‘दिल्लीतील महाराष्ट्र’ या विषयावर उद्या ज्येष्ठ पत्रकार विजय नाईक यांचे व्याख्यान

नवी दिल्ली, दि. १४ : ज्येष्ठ पत्रकार तथा लेखक विजय नाईक हे “दिल्लीतील महाराष्ट्र ” या विषयावर उद्या १५ एप्रिल २०२१ रोजी महाराष्ट्र परिचय केंद्राच्यावतीने आयोजित महाराष्ट्र हीरक महोत्सव व्याख्यानमालेचे  २८ वे पुष्प गुंफणार आहेत.

महाराष्ट्र राज्य निर्मितीला पूर्ण झालेली ६० वर्ष आणि  महाराष्ट्र परिचय केंद्राच्या स्थापनेच्या हीरक महोत्सवी वर्षानिमित्ताने १९ मार्च २०२१ पासून ‘महाराष्ट्र हीरक महोत्सव व्याख्यानमाला’ सुरु झाली आहे. या व्याख्यानमालेच्या २८ व्या दिवशी विजय नाईक हे १५ एप्रिल रोजी दुपारी ४ वाजता विचार मांडणार आहेत.

विजय नाईक यांच्याविषयी

विजय नाईक हे गेल्या ४५ वर्षांपासून सक्रिय पत्रकारितेत आहेत. सध्या ते  दैनिक सकाळच्या दिल्ली कार्यालयाचे सल्लागार संपादक म्हणून कार्यरत आहेत. तसेच इंडियन असोशिएशन ऑफ फॉरेन अफेअर्स करस्पाँडंट (दिल्ली) या संस्थेचे संयोजक, कॉमनवेल्थ जर्नालिस्ट असोशिएशनचे उपाध्यक्ष आणि एडिटर्स गिल्ड ऑफ इंडियाच्या कार्यकारी समितीचे सदस्य म्हणूनही ते कार्य पाहत आहेत.

संसदेचे वार्तांकन, राजकीय तसेच आंतरराष्ट्रीय संबंधांवर त्यांनी सातत्याने वार्तांकन व विश्लेषणात्मक लिखाण केले आहे. आकाशवाणी , राज्यसभा आणि लोकसभा वृत्त वाहिन्यांसह प्रमुख राष्ट्रीय वृत्त वाहिन्यांवर राजकीय व आंतरराष्ट्रीय विषयाचे विश्लेषक म्हणून त्यांचा सातत्याने सहभाग असतो. १९७१ चे भारत पाकिस्तान युध्द, श्रीलंकेतील आयपीकेएफ ऑपरेशन आणि कारगिल युध्दाचे वार्तांकनही त्यांनी केले आहे.

‘साऊथ ब्लॉक-दिल्ली, शिष्टाईचे अंतरंग’, दिल्लीतील पत्रकारिता आणि राजकारण यावर आधारित ‘त्रिकोण’ ही कांबदरी, ‘मंडालेच्या देशात’, ‘Xi  जीपिंग यांचा विस्तारवादी चीन आणि भारत -चढती कमान वाढते तनाव’ आदी त्यांची ७  पुस्तके प्रकाशित आहेत. ‘साऊथ ब्लॉक-दिल्ली शिष्टाईचे अंतरंग’ या पुस्तकास महाराष्ट्र शासनाचा उत्कृष्ट वाड्मयाचा ‘डॉ बाबासाहेब आंबेडकर पुरस्कार’ मिळाला आहे.

प्रेस कॉन्सिल ऑफ इंडिया या मानाच्या संस्थेचे सदस्य म्हणूनही त्यांनी काम पाहिले आहे. संसदेच्या लोकसभा आणि राज्यसभा या दोन्ही सभागृहांच्या माध्यम सल्लागार समितीचे अध्यक्ष म्हणूनही त्यांनी काम पाहिले आहे. इंडिया आफ्रिका एडिटर्स फोरमचे सदस्य म्हणूनही त्यांनी जबाबदारी सांभाळली आहे.

समाज माध्यमांहून व्याख्यान प्रसारण

गुरुवार, १५ एप्रिल २०२१ रोजी दुपारी ४ वाजता  परिचय केंद्राच्या अधिकृत ट्विटरहँडल,फेसबुक आणि युट्यूब चॅनेलहून व्याख्यान थेट प्रसारित होणार आहे. जास्तीत-जास्त लोकांनी याचा लाभ घ्यावा, असे आवाहन करण्यात येत आहे. हे व्याख्यान परिचय केंद्राचे ‍मराठी  ट्विटर हँडल https://twitter.com/MahaGovtMic,हिंदी ट्विटर हँडल https://twitter.com/MahaMicHindi  आणि ‍ इंग्रजी ट्विटर हँडल https://twitter.com/micnewdelhi   वर लाईव्ह पाहता येणार आहे. तसेच कार्यालयाचे फेसबुकप्रोफाईल https://www.facebook.com/MICNEWDELHI  ,फेसबुकपेज https://www.facebook.com/micnewdelhiPR/   आणि फेसबुक मिडीया गृप  https://www.facebook.com/groups/525576297610799/?ref=share  तसेच https://www.youtube.com/c/MahaInfoCentreNewDelhi युटयूब चॅनेल वर पाहता येणार आहे.

०००

‍रितेश भुयार /वृत्त वि. क्र.१०७/दिनांक ११.०४.२०२१