अंबाजोगाई तालुकाक्राईमबीड जिल्हा

अंबाजोगाईच्या राज्य उत्पादन शुल्क विभागाची धारावती तांडा येथे मोठी कारवाई ; 70 हजार रुपयांची दारू केली नष्ट

अंबाजोगाई दि.०७ (प्रतिनिधी): बीड जिल्ह्यात परळी तालुक्यातील धारावती तांडा परिसरात अवैधरित्या सुरू असलेल्या हातभट्टी केंद्रांवर रविवार,दि.7 एप्रिल रोजी राज्य उत्पादन शुल्क, अंबाजोगाई विभाग निरीक्षकांच्या पथकाने धाड टाकून तब्बल 70 हजार दोनशे रुपयांचा मुद्देमाल जप्त करून तो जागेवरच नष्ट केला असल्याची माहीती प्रभारी निरीक्षक अनिल गायकवाड यांनी दिली.

देशात सध्या लोकसभा निवडणुकीची आचारसंहिता लागू आहे.त्या पार्श्वभूमीवर विविध ठिकाणी अवैध हातभट्टी केंद्रांवर राज्य उत्पादन शुल्क विभागाच्या गेल्या दोन महिन्यांपासून वतीने धाडी टाकण्यात येत आहेत.आता पर्यंत सात ते आठ लाख रूपयांचा
मुद्देमाल जप्त करून तो जागेवरच नष्ट केला. तसेच अनेकांवर गुन्हेही दाखल करण्यात आले.याचाच एक भाग म्हणून जिल्हाधिकारी आस्तिककुमार पाण्डेय यांचे सुचनेनुसार व राज्य उत्पादन शुल्क बीडचे अधिक्षक नितीन धार्मिक यांच्या मार्गदर्शनाखाली परळी (वै.) तालुक्यातील धारावती तांडा व परिसरात हातभट्टी दारू केंद्रांवर गोपनीय माहितीच्या आधारे धाड टाकण्यात आली.यात दारू तयार करण्याचे 3 हजार लिटर रसायन,80 लिटर हातभट्टी दारू,15 बॅरल यासह एकुण मिळून सुमारे 70 हजार दोनशे रुपयांचा मुद्देमाल जप्त करून तो तात्काळ जागेवरच नष्ट करण्यात आला.या कारवाईत राज्य उत्पादन शुल्क, अंबाजोगाई विभागाचे प्रभारी निरीक्षक अनिल गायकवाड,दुय्यम निरीक्षक ए.एन.पिकले, कॉन्स्टेबल बी.के.पाटील, आर ए. जारवाल व वाहनचालक के.एन.डुकरे यांनी सहभाग घेतला.


Leave a Reply

This site uses Akismet to reduce spam. Learn how your comment data is processed.