गर्भपातासाठी शासनाच्या मंजुरीनंतरही एसओपीची अंमलबजावणी का नाही ?

अॅड.. सोनिया गजभिये यांच्या प्रयत्नांना यश

नागपूर दि. २५/६ : मुंबई हायकोर्टाच्या नागपूर खंडपीठाच्या आदेशानुसार आता २४ आठवड्यांपलीकडील वैद्यकीय गर्भपात करण्याच्या मानक मार्गदर्शक कार्यपद्धतीस (एसओपी) राज्य शासनाने मंजुरी दिली आहे, अशी माहिती राज्य शासनाने हायकोर्टाला मागील सुनावणीत दिली होती. पीडितेने दाखल केलेल्या याचिकेवर राज्य शासनाने एसओपी आरोग्य विभागासह इतर सर्व संबंधित विभागांना पाठविली नसल्याचे हायकोर्टाच्या निदर्शनास आले. त्यामुळे हायकोर्टाने सरकारी वकिलांना विचारणा केली की, राज्य शासनाने ३ जून रोजी एसओपी जारी केली असताना या एसओपीची अंमलबजावणी आजपर्यंत का करण्यात आली नाही? एसओपी पोलीस विभाग, विभागीय आयुक्त कार्यालय, सर्व आरोग्य विभाग, सरकारी रुग्णालये, जिल्हा विधी सेवा प्राधिकरणासह सर्व संबंधित विभागांना पाठवावी, असे आदेश हायकोर्टाने दिले. हायकोर्टाने येत्या १६ जुलैपर्यंत राज्य सरकारला उत्तर सादर करण्याचे आदेश दिले. याप्रकरणी न्यायमूर्ती नितीन सांबरे आणि न्यायमूर्ती अभय मंत्री यांच्यासमक्ष सुनावणी झाली.

 
       २६ आठवडे सहा दिवसांचा गर्भ नष्ट करण्यासाठी महिलेने हायकोर्टात याचिका दाखल केली होती. या याचिकेवर हायकोर्टाने दाखल याचिकेचे जनहित याचिकेत रूपांतर करण्याचे आदेश हायकोर्टाच्या रजिस्ट्रीला दिले होते. तसेच २० ते २४ आठवड्यांपलीकडील गर्भ राहिल्यास तो नष्ट करण्यासाठी स्टॅण्डर्ड ऑपरेटिंग प्रोसीजर (एसओपी) तयार करावी, असे आदेशही राज्य शासनाच्या वैद्यकीय शिक्षण व औषध प्रशासन विभागाला दिले होते. यानुसार राज्य शासनाने एसओपी तयार करून या अंतर्गत २४ आठवड्यांपलीकडील वैद्यकीय गर्भपात करण्यास मान्यता दिली आहे.

       दरम्यान लग्नाचे आमिष देऊन युवतीला गर्भवती केल्याप्रकरणी हायकोटनि मेडिकल बोर्डासह डीन व जिल्हा आरोग्याधिकारी यांना नोटीस बजावून उत्तर सादर करण्याचे आदेश दिले होते. सावनेर येथील बावीस वर्षीय युवतीचे डब्ल्यूसीएलच्या एका कर्मचारी युवकासोबत प्रेमसंबंध होते. युवकाने तिला लग्नाचे आमिष देऊन शारीरिक संबंध प्रस्थापित केले. यामुळे युवती गर्भवती राहिली. तिने ९ जून २०२४ रोजी तपासणी केली असता २६ आठवड्यांची गर्भवती असल्याचे तिला समजले. गर्भ नष्ट करण्यासाठी फिर्यादी युवतीने हायकोर्टात याचिका दाखल केली होती. 

      मेडिकल बोर्डाने युवतीला गर्भपात करण्यासाठी परवानगी दिली आहे. त्यामुळे हायकोर्टाने याचिका निकाली काढत तत्काळ सर्व संबंधित विभागांना एसओपी पाठविण्याचे आदेश दिले. युवतीतर्फे अॅड. सोनिया गजभिये, राज्य शासनातर्फे अॅड. देवेंद्र चव्हाण, अॅड. आशिप कडूकर व केंद्र सरकारतर्फे अॅड. नंदेश देशपांडे यांनी बाजू मांडली.

हायकोर्टाची विचारणा:

तत्काळ सरकारी रुग्णालयांसह सर्व संबंधित विभागांना एसपीओ जारी करा

पेनेक्स फाऊंडेशन तर्फे ‘पालखी केअर’ उपक्रम; पालखी मिरवणुकीत वारकऱ्यांना देणार मोफत वैद्यकीय सेवा

पुणे(प्रतिनिधी): पेनेक्स फाउंडेशनतर्फे तुकाराम महाराज संस्थानच्या पालखी मिरवणुकीत विनामूल्य वैद्यकीय सेवा करण्यासाठी ‘पालखी केअर’ उपक्रम राबविण्यात येणार आहे.

डेक्कन, शनिवार पेठ आणि पुणे स्टेशनसह पालखी मार्गावर येणाऱ्या पेनेक्स फाउंडेशनच्या क्लिनिकमध्ये ही सोय उपलब्ध करण्यात येणार असून या उपक्रमामुळे वारकऱ्यांना अत्यावश्यक वैद्यकीय सहाय्य मिळणे सोपे होईल. यावेळी फिजिओथेरपीसह पायदुखी, गुडघेदुखी, पाठदुखी आणि टाचदुखी अशा वेदनांवर आराम देणारे उपचार आणि औषधे यांचा समावेश असेल. अनेक दिवस पायी प्रवास केल्याने वारकऱ्यांना शारीरिक वेदना जाणवतात. अशावेळी ह्या उपक्रमातून वारकऱ्यांना मदत करण्याचे फाउंडेशनचे उद्दिष्ट आहे.

ग्रामीण भागातून येणाऱ्या वारकऱ्यांना दर्जेदार आरोग्यसेवेची नियमित उपलब्धता असतेच असे नाही, यासाठी हा उपक्रम विशेष महत्त्वाचा आहे. बहुतांश वारकरी पालखीसोबत पायी चालतात आणि अनेकदा त्यांना शारीरिक ताण सहन करावा लागतो. विमामूल्य आणि योग्य वैद्यकीय सेवा देऊन त्यांच्या प्रवासात मदत करणे, त्यांच्या आरोग्याशी तडजोड न करता त्यांच्या भक्तीसेवेत हातभार लावणे हे पेनेक्स फाउंडेशन ध्येय आहे.

याचा वारकऱ्यांना लाभ तसेच या उपक्रमाद्वारे मदत व्हावी हेच ध्येय आहे.

शाखा :
डेक्कन
पुणे स्टेशन
शनिवार पेठ

संपर्क – ९०६७७५३३५५ / ९०६७५७३३५५

महावितरण मधील ऑपरेटर्स देणार आझाद मैदानावर येथे १० ऑक्टोबर पासून धरणे ; ऑपरेटर्स संघटना करणार नेतृत्व

औरंगाबाद दि.3: महावितरण मधील ऑपरेटर कर्मचारी उच्च वेतन वाढीच्या मागणीसह उपकेंद्रांच्या इतर मागण्यांसाठी आझाद मैदान मुंबई येथे १० ऑक्टोबर पासून धरणे आंदोलन करणार आहेत. हा प्रश्न १६ वर्षांपासून प्रलंबित आहे. यावर महावितरण प्रशासन सातत्याने वेळ काढू पणा करीत आहे. अनेक सरकारे बदलली, परंतु प्रश्न सुटले नाहीत. प्रश्नांची दखल घेत नसल्याने महाराष्ट्र राज्य विद्युत ऑपरेटर्स संघटनेने लोकशाही मार्गाने धरणे आंदोलनाचा इशारा दिला आहे. त्यानिमित्ताने राज्यभरातील महावितरण ऑपरेटर्स कर्मचारी आझाद मैदान मुंबई येथे १० ऑक्टोबरला प्रचंड धरणे आंदोलन करणार असल्याचे संघटनेचे सरचिटणीस नवनाथ पवार यांनी कळविले आहे.
याबाबत सविस्तर वृत्त असे की, सन २००५ मध्ये महाराष्ट्र राज्य विद्युत मंडळाचे तीन कंपन्यांमध्ये विभाजन झाले. एक सूत्रधार कंपनी म्हणून या तिन्ही कंपन्यावर नियंत्रक म्हणून काम करते. मंडळ विभाजनापूर्वी ३३ के. व्ही. उपकेंद्रात काम करणारे ऑपरेटर्स बढतीने अतिउच्च दाबाच्या उपकेंद्रात जात होते. परंतु मंडळ विभाजनानंतर अतिउच्च दाबाची सर्व उपकेंद्रे महापारेषण कंपनीत समाविष्ट करण्यात आल्यामुळे ३३ के. व्हि. उपकेंद्रांच्या ऑपरेटरचे पदोन्नती चॅनल नष्ट झाले. मंडळ विभाजन करताना महाराष्ट्र शासनाच्या राजपत्रात कोणत्याही पदाचे वेतन, भत्ते, पदोन्नतीवर विभाजनाने कोणताही परिणाम होणार नाही, असे नमूद केलेले असूनसुद्धा ऑपरेटर कॅडर वर आर्थिक अन्याय होत आहे. उशिराने व कमी वेतनाच्या पदावर सध्या ऑपरेटरांना पदोन्नती देण्यात येते.
याशिवाय नोकरीस लागताना समान मूळ वेतनाच्या पदावरील कर्मचाऱ्यांपैकी तांत्रिक कर्मचाऱ्यांना पहिल्या जि. ओ. नंतर कमी वेतन दिले जावे, अशी मानवनिर्मित वेतन तफावत करण्यात आलेली आहे. वास्तविक पाहता ज्या कामात जास्त धोका असतो, ते काम करणाऱ्या कर्मचाऱ्यांना वेतन व इतर भत्ते जास्त असतात. परंतु महावितरण मध्ये नेमके याच्या उलट आहे. धोकादायक काम करणाऱ्या ऑपरेटर व तांत्रिक कर्मचाऱ्यांना मिळणारे वेतन कमी आहे. तर खुर्चीवर बसून काम करणाऱ्या कर्मचाऱ्यांना सेवेत जास्त पगार मिळतो. असा दुजाभाव कंपनीकडून करण्यात येत असल्याचे संघटनेचे अध्यक्ष सुधाकर जायभाये यांनी पत्रकार परिषदेत सांगितले. या सर्व कारणांमुळे तांत्रिक कामगरांमध्ये प्रचंड असंतोष निर्माण झालेला आहे.
याबाबत महाराष्ट्र राज्य विद्युत ऑपरेटर्स संघटनेने गेली पाच वर्षे वीज प्रशासनासह, ऊर्जामंत्री व मुख्यमंत्री कार्यालयात सातत्याने पत्र व्यवहार करून न्याय देण्याची मागणी केली होती. परंतु प्रशासनाकडून प्रतिसाद मिळत नसल्याने संघटनेने आंदोलन करण्याचा निर्णय घेतला आहे. या धरणे आंदोलनात संघटनेचे केंद्रीय पदाधिकारी, केंद्रीय कार्यकारणी सदस्य, महाराष्ट्रभरातील ऑपरेटर्स, तांत्रिक कर्मचारी, सहाय्यक कर्मचारी मोठ्या संख्येने सहभागी होणार असून या धरणे आंदोलनात सहभागी होण्याचे आवाहन संघटनेचे अध्यक्ष सुधाकर जायभाये, उपाध्यक्ष विश्वास साळुंके, कार्याध्यक्ष सुधीर इंगळे, उपसरचिटणीस खेमराज तिवाडे, उपसरचिटणीस राजेश बडनखे, कोषाध्यक्ष राजेश्वर क्षीरसागर, महेश अहिरे, रामनाथ नागरगोजे, सादिक शेख, नितीन सोनकुसरे, माधव गोरकवाड, लक्ष्मण वाघ, महादू कड, प्रफुल्ल शेरकी, यशवंत गंबरे, सुनील बोयनर, राजेंद्र कुंभार, अशोक भुसेवार, हरिदास नागरे, कु. शितल शिवपुजे, किरण पोवार, आनंद कोटकर या केंद्रीय कार्यकारिणी सदस्यांनी केले आहे. अशी माहिती जेष्ठ कामगार नेते अनिल पुरी यांनी दिली आहे.

==================
तत्कालीन वीज मंडळात एकाच दिवशी नोकरीस लागलेले, एकाच वयाचे, एकाच कॅटेगरीच्या दोन ऑपरेटर पैकी जो आजच्या महापारेषण कंपनीत जाऊ शकला, त्याचे वेतन तब्बल १८ ते २२ हजार रुपयांनी जास्त आहे. हा फरक वर्षा गणित वाढत जात आहे. त्यामुळे महावितरण मधील ऑपरेटर वर्गाचे प्रचंड आर्थिक शोषण होत आहे. हक्काची उच्च वेतनाची पदे नष्ट केल्यामुळे व पदोन्नतीची पदे निर्माण न केल्यामुळे हे आर्थिक नुकसान होत आहे.
=================
कंपनीचे खाजगी करणं धार्जिणे धोरण
१ एप्रिल २०१९ नंतर कार्यान्वित करण्यात आलेल्या सर्व नवीन उपकेंद्रात केवळ कंत्राटी ऑपरेटर भरण्यासाठी परवानगी देण्यात आली आहे. ज्यामुळे कायम ऑपरेटरच्या पदोन्नतीच्या जागा कमी झाल्या असून आतापर्यंत २१० उपकेंद्रे खाजगी कंत्राट दाराकडून चालविण्यात येत आहेत. कोट्यवधी रुपये खर्चून उभारलेली उपकेंद्रे खाजगी कंत्राटदारांना चालवायला दिल्याने औद्योगिक सुरक्षा धोक्यात आली आहे. कंपनीच्या खाजगीकरण धोरणांमुळे कर्मचारी वर्ग प्रचंड नाराज आहे.

सोयगाव तालुक्यात पहिली कापूस वेचणी ,नवरात्र उत्सवात शेतकऱ्यांना लक्ष्मीदर्शन

सोयगाव:ज्ञानेश्वर धोंडू पाटील― सोयगावसह तालुक्यात मे अखेरीस आणि पाच जूनपर्यंत लागवड केलेल्या कापूस पिकांची पहिली वेचणी सुरू झालेली असून पहिल्याच वेचणीत शेतकऱ्यांना लक्ष्मीदर्शन होत आहे,परंतु कापसाच्या भावाबाबत अद्यापही अनिश्चितता असल्याने होत असलेले लक्ष्मीदर्शन डोळ्यांचे पारणे फेडण्याइतपत असल्याचे चित्र आहे..
सोयगाव तालुक्यात यंदाच्या खरिपाच्या हंगामात ३४ हजार ७०८ हेक्टर वर कपाशी ची लागवड करण्यात आलेली आहे, परंतु सप्टेंबर महिन्यात अचानक झालेल्या अतिवृष्टीच्या व सततच्या पावसाच्या नुकसानीत ऐन कापूस बहाराच्या कालावधीत कपाशी पिकांचे ६० टक्के नुकसान झालेले आहे,यासाठी महसूल आणि कृषी विभागांनी पंचनामे मोहीम हाती घेतली आहे,परंतु पंचनाम्या नंतरही सोयगाव तालुक्यात नुकसान भरपाई मिळणार नसल्याची शक्यता आहे… झालेला अतिवृष्टीचा पाऊस हा सप्टेंबर महिन्याच्या अखेरीसचा झाला असल्याचे प्रशासनाचे म्हणणे आहे. दरम्यान सोयगाव तालुक्यात कपाशी पिकांच्या पहिल्याच वेचणीसाठी मजुरांची टंचाई भासत आहे त्यामुळे पहिल्या वेचणीत भरगच्च असलेला कापूस घरात आणण्याची शेतकऱ्यांची मोठी कसरत होत आहे..

वेचणी साठी येतोय मोठा खर्च-

कपाशी पिकांच्या संगोपनासाठी झालेला खर्च आणि त्यानंतर पुन्हा वेचणी साठी प्रति किलो आठ रु याप्रमाणे भाव द्यावा लागत असून,मजूरांना खुशामत करावी लागत आहे.. दरम्यान पहिल्याच वेचणीचा कापूस घरात आणतांना शेतकऱ्यांच्या डोळ्यात आनंदाश्रू येत असून मात्र विक्री साठी चा हमीभाव अद्यापही जाहीर झालेला नसल्याने खासगी व्यापारी पहिल्याच वेचणीचा कापूस मनमानी भाव देऊन खरेदी करत आहे…

यंदाच्या वर्षात शिमग्याच्या आधीच कपाशीचे सीमोल्लंघन

सोयगाव तालुक्यात यंदा शिमग्याच्या आधीच कपाशी पिकांची उत्पन्न येत असल्याने कपाशी पिकांनी शिमग्याची आधीच गावात सीमोल्लंघन केले आहे.. मात्र हमी भाव नसल्यानें शेतकऱ्यांचे लक्ष्मी दर्शन अपूर्ण राहण्याची शक्यता आहे
चौकट–सोयगाव तालुक्यात कपाशी उत्पन्नात मराठवाड्यात अग्रेसर आहे परंतु सोयगाव तालुक्यात गेल्या पाच वर्षांपासून कपाशीचे शासकीय खरेदी केंद्र उपलब्ध नसल्याने शेतकऱ्यांना जळगाव जिल्ह्यात कापसाच्या विक्रीसाठी जावे लागते, त्यातही भाव मिळत नसल्याने हताश झालेल्या शेतकऱ्यांना मिळेल त्या भावात जळगाव जिल्ह्यात कापूस विक्री करावा लागतो….
गाडीभर कपाशीच्या पहिलेच उत्पन्न आलेला शेतकरी समाधान गव्हांडे यांचे शी संपर्क साधला असता,पहिल्याच वेचणीत गाडीभर उत्पन्न मिळाले परंतु शासकीय खरेदी केंद्रा अभावी हा कापूस व्यापाऱ्याला द्यावा लागनार असल्याची प्रतिक्रिया समाधान गव्हांडे यांनी दिली आहे…

लक्ष्मी दर्शन पण भाव नाही

सोयगाव तालुक्यात कपाशीच्या निमित्ताने शेतकऱ्यांना लक्ष्मीदर्शन झाले आहे परंतु शासनाने अद्यापही हमीभाव जाहीर केलेल्या नसल्याने कापूस विक्रीसाठी शेतकऱ्यांची कोंडी होत आहे….

पाचोरा येथे सेवा पंधरवाडा पंतप्रधानांच्या जन्मदिवशी रक्तदान पिशव्यांचे संकलन

पाचोरा दि.१७:ज्ञानेश्वर धोंडू पाटील―
देशाचे पंतप्रधान नरेंद्र मोंदी यांचा जन्म दिवस ते राष्ट्रपिता म.गांधी यांची जयंती म्हणजे १७ सप्टेंबर ते २ आक्टोंबर हा कालावधी संपुर्ण देशात सेवा पंधरवडा म्हणून साजरा केला जात आहे. पंधरवाड्याची सुरूवात आज पाचोरा येथील भाजपा कार्यालयात रक्तदान शिबीराने आयोजित करण्यात आली.

यानंतर 25 सप्टेंबर रोजी भारतीय जनता पार्टी संस्थापक पंडित दीनदयाल उपाध्याय जयंती निमित्ताने वृक्षारोपण तर त्यानंतर २ आक्टोंबर पर्यंत स्वच्छता अभियानाने पंधरवड्याची सांगता करण्यात येणार आहे. पंतप्रधानांच्या जन्मदिवशी ७५ रक्त पिशव्या संकलन करण्यात आले.प्रसंगी भाजपा तालुकाध्यक्ष अमोल शिंदे सेवा पंधरवाडा तालुका संयोजक सुनिल पाटिल युवा मोर्चा तालुका अध्यक्ष मुकेश पाटील शहराध्यक्ष समाधान मुळे यासह एकूण 75 दात्यांनी रक्तदान केले .शिबिराला खा.उन्मेष पाटिल जिल्हा सरचिटणीस मधुकर काटे महिला मोर्चा जिल्हाध्यक्ष रेखा पाटिल विधास सभा क्षेत्र प्रमुख हिमंत निकुंभ बाजार समिती सतिश शिंदे ता सरचिटणीस गोविंद शेलार संजय पाटिल रमेश वाणी परेश पाटिल युवा मोर्चा ता अध्यक्ष मुकेश पाटिल समाधान मुळे गणेश पाटिल सैनिक आघाडीचे भरत पाटिल दिपक माने व्यापारी आघाडीचे कांतीलाल जैन अनिल चांदवाणी अॅड राजा वासवाणी राकेश कोळी बाळू धुमाळ आदी पदाधिकारी कार्यकर्ते राष्ट्रप्रेमी रक्तदाते उपस्थीत होते.
रेडप्लस ब्लड बॅंकचे डॉ.भरत गायकवाड डाॅ.कैलास कैलास पेखले सीमा सावळे अंतिम मालाकार पायल कुंभारे प्रतिक्षा तूल प्राजक्ता टेंभरे यांनी संकलन केले.

लिंबागणेश येथे शांतता कमिटीची बैठक; शांततेची परंपरा कायम राखत प्रशासनाला सहकार्य करा – स.पो.नि. शेख मुस्तफा यांचे आवाहन

लिंबागणेश(डॉ गणेश ढवळे):कोरोनाच्या पार्श्वभूमीवर जनजीवन पुर्वपदावर आल्यामुळे यावर्षी मोठ्याप्रमाणात उत्साहात गणेशोत्सव साजरा केला जाणार असल्याचे सुतोवाच असुन गणेशोत्सवात सामाजिक,धार्मिक कार्यक्रम मोठ्या उत्साहात साजरे करावेत मात्र याचवेळी लिंबागणेशकरांनी शांततेची परंपरा कायम राखावी कुठलेही गालबोट लागु देऊ नये उत्सव शांततेत साजरा करून प्रशासनाला सहकार्य करावे असे आवाहन नेकनुर पोलीस स्टेशनचे स.पो. नि.शेख मुस्तफा यांनी आज दि.२५ ऑगस्ट गुरूवार रोजी लिंबागणेश येथील हनुमान मंदिरात आयोजित शांतता कमिटीच्या बैठकीत केले.
गणेशोत्सवाच्या पार्श्वभूमीवर नेकनुर पोलीस स्टेशनचे स.पो.नि.शेख मुस्तफा यांनी लिंबागणेश येथे शांतता कमिटीची बैठक आयोजित करण्यात आली होती यावेळी……उपस्थित होते. याप्रसंगी मार्गदर्शन करताना शेख मुस्तफा बोलत होते,गणेशोत्सव काळात कायदा व सुव्यवस्था अबाधित राहण्याकरीता पोलीस अधिक्षक बीड यांच्या मार्गदर्शक सूचनेनुसार विविध सुचना करताना जबरदस्तीने कोणाकडुनही वर्गणी मागु नये,सर्व नियम कायद्यांची माहिती देऊन सोशल मिडीयावर आक्षेपार्ह पोष्ट दिसुन आल्यास कायदा हातात न घेता पोलिसांकडे संपर्क साधावा,महिलांना सन्मानाची वागणूक द्यावी, ईतर स्वच्छतेबाबत काळजी घेतानाच ध्वनी प्रदुषणाबाबतही काळजी घ्यावी तसेच मंडळाचे ठिकाणी दाखविण्यात येणारे देखावे आक्षेपार्ह अगर सामाजिक तेढ निर्माण होणार नाही याची काळजी घ्यावी तसेच गणेशमंडपामुळे रहदारीस अडथळा होणार नाही,गणेश मंडळाचे ठिकाणी स्वयंसेवक नेमुन मंडळांच्या पदाधिका-यांनी त्यावर नियंत्रण ठेवावे. आदि सुचना करण्यात आल्या याचवेळी पदाधिका-यांनी मांडलेल्या समस्या संदर्भात माहिती घेऊन आवश्यक उपाययोजना बाबत सहकार्य करण्याचे आश्वासन दिले. यावेळी बैठकीत नेकनुर पोलीस स्टेशनचे सफौ. निकाळजे,पो.हे.राऊत,पोलीस नाईक मुंढे,पोलीस अंमलदार ढाकणे,ग्रामसेवक राठोड,उपसरपंच शंकर वाणी,माजी पंचायत समिती सदस्य राजेभाऊ आप्पा गिरे ,सामाजिक कार्यकर्ते डॉ गणेश ढवळे,माजी सरपंच बाळासाहेब मुळे, विक्की आप्पा वाणी,गणपति मंदिर विश्वस्त,चिंतामण जोशी, पुजारी श्रीकांत जोशी,जीवन मुळे,श्रीकृष्ण कानिटकर,गणेश थोरात,बाळकृष्ण थोरात ,बाळासाहेब जाधव,दादासाहेब गायकवाड,संतोष भोसले,विठ्ठल कदम,मोहन कोटुळे,विनायक मोरे,संतोष वाणी,सुरज कदम,औदुंबर नाईकवाडे,सौरभ कानिटकर,चेतन कानिटकर,गणपत दाभाडे,कचरू थोरात आदि उपस्थित होते.

मांजरसुंभा-पाटोदा राज्य महामार्ग क्रमांक ५४८ डी वर मोटारसायकल स्वार अपघातात जागीच ठार

पाटोदा(प्रतिनिधी): आज दिनांक १४ ऑगस्ट रविवार रोजी सायंकाळी ६ वाजता मांजरसुंभा ते पाटोदा राज्य महामार्ग क्रमांक ५४८ -डी वर सासवड फाट्यावर मोटारसायकल स्वार मुकींद पवार रा. हिंगणी हवेली तालुक्यातील.गेवराई जि.बीड हे पाटोदा येथुन होंडा मोटारसायकल (क्रमांक एमएच.एच.-४२ ए.डी.९६६५) गावी जात असताना सासवड फाट्यावर कंटेनर (क्रमांक एम.एच.४६ बीड.बी.४६८)ड्रायव्हर सुनिल लक्ष्मण नाकाडे रा.जाटदेवळा ता.पाथर्डी जि.अहमदनगर मांजरसुंभाकडुन पाटोद्याकडे जात असताना अपघात होऊन अपघातात मुकींद पवार जागीच ठार झाले. नेकनुर पोलीस व मांजरसुंभा महामार्ग पोलीस प्रशासन यांनी स्थळ पंचनामा केला.

पाटोद्याजवळ बामदळ वस्ती येथे भिषण अपघात अपघातात ६ जणांचा जागीच मृत्यू

बीड (नानासाहेब डिडूळ): आज रविवार रोजी सकाळी पाटोदा येथील मांजरसुंभा रोङ वरील बामदळ वस्ती जवळ स्विफ्ट डिजायर क्रमांक एम.एच.१२के.एन ९७६१ व आयशर टेम्पो क्रमांक एम.एच.२६ बी.ई.५९४५ चा भिषण अपघात झाला या अपघातात आयशर टेम्पो खाली स्विफ्ट अडकलेली असुन गाडीमधील लहान मुलासह एकुण सहा जणांचा जागीच मृत्यू झाला आहे. हा अपघात एवढा भिषण होता की अपघात ठिकाणी रक्ता मासाचा सदा पडला होता क्रेन च्या साहाय्याने आयशर टेम्पो खाली अडकलेली स्विफ्ट गाङी काढण्यात आली
हे कुटुंब केज तालुक्यातील जिवाची वाङी येथे पुणे येथुन लग्नासाठी जात असताना हा अपघात झाला अपघात एवढा मोठा होता की दोन्ही वाहनांचा चक्काचूर झाला आहे.
घटना घडतात पाटोदा येथील सामाजिक कार्यकर्ते व पोलीस हे घटनास्थळी हजर झाले व मृतदेह बाहेर काढण्यास मदत केली व मृतदेह शासकीय रुग्णालय पाटोदा येथे नेण्यात आले.

राष्ट्रसंत भगवान बाबांच्या जयंती निमित्त पाटोद्यात ३ दिवस उपक्रम ; विविध क्षेत्रातील कर्तुत्वान व्यक्तींचा होणार सन्मान

पाटोदा: राष्ट्रसंत भगवान बाबांच्या जयंतीनिमित्त पाटोद्यात सार्वजनिक जयंती उत्सव समितीच्या वतीने विविध धार्मिक व समाज उपयोगी कार्यक्रम तसेच विविध क्षेत्रातील कर्तुत्वान व्यक्तींचा सन्मान सोहळा विविध स्पर्धा भरगच्च कार्यक्रमाचे आयोजन करण्यात आले असून तीन दिवस हा सोहळा चालणार आहे.या सोहळ्यासाठी सर्वांनी उपस्थित रहावे असे आव्हान देखील करण्यात आले आहे.

गेल्या अनेक वर्षापासून पाटोदा शहरात राष्ट्रसंत भगवान बाबा जयंती उत्सव मोठ्या उत्साहात साजरा करण्यात येतो यावर्षी देखील सार्वजनिक जयंती उत्सव समितीच्या वतीने विविध कार्यक्रमाचे आयोजन करण्यात आले आहे.यामध्ये 11 ऑगस्ट रोजी पशु व संवर्धन आयुक्त डॉ सागर डोईफोडे जम्मू-काश्मीर सेंद्रिय शेती तज्ञ सत्यजित हंगे व रेल्वे मंत्रालय दिल्लीचे सल्लागार धनराज गुट्टे यांचे सकाळी 11 ते 2 या वेळेत व्याख्यान होणार आहे राष्ट्रसंत भगवान बाबा गौरव पुरस्कार सोहळ्याचेही आयोजन याप्रसंगी करण्यात आले आहे.यंदाचे पुरस्कार सहारा अनाथालयाची संचालक संतोष गर्जे,प्रीती गर्जे,पसायदान प्रकल्पाचे गोवर्धन दराडे,पत्रकार सुरेश जाधव यांना प्रदान करण्यात येणार आहे.यासोबत 12 ऑगस्ट रोजी सकाळी दहा वाजता खुल्या राज्यस्तरीय वकृत्व स्पर्धेचे आयोजन करण्यात आले आहे. संध्याकाळी सात ते नऊ च्या दरम्यान गायक सुभाष शेप यांच्या भक्ती गीतांचा कार्यक्रम होणार आहे. 13 ऑगस्ट रोजी राष्ट्रसंत भगवान बाबा यांच्या प्रतिमेची पाटोदा शहरातून भव्य दिव्य अशी मिरवणूक सकाळी 11 ते दुपारी दोनच्या दरम्यान निघणार आहे. तसेच सकाळी 11 ते 5 या वेळेत भव्य रक्तदान शिबिराचे आयोजन करण्यात आले आहे संध्याकाळी पाच ते सात या वेळेत निवृत्ती महाराज देशमुख इंदुरीकर यांचे कीर्तन होणार आहे. या जयंती उत्सव सोहळ्यात आयोजित सर्व कार्यक्रमा साठी भाविक भक्तांनी मोठ्या संख्येने हजर राहावे असे आवाहन करण्यात आले आहे.

■ सन्मान कर्तुत्वाचा!

राष्ट्रसंत भगवान बाबा जयंती उत्सव सोहळ्याचे औचित्य साधून विविध क्षेत्रातील कर्तुत्वान असणाऱ्या व्यक्तींचा सन्मान करण्यात येणार आहे,यामध्ये पद्मश्री सय्यद शब्बीर,गोसेवक निवृत्ती महाराज देशमुख इंदुरीकर,महंत राधाताई महाराज आईसाहेब,इन्फंट इंडियाचे संचालक दत्ता बारगजे व सेंद्रिय शेती तज्ञ सत्यजित हंगे आदी मान्यवरांना सन्मानित केले जाणार आहे.

■ जयंती उत्सवाचे ठिकाण व आयोजक!

राष्ट्रसंत भगवान बाबा यांच्या जयंतीनिमित्त दरवर्षी राष्ट्रसंत भगवान बाबा सार्वजनिक जयंती उत्सव समिती पाटोदा यांनी विविध उपक्रमाचा आयोजन करत असते यावेळी देखील सामाजिक उपक्रमातून जयंती साजरी करण्याचा निर्णय आयोजकांनी केला असून यावर्षी नगरपंचायत कार्यालयाच्या प्रांगणात तीन दिवसाच्या भरगच्च कार्यक्रमातून मोठ्या उत्साहात जयंती साजरी होणार आहे.

राष्ट्रध्वज नागरिकांसाठी पोस्ट कार्यालयातही उपलब्ध- पोस्टमास्तर सुरेश बनसोडे

औरंगाबाद: जुनाबाजार मुख्य टपाल कार्यालयात व सर्व कार्यालयात भारताचा राष्ट्रध्वज उपलब्ध असून राष्ट्रध्वजाची किंमत २५ रू असून नागरीकांनी याचा लाभ घ्यावा असे आव्हान पोस्टमास्तर सुरेश बनसोडे यांनी केले आहे.
भारतीय राष्ट्रध्वज हे संपूर्ण राष्ट्रसाठी राष्ट्रीय अभिमानाचे प्रतीक आहे. आपल्या ध्वजाचा अधिक सन्मान करण्यासाठी ‘आझादी का अमृत महोत्सव’ उपक्रमांतर्गत मा. प्रधानमंत्री व संचारमंत्री भारत सरकार यांच्या संकल्पनेतून ‘हर घर तिरंगा’ मोहिम राबविली जात आहे. या अंतर्गत सर्व भारतीयांना त्यांच्या घरी राष्ट्रध्वज फडकविण्याचे आवाहन करण्यात आले आहे. ध्वजाशी आपले नाते नेहमीच अनौपचारिक आणि संस्थात्मक राहिले आहे. स्वातंत्र्याचा 75 व्या वर्षी राष्ट्र म्हणून एकत्रितपणे ध्वज घरी आणणे हे केवळ तिरंग्याची वैयक्तिक संबंधाचे नव्हे तर राष्ट्र उभारणीसाठी आपल्या वचन बद्धतेचेही प्रतीक आहे. ही भावना जागृत करणे ही या उपक्रमामागील कल्पना आहे. लोकांच्या मनात देशभक्ती जागृत करणे आणि आपल्या राष्ट्रध्वजाबद्दल जागरुकता वाढविणे हा उद्देश आहे. 13 ते 15 ऑगस्ट दरम्यान ही मोहीम राबविली जाणार आहे. देशातील 20 कोटी घरामध्ये तिरंगा पोहचविणे हे उद्दिष्ट डोळयासमोर ठेऊन केंद्र सरकारने भारतातील पोस्ट ऑफिस मध्ये भारतीय राष्ट्रध्वज नागरिकांसाठी विकत घेण्यासाठी उपलब्ध करुन देण्यात आला आहे. यावेळी पोस्टमास्तर बनसोडे यांनी सांगितले की, आजपर्यंत १० हजारावर राष्ट्रध्वाजीची विक्री झाली असून १४ ऑगस्ट पर्यंत पोस्टाचा काउंटरवर विक्री चालू राहिल असे सांगण्यात आले आहे.यावेळी पोस्टाचे अधिकारी व कर्मचारी सुनिल कोळी, लखन वैष्णव,अनिल शेळके, शेख शकील, केदार देशपांडे राष्ट्रध्वज घेणारे सचिन पाटील आदी नागरिकांनी या उपक्रमामध्ये उत्स्फूर्तपणे सहभागी होऊन हर घर तिरंगा उपक्रम यशस्वी करावा असे आवाहन प्रवर डाकपाल सुरेश बनसोडे मुख्य डाकघर ,औरंगाबाद यांनी केले आहे.

आमदारांची जनमानसातील प्रतिमा मलीन करणाऱ्यांना मंत्रिमंडळातून डच्चू शहाजीबापू पाटीलांना त्यांचेच वक्तव्य भोवले-हेमंत पाटील

मुंबई:आठवडा विशेष टीम― ‘काय झाडी, काय डोंगर, काय हॉटेल, सर्व कसे ओक्के मध्ये आहे,’ असे वक्तव्य करीत जनमानसात राज्यातील लोकप्रतिनिधितींची अप्रत्यक्षरित्या प्रतिमा मलीन करणाऱ्या सांगोला विधानसभा मतदार संघाचे आमदार शहाजी बापू पाटील यांना मंत्रिमंडळातून डच्चू देण्यात आला आहे. मतदार संघातील जनतेला वाऱ्यावर सोडून राज्यातील सत्तासंघर्षादरम्यान गुवाहाटीत सुट्टीचा आनंद घेत असतांना त्यांची ऑडियो क्लिप व्हायरल झाली होती. त्यांचेच  व्यक्तव्य त्यांना भोवले आहे, असे हेमंत पाटील म्हणाले.

शहाजी बापू यांची ऑडियो क्लिप तुफान व्हायरल झाली.अगदी कमी वेळेत राज्य तसेच देशभरातील लोकांच्या मोबाईल पर्यंत ते पोहचले. लोक त्यांना ओळखू लागले. ते या व्हायरल क्लिपमुळे प्रसिद्ध तर झाले मात्र त्यांची किंमत संपली.अशाच किंमत संपलेल्या व्यक्तीला मंत्रिमंडळात स्थान न देण्याचा निर्णयाचे स्वागत करतो,अशी भावना हेमंत पाटील यांनी व्यक्त केली.

सत्ताकारणात आमदार केवळ घोडेबाजार करीत सरकार उलथून टाकण्यासाठी कुठल्याही स्तरावर जावू शकतात. मोठ्या हॉटेलमध्ये राहतात, खुप पैसा खर्च करतात, निर्सगरम्य ठिकाणी फिरतात असे चित्र शहाजी बापू यांच्या व्हायरल क्लिपवरून सर्वसामान्यांच्या डोळ्यासमोर उभे राहते. सत्तासंघर्षादरम्यान आमदारांना निवडून देणाऱ्या मतदारांना त्यांचा विसर पडतो. मौजमज्जा करण्यासाठी लोकप्रतिनिधी कुठे ही, कुठल्याही स्तराला जावू शकतात, असा संभ्रम आणखी बळकट होण्यासाठी शहाजी बापूंच्या क्लिपमुळे भर पडली. त्यामुळे अशा आमदारांचा सर्वात अगोदर राजीनामा घेतला पाहिजे. किमान असे नेतृत्व नसल्याने जनमानसातील लोकप्रतिनिधींची प्रतिमा सुधारण्यात मदत होईल,असे हेमंत पाटील म्हणाले.

शिक्षणविस्तार अधिकारी श्रीमती.सीमा टकले-काळे यांना उच्च न्यायालयाचा अतरीमं दिलासा

बीड:नानासाहेब डिडुळ― जिल्हा परिषदेचे शिक्षण विस्ताराधिकारी म्हणून आष्टी येथे कार्यरत असणाऱ्या श्रीमती सीमा खंडू टकले काळे यांच्यावर मुख्य कार्यकारी अधिकारी यांनी पदनावती करण्याची कारवाई केली होती. श्रीमती. टकले या विस्ताराधिकारी म्हणून आठ वर्षांपासून कार्यरत आहेत त्यांची मूळ नियुक्ती मा. उच्च न्यायालयाच्या निर्णयानुसार झालेली आहे . त्यांच्या नियुक्ती बाबतचे प्रकरण हे अपर आयुक्त औरंगाबाद यांच्याकडे सुरू होते. अप्पर आयुक्तनी टकले यांचे कोणतेही म्हणणे न ऐकता कोणत्याही कागदपत्राची शहानीशा न करता एकतर्फी निर्णय दिला होता. त्या विरोधात टकले यांनी राज्य सरकारकडे दाद मागितली होती. सदर प्रकरणाची सुनावणी सुरू असतानाच जिल्हा परिषदेने कारवाई केली . त्याविरुद्ध श्रीमती टकले यांनी उच्च न्यायालयात धाव घेतली होती. न्यायालयातील सुनावणीच्या दरम्यान युक्तिवाद झाला यामध्ये श्रीमती टकले यांच्या वकिलांनी न्यायालयाच्या लक्षात आणून दिले की श्रीमती टकले यांची विस्ताराधिकारी पदावर आठ वर्षे सेवा झालेली आहे. तसेच त्यांनी विस्तार अधिकारी पदाची विभागीय परीक्षा देखील उत्तीर्ण केली आहे. त्यांना विस्तार अधिकारी पदावर कायम केलेले असून त्यांचे सेवा जेष्ठता यादी मध्ये पाच वर्षापासून नाव समाविष्ट आहे. विस्तार अधिकारी पदाचे विभागीय प्रशिक्षण पूर्ण केलेले आहे. वास्तविक श्रीमती टकले यांची मूळ नियुक्ती ही वेळोवेळी दिलेले आदेश हे उच्च न्यायालयाच्या निर्णयानुसारच झालेली आहे. सर्वोच्च न्यायालयाच्या निर्णयामध्ये नियुक्ती दिलेल्या अधिकाऱ्यांना पुन्हा रिव्हर्स करण्याचा अधिकार नसल्याचा पुरावा सादर करण्यात आला त्यानुसार जिल्हा परिषद यांना कुठलीही कारवाई करता येणार नसल्याचे निदर्शनास आणून दिले. वरील सर्व बाबी पाहता असे निदर्शनास आले की श्रीमती टकले यांनी विस्तार अधिकारी पदाबाबतच्या सर्व पात्रता पूर्ण केलेल्या आहेत सर्व बाजूचे म्हणणे ऐकून घेऊन माननीय न्यायालयाने श्रीमती टकले यांच्या नियुक्तीच्या कारवाईस अंतरिम स्थगिती दिली आहे. श्रीमती टकले यांच्या वतीने अँड महेश भोसले वअन्य विधीतज्ञांनी काम पाहिले. सीमा टकले ह्या सुरेश काळे यांच्या पत्नी आहेत

जरंडीला सारे काही ! कुठेच जाण्याची गरज नाही..जिल्ह्य तील एकमेव स्वयंपूर्ण जरंडी गाव – पोलीस निरीक्षक अनमोल केदार यांचे भावोद्गार

सोयगाव,दि.०५:ज्ञानेश्वर धोंडू पाटील― अबब! जरंडीला सारेच काही,कुठेच जाण्याची गरज नाही…असे उदगार सोयगाव पोलीस ठाण्याचे पोलीस निरीक्षक अनमोल केदार यांनी शुक्रवारी दि.०६ जरंडी ग्रामपंचायतीच्या विविध उपक्रमांना भेटी दिल्या त्यावेळी ते जरंडी गावावर खुश होत बहोत खूब असे म्हणून त्यांनी ग्रामपंचायतीचे कौतुक केले आहे.

जरंडी ग्रामपंचायतीच्या वतीने गावात विक्रमी वृक्षलागवड मोहीम,जेष्ठ नागरिकांचा कक्ष,गावाच्या सुरक्षेसाठी गावात सी.सी.टी.व्ही कॅमेरे,आदी उपक्रम राबवून गावाचा कायापालट केला यासाठी सोयगाव पोलीस ठाण्याचे पोलीस निरीक्षक अनमोल केदार यांनी जरंडी ग्राम पंचायतीला भेट देवून गावाच्या सुरक्षेसाठी व पोलिसांच्या मदतीसाठी राबविण्यात आलेल्या गावभर सी.सी.टी.व्ही कॅमेरा उपक्रमाचे कौतुक केले आहे,गावाच्या प्रत्येक कोपरा या कॅमेऱ्यात कैद झालेला असून रात्रीचा फायदा घेत काही अज्ञातांना या उपक्रमाचा धसका बसला असल्याचे सांगून जरंडी गाव सोयगाव पोलिसांचे पोलीस मित्र झाल्याचे त्यांनी सांगितले.यावेळी सरपंच वंदनाताई पाटील,राजेंद्र पाटील,माजी पंचायत समिती सदस्य संजीवन सोनवणे,ग्राम पंचायत सदस्य मधुकर पाटील,ग्रामविकास अधिकारी सुनील मंगरुळे,उपनिरीक्षक सतीश पंडित,पोलीस शिपाई रवींद्र तायडे,लिपिक संतोष पाटील,बालू तात्या,सिद्धार्थ मोरे,श्रीराम चौधरी,विजय चौधरी,आदींची उपस्थिती होती.

हर घर तिरंगा साठी धनगरजवळका गावात जि.प.प्राथमिक शाळेची प्रभात फेरी

पाटोदा:नानासाहेब डिडुळ― पाटोदा तालुक्यातील धनगरजवळका येथील जि.प .शाळेच्या विद्यार्थ्यांनी स्वातंत्र्याच्या 75 व्या अमृत महोत्सव च्या निमित्ताने 13 ऑगस्ट ते 15 ऑगस्ट ला हर घर तिरंगा (घरोघरी तिरंगा ) चे फलक घेऊन जि.प.प्राथमिक शाळा धनगरजवळका येथील 1 ली ते 4 थी  च्या विद्यार्थ्यांनी संपूर्ण गाव भर प्रभात फेरी काढून गावकऱ्यांना 13 ते 15 ऑगस्ट हर घर तिरंगा फडकविण्यासाठी
सदैव राखु तिरंग्याचा मान जगात आपली वाढेल शान …

भारतमातेचे गीत गाऊ तिरंगा घरोघरी  लाऊ

अशा घोषणाही देण्यात आल्या यावेळी जि.प.प्राथमिक शाळेचे मुख्याध्यापक पंढरीनाथ सोंङगे ,सुनिल जाधव , विजय सरगर यांनी मोठे परीश्रम घेऊन गावभर प्रभात फेरी काढली यावेळी विद्याथ्यान मध्ये आनंदाचे वातावरण दिसुन आले.

थेट जनतेच्या मनातील सरपंच निवडीचा कायदा शिंदे – फडणवीस सरकारने पुन्हा करावा- सरपच सेवा संघाची मागणी

मुंबई: संपुर्ण महाराष्ट्रात सरपंच सेवा संघ राज्यभर कार्यरत आहे सरपंच हा गांवचा प्रथम नागरिक आहे सरपंचांच्या माध्यमातून ग्रामीण भागाचा विकास करण्यासाठी सरपंच अहोरात्र प्रयत्न करत असतो गावातील लोकांच्या मनावर अधिराज्य गाजवणारा सरपंच थेट सरपंच म्हणून निवडून आला तर आदर्श गावे निर्माण होण्यासाठी वेळ लागणार नाही.पुवी फडणवीस सरकारने थेट जनतेतून सरपंच निवड प्रक्रिया सुरू केली होती यामुळे महाराष्ट्रात 12 हजारापेक्षा जास्त सरपंच लोकनियुक्त आहे हा निर्णय थेट जनतेतून सरपंच निवड जोर धरू लागली आहे शिंदे – फडणवीस सरकारने घेतला तर भविष्यात ग्रामीण भागाचा कायापालट होण्यासाठी वेळ लागणार नाही मध्यंतरी महा विकास आघाडी सरकारच्या काळात थेट सरपंच निवडीचा कायदा रद्द केला आहे यामुळे सर्व सामान्य माणसाच्या मनातील सरपंच निवड होऊ शकली नाही यामुळे ग्रामीण भागात घोडे बाजार मोठ्या प्रमाणात झाला यामुळे सरपंच यांना काम करण्यासाठी अडचणी निर्माण झाल्या आहेत तरी ग्रामपंचायती वर सरपंच निवड प्रक्रिया थेट जनतेतून व्हावी अशी मागणी सरपंच सेवा संघाच्या वतीने सरपंच संघटित चळवळीचे प्रणेते बाबासाहेब पावसे पाटील संगमनेर तसेच प्रदेशाध्यक्ष रोहीत पवार यांनी एका पत्रकाद्वारे केले आहे या मागणीसाठी महाराष्ट्रातुन ग्रामपंचायती चे ठरवा एकत्रित करून निवेदनाद्वारे महाराष्ट्राचे राज्यपाल भगतसिंग कोश्यारी मुख्यमंत्री ना एकनाथ शिंदे उपमुख्यमंत्री ना देवेंद्र फडणवीस यांना देण्यात आले आहे यावर लवकरच निर्णय घ्यावा अशी विनंती अमोल शेवाळे रविंद्र पावसे रविंद्र पवार सोमनाथ हरिश्चद्रे दत्तात्रय डुकरे निलेशकुमार पावसे जयकुमार माने सौ वंदना पोटे सविता गवारे जयश्री मारणे शोभा बल्लाळ सुजाता कासार सविता पावसे यांच्या सरपंच सेवा संघाच्या पदाधिकाऱ्यांनी केली आहे.

शेत मजुरावर रानडुक्कराचा हल्ला ;घोसला येथील घटना

घोसला,दि.०७:ज्ञानेश्वर धोंडू पाटील― घोसला ता.सोयगाव येथे शेतात पिकांना खते देण्याचे काम करतांना अचानक रानडुक्करने शेतात प्रवेश करून शेतात काम करणाऱ्या मजुरावर हल्ला चढविल्याची घटना गुरुवारी सायंकाळी घडली या घटनेत शेतमजूर गंभीर जखमी झाल्याने त्याचेवर प्राथमिक उपचार करून त्यास पुढील उपचारासाठी जळगावला पाठविण्यात आले आहे.

चंद्रकांत एकनाथ बावस्कर(वय ४७) असे रानडुक्करच्या हल्ल्यात गंभीर जखमी झालेल्या शेत मजुराचे नाव असून शेतात पिकांना खते देण्याचे काम करत असतांना अचानक शेतात आलेल्या चवताळलेल्या रान डुक्कराने त्याचेवर हल्ला चढवून त्यास चावा घेवून गंभीर जखमी केले आहे.या घटनेमुळे घोसला शिवारात शेत मजुरांमध्ये दहशतीचे वातावरण पसरले असून ऐन खरिपाच्या मशागतीच्या कामांमध्ये खीळ बसली आहे.शेती शिवारात रान डुक्कराचे कळप मोठ्या प्रमाणावर आहे त्यांचा वनविभागाने तातडीने बंदोबस्त करण्याची मागणी शेतकऱ्यांनी लावून धरली आहे.