आष्टी तालुका

कडा /प्रतिनिधी: कडा येथील पत्रकार सय्यद रहेमान सय्यदअली यांना बाल हक्क संरक्षण आयोग महाराष्ट्र राज्य तर्फे लोकशाही रक्षक पुरस्कार २०२२ देऊन गौरवण्यात आले.
लहान मुलांच्या न्याय हक्कांसाठी आवाज उठवण्याच्या हेतूने बाल हक्क संरक्षण संघाचे उद् घाटन व बाल हक्कांसाठी लढणाऱ्या किलबिल न्युजचा लोकार्पण सोहळा पत्रकार भवन नवी पेठ पुणे येथे पार पडला.या सोहळ्यात पत्रकारिता क्षेत्रात उत्कृष्ट कार्य केल्याबद्दल रहेमान सय्यद यांना लोकशाही रक्षक पुरस्कार २०२२ महाराष्ट्र राज्य बाल हक्क आयोगाचे अध्यक्ष प्रविण घुगे यांच्या हस्ते देण्यात आला. यावेळी सदस्या प्रोफ.आस्मा शेख,डाँ.विजया वांजपे,डाँ.लक्ष्मण दानवाडे,जयश्री मोघे,शशिकांत सावरकर,पुणे म.न.पा. च्या महिला व बाल कल्याण समिती अध्यक्षा रूपाली धाडवे,जि.प.च्या महिला व बाल कल्याण समितीचे सभापती पूजा पारगे,छावा स्वराज्य सेनेचे संस्थापक राम घयतिडक सह बाल हक्क संरक्षण संघाचे पुणे अध्यक्ष हर्षल पटवारी,कार्याध्यक्षा शितल हुलावले,सरचिटणीस ज्ञानदेव इंगळे,उपाध्यक्ष तथा प्रहारचे रूग्णसेवक नयन पुजारी,सर्व सदस्य,असरार सय्यद,सुरेश तारू सह आदी मान्यवर उपस्थित होते.
या कार्यक्रमाचे आयोजन हर्षल पटवारी व ज्ञानदेव इंगळे यांनी केले होते. तर सूत्र संचालन राजू दवने,आभार व प्रदर्शन डाँ.भालचंद्र कदम यांनी केले.

कडा:शेख सिराज― अहमदनगर बीड परळी रेल्वे मार्ग 261 किलोमीटरचा गेल्या अनेक दिवसापासून हा प्रश्न रखडला होता त्यामुळे औद्योगिक वसाहती निर्माण होण्यात मोठ्या अडचणी होत्या आज
अहमदनगर बीड परळी रेल्वे मार्गाचे काम गेल्या अनेक वर्षापासून रखडले होते. अशा परिस्थितीत गेल्या दोन वर्षापासून या रेल्वे मार्गावर कामाने वेग घेतला.यामुळे आष्टी पर्यंतची रेल्वे ची कामे पूर्ण झाली आज सकाळी दहा च्या सुमारास सोलापूरवाडी येथे रेल्वे चे आगमन झाले . सोलापुरवाडी येथे रेल्वे अधिकाऱ्यांच्या उपस्थितीत पूजन करण्यात आले . त्यानंतर रेल्वे कडा स्टेशन पर्यंत धावली. दुपारनंतर कडा येथून ही रेल्वे आष्टी रेल्वे स्टेशन वर पोहोचली आहे . दरम्यान रेल्वे अधिकाऱ्यांनी ट्रॉल्यांवरून रेल्वे मार्गाची तपासणी व पाहणी केली . आष्टी स्थानकावरून ही रेल्वे खा . प्रितम ताई मुंडे यांच्या उपस्थितीत पुन्हा नगरकडे हायस्पीड घेत मार्गस्थ होणार आहे .बीड जिल्ह्यात उत्पादित झालेला शेतमाल किंवा इतर कच्चामाल राज्यात किंवा जिल्ह्यात नेण्यासाठी रेल्वे नसल्याने मोठ्या अडचणी निर्माण होत होत्या बीड जिल्ह्याच्या दृष्टीने अत्यंत महत्त्वाचा समाजाला जाणारा रेल्वे प्रकल्प आता पूर्णत्वाकडे जात असल्याचे दिसून येत आहे अहमदनगर ते आष्टी या साठ किलोमीटर अंतराचे काम पूर्ण झाले असून यासाठी आज सकाळी नगर हुन सोलापूर वाडी ते आष्टी पर्यंत रेल्वे धावली आहे पटरी वरून रेल्वे धावण्याचे पाहून जिल्हावासीयांना स्वप्न पूर्ण होत असल्याचा आनंद ओसंडून वाहत होता

1995 साली या नगर-बीड-परळी रेल्वे मार्गाला तत्वत मंजुरी मिळाली होती मात्र त्यानंतर अनेक वर्षे राजकीय इच्छाशक्ती काम रखडले स्वर्गीय गोपीनाथ राव मुंडे यांनी रेल्वेमार्गासाठी भरपूर योगदान देत पंतप्रधान नरेंद्र मोदी कडून या मार्गासाठी भरीव निधीची तरतूद केली सत्य स्थितीत हा प्रकल्प तीन हजार कोटीच्या पुढील असून नगर ते आष्टी 60 किलो मीटरची पटरी रेल्वे धावण्यासाठी सज्ज झाली असताना मागील महिन्यात धावणारी रेल्वे तांत्रिक अडचणीमुळे लावली नव्हती पण बुधवारी सकाळी नगर रोड आष्टी च्या दिशेने मार्गस्थ झाली बीड जिल्ह्यात गेल्या अनेक वर्षापासून रेल्वेचे स्वप्न होते ते अखेर पूर्णत्वाकडे जात असल्याचे आवाज मिळाले सोलापूर वाडी कडा आष्टी या ठिकाणी रेल्वे धावल्यामुळे ते पाहण्यासाठी यांनी गर्दी केली आली होती दरम्यान दुपारी चारच्या सुमारास याच मार्गावर हाय स्पीड रेल्वे धावणार आहे रेल्वेचे वरिष्ठ अधिकारी या ठिकाणी उपस्थित होते उपस्थित तालुक्यातील कोणते फळ साठवण तलाव येथील सर्वात मोठ्या रेल्वे पुलावरून हायस्पीड रेल्वे बुधवारी सुखरूपपणे धावली 15 स्पनचाअसून प्रत्येकाची लांबी 3.5 मीटर आहे म्हणजे जवळपास अर्धा किलोमीटर लांबीचा तर शंभर फूट उंचीचा हा पुल आहे.

कडा | शेख सिराज―
ऑल इंडिया पॅथर सेनेचे राष्ट्रीय अध्यक्ष दिपक भाई केदार यांच्या अटकेच्या निषेधार्थ तहसिल कार्यालय आष्टी येथे निवेदन सादर करण्यात आले .या विषयी सविस्तर माहीती अशी की दि . ६ डिसेबर रोजी डॉ. बाबासाहेब आंबेडकर यांचे महापरिनिर्वाण दिन असतो.त्या ठिकाणी ऑल इंडिया पॅथर सेनेचे राष्ट्रीय अध्यक्ष दिपकभाई केदार अभिवादन करण्यासाठी जात असताना तेथील प्रशासनाने त्यांना घेराव घातला आणि त्यांना धक्काबुक्की करून त्यांच्यावर 353 सारखे खोटे गुन्हे दाखल केले आहे त्यामुळे दाखल झालेले खोटे गुन्हे तात्काळ मागे घेण्यात यावे या मागणीसाठी आष्टीतालुक्याच्या वतीने नायब तहसीलदार पंढरपूर साहेब यांच्याकडे रीतसर निवेदन देण्यात आले आहे. यावेळी ऑल इंडिया तालुकाध्यक्ष संदीप जाधव उपाध्यक्ष गोरख निकाळजे सचिव अभिषेक शिंदे सरचिटणीस अशोक वाघमारे गौतम कांबळे अजय बोराडे सुनील खंडागळे डॉ आश्राजी खंडागळे नागेश लोंढे सुनील काळे संतोष जाधव सह सर्व पॅंथर सैनिक उपस्थित होते.

कडा:शेख सिराज―
आष्टी तालुक्यातील ऊंदरखेल येथील जागृत देवस्थान तुळजापूरचे उपस्थान म्हणून ओळखल्या जाणाऱ्या भोन्याआई मंदिरात गुरुवार दिनांक.7 ऑक्टोबर रोजी विधिवत पुजाअर्चा करून मोठ्या उत्साहात ऊंदरखेल ग्रामस्थ व देवीभक्तांच्या उपस्थितीत घटस्थापना करण्यात आली.निसर्गरम्य वातावरणात असलेले देवीचे मंदिर हे पंचक्रोशीत प्रख्यात आहे. भाविकांसाठी एक तीर्थक्षेत्र म्हणून ओळखले जाते.भोन्याआईच महात्म्य प्रसिद्ध आहे.दरवर्षी ऊंदरखेल येथील तरुण श्री क्षेत्र तुळजापूर ते ऊंदरखेल हेअंतर पायी चालत देवीची ज्योत घेऊन येतात.मात्र गेल्या दोन वर्षांपासून कोरोना महामारी असुन सुध्दा तरुण पायी ज्योत आणली जात आहे. ही ज्योत ऊंदरखेल ते तुळजापूर पायी चालत घेऊन यायचे गेल्या सहा वर्षांपासूनची परंपरा कायम आहे.यामध्ये जवळपास दिडसे ते दोनशे तरुण सहभागी होतात.ऊंदरखेल आणि परिसरात भोन्याआई मातादेवीचे महात्म आहे.संपूर्ण पंचक्रोशीत ही देवी नवसाला पावते म्हणून तिची ख्याती आहे.ऊंदरखेल ग्रामस्थ मोठ्या श्रद्धेभावाने नवरात्र महोत्सव साजरा करतात. नऊ दिवस विविध कार्यक्रमाने नवरात्री साजरी करण्यात येते.

कडा:शेख सिराज―
(आरोग्य मंत्री राजेश टोपे यांच्या कडुन आमदार आजबे यांनी प्राथमिक आरोग्य केंद्र बांधकामसाठी पाच कोटी निधी मंजुर करून आरोग्य विभाग व प्रशासनाने दिले लेखी पत्र) आष्टी तालुक्यातील सुलेमान देवळा येथील प्राथमिक आरोग्य केंद्रा साठी पाच कोटी निधी उपलब्ध करून देण्यात आला.सामाजिक कार्यकर्ते परमेश्वर घोडके यांच्या सह युवा सेना तालुका अध्यक्ष दिपक डहाळे यांनी आमरण उपोषणाला चार दिवसांनी मागधी मंजुर झाला.आरोग्य केंद्राची इमारत हि गेल्या अनेक दिवसांपासून नादुरुस्त झाली असून या संदर्भात या विभागास वेळोवळी निवेदन देऊन सुध्दा नवीन आरोग्य केंद्राचे बांधकाम सुरू न केल्यास स्वातंत्र्यदिनी 15आगस्ट रविवार पासुन सामाजिक कार्यकर्ते व युवा सेना तालुका अध्यक्ष यांच्या सह गावातील ग्रामस्थ व त्रेचालिस गावातील नागरिकांचा पाठींबा या उपोषणाला दिसून आला.
आज दि18आगस्ट बुधवारी उपोषणाचा चोथा दिवस आमरण उपोषण करांच्या मागनिला येश मिळाले. आमदार बाळासाहेब आजबे यांनी आरोग्य मंत्री राजेश टोपे यांच्याकडुन पाच कोटी निधी केला असल्याचे लेखी पत्र संबंधित उपोषण करते यांना देण्यात आले.व आमदार बाळासाहेब आजबे यांनी उपोषण करते यांना प्राथमिक आरोग्य केंद्राचे काम पुर्ण करुन देण्याचे आश्वासन दिले.
तसेच या ठिकाणी जिल्हा आरोग्य अधिकारी बीड सह , तालुका आरोग्य अधिकारी शिंदे मॅडम, तहसीलदार दळवी मॅडम ,गटविकास अधिकारी, आरोग्य अधिकारी मोरे साहेब, यांनी प्रत्यक्ष भेट घेऊन आश्वासन दिले. उपोषणकर्त्यांनी ग्रामस्थांनी आरोग्य मंत्री राजेश टोपे आमदार बाळासाहेब आजबे ‌ आरोग्य अधिकारी व प्रशासनाचे आभार मानले.

कडा:शेख सिराज―
आष्टी तालुक्यातील ऊंदरखेल येथील अमोल दहातोंडे या सर्वसामान्य कुटुंबातील तरुणाने आपल्या वाढदिवस साजरा न करता आपल्या समाज बांधवांनवर नैसर्गिक आपत्ती आली असून त्यामध्ये आपला खारीचा वाटा म्हणून दहातोंडे याने पूरग्रस्तांसाठी मदत केली
‌ गेल्या आठवड्यात कोकण विभागातील रायगड ,रत्नागिरी,सिंधुदुर्ग ,जिल्ह्यात झालेल्या अतिवृष्टीने हाहाकार माजवला. यामध्ये अनेकांना आपला जीव गमवावा लागला. अनेक घरे पाण्याखाली गेली. त्यामुळे शेकडे लहान मोठी वयोवृद्ध माणूस बेघर झाली. मात्र या काळात सामाजिक बांधिलकी जपत अमोल दहातोंडे या तरुणांनी आपल्या वाढदिवसाच्या खर्चाला फाटा देत पूरग्रस्तांना पार्ले बिस्कीटचे बॉक्स पूरग्रस्तांसाठी एक हात मदतीचा या संकल्पनेतून या तरुणाने मदत केली.

कडा:शेख सिराज―
आष्टी तालुक्यातील दि 29 रोजी धानोरा -हिवरा रोडवर भिषण अपघात सायंकाळी सहा वाजण्याच्या सुमारास दोन दुचाकिंची समोरा-समोर धडक झाल्याने अपघातात घडला.दोघे दुचाकी चालक जागिच ठार झाले तर महीला संगीता घोडके गंभिर जखमी झाल्या असुन त्यांना उपचारासाठी अ.नगर येथे नेहण्यात आले.धानोरा -हिवरा रोडवल वरती धोंड काॅलेज जवळ हा भिषण अपघात घडला.वाळके वस्ती,सु.देवळा येथिल एकनाथ घोडके व त्यांच्या पत्नी संगिता घोडके हे दवाखान्यत चालले होत र्‍यांचा दुचाकी बाॅक्सर क्र.MH 14 Y 6252धानोर्‍या कडे जात असताना समोरून येत असलेल्या पल्सर क्र.MH 12 PQ 4359 ची भरधाव वेगाने जोरदार धडक झाली.यामध्ये बाॅक्सर चालक एकनाथ घोडके व पल्सर चालक गणेश भोसले हे जागिच ठार झाले तर संगिता घोडके गंभिर जखमी. पि. ए.म साठी कडा रुग्णालयात नेण्यात आले.

आष्टी:अशोक गर्जे―स्थानिक स्वराज्य संस्थेच्या निवडणुकीत आमदार सुरेश धस यांच्या विरुद्ध निवडणुकीत उभे असल्याचा राग मनात धरून आमदार सुरेश धस आणि त्यांच्या समर्थकांनी माझ्या हॉटेलची जेसीबीने तोडफोड केल्याचा आरोप एका महिलेने केला आहे. महिलेने दिलेल्या तक्रारीवरून आष्टी पोलिसात आमदार सुरेश धस व त्यांच्या २९ समर्थकांवर गुन्हा दाखल करण्यात आला आहे. त्यामुळे बीड जिल्ह्यात एकच खळबळ उडाली आहे. माधुरी मनोज चौधरी असं तक्रार करणाऱ्या महिलेचे नाव आहे.

राजकीय वादातून संपत्तीचे नुकसान

2017 साली स्थानिक स्वराज्य संस्थेची निवडणूक लागली होती. या निवडणुकीत सुरेश धस यांच्या पॅनलच्या विरोधात पांढरी येथील माधुरी चौधरी ह्या निवडणूक रिंगणात उतरल्या होत्या. याचाच राग मनात धरून सुरेश धस आणि त्यांचे समर्थक पती मनोज चौधरी यांच्यावर खोट्या तक्रारी देऊन मानसिक त्रास दिल्याचा आरोप तक्रारदार महिलेने केला आहे.

सुरेश धस व अन्य २९ जण अशा तब्बल ३० जणांवर गुन्हा दाखल

अनेक वेळा तक्रार देऊन देखील प्रशासन कारवाई करत नसल्याचे सदर महिलेने थेट गृहमंत्री यांना पत्र लिहिले होते. 19 जुलैच्या रात्री सुरेश धस आणि त्यांचे समर्थक पांढरी येथे पोहचले आणि पीडित महिलेच्या संपत्तीची तोडफोड केली अशी तक्रार महिलेने केली आहे. त्यानुसार आष्टी पोलिसात आमदार सुरेश धस यांच्यासह त्यांच्या अन्य २९ समर्थकांनावर गुन्हा दाखल करण्यात आला आहे.

या प्रकरणात आमदार सुरेश धस यांच्या प्रतिक्रिया जाणून घेण्याचा प्रयत्न केला मात्र त्यांचा संपर्क होऊ शकला नाही.

सुरेश धस यांच्या अडचणीत वाढ

सुरेश धस यांच्यावर आधीही राजकीय दहशतीतून गुन्हा केल्याची नोंद आहे. एका गुन्ह्यातून मुक्त होत नाहीत तोपर्यंतच आता दुसऱ्या गुन्ह्याची नोंद झाल्याने सुरेश धस यांच्या अडचणीत वाढ झाली आहे.

कडा /प्रतिनिधी:शेख सिराज―
डिजिटल मीडिया संपादक, पत्रकार संघटनेचे बीड जिल्हा कार्यकारणी जाहीर करण्यात आली असुन तेजवार्ता न्यूज नेटवर्क चे संपादक बबलूभाई सय्यद यांची बीड जिल्हा उपाध्यक्षपदी नियुक्ती करण्यात आली. संघटनेचे संस्थापक अध्यक्ष मा.राजा माने यांच्या मार्गदर्शनाखाली जिल्हाध्यक्ष संतोष मानकर यांनी बीड जिल्हा कार्यकारिणी जाहीर केली यामध्ये आष्टी तालुक्यातील तेजवार्ता हे डिजिटल प्रिंट मिडीया माध्यम चालवणारे बबलू सय्यद हे राज्यभर सुपरिचित आहेत .त्यांच्या सार्थ निवडीबद्दल सर्व क्षेत्रातील मान्यवरांनी त्यांच्यावर शुभेच्छा चा वर्षाव केला. सय्यद बबलू यांच्या निवडीबद्दल त्यांचा सत्कार शेतकरी संघटनेचे तालुका अध्यक्ष तथा शिवसंग्राम चे नेते गणेश पांडुळे ,जनता कॉलेजचे प्राचार्य विक्रम बांदल ,मुख्याध्यापक भाऊसाहेब लांडगे ,उपप्राचार्य नामदेव चव्हाण ,उपमुख्याध्यापक उत्तम गव्हाणे, तसेच सर्व शिक्षक वृंद मित्रपरिवार, कवी प्रेम (प्रीतम) पवळ ,सामाजिक कार्यकर्ते परमेश्वर घोडके. आष्टी पोलीस दादासाहेब उदावंत .पत्रकार अनिल मोरे, संदीप जाधव ,आयुब मोमिन ,अनिस मोमिन, महादेव वामन, हमजान शेख ,राहुल आडकर, शेख सिराज ,कासम शेख ,राजू शेख ,तसेच तेजवार्ता टीम व सर्व पत्रकारांनी अभिनंदन केले पुढील वाटचालीस शुभेच्छा दिल्या.

कडा/ प्रतिनिधी:शेख सिराज―
आष्टी तालुक्यातील वाहिरा येथे घातला पिसाळलेल्या कुत्र्याने धुमाकूळ, गावातील मैनीनाथ झांजे, केसरबाई आटोळे मा.सरपंच , प्रतिभा झांजे , यांना कुत्र्याने चावा घेऊन गंभीर जखमी केले.
मैनीनाथ झांजे हे रात्री दहाच्या सुमारास घराच्या बाहेरील पढवीमध्ये झोपले असताना अचानक पिसाळलेल्या कुत्र्याने त्यांच्यावरती त्यांच्या तोंडाला खूप मोठा चावा घेतला. कुत्र्याने चावा घेतल्यावर ते ओरडले त्यानंतर त्याला मारण्यासाठी त्यांच्या सूनबाई प्रतिभा झांजे या बाहेर आल्या असताना कुत्र्याने त्यांच्यावर सुद्धा चावा घेतला. केसरबाई आटोळे यांच्यावर सुद्धा चावा घेऊन पूर्ण गावात धुमाकूळ घातला जनावरांना चावा घेतला.
सकाळी मैनीनाथ झांजे, केशरबाई आटोळे, प्रतिभा झांजे ,यांना आष्टी येथील रुग्णालयात उपचारासाठी नेण्यात आले असताना ते खूप जखमी असल्यामुळे त्यांना आष्टी येथील ग्रामीण रुग्णालयात उपचार घेता आला नाही त्यामुळे त्यांना अहमदनगर येथील सिव्हिल हॉस्पिटलमध्ये उपच्यारा साठी नेण्यात आले.

कडा/प्रतिनिधी शेख सिराज― राष्ट्रवादी काँग्रेस पार्टीच्या अल्पसंख्यांक विभाग बीड जिल्हा सरचिटणीस पदी युवानेते शौकत पठाण यांची निवड करण्यात आली आहे अल्पसंख्यांक विभागाचे जिल्हाध्यक्ष पठाण यांनी दि. 15 जुलै रोजी बीड येथे निवडीचे पत्र दिले आ. संदीप शिरसागर राष्ट्रवादी काँग्रेस अल्पसंख्यांक जिल्हा उपाध्यक्ष सय्यद जफर यांच्या मार्गदर्शनाखाली निवड करण्यात आली .त्यावेळी राजू माळी, जफर सय्यद ,अरबाज शेख ,सतीश गव्हाणे समीर पठाण शिवा शेकडे ,हौसराव शिरसाठ ,दादा जपकर ,आदी उपस्थित होते
तालुक्यातील तागडखेल येथील युवा नेते शौकत पठाण यांची राष्ट्रवादी काँग्रेस पार्टीच्या आष्टी तालुका अध्यक्ष पदावर काम करताना चुनुक दाखवल्याने अल्पसंख्यांक विभागाने त्यांची जिल्हा सरचिटणीस पदी निवड केली . पक्षाने दिलेली जबाबदारी सांभाळून पक्षाध्यक्ष मा.खा.शरद चंद्रजी पवार साहेब यांचे विचार व राष्ट्रवादी काँग्रेस पक्षाची ध्येय धोरणे सर्वसामान्य पर्यंत पोहोचण्यासाठी प्रामाणिक प्रयत्न करणार असे पठाण यांनी सांगितले. त्यांच्या निवडीबद्दल आमदार बाळासाहेब आजबे ,राष्ट्रवादी काँग्रेस पार्टीचे जिल्हा उपाध्यक्ष जिल्हा परिषद सदस्य सतीश शिंदे, जिल्हा परिषदेचे माजी डॉक्टर शिवाजी राऊत ,राष्ट्रवादी काँग्रेस पक्षाचे तालुकाध्यक्ष अण्णासाहेब चौधरी, काकासाहेब शिंदे,प.स. सदस्य संदीप अस्वर ,राष्ट्रवादी काँग्रेस पक्षाचे युवा उपाध्यक्ष बाळासाहेब गर्जे ,शहराध्यक्ष नाजिम शेख ,अक्षय हळपावत यांनी अभिनंदन करून पुढील वाटचालीस शुभेच्छा दिल्या यांच्या निवडीनचे सर्व स्तरातून अभिनंदन होत आहे.