्या पत्रकात त्यांनी म्हटले कि,ठाकरे सरकार मध्ये मराठवाडा विभागातून पाच मंत्री आहेत.ज्यामध्ये सार्वजनिक बांधकाम मंत्री अशोकराव चव्हाण,सामाजिक न्याय व विशेष सहाय्य मंत्री धनंजय मुंडे,वैद्यकीय शिक्षण मंत्री अमित देशमुख,आरोग्य मंत्री राजेश टोपे आणि राज्यमंत्री संदिपान भुमरे यांचा समावेश आहे.पाच मंत्री असताना जनतेला असं वाटलं होतं की,मराठवाडा आता विकासाच्या प्रक्रियेत गती घेतल्याशिवाय राहणार नाही.मात्र एका वर्षात ठाकरे सरकारने मराठवाड्यातील सर्वसामान्य जनतेसाठी देवेंद्रजी फडणवीस हे मुख्यमंत्री असताना ज्या काही योजना मंजूर केल्या.ज्यामध्ये मराठवाडा वॉटरग्रीड सारखी योजना ठाकरे सरकारने गुंडाळून ठेवली.वास्तविक पाहता ही योजना दुरगामी आणि मराठवाड्यातील जनतेच्या जीवनातला कायमचा दुष्काळ हटवणार आहे.त्यासाठी आर्थिक तरतूद करून ठेवली होती.मात्र ठाकरे सरकारने योजना थंडबस्त्यात ठेवून सुद्धा एकही मंत्री या प्रश्नावर बोलत नाही हे विशेष वाटते.केवळ वॉटरग्रीड हाच प्रश्न नाही,तर मराठवाड्यात सरलेल्या पावसाळ्यात प्रचंड अतिवृष्टी झाली शेतक-यांचे मोठ्या प्रमाणावर नुकसान झालं.खरिपाचे पीक हाती लागलं नाही,तरी सुद्धा या सरकारने भरीव आर्थिक मदत सोडा,पण जाहीर केलेले हेक्टरी दहा हजार रूपये हे सुद्धा दिले नाही.केवळ दोन-तीन हजार रूपये हातावर टिकवून शेतक-यांची चेष्टा सरकारने केली ती मदत सुद्धा सरसगट वाटप केलेली नाही.उलट शासकीय यंत्रणा हाताशी धरून आणेवारीचे निकष लावताना मराठवाड्यातील जवळपास सर्व तालुक्यातून 50 टक्के पेक्षा जास्त आणेवारी कशी राहील.? याचीच काळजी सरकारने घेतली.ज्यामुळे शेतक-यांना मदत मिळणार नाही असा आरोप सुद्धा राम कुलकर्णी यांनी केला.शिवाय पीक विमा शेतक-यांना अद्याप मिळालेला नसून विमा कंपनीने घातलेल्या किचकट अटी शेतक-यांच्या मुळावर आल्या त्यामुळे आता पिक विमा मिळणारच नाही अशी परिस्थिती निर्माण झाली.एकूणच काय तर शेतकरी मेटाकुटीला आला असून जनतेच्या हिताचे प्रश्न या सरकारने मराठवाड्यात जाणीवपूर्वक बाजूला ठेवून जनतेचा सुड उगवण्याचे काम सुरू असल्याचे कुलकर्णी यांनी निवेदनात म्हटले आहे.वास्तविक पाहता पाच मंत्री असताना आमच्या मराठवाड्यातील विकासाचा एकही प्रश्न मागे राहणार नाही अशी अपेक्षा सुरूवातीला जनतेला होती.? मात्र सरकार सुडाने पेटलेले असताना पाच पैकी एकही मंत्री तोंड उघडायला का तयार नाही.? असा सवाल करत कुलकर्णी म्हणाले आहेत.की,हे मंत्री निष्क्रिय असून यांना केवळ मंत्रीपदाच्या खुर्च्या हव्या आहेत.जनतेच्या प्रश्नाचं काही देणं घेणं नाही.एका वर्षात त्यांची निष्क्रियता आणि विकासाचे प्रश्न मार्गी लावण्यात आलेला अपयश पाहता त्यांनी आपल्या पदावरून दूर व्हावं अशी सर्वसामान्य जनतेची अपेक्षा आहे.एकेकाळी
मंत्री अशोकराव चव्हाण हे राज्याचे मुख्यमंत्री पदावर राहिलेली व्यक्ती असून,आता त्यांच्याकडे बांधकाम खाते आहे.तरी सुद्धा मराठवाड्यातील बांधकाम खाते अंतर्गत येणारे रस्ते अद्यापही ही त्याला गती मिळालेली नाही.खराब रस्त्यांमुळे जनतेचे हाल होत आहेत.या मंत्र्यांना जनता यापुढे जाब विचारल्याशिवाय राहणार नाही असेही त्यांनी आपल्या निवेदनात म्हटले आहे.मंत्रिमंडळात राहायचे आणि आपल्या विभागाचा प्रश्नांवर काहीच बोलायचे नाही ही मोठी शोकांतिका असल्याचा आरोप राम कुलकर्णी यांनी केला आहे.

    WhatsApp वर बातम्या हव्यात ?



    बातमी बद्दल तुमच्या प्रतिक्रिया लिहा

    This site uses Akismet to reduce spam. Learn how your comment data is processed.