लिंबागणेश येथे शांतता कमिटीची बैठक; शांततेची परंपरा कायम राखत प्रशासनाला सहकार्य करा – स.पो.नि. शेख मुस्तफा यांचे आवाहन

लिंबागणेश(डॉ गणेश ढवळे):कोरोनाच्या पार्श्वभूमीवर जनजीवन पुर्वपदावर आल्यामुळे यावर्षी मोठ्याप्रमाणात उत्साहात गणेशोत्सव साजरा केला जाणार असल्याचे सुतोवाच असुन गणेशोत्सवात सामाजिक,धार्मिक कार्यक्रम मोठ्या उत्साहात साजरे करावेत मात्र याचवेळी लिंबागणेशकरांनी शांततेची परंपरा कायम राखावी कुठलेही गालबोट लागु देऊ नये उत्सव शांततेत साजरा करून प्रशासनाला सहकार्य करावे असे आवाहन नेकनुर पोलीस स्टेशनचे स.पो. नि.शेख मुस्तफा यांनी आज दि.२५ ऑगस्ट गुरूवार रोजी लिंबागणेश येथील हनुमान मंदिरात आयोजित शांतता कमिटीच्या बैठकीत केले.
गणेशोत्सवाच्या पार्श्वभूमीवर नेकनुर पोलीस स्टेशनचे स.पो.नि.शेख मुस्तफा यांनी लिंबागणेश येथे शांतता कमिटीची बैठक आयोजित करण्यात आली होती यावेळी……उपस्थित होते. याप्रसंगी मार्गदर्शन करताना शेख मुस्तफा बोलत होते,गणेशोत्सव काळात कायदा व सुव्यवस्था अबाधित राहण्याकरीता पोलीस अधिक्षक बीड यांच्या मार्गदर्शक सूचनेनुसार विविध सुचना करताना जबरदस्तीने कोणाकडुनही वर्गणी मागु नये,सर्व नियम कायद्यांची माहिती देऊन सोशल मिडीयावर आक्षेपार्ह पोष्ट दिसुन आल्यास कायदा हातात न घेता पोलिसांकडे संपर्क साधावा,महिलांना सन्मानाची वागणूक द्यावी, ईतर स्वच्छतेबाबत काळजी घेतानाच ध्वनी प्रदुषणाबाबतही काळजी घ्यावी तसेच मंडळाचे ठिकाणी दाखविण्यात येणारे देखावे आक्षेपार्ह अगर सामाजिक तेढ निर्माण होणार नाही याची काळजी घ्यावी तसेच गणेशमंडपामुळे रहदारीस अडथळा होणार नाही,गणेश मंडळाचे ठिकाणी स्वयंसेवक नेमुन मंडळांच्या पदाधिका-यांनी त्यावर नियंत्रण ठेवावे. आदि सुचना करण्यात आल्या याचवेळी पदाधिका-यांनी मांडलेल्या समस्या संदर्भात माहिती घेऊन आवश्यक उपाययोजना बाबत सहकार्य करण्याचे आश्वासन दिले. यावेळी बैठकीत नेकनुर पोलीस स्टेशनचे सफौ. निकाळजे,पो.हे.राऊत,पोलीस नाईक मुंढे,पोलीस अंमलदार ढाकणे,ग्रामसेवक राठोड,उपसरपंच शंकर वाणी,माजी पंचायत समिती सदस्य राजेभाऊ आप्पा गिरे ,सामाजिक कार्यकर्ते डॉ गणेश ढवळे,माजी सरपंच बाळासाहेब मुळे, विक्की आप्पा वाणी,गणपति मंदिर विश्वस्त,चिंतामण जोशी, पुजारी श्रीकांत जोशी,जीवन मुळे,श्रीकृष्ण कानिटकर,गणेश थोरात,बाळकृष्ण थोरात ,बाळासाहेब जाधव,दादासाहेब गायकवाड,संतोष भोसले,विठ्ठल कदम,मोहन कोटुळे,विनायक मोरे,संतोष वाणी,सुरज कदम,औदुंबर नाईकवाडे,सौरभ कानिटकर,चेतन कानिटकर,गणपत दाभाडे,कचरू थोरात आदि उपस्थित होते.

मांजरसुंभा-पाटोदा राज्य महामार्ग क्रमांक ५४८ डी वर मोटारसायकल स्वार अपघातात जागीच ठार

पाटोदा(प्रतिनिधी): आज दिनांक १४ ऑगस्ट रविवार रोजी सायंकाळी ६ वाजता मांजरसुंभा ते पाटोदा राज्य महामार्ग क्रमांक ५४८ -डी वर सासवड फाट्यावर मोटारसायकल स्वार मुकींद पवार रा. हिंगणी हवेली तालुक्यातील.गेवराई जि.बीड हे पाटोदा येथुन होंडा मोटारसायकल (क्रमांक एमएच.एच.-४२ ए.डी.९६६५) गावी जात असताना सासवड फाट्यावर कंटेनर (क्रमांक एम.एच.४६ बीड.बी.४६८)ड्रायव्हर सुनिल लक्ष्मण नाकाडे रा.जाटदेवळा ता.पाथर्डी जि.अहमदनगर मांजरसुंभाकडुन पाटोद्याकडे जात असताना अपघात होऊन अपघातात मुकींद पवार जागीच ठार झाले. नेकनुर पोलीस व मांजरसुंभा महामार्ग पोलीस प्रशासन यांनी स्थळ पंचनामा केला.

पाटोद्याजवळ बामदळ वस्ती येथे भिषण अपघात अपघातात ६ जणांचा जागीच मृत्यू

बीड (नानासाहेब डिडूळ): आज रविवार रोजी सकाळी पाटोदा येथील मांजरसुंभा रोङ वरील बामदळ वस्ती जवळ स्विफ्ट डिजायर क्रमांक एम.एच.१२के.एन ९७६१ व आयशर टेम्पो क्रमांक एम.एच.२६ बी.ई.५९४५ चा भिषण अपघात झाला या अपघातात आयशर टेम्पो खाली स्विफ्ट अडकलेली असुन गाडीमधील लहान मुलासह एकुण सहा जणांचा जागीच मृत्यू झाला आहे. हा अपघात एवढा भिषण होता की अपघात ठिकाणी रक्ता मासाचा सदा पडला होता क्रेन च्या साहाय्याने आयशर टेम्पो खाली अडकलेली स्विफ्ट गाङी काढण्यात आली
हे कुटुंब केज तालुक्यातील जिवाची वाङी येथे पुणे येथुन लग्नासाठी जात असताना हा अपघात झाला अपघात एवढा मोठा होता की दोन्ही वाहनांचा चक्काचूर झाला आहे.
घटना घडतात पाटोदा येथील सामाजिक कार्यकर्ते व पोलीस हे घटनास्थळी हजर झाले व मृतदेह बाहेर काढण्यास मदत केली व मृतदेह शासकीय रुग्णालय पाटोदा येथे नेण्यात आले.

शिक्षणविस्तार अधिकारी श्रीमती.सीमा टकले-काळे यांना उच्च न्यायालयाचा अतरीमं दिलासा

बीड:नानासाहेब डिडुळ― जिल्हा परिषदेचे शिक्षण विस्ताराधिकारी म्हणून आष्टी येथे कार्यरत असणाऱ्या श्रीमती सीमा खंडू टकले काळे यांच्यावर मुख्य कार्यकारी अधिकारी यांनी पदनावती करण्याची कारवाई केली होती. श्रीमती. टकले या विस्ताराधिकारी म्हणून आठ वर्षांपासून कार्यरत आहेत त्यांची मूळ नियुक्ती मा. उच्च न्यायालयाच्या निर्णयानुसार झालेली आहे . त्यांच्या नियुक्ती बाबतचे प्रकरण हे अपर आयुक्त औरंगाबाद यांच्याकडे सुरू होते. अप्पर आयुक्तनी टकले यांचे कोणतेही म्हणणे न ऐकता कोणत्याही कागदपत्राची शहानीशा न करता एकतर्फी निर्णय दिला होता. त्या विरोधात टकले यांनी राज्य सरकारकडे दाद मागितली होती. सदर प्रकरणाची सुनावणी सुरू असतानाच जिल्हा परिषदेने कारवाई केली . त्याविरुद्ध श्रीमती टकले यांनी उच्च न्यायालयात धाव घेतली होती. न्यायालयातील सुनावणीच्या दरम्यान युक्तिवाद झाला यामध्ये श्रीमती टकले यांच्या वकिलांनी न्यायालयाच्या लक्षात आणून दिले की श्रीमती टकले यांची विस्ताराधिकारी पदावर आठ वर्षे सेवा झालेली आहे. तसेच त्यांनी विस्तार अधिकारी पदाची विभागीय परीक्षा देखील उत्तीर्ण केली आहे. त्यांना विस्तार अधिकारी पदावर कायम केलेले असून त्यांचे सेवा जेष्ठता यादी मध्ये पाच वर्षापासून नाव समाविष्ट आहे. विस्तार अधिकारी पदाचे विभागीय प्रशिक्षण पूर्ण केलेले आहे. वास्तविक श्रीमती टकले यांची मूळ नियुक्ती ही वेळोवेळी दिलेले आदेश हे उच्च न्यायालयाच्या निर्णयानुसारच झालेली आहे. सर्वोच्च न्यायालयाच्या निर्णयामध्ये नियुक्ती दिलेल्या अधिकाऱ्यांना पुन्हा रिव्हर्स करण्याचा अधिकार नसल्याचा पुरावा सादर करण्यात आला त्यानुसार जिल्हा परिषद यांना कुठलीही कारवाई करता येणार नसल्याचे निदर्शनास आणून दिले. वरील सर्व बाबी पाहता असे निदर्शनास आले की श्रीमती टकले यांनी विस्तार अधिकारी पदाबाबतच्या सर्व पात्रता पूर्ण केलेल्या आहेत सर्व बाजूचे म्हणणे ऐकून घेऊन माननीय न्यायालयाने श्रीमती टकले यांच्या नियुक्तीच्या कारवाईस अंतरिम स्थगिती दिली आहे. श्रीमती टकले यांच्या वतीने अँड महेश भोसले वअन्य विधीतज्ञांनी काम पाहिले. सीमा टकले ह्या सुरेश काळे यांच्या पत्नी आहेत

हर घर तिरंगा साठी धनगरजवळका गावात जि.प.प्राथमिक शाळेची प्रभात फेरी

पाटोदा:नानासाहेब डिडुळ― पाटोदा तालुक्यातील धनगरजवळका येथील जि.प .शाळेच्या विद्यार्थ्यांनी स्वातंत्र्याच्या 75 व्या अमृत महोत्सव च्या निमित्ताने 13 ऑगस्ट ते 15 ऑगस्ट ला हर घर तिरंगा (घरोघरी तिरंगा ) चे फलक घेऊन जि.प.प्राथमिक शाळा धनगरजवळका येथील 1 ली ते 4 थी  च्या विद्यार्थ्यांनी संपूर्ण गाव भर प्रभात फेरी काढून गावकऱ्यांना 13 ते 15 ऑगस्ट हर घर तिरंगा फडकविण्यासाठी
सदैव राखु तिरंग्याचा मान जगात आपली वाढेल शान …

भारतमातेचे गीत गाऊ तिरंगा घरोघरी  लाऊ

अशा घोषणाही देण्यात आल्या यावेळी जि.प.प्राथमिक शाळेचे मुख्याध्यापक पंढरीनाथ सोंङगे ,सुनिल जाधव , विजय सरगर यांनी मोठे परीश्रम घेऊन गावभर प्रभात फेरी काढली यावेळी विद्याथ्यान मध्ये आनंदाचे वातावरण दिसुन आले.

बीड: डोंमरी येथील युवकाने काही दिवसासाठी ‘मुख्यमंत्री’ बनवा अशी राज्यपालांकडे केली मागणी

बीड: नानासाहेब ङिङूळ― सध्या महाराष्ट्राच्या राजकारणात मोठी उलटापालट झाली असून प्रत्येक पक्ष हा स्वतःची सत्ता स्थापन करण्यासाठी प्रयत्न करत आहे. गेल्या काही दिवसापासून आपापसात चर्चा सुरू आहे. सत्ता स्थापन करण्यासाठी प्रत्येक जण प्रयत्न करत आसून इतर प्रश्नाकडे दुर्लक्ष केले गेले आहे. यामुळे संतप्त झालेल्या डोंमरीतील मा.महेश भोंडवे यांनी थेट राज्यपाल साहेबांकडे मला काही दिवसासाठी मुख्यमंत्री करा अशी पत्राद्वारे मागणी केली आहे. सध्या महाराष्ट्रामध्ये राजकीय दृष्ट्या खूप मोठा बदल झाला आहे. सर्व पक्षाचे लक्ष्य आपली सत्ता स्थापन करण्यासाठी जे ते नेते आपापल्या पद्धतीने प्रयत्न करत आहेत त्यामुळे महाराष्ट्रातील शेतकऱ्याकडे व जनतेकडे कोणत्याही पक्षाचे अथवा कोणत्याही नेत्याचे लक्ष राहिले नाही. परंतु माननीय महोदय सध्या महाराष्ट्रात. विशेषत: मराठवाड्यात मान्सूनच खूप उशिरा आगमन झाल्यामुळे माझा सर्व शेतकरी वर्ग चिंतेत आहे. तसेच महाराष्ट्रातील धरून बेरोजगार वर्गाला २०१९ पासून कोणतीही स्पर्धा परीक्षेची जाहिरात निघाली नाही. आणि ज्या जाहिराती निघाल्या त्याच्या परीक्षा योग्य झाल्या नाहीत. जो तो पक्ष आणि जो ते नेते सत्ता स्थापन करण्याच्या नादात माझ्या शेतकरी बंधू कडे आणि बेरोजगार तरुणाकडे दुर्लक्ष करत आहे त्यामुळे भविष्यात माझ्या शेतकरी बंधू च्या आत्महत्या रोखण्यासाठी माननीय मेहरबान राज्यपाल साहेबांनी मला जोपर्यंत कोणत्याही राजकीय पक्षाची सत्ता स्थापन होत नाही तोपर्यंत महाराष्ट्राचा मुख्यमंत्री कराव. अशी मागणी पाटोदा तालुक्यातील डोमरी गावच्या मा. महेश भोंडवे यांनी राज्यपाल साहेबांकडे मागणी केली आहे.

वीर निखिल कांकरिया च्या वाढदिवसानिमित्त गरीब विद्यार्थ्यांना शालेय साहित्य वाटप

पाटोदा:आठवडा विशेष टीम― दिनांक ५ जून रोजी पाटोदा येथील प्रतिष्ठित व्यापारी कांकरिया क्लास सेंटरचे मालक निखिल कांकरिया यांनी त्यांचा मुलगा वीर च्या वाढदिवसानिमित्त गरजू गरीब वंचित मसनजोगी वस्तीवरील विद्यार्थ्यांना शालेय साहित्य वाटप करून वाढदिवस साजरा करण्यात आला .यावेळी शाळेच्या शिक्षिका सुरेखाताई खेडकर यांचा देखील वाढदिवस संयुक्त केक कापून सर्व विद्यार्थी च्या उत्साही वातावरणात साजरा केला यावेळी निखिल कांकरिया यांनी माणुसकीची भिंतीला ११०० रुपये मदत केली . यावेळी ३०विद्यार्थ्यांना वही ,पेन, कंपास शैक्षणिक साहित्य देण्यात आले या कार्यक्रमाचे नियोजन माणुसकीची भिंत यांनी केले होते. यावेळी उपस्थित युवा नेते युवराज जाधव ,त्रिमूर्ती मंडप चे मालक पप्पू शेठ जाधव , हजारे, आकाश ,अजय शिरवटे ,सरपंच व माणुसकीची भिंतचे दत्ता देशमाने, रामदास भाकरे उपस्थित होते. यावेळी सर्व विद्यार्थ्यांना शालेय साहित्य मिळाल्यामुळे त्यांचा आनंद गगनात मावेनासा झाला होता. यावेळी सर्व बालगोपाळांनी वाढदिवसाच्या शुभेच्छा दिल्या.

मतपत्रिका चोरी प्रकरण ; दोन दिवसात संबंधितांवर गुन्हा दाखल न झाल्यास निवडणूक अधिकार्‍याला काळे फासू – धनराज गुट्टे

संबंधित अधिकारी यांना बडतर्फ करण्याची मागणी

वागळे:आठवडा विशेष टीम― महाराष्ट्र राज्य फार्मसी काँन्सिलच्या सिन्नर येथे निवडणूकी दरम्यान मतपत्रिका चोरी प्रकाराची निवडणूक अधिकारी यांना संपूर्ण माहिती असताना सामान्य मतदार आणि उमेदवार यांना मतदान प्रक्रियेच्या पारदर्शिकतेबद्दल संशय निर्माण झालेला असून मतपत्रिका आपल्या कार्यालयातून निघून जवळपास दहा दिवस झाले असताना देखील त्या संबंधित मतदारापर्यंत पोचलेल्या नाहीत. या अशा प्रक्रियेमुळे मतदान पद्धतीविषयी निर्माण झालेला संशय खात्रीत बदलतो कि काय ?
यासंदर्भात निवडणूक अधिकारी यांचेकडून उमेदवार किंवा मतदारांनी विचारलेल्या शंकांची उत्तरे न मिळणे, आलेल्या मोबाईल कॉल्सना सिद्ध न करणे वा स्वीकारणे या सर्व गोष्टी ह्या वरील प्रक्रियेला पूरक आहेत कि काय ? असे संभ्रम निवडणूक अधिकारी यांचे या कृतीमुळे सिद्ध होत आहेत. निवडणूक अधिकारी यांची भूमिका संदिग्ध वाटत आहे. त्यामुळे निवडणूक अधिकारी यांनी मतदान प्रक्रियेबद्दल एक सविस्तर खुलासा निष्पक्ष व वेळेत द्यावा अन्यथा या निवडणुकीला स्थगिती मिळण्यासाठी योग्य ती कार्यवाही सामान्य मतदारांकडून झाल्यास नवल वाटायला नको. निवडणूक अधिकारी यांचेकडून तीन दिवसा नंतरही या प्रकाराबद्दल कोणतीही दखल घेण्यात आलेली नाही. त्यामुळे सोमवारच्या आत संबंधितांवर गुन्हा दाखल न झाल्यास सर्व फार्मासिस्ट निवडणुक अधिकारी यांचे भोंगळ कारभारा बाबत आंदोलन छेडू व त्यांचे तोंडाला काळे फासू. या नंतर होणाऱ्या परिणामास संबंधित अधिकारी सर्वस्वी जबाबदार राहतील असा इशारा भारतीय जनता पार्टीचे जनरल सचिव धनराज विक्रम गुट्टे यांनी दिला. तसेच मुख्यमंत्री, विरोधी पक्ष नेते व राज्यपाल यांचेकडे संबंधित अधिकारी यांना बडतर्फ करण्याची मागणी देखील केली आहे.

पैशाच्या हव्यासापायी बांधला स्विविंगपुल घेतला बालकाचा जिव ,पाटोद्यात प्रशिक्षकाविनाच सुरू होते जलतरण !

नागरिकांचा संताप, कारवाईची मागणी .

पाटोदा:नानासाहेब डिडुळ– पाटोदा शहरातील पारगाव रस्ता परिसरातील एका अत्याधुनिक जलतरण तलावात मित्रांसमवेत पोहण्यासाठी गेलेल्या एका बारा वर्षीय मुलाचा पाण्यात बुडून मृत्यू झाल्याची दुर्दैवी घटना शनिवार दि. ७ मे रोजी दुपारी घडली. हा जलतरण तलावावर प्रशिक्षकही नसल्याने नागरिकांत संताप व्यक्त केला जात असुन,कार्यवाही करण्यात यावी अशी मागणी केली जात आहे.
अजिंक्य मोहन कोठुळे वय वर्षे १२ रा. जवळाला ता. पाटोदा जि. बीड असे या मयत मुलाचे नाव असून अजिंक्य हा आपले आजोबा (आईचे वडील) तात्यासाहेब महादेव वीर रा. क्रांती नगर पाटोदा यांचाकडे आपल्या आईसह मागील काही दिवसांपासून राहत होता. पाटोदा शहरात पारगाव रस्त्या नजीक डॉ. दत्ताञय रोहीदास ड़िडूळ यांचे हॉस्पिटल असून त्याच परिसरात त्यांनी जलतरण तलाव बांधला आहे. सध्या उन्हाळ्याच्या सुट्ट्या असल्यामुळे बच्चे कंपनीसह अनेक जण दुपारच्या वेळी याठिकाणी पोहण्याचा आनंद घेण्यासाठी येतात . शनिवारी दुपारी एक च्या दरम्यान अजिंक्य हा आपल्या काही मित्रांसह याठिकाणी आला होता जलतरण तलावात हे सर्व मित्र पोहत असताना अजिंक्य हा अचानक पुढील बाजूस साधारणतः आठ ते दहा फुट खोली असलेल्या भागाकडे गेला व प्रत्यक्ष दर्शीच्या म्हणण्यानुसार त्यावेळी अचानक त्याने परिधान केलेली ट्यूब निसटली व तो खोल पाण्यात बुडाला. सर्व जन पोहण्यात व्यस्त असल्याने तो बुडत असल्याचे कोणाच्या लक्षात आले नाही तसेच त्याठिकाणी देखरेखी साठी असणारा कर्मचारी देखील त्याच वेळी काही कामा निमित्त बाहेच्या दालनात गेला होता त्यामुळे अवघ्या काही क्षणातच अजिंक्य चा पाण्यात बुडून दुर्दैवी अंत झाला ही बातमी कुटुंबियांना व नागरिकांना समजताच डॉ. डीडूळ यांच्या दवाखाण्याच्या परिसरात मोठा जमाव जमा झाला. यावेळी संतप्त जमावाने या जलतरण तलावासाठी योग्य प्रशिक्षक नसताना तसेच सुरक्षितते साठीची कोणतीही उपाय योजना नसताना मुलांना पोहण्यासाठी कसे सोडले जाते असा सवाल करत दोषींवर कठोर कारवाईची मागणी केली यावेळी काही काळ तणावाचे वातावरण निर्माण झाले होते त्यानंतर पोलीस निरीक्षक डी.बी. कोळेकर, पीएसआय आर.व्ही . पतंगे यांनी घटनास्थळी धाव घेऊन परिस्थिती नियंत्रणात आणण्यासाठी प्रयत्न केले व मृतदेह शवविच्छेदनासाठी पाठवण्यात आला. याबाबत तात्यासाहेब महादेव वीर यांनी दिलेल्या फियादिवरून पाटोदा पोलीस ठाण्यात अकस्मात मृत्यूची नोंद झाली असून अधिक तपास आर.व्ही. पतंगे हे करत आहेत.
पाटोदा शहरात असलेल्या या जलतरण तलावाकडे नगरपंचायतचे पुर्णतः दुर्लक्ष आहे तर येथे कोणताही प्राशिक्षक नसताना प्रवेश निश्चित कसा केला जातो. परिणामी बारा वर्षाच्या मुलाचा जिव गेला असुन यात दोषी असणाऱ्या वर तात्काळ कारवाईचे आदेश देण्यात यावेत अशी मागणी नातेवाईकांनी केली आहे.
चौकट …..
अवघ्या 11 गुंठ्यातच महोदय ड़ाॅ. ड़िड़ूळ यांनी आपला स्वतःहाचा व्यवसाय दवाखाना चालु त्यातच व्यसनमुक्ती केंद्र,मेड़ीकल , मंगलकार्यालय ,जिम,आणि जलतरण तलाव किती पैशाची हाव या ड़ाॅक्टर ला अशी चर्चा पाटोदा तालुक्यात नागरींकान मधुन होत आहे. …

बीड: ट्रक-क्रुझरच्या भीषण अपघातात ७ ठार, अंबाजोगाई – लातूर रोडवरील दुर्दैवी घटना

अंबाजोगाई:आठवडा विशेष टीम― लातूर जिल्ह्याच्या आर्वी गावातून अंबाजोगाई तालुक्यातील राडी येथे मावंद्याच्या कार्यक्रमासाठी येत असलेल्या प्रवाशांच्या क्रुझर जीपची आणि समोरून येणार्‍या भरधाव ट्रकची समोरासमोर धडक होऊन झालेल्या भीषण अपघातात सात जण जागीच ठार तर आठ जण गंभीर जखमी झाले आहेत. जखमींना अंबाजोगाईच्या स्वाराती रुग्णालयात उपचारासाठी दाखल करण्यात आले आहे. सदरचा अपघात हा सकाळी ९ ते … Read more

बीड आरटीओ कार्यालयातील पाच एजंटवर फसवणुकीचा गुन्हा दाखल!

बीड दि.22:आठवडा विशेष टीम― अधिकाऱ्यांच्या बनावट स्वाक्षऱ्या करून बनावट कागदपत्रे तयार केल्याचे उपप्रादेशिक परिवहन अधिकारी स्वप्नील माने यांच्या सतर्कतेमुळे उघडकीस आले आहे. या प्रकरणी बीड ग्रामीण पोलीस ठाण्यात शुक्रवारी (दि.22) पाच एजंटवर फसवणुकीचा गुन्हा दाखल करण्यात आला आहे. उपप्रादेशिक परिवहन कार्यालय बीड येथे खोटे कागदपत्र सादर करणे, बनावट आरसी तयार करणे, खोट्या स्वाक्षऱ्या करून वाहन … Read more

पाटोदा तालुक्यातील राजकीय दृष्ट्या अत्यंत महत्वाची असलेल्या पाचंग्री सेवा सोसायटीवर भाजपचा झेंडा

पाटोदा:प्रतिनिधी― पाटोदा तालुक्यातील राजकीय दुष्ट्या अत्यंत महत्वाची असलेल्या पाचंग्री सेवा सोसायटीवर भाजपने विजयाचा झेंडा फडकवला आहे.सोसायटीच्या नवनिर्वाचित चेअरमन औटे आणि बोधले यांचा खासदार,डॉ प्रितमताई मुंडे यांनी केला सत्कार केला. नुकतेच पाटोदा तालुक्यातील सोसायटीच्या निवडीचा कार्यक्रम तालुका भरात सुरू असुन पाटोदा तालुक्यातील पाचंग्री ,बोडखेवाडी मंझरी ब्राह्मणवाडी अतंर्गत पाचंग्री सेवा सहकारी सोसायटी पाचंग्री अगट आणि पाचंग्री ब गट यांच्या चेअरमन आणि व्हाइस चेअरमन निवडी बिनविरोध प्रक्रिया पार पडली यामधे पाचंग्री अगटाच्या चेअरमनपदी ज्ञानेश्वर बोधले महाराज तर व्हाईस चेअरमन पदी सौ निलावती नवनाथ मुंडे तर पाचंग्री ब गटाच्या चेअरमन पदी शाहुराज औटे तर व्हाइस चेअरमन पदी दिलीप कोल्हे यांची बिनविरोध निवड करण्यात आली ही निवडणूक प्रक्रिया माजी सरपंच गणेश मुंडे आणि जेष्ठ नेते अंकुशराव मुंडे यांच्या मार्गदर्शनाखाली पार पडली दोन्ही चेअरमन ज्ञानेश्वर बोधले आणि शाहुराज औटे हे भारतीय जनता पक्षाचे जुने निष्ठावंत कार्यकर्ते गेली अनेक वर्षा पासुन आहेत तसेच सक्रीय पक्षाचे काम करतात त्यामुळे पाचंग्री सेवा सोसायटीवर भारतीय जनता पक्षाचा झेंडा फडकला असुन त्यांच्या निवडी बद्दल भाजपच्या राष्ट्रीय सचीव लोकनेत्या पंकजाताई गोपीनाथराव मुंडे ताईसाहेब तसेच महाराष्ट्र भारतीय जनता पक्षाच्या प्रदेश उपाध्यक्षा लोकप्रिय खासदार डॉ प्रितमताई मुंडे आमदार सुरेश आंण्णा धस, भाजपचे नेते माजी आमदार भीमराव धोंडे, भाजपचे जिल्हा अध्यक्ष राजेंद्रजी मस्के यांनी अभिनंदन करून पुढील वाटचालीस शुभेच्छा दिल्या आहेत, तसेच दोन्ही चेअरमन यांचा आज खासदार डॉ प्रितमताई मुंडे यांनी सत्कार केला यावेळी भाजपचे जिल्हा उपाध्यक्ष तथा प्रभारी तालुकाध्यक्ष अँड सुधीर घुमरे नगरसेवक अँड सुशील कोठेकर आदी उपस्थित होते.

जय महेश कारखान्याने विषसदृष्य पाणी पाटबंधारे विभागाच्या चारीत सोडल्याने पाणी विहरीत पाझरून आडगावकरांचे आरोग्य धोक्यात – डाॅ.गणेश ढवळे

बीड दि.१६:प्रतिनिधी– माजलगाव तालुक्यातील पवारवाडी स्थित जय महेश साखर कारखान्याने विषसदृष्य पाणी पाटबधारे विभागाच्या चारीमधुन सोडल्यामुळे आडगाव खरात परिसरातील दुषित पाणी झिरपल्यमुळे विहीरीचे पाणी दुषित झाले असून त्यामुळेच आडगावकरांचे आरोग्य धोक्यात आले असून त्यांना त्वचेचे विकार जडले असून संबधित प्रकरणात जबाबदार जय महेश साखर कारखान्याचे व्यावस्थापक तसेच पाटबंधारे विभागाचे संबधित जबाबदार आधिका-यांवर प्रशासकीय कारवाई करण्यात येऊन ग्रामस्थांना औषधोपचारासाठी नुकसान भरपाई देण्यात यावी अशी मागणी जिल्हाधिकारी बीड यांच्यामार्फत मुख्यमंत्री, जलसंधारण मंत्री, सहकार मंत्री, विभागीय आयुक्त औरंगाबाद यांना केली आहे.

आडगाव खरात सरपंच, ग्रामसेवकांची तक्रार परंतु दखल नाही

आडगाव खरात ग्रांमपंचायतीचे सरपंच व ग्रामसेवक यांनी १५ मार्च २०२२ रोजी व्यावस्थापकीय संचालक जय महेश साखर कारखाना यांना लेखी तक्रारीद्वारे कारखान्याच्या दुषित सांडपाण्यामुळे आडगाव खरात ग्रामपंचायतचे पाणी दुषित झाले असून सांडपाण्याची विल्हेवाट लावावी असे म्हटले आहे परंतु अद्याप याविषयी कोणतीही सुधारणा झालेली नसुन दुषित पाणी पाटबंधारे विभागाच्या चारीवाटे सोडण्याचे थांबलेले नाही.

स्वखर्चाने टॅकर सुरू करण्याचा जय महेश साखर कारखान्याला पुळका का?

जय महेश साखर कारखान्याने पाटबंधारे विभागाच्या चारीतुन विषसदृष्य पाणी सोडलेले असुन ते पाणी विहरीत मुरल्यामुळे ग्रामस्थांचे आरोग्य धोक्यात आले असून त्यांच्या जिवीताला धोका निर्माण होऊ शकतो हे गांभीर्य लक्षात घेऊन स्वखर्चाने टॅकर सुरू केले असून ग्रामस्थांना पर्याय नसल्यामुळेच टॅकरचे पाणी वापरावे लागते.

पाटबंधारे विभागाच्या आधिका-यांवर कारवाई करण्यात यावी : डाॅ.गणेश ढवळे

पाटबंधारे विभागाच्या चारीतुन विषसदृष्य पाणी सोडण्यात येत असताना याविषयी ग्रामपंचायत मार्फत ग्रामस्थांच्या आरोग्याला धोका निर्माण झाल्याचे सांगून सुद्धा पाटबंधारे विभागाचे आधिकारी कोणतीही कारवाई करत नसुन जाणीवपुर्वक दुर्लक्ष करत असुन जबाबदार आधिका-यांवर प्रशासकीय कारवाई करण्यात येऊन औषधोपचार करण्यासाठी नुकसान भरपाई देण्यात यावी अशी मागणी केली आहे.

मुख्यमंत्री ग्रामसडक योजनेंतर्गत निकृष्ट रस्त्याप्रकरणात व ठेकेदाराच्या मनमानी कारभार विरोधात मुळुकवाडी- मसेवाडीकरांचे चक्काजाम आंदोलन – डाॅ.गणेश ढवळे

बीड प्रतिनिधी: बीड तालुक्यातील मुख्यमंत्री ग्रामसडक योजनेंतर्गत महाराष्ट्र ग्रामिण रस्ते विकास संस्था बीड व ठेकेदाराने संगनमतानेच बोगस रस्ता करत मनमानी कारभाराच्या निषेधार्थ सामाजिक कार्यकर्ते तथा कार्याध्यक्ष भ्रष्टाचार निर्मूलन समिती महाराष्ट्र राज्य डाॅ.गणेश ढवळे लिंबागणेशकर यांच्या नेतृत्वाखाली आज दि.१५ एप्रिल शुक्रवार रोजी सकाळी ११ वाजता मांजरसुंभा-पाटोदा राष्ट्रीय महामार्ग ५४८ डी मुळुकवाडी फाट्यावर रस्त्याची गुणनियंत्रक विभागामार्फत तपासणी तसेच आधिकारी-ठेकेदारांवर कारवाई करण्यात यावी अशी मागणी करत निवेदन उप-अभियंता (प्रमंग्रासयो) महाराष्ट्र ग्रामिण रस्ते विकास संस्था बीड, मंडळ आधिकारी वंजारे, एपीआय नेकनुर पोलीस स्टेशन शेख मुस्तफा, पीएसआय विलास जाधव, एएसआय निकाळजे,पोना. ढाकणे, पो.ना. सय्यद अब्दुल, पो.ना.डिडुळ, यांना देण्यात आले.
यावेळी आंदोलनात मुळुकवाडी सरपंच कृष्णा पितळे , गजानन रंदवे, भास्कर ढास, कृष्णा ढास, अविनाश रंदवे, सुधाकर मांडवे,अवधुत ढास, हौसराव मोरे, जयराम मांडवे, तुकाराम मांडवे, पंकज मांडवे, दिनकर मोरे, संतोष मांडवे, सुभाष मांडवे, चांगदेव मांडवे, शहादेव मांडवे, महादेव मोहीते, दिपक मांडवे, विजय सोनावणे, भिमराव मांडवे, विठ्ठल जाधव, तुळशीराम काटकर,महादेव मांडवे आदि सहभागी होते.
मुख्यमंत्री ग्रामसडक योजनेंतर्गत महाराष्ट्र ग्रामिण रस्ते विकास संस्था बीड अंतर्गत रा.मा.५६ ते मुळुकवाडी-ते मसेवाडी रस्ता सुधारणा कि.मी.०/०० ते ०२/८०० पॅकेज क्रमांक RDBEE-25 ,अंदाजित किंमत १ कोटी २६ लाख रूपये अंदाजपत्रकाप्रमाणे करण्यात येत नसुन अत्यंत निकृष्ट रस्ता करण्यात आला असून जागोजागी अर्धवट रखडलेला रस्ता असून रस्त्याची जाडी,रूंदी अंदाजपत्रकाप्रमाणे नसुन भोसले वस्तिवरील रस्त्यालगत विहीरीला संरक्षण भिंत नाही तसेच मसेवाडी गावामध्ये ठेकेदार जुन्या डांबरी रस्त्यावर रस्ता न करता मनमानी कारभार करत गोरगरीब ग्रामस्थांच्या जागेवर अतिक्रमण करण्यात आले आहे.

ग्रामिण भागात दर्जेदार रस्त्यासाठी ग्रामस्थांनी रस्ता सुरू असतानाच अंदाजपत्रकाप्रमाणे करून घेण्याची दक्षता घ्यावी:-डाॅ.गणेश ढवळे लिंबागणेशकर
____
ग्रामिण भागातील दळणवळणाची साधने उपलब्ध व्हावीत यासाठी कोट्यावधी रूपयांचा निधी मंजूर करण्यात आला असून स्थानिक लोकप्रतिनिधींकडून, महाराष्ट्र ग्रामीण रस्ते विकास संस्था आधिकारी आणि ठेकेदार यांच्यासाठी भ्रष्टाचाराचे कुरण झाले असून थातूरमातूर रस्ता करून निधीचा अपहार करण्यात येत असून अंदाजपत्रकाप्रमाणे दर्जेदार रस्ते व्हावेत यासाठी ग्रमस्थांनी दक्षता घेणे गरजेचे असुन रस्ता सुरू असतानाच लक्ष देणे गरजेचे आहे.

महसुल प्रशासनातील आधिका-यांचे अर्थपुर्ण दुर्लक्ष
___
रस्त्यासाठी वापरली जाणारी खडी अवैध खडीक्रशर द्वारे तसेच मुरूम रस्त्याशेजारील खोदकाम करून साईडपट्ट्यासाठी वापरण्यात येतो मात्र वाहतुक खर्च दुरून आणल्याचा दाखवून शासनाची दिशाभूल व संबधित शासकीय आधिका-यांशी अर्थपुर्ण हितसंबंध जोपासत शासनाचा महसुल बुडवून कोट्यावधी रूपयांचे नुकसान करण्यात येते संबधित प्रकरणात तक्रार केल्यानंतर सुद्धा चौकशी अथवा कारवाई करण्यास आधिकारी उत्सुक नसतात.


विद्यार्थ्यांच्या सुरक्षिततेला प्राधान्य देऊन शाळेत सीसीटीव्ही लावा, जिल्हाधिकारी कार्यालयासमोर आंदोलन – डॉ ढवळे

बीड(प्रतिनिधी): महाराष्ट्र राज्याच्या शालेय शिक्षणमंत्री वर्षा गायकवाड यांनी विद्यार्थ्यांच्या सुरक्षिततेला प्राधान्य देऊन सीसीटीव्ही बसविण्याच्या आदेशाचे पालन करून बीड जिल्ह्य़ातील खासगी, जिल्हापरिषद व शासकीय अशा एकुण ३६८६ पैकी केवळ ४९७ शाळांमध्येच सीसीटीव्हीची उपलब्धता असुन ३१८९ शाळांमध्ये सीसीटीव्ही बसविण्यात आले नसुन तात्काळ बसविण्यात यावेत व दिरंगाई करणारांवर आवश्यक कारवाई करण्यात यावी तसेच शासकीय कार्यालयामध्ये सीसीटीव्ही सुस्थितीत असणे … Read more