प्रशासकीयब्रेकिंग न्युज

‘छत्रपती शाहू - डॉ.आंबेडकर यांचे ऋणानुबंध’या विषयावर इतिहास संशोधक इंद्रजित सावंत यांचे व्याख्यान

आठवडा विशेष टीम―

नवी दिल्ली, दि. २८ : महाराष्ट्र परिचय केंद्राच्यावतीने आयोजित महाराष्ट्र हीरक महोत्सव व्याख्यानमालेत इतिहास संशोधक इंद्रजित सावंत हे उद्या २९ मार्च २०२१ रोजी  ‘छत्रपती शाहू महाराज आणि डॉ. बाबासाहेब आंबेडकर यांचे ऋणानुबंध’ या विषयावर अकरावे पुष्प गुंफणार आहेत.

महाराष्ट्र राज्य निर्मितीला पूर्ण झालेली ६० वर्ष आणि महाराष्ट्र परिचय केंद्राच्या स्थापनेच्या हीरक महोत्सवी वर्षानिमित्ताने ‘महाराष्ट्र हीरक महोत्सव व्याख्यानमाला’ आयोजित करण्यात आली आहे. २९ मार्च रोजी या व्याख्यानमालेच्या अकराव्या दिवशी इंद्रजित सावंत हे दुपारी ४ वाजता विचार मांडणार आहेत.

इंद्रजित सावंत यांच्या विषयी  

इंद्रजित सावंत यांनी ‘शिवगर्जना’ व ‘नरशार्दुल संभाजी’ ही महानाट्य लिहिली आहेत. ‘राजर्षी शाहू महाराजांचे चित्ररूप चरित्र’, ‘छत्रपती शिवरायांच्या अस्सल पत्रांवर टाकलेला प्रकाश’, ‘शोध भवानी तलवारीचा’ आदी त्यांचे संशोधनात्मक ग्रंथ होत. शिवकालीन इतिहासाचा दस्ताऐवज असणाऱ्या ‘शिवाजी द ग्रेट’ या संकेतस्थळावरील मजकुराचे संपादन श्री. सावंत यांनी केले आहे. यासह विविध पुस्तके व ग्रंथांचे त्यांनी संपादन केले आहे.

सोमवारी समाज माध्यमांहून व्याख्यान प्रसारण  

सोमवार, 29 मार्च 2021 रोजी  दुपारी  4 वाजता  परिचय केंद्राच्या अधिकृत ट्विटरहँडल , फेसबुक आणि युट्यूब चॅनेलहून व्याख्यान थेट प्रसारित होणार आहे. जास्तीत-जास्त लोकांनी याचा लाभ घ्यावा, असे आवाहन करण्यात येत  आहे. हे व्याख्यान परिचय केंद्राचे  ‍मराठी  ट्विटर हँडल https://twitter.com/MahaGovtMic, हिंदी ट्विटर हँडल https://twitter.com/MahaMicHindi  आणि ‍ इंग्रजी ट्विटर हँडल https://twitter.com/micnewdelhi   वर लाईव्ह पाहता येणार आहे. तसेच कार्यालयाचे फेसबुक प्रोफाईल https://www.facebook.com/MICNEWDELHI  , फेसबुक पेज https://www.facebook.com/micnewdelhiPR/   आणि फेसबुक मिडीया ग्रुप https://www.facebook.com/groups/525576297610799/?ref=share   तसेच https://www.youtube.com/c/MahaInfoCentreNewDelhi  युटयूब चॅनेल वर पाहता येणार आहे.

बातमी बद्दल तुमच्या प्रतिक्रिया लिहा

This site uses Akismet to reduce spam. Learn how your comment data is processed.