लिंबागणेश सर्कल

लिंबागणेश(डॉ गणेश ढवळे):कोरोनाच्या पार्श्वभूमीवर जनजीवन पुर्वपदावर आल्यामुळे यावर्षी मोठ्याप्रमाणात उत्साहात गणेशोत्सव साजरा केला जाणार असल्याचे सुतोवाच असुन गणेशोत्सवात सामाजिक,धार्मिक कार्यक्रम मोठ्या उत्साहात साजरे करावेत मात्र याचवेळी लिंबागणेशकरांनी शांततेची परंपरा कायम राखावी कुठलेही गालबोट लागु देऊ नये उत्सव शांततेत साजरा करून प्रशासनाला सहकार्य करावे असे आवाहन नेकनुर पोलीस स्टेशनचे स.पो. नि.शेख मुस्तफा यांनी आज दि.२५ ऑगस्ट गुरूवार रोजी लिंबागणेश येथील हनुमान मंदिरात आयोजित शांतता कमिटीच्या बैठकीत केले.
गणेशोत्सवाच्या पार्श्वभूमीवर नेकनुर पोलीस स्टेशनचे स.पो.नि.शेख मुस्तफा यांनी लिंबागणेश येथे शांतता कमिटीची बैठक आयोजित करण्यात आली होती यावेळी……उपस्थित होते. याप्रसंगी मार्गदर्शन करताना शेख मुस्तफा बोलत होते,गणेशोत्सव काळात कायदा व सुव्यवस्था अबाधित राहण्याकरीता पोलीस अधिक्षक बीड यांच्या मार्गदर्शक सूचनेनुसार विविध सुचना करताना जबरदस्तीने कोणाकडुनही वर्गणी मागु नये,सर्व नियम कायद्यांची माहिती देऊन सोशल मिडीयावर आक्षेपार्ह पोष्ट दिसुन आल्यास कायदा हातात न घेता पोलिसांकडे संपर्क साधावा,महिलांना सन्मानाची वागणूक द्यावी, ईतर स्वच्छतेबाबत काळजी घेतानाच ध्वनी प्रदुषणाबाबतही काळजी घ्यावी तसेच मंडळाचे ठिकाणी दाखविण्यात येणारे देखावे आक्षेपार्ह अगर सामाजिक तेढ निर्माण होणार नाही याची काळजी घ्यावी तसेच गणेशमंडपामुळे रहदारीस अडथळा होणार नाही,गणेश मंडळाचे ठिकाणी स्वयंसेवक नेमुन मंडळांच्या पदाधिका-यांनी त्यावर नियंत्रण ठेवावे. आदि सुचना करण्यात आल्या याचवेळी पदाधिका-यांनी मांडलेल्या समस्या संदर्भात माहिती घेऊन आवश्यक उपाययोजना बाबत सहकार्य करण्याचे आश्वासन दिले. यावेळी बैठकीत नेकनुर पोलीस स्टेशनचे सफौ. निकाळजे,पो.हे.राऊत,पोलीस नाईक मुंढे,पोलीस अंमलदार ढाकणे,ग्रामसेवक राठोड,उपसरपंच शंकर वाणी,माजी पंचायत समिती सदस्य राजेभाऊ आप्पा गिरे ,सामाजिक कार्यकर्ते डॉ गणेश ढवळे,माजी सरपंच बाळासाहेब मुळे, विक्की आप्पा वाणी,गणपति मंदिर विश्वस्त,चिंतामण जोशी, पुजारी श्रीकांत जोशी,जीवन मुळे,श्रीकृष्ण कानिटकर,गणेश थोरात,बाळकृष्ण थोरात ,बाळासाहेब जाधव,दादासाहेब गायकवाड,संतोष भोसले,विठ्ठल कदम,मोहन कोटुळे,विनायक मोरे,संतोष वाणी,सुरज कदम,औदुंबर नाईकवाडे,सौरभ कानिटकर,चेतन कानिटकर,गणपत दाभाडे,कचरू थोरात आदि उपस्थित होते.

लिंबागणेश(वार्ताहर):
बोगस प्रमाणपत्र वितरीत करणारी टोळी महाराष्ट्र राज्यात कार्यरत असुन कोट्यावधी रूपयांची उलाढाल करत प्रामाणिकपणे कष्टकरणारांच्या हक्कावर गदा आणत केवळ आर्थिक गैरव्यवहार करत मोठ्याप्रमाणात पैसा कमावणे उद्दीष्ट्य असणारांवर कठोर कारवाई करण्याऐवजी महाराष्ट्र शासन भ्रष्टाचार करणारांचे संरक्षक कवच बनत असुन त्याचाच भाग म्हणून बोगस क्रिडा प्रमाणपत्र अभय योजना लागु केली असून ही योजना तात्काळ मागे घेण्यात यावी अन्यथा उच्च न्यायालयात संबधित प्रकरणात जनहीत याचिका दाखल करण्यात येणार असल्याचे निवेदन ईमेलद्वारे सामाजिक कार्यकर्ते तथा कार्याध्यक्ष भ्रष्टाचार निर्मूलन समिती महाराष्ट्र राज्य डाॅ.गणेश ढवळे लिंबागणेशकर यांनी मुख्यमंत्री, प्रधान सचिव महाराष्ट्र राज्य यांना दिले आहे.
महाराष्ट्र शासनाच्या शालेय क्रिडा विभागाने बोगस क्रिडा प्रमाणपत्र प्रकरणात “अभय योजना “लागु केली असून सदर प्रमाणपत्र शासनाकडे प्रमाणपत्र धारक विद्यार्थ्याने जमा केली तर त्यांच्या विरोधात कसलीही कारवाई केली जाणार नाही शिवाय त्यांच्याकडे कसलीही चौकशी देखील केली जाणार नाही असे आदेशात नमुद केले असून बोगस प्रमाणपत्र वितरीत करणा-या राज्यभरातील टोळीचे संरक्षण करण्यासाठी व भ्रष्टाचार प्रकरणात पाठराखण करण्यासाठीच ही योजना लागु केली असून याचप्रकारे,बोगस हिवताप प्रमाणपत्र, तसेच बोगस टीईटी प्रमाणपत्र तसेच अन्य कोणत्याही बोगस प्रमाणपत्र आधारे कोट्यावधी रूपये कमावणा-या व हक्काच्या उमेदवारांवर अन्याय करणा-या टोळीचे संरक्षण कवच असुन संबधित आदेश तात्काळ मागे न घेतल्यास आपणाविरोधात उच्च न्यायालयात जनहित याचिका दाखल करण्यात येईल असे निवेदन ईमेलद्वारे मुख्यमंत्री, प्रधान सचिव, शिक्षण मंत्री, प्रधान सचिव, क्रिडा मंत्री, प्रधान सचिव यांना पाठवले असल्याचे डॉ ढवळे यांनी सांगितले आहे.

लिंबागणेश: आज दि.१२ फेब्रुवारी २०२२ वार शनिवार रोजी सकाळी ८ वाजता तुळजापुर येथे दर्शन घेऊन जामखेड कडे जाणारी स्विफ्ट डिझायर लाल रंगाची गाडी (गाडी क्रमांक एम. एच.१३ टीसी २४६ )गाडीवर नियंत्रण सुटल्याने खोल खड्ड्यात पालटली.अपघातात जामखेड येथील अभिषेक अधारे वय २२ वर्षे ,गौरव जाधव वय २४ वर्षे, अक्षय पवार वय २३ वर्षे, अक्षय जाधव वय २३ वर्षे असून त्यातील एकजण गंभीर जखमी झालेला असून गाडीचे मोठ्याप्रमाणात नुकसान झाले आहे.
उपघातस्थळी महाजनवाडी येथील शिवाजी घरत लिंबागणेश येथिल विक्की वाणी व त्यांच्या सहका-यांनी जखमीला गाडीच्या बाहेर काढण्यास मदत केली .
घटनास्थळी मांजरसुंभा येथील राष्ट्रीय महामार्ग पोलीस केंद्रातील कर्मचारी ठोंबरे, मेह्त्रे, राठोड पोलीस नाईक व थोरात, उबे काॅन्स्टेबल पोहचले त्यांनी सविस्तर माहीती घेतली. जखमींना रूग्णवाहीके द्वारे बीड जिल्हारूग्णालयात पाठवण्यात आले.

बीड:नानासाहेब डिडुळ(उपसंपादक)― बीड जिल्ह्य़ातील नरेगा गैरव्यवहार प्रकरणात उच्च न्यायालयाने घोटाळा प्रकरणात चौकशीकडे दुर्लक्ष केल्याने बदली करण्याचे आदेश दिले होते. त्यातच बीड जिल्ह्य़ातील कोरोना कालावधीत बोगस कुटुंब दाखवुन त्यांच्या नावाने कागदोपत्रीच कामे दाखवुन कोट्यावधी रूपयांचा अपहार सरपंच, ग्रामसेवक, तसेच प्रशासकीय आधिकारी यांनी संगनमतानेच केला असून संबधित प्रकरणात गुन्हे दाखल करून फौजदारी कारवाई करण्यात यावी.

केज तालुक्यातील लहुरी नरेगा गैरव्यवहार प्रकरणात फौजदारी कारवाई करावी

केज तालुक्यातील लहुरी ग्रामपंचायत अंतर्गत मनरेगा कामात मोठ्याप्रमाणात गैरव्यवहार करण्यात आला असून संबधित प्रकरणात सरपंच, ग्रामसेवक, तसेच पंचायत समिती गटविकास आधिकारी यांच्यावर फौजदारी कारवाई करण्यात यावी अशी मागणी सामाजिक कार्यकर्ते तथा भ्रष्टाचार निर्मूलन समिती जिल्हाध्यक्ष बीड यांनी जिल्हाधिकारी, मुख्य कार्यकारी आधिकारी जिल्हापरिषद बीड यांच्यामार्फत रोहयो मंत्री, प्रधान सचिव रोहयो मंत्रालय, विभागीय आयुक्त औरंगाबाद यांना केली आहे.

बीड:आठवडा विशेष टीम― आम आदमी पार्टी व जिओ जिंदगी संयुक्त विद्यमाने अंजनवती येथिल नि:शुल्क वैद्यकीय तपासणी शिबिरात आज रविवारी डाॅ.खाकरे के.डी.वैद्यकीय आधिकारी प्राथमिक आरोग्य केंद्र चौसाळा यांच्या मार्गदर्शनाखाली अन्टीजेन तपासणी करण्यात आली यावेळी सामाजिक कार्यकर्ते डाॅ.गणेश ढवळे लिंबागणेशकर, बाळासाहेब मोरे ,भाजपा किसान मोर्चा तालुकाध्यक्ष बीड.

अंजनवती पंचक्रोशीतील ग्रामस्थांना निःशुल्क वैद्यकीय सेवा शिबिर आम आदमी पार्टी जिल्हाध्यक्ष अशोक येडे, सचिव रामधन जमाले, संघटक ज्ञानेश्वर राउत, तसेच आखिल भारतीय पॅथर सेनेचे मराठवाडा उपाध्यक्ष नितिन सोनावणे, बाळासाहेब मोरे, भाजपा किसान मोर्चा तालुकाध्यक्ष बीड, सरपंच सुनिल येडे, दादाराव येडे, उपसरपंच, वैभव येडे, फुलचंद येडे, समस्त गावकरी यांच्या सहकार्याने सुरू असलेल्या आरोग्य शिबिरात आज डाॅ.खाकरे के.डी.वैद्यकीय आधिकारी प्राथमिक आरोग्य केंद्र चौसाळा या रविवारी 50 आजारी ग्रामस्थांच्या अन्टीजेन तपासणी करण्यात आल्या त्यापैकी 6 कोरोनाबाधित आढळून आले असून त्यांना पुढील उपचारासाठी बीड येथिल कोविड सेंटरला पुढील उपचारांसाठी पाठवण्यात आले, अन्टीजेन तपासणीत लॅब टेक्निशियन संतोष खाकरे, आरोग्य सेवक अशोक ठोसर, सहाय्यक बाबुराव देशमुख यांनी सहकार्य केले.

लक्षणे आढळताच कोरोना अन्टीजेन तपासणी करून घ्यावी:-अशोक येडे आप जिल्हाध्यक्ष बीड

कोरोनाच्या संकटात अंगावरती कोणतेही दुखणे काढु नका, लवकर निदान झाल्यास त्यावर उपचार करून कोरोनावरील मात करता येते त्यामुळे ग्रामस्थांनी भिती न बाळगता अन्टीजेन तपासणी करून घेण्याचे आवाहन केले

बंकट स्वामी संस्थानचे ह.भ.प. नाना महाराज कदम यांनी अंजनवती गावातील ग्रामस्थांना कोविड अन्टीजेन तपासणी संदर्भात जनजागृती करून निर्भय वातावरणात तपासणीसाठी प्रोत्साहीत केले.

बीड:नानासाहेब डिडुळ― महाराष्ट्र शासनाने गरीब व गरजु लोकांना लाॅकडाऊन कालावधीत जाहीर केलेले धान्य स्वस्त धान्य दुकानावर उपलब्ध करून गरीब जनतेची उपासमार होऊ नये यासाठी केलेली घोषणा आठवडा उलटला तरी कागदावरच असून गोडाऊन मधुन धान्यच आले नसल्यामुळेच वाटप करण्यात आले नसल्याचे स्वस्त धान्य दुकानदारांनी बोलुन दाखवले, गोडाऊन किपर आज-ऊद्या करत लांबन लावत असल्याची खंत त्यांनी व्यक्त केली असून तात्काळ गोडाऊन मधूनच धान्य वितरीत करण्यात यावे अशी मागणी जिल्हाधिकारी, जिल्हा पुरवठा आधिकारी बीड यांना तालुका पुरवठा आधिकारी, तहसिलदार बीड यांच्या मार्फत डाॅ.गणेश ढवळे लिंबागणेशकर सामाजिक कार्यकर्ते यांनी केली आहे.

कोरोना संकटामुळे लाॅकडाऊन झालेल्या जनतेला राज्यातील महाविकास आघाडी सरकारने रेशन दुकानावर 3 किलो गहु व 2 किलो तांदुळ प्रतिव्यक्ती देण्याचे जाहीर करून आठवड्यापेक्षा जास्त कालावधी उलटुन गेला आहे तरी सुद्धा अद्याप ग्रामिण भागामध्ये धान्य रेशन दुकानावर आलेले नाही, रेशन दुकानदारांच्या मते अजून गोडाऊन मधूनच धान्य आले नाही, आल्यानंतर वाटप करू.
बीड तालुक्यातील मौजै लिंबागणेश येथे एकुण 3 स्वस्तधान्या दुकाने असून एकुण 700 च्या आसपास राशनकार्ड आहेत. चौसाळा येथील गोडाऊन मधून त्यांना धान्य वाटप होते, परंतु चौसाळा गोडाऊन किपर आज ऊद्या वाटप करू म्हणत आठवडा उलटून गेला असुन सध्या संचारबंदीच्या काळात ग्रामस्थांची उपासमार होत असून तात्काळ पुरवठा स्वस्त धान्य दुकानदारांना करण्यात यावा,अशी मागणी डाॅ.गणेश ढवळे लिंबागणेशकर यांनी ईमेलद्वारे केली आहे.

बीड:आठवडा विशेष टीम― सामाजिक कार्यकर्ते डॉ.गणेश ढवळे यांच्या वाढदिवसानिमित्त देवराई ट्रेकिंग ग्रुपच्या वतीने लिंबागणेश येथील भालचंद्र गणपती मंदिर परिसरात वड, पिंपळ, कडुनिंब, आदि, वृक्षारोपण करण्यात आले यावेळी खाकीवर्दीतील वृक्षप्रेमी लक्ष्मण केंद्रे सहाय्यक पोलीस निरीक्षक नेकनूर पोलीस ठाणे यांची त्यांच्या सहकाऱ्यांसह प्रमुख उपस्थिती होती.

देवराई ट्रेकिंग ग्रुप बीड व्यावसायाने बहुतांश शिक्षक असलेल्या या ग्रुप पर्यावरणप्रेमी सदस्यांच्या वतीने बीड शहराच्या आसपास डोंगररांगात नित्यनेमाने वृक्षारोपण, वृक्षसंवर्धन, तसेच विविध वनस्पतींच्या औषधीय गुणधर्म यांच्या विषयी समाजामध्ये जनजागृती करण्यात येते, देवराई ट्रेकिंग ग्रुप मधिल सदस्य डॉ, गणेश ढवळे लिंबागणेशकर सामाजिक कार्यकर्ते यांच्या वाढदिवसानिमित्त भालचंद्र गणपती मंदिरात वड, पिंपळ, आदि, वृक्षारोपण करण्यात आले,

खाकीवर्दीतील वृक्षप्रेमी लक्ष्मण केंद्रे यांची प्रमुख उपस्थिती –डॉ.गणेश ढवळे

जिल्हाधिकारी राहूल रेखावार यांनी मांडवखेल येथे पाणी फाऊंडेशनच्या शिवारफेरीत बीजरोपन, वृक्ष लागवडीची पाहणी करताना वृक्षप्रेमी लक्ष्मण केंद्रे सहाय्यक पोलीस निरीक्षक नेकनूर पोलीस ठाणे यांनीयांनी नेकनूरसह रत्नागिरी, भंडारवाडी, कपिलधार,मांजरसुंभा, , चाकरवाडी, येथील ओसाड डोंगरावर ” बिजांकुर” वृक्षप्रेमी ग्रुप ऊभारून ग्रामस्थांसह १ लाख बिजांचे रोपन, पार पाडत नेकनूर येथील बाजारतळ, ईदगाह मैदान, चाकरवाडी रस्त्यावरील वृक्षारोपण, कपिलधार कडे जाणाऱ्या रस्त्यावर दुतर्फा तसेच सीतादेवी मंदिर परिसरात वडाच्या फांद्यासह, पिंपळ, चिंच या झाडाची लागवड केली आहे, डॉ, गणेश ढवळे यांच्या वाढदिवसानिमित्त देवराई ग्रुप च्या वतीने करण्यात आलेल्या वृक्षारोपण कार्यक्रमात खाकीवर्दीतील वृक्षप्रेमी लक्ष्मण केंद्रे व त्यांचे सहकारी यांची प्रमुख उपस्थिती होती.

बीड/लिंबागणेश:आठवडा विशेष टीम― बीड तालुक्यातील बालाघाटावरील अतिवृष्टी मुळे नुकसान झालेल्या पिकांचे तात्काळ तहसिल प्रशासनाने स्थळपंचनामे करावेत व नुकसान भरपाई देण्यात यावी, या मागणी बरोबरच ओला दुष्काळ जाहीर करण्यात यावा या मागणीसाठी जिल्हाधिकारी बीड यांच्या मार्फत मुख्यमंत्री, कृषीमंत्री, ग्रामविकास मंत्री, सामाजिक न्याय व विशेष सहाय्य तथा पालकमंत्री बीड, विभागीय आयुक्त औरंगाबाद यांना लेखी निवेदन देण्यात आले आहे

बीड तालुक्यातील बालाघाटावरील मौजे लिंबागणेश या गावासह पंचक्रोशीतील ईतर गावांमध्ये अतिवृष्टी मुळे पिकांचे मोठ्या प्रमाणावर नुकसान झालेले आहे, सोयाबीन, मका, बाजरी, कोबी फळभाज्या, आदि, पिकांचे मोठ्या प्रमाणावर नुकसान झालेले आहे, परंतु जिल्हाधिकारी यांनी आदेश देऊन सुद्धा तहसिल प्रशासन स्थलपंचनामे करण्याबाबत उदासीन दिसुन येते, त्यामुळे तात्काळ पंचनामे करून नुकसान भरपाई देण्यात यावी.

ओला दुष्काळ जाहीर करावा, मुख्यमंत्री , कृषीमंत्री , ग्रामविकास मंत्री, पालकमंत्री बीड, विभागीय आयुक्तांना निवेदन

अतिवृष्टी मुळे झालेले नुकसान पाहता, ओला दुष्काळ जाहीर करण्यात यावा अशी मागणी जिल्हाधिकारी बीड यांच्या मार्फत मुख्यमंत्री, कृषीमंत्री, ग्रामविकास मंत्री, सामाजिक न्याय व विशेष सहाय्य तथा पालकमंत्री बीड, विभागीय आयुक्त यांना करण्यात आली असल्याचे डॉ.गणेश ढवळे यांनी आमच्या प्रतिनिधीशी बोलताना सांगितले आहे.

दुभाजकाचे रखडलेले काम , पथदिवे नसणे,अपघातास निमंत्रण ठरत आहे, केळी भरलेला ट्रक उलटला ,केंद्रीय मंत्री नितिन गडकरी यांना लेखी तक्रार,रास्ता रोकोचा ईशारा – डॉ.गणेश ढवळे

लिंबागणेश दि.१२: आज दि. १२/०८/२०२० वार बुधवार रोजी सकाळी ४ वा.लिंबागणेश बसस्थानक येथे ड्रायव्हर अफसर आली महाराष्ट्र बारामती येथुन केळींनी भरलेला ट्रक. गाडी नंबर यु.पी. ७२टी ९१३२ उत्तरप्रदेश-बिहार याठीकाणी जात असताना पहाटे ४ वा. लिंबागणेश बसस्थानक येथे दुभाजकासाठी खोदलेल्या खड्ड्यात चाक गुंतुन पलटला.सुदैवाने जिवितहानी झाली नाही. ड्रायव्हरला किरकोळ मार लागला आहे.

दुभाजकाचे रखडलेले काम , पथदिवे नसणे, अपघातास निमंत्रण मांजरसुंभा ते पाटोदा राष्ट्रीय महामार्गावर क्रमांक ५४८-डी या रसत्याचे काम ३ वर्षांपासून रखडलेले आहे. लिंबागणेश या ठिकाणी दुभाजकाचे काम अपुर्ण असुन आणि पथदिवे सुद्धा न लावल्यामुळे दुभाजकासाठी खोदलेला खड्डा दिसतच नाही, त्यामुळे अपघाताचे प्रमाण वाढले आहे.

मांजरसुंभा-पाटोदा रस्ता , दुभाजक, पथदिवे, गतिरोधक आदिसाठी मा.नितिन गडकरी यांना लेखी निवेदन – डॉ.गणेश ढवळे

मांजरसुंभा ते चुंभळी फाटा या ३३ कीलोमीटर रस्त्याचे १६० कोटी रुपये किंमतीच्या रस्त्याचे काम हुले कन्स्ट्क्शन मार्फत दोन वर्षांमध्ये बंधनकारक असताना साडे ३ वर्षांपासून रखडलेले आहे. लिंबागणेश , मुळुक, वैद्यकिन्ही या गावात गतिरोधक बसविण्याची मागणी ग्रामस्थांनी केली आहे. तसेच मौजे लिंबागणेश,वैद्यकिन्ही, पाटोदा याठिकाणी दुभाजकाचे काम रखडलेले , असुन अपघाताचे प्रमाण वाढलेले आहे. याविषयी रखडलेले काम तात्काळ पुर्ण करण्यात यावे यासाठी दि.२७/०८/२०२० रोजी डॉ.गणेश ढवळे यांच्या नेतृत्वाखाली लिंबागणेश बसस्थानक येथे मांजरसुंभा ते पाटोदा राष्ट्रीय महामार्गावर रास्ता रोको आंदोलन करण्याचा इशारा दिला आहे.