बीड शहर

शहजानपुर चकला अल्पवयीन मुलांच्या मृत्युप्रकरणात प्रशासकीय आधिकाऱ्यांवर गुन्हे दाखल करा; तोडलेल्या कडुनिंबाच्या झाडाला श्रद्धांजली

by

बीड (प्रतिनिधी): मौजे शहजानपुर चकला ता. गेवराई जि.बीड येथिल सिंदफणा नदीपात्रातील अवैध वाळु उत्खनामुळे ४अल्पवयीन मुलांचा बळी गेला असून संबधित प्रकरणात केवळ वाळुमाफियांवर गुन्हे दाखल करण्यात आले असून या घटनेस जबाबदार संबधित स्थानिक ग्रामविकास यंत्रणा, महसुल व पोलीस प्रशासनातील आधिका-यांवर गुन्हे दाखल करण्यात यावेत तसेच जिल्हाधिकारी कार्यालयासमोरील ६० वर्षीय कडुनिंबाचे झाड प्रशासनाने तोडल्यामुळे आंदोलकांची गैरसोय झाली असून “निवारा शेड “उभारण्याची रोटरी सेंट्रल क्लब बीड यांना परवानगी देण्यात यावी या मागण्यांसाठी आज दि. १४ फेब्रुवारी सोमवार रोजी सामाजिक कार्यकर्ते तथा कार्याध्यक्ष भ्रष्टाचार निर्मूलन समिती महाराष्ट्र राज्य डाॅ.गणेश ढवळे लिंबागणेशकर यांच्या नेतृत्वाखाली जिल्हाधिकारी कार्यालयासमोर लाक्षणिक धरणे आंदोलन करण्यात येऊन तहसिलदार महसुल जि. का.बीड मनिषा लटपटे यांना निवेदन देण्यात आले, आंदोलनात भ्रष्टाचार निर्मूलन समिती तालुकाध्यक्ष बीड शेख युनुस च-हाटकर, सामाजिक कार्यकर्ते मोहम्मद मोईज्जोदीन, अशोक कातखडे, शेख मुबीन, ज्येष्ठ सामाजिक कार्यकर्ते डाॅ.संजय तांदळे आदि सहभागी होते.

आंदोलनकर्त्यांचा साक्षीदार असलेल्या कडुनिंबाच्या झाडाला श्रद्धांजली

____

बीड जिल्हाधिकारी कार्यालयासमोर कार्यालयासमोरील आंदोलनस्थळी असणारे ६० वर्षीय कडुनिंबाचे झाड नगरपरिषद प्रशासनाकडुन तोडण्यात आले असून आंदोलनकर्त्यांची हक्काची सावली हिरावली असुन उन्हातान्हात गोरगरीब जिल्हाप्रशासनाकडे न्याय मागण्यासाठी आंदोलनकर्त्यांची गैरसोय झाली असून आजच आंदोलनकर्ते यांना उन्हातान्हात धरणे आंदोलन करण्याची वेळ आली, त्यामुळेच आंदोलनकर्त्यामध्ये जिल्हाप्रशासनाविषयी रोष व्यक्त करण्यात आला.
तत्पुर्वी आयोजित केलेल्या शोकसभेत तोडलेल्या कडुनिंबाच्या झाडाला पुष्पहार, फुले अर्पण करून श्रद्धांजली वाहण्यात आली यावेळी ज्येष्ठ पत्रकार बालाजी तोंडे, ज्येष्ठ सामाजिक कार्यकर्ते अशोक तांगडे,ऊसतोड मजुर नेते मोहन जाधव, सामाजिक कार्यकर्ते शार्दुल देशपांडे आदि उपस्थित होते.

राज्य व केंद्र सरकारांच्या ओबीसी धोरणा विरोधात आता निर्णयक लढा उभारण्याची गरज – दत्ता वाकसे

by
बीड दि.१०: स्थानिक स्वराज्य संस्थांमधील निवडणुकांना सामोरे जाण्याकरिता ओबीसी मतावर डोळा ठेवून महाविकास आघाडी सरकारने ओबीसी समाजाची दिशाभूल करतात काढलेले 27% ओबीसींच्या राजकीय आरक्षणाच्या अध्यादेशाला ट्रिपल स्टेटचा हवाला देत एम्पिरिकल डेटा अभावी सर्वोच्च न्यायालयाने स्थगिती दिली आहे
ओबीसीची जातिनिहाय जनगणना न करता केंद्र व राज्य सरकारने ओबीसी आरक्षण सरसगट काढून टाकण्याचा षड्यंत्र रचलं असल्याचे उघड दिसत आहे
केंद्र व राज्य सरकारांच्या ओबीसी विरोध धोरणाच्या विरोधात आता तमाम महाराष्ट्र राज्यातील ओबीसी समाज व संघटनांना सोबत घेऊन लवकरच महाराष्ट्रव्यापी लढा उभारणार असल्याचे धनगर समाज संघर्ष समिती निष्ठावंत बीड जिल्हा प्रमुख दत्ता वाकसे यांनी दिलेल्या प्रसिद्धीपत्रकात म्हटले आहे
पुढे ते म्हणाले की आरक्षणाबाबत जोपर्यंत एम्पिरिकल डाटा उपलब्ध होणार नाही तोपर्यंत ओबीसींचे राजकीय आरक्षण संपुष्टात आलेच परंतु भविष्यात याच निकषावर ओबीसीचे नोकऱ्यांमधील व शैक्षणिक आरक्षण सुद्धा धोक्यात आलेले आहे सदरील बाब सहजासहजी घडलेली नाही तर राज्य व केंद्र सरकारच्या आरक्षण विरोधी धोरणामुळे अनेक बलिदान व संघर्ष करून मिळालेले ओबीसी राजकीय आरक्षण हिरावून घेण्याचे केंद्र व राज्य सरकारचे षड्यंत्र उघड पडलेले दिसत आहे प्रस्थापित व सत्ताधारी पक्षातील ओबीसी नेते मात्र ओबीसी समाजाचे मेळावे घेऊन शक्तिप्रदर्शन करत आहेत परंतु आपापल्या पक्षाला जातिनिहाय जनगणना अथवा एम्पिरिकल डेटा संरक्षण करण्यासाठी भाग पाडण्यात प्रस्थापित पक्षातील ओबीसी नेते सर्व आघाड्यावर अपयशी ठरले आहेत
संसदेत सत्ताधारी अथवा विरोधी पक्षाच्या बाजूला असलेल्या काँग्रेस राष्ट्रवादी शिवसेना आणि बीजेपी या चारही पक्ष ओबीसी आरक्षणाच्या बाबतीत गंभीर नसल्यामुळे या पक्षांमधील ओबीसी नेत्यांनी पक्षनिष्ठा बाजूला ठेवून ओबीसी समाजाच्या हिताची भूमिका घेत पुढे आले पाहिजे अशी अपेक्षा आता महाराष्ट्रातील तमाम ओबीसी समाज व्यक्त करताना दिसत आहे त्यामुळे तात्काळ ओबीसी च्या राजकीय आरक्षणाचा एम्पिरिकल डाटा उपलब्ध करून द्यावा त्याच बरोबर केंद्र व राज्य सरकारच्या या धोरणाच्या विरोधात ओबीसी समाज व संघटनांना सोबत घेऊन लवकरच राज्यव्यापी आंदोलन करणार असल्याचे देखील धनगर समाज संघर्ष समिती बीड जिल्हाप्रमुख दत्ता वाकसे यांनी दिलेल्या प्रसिद्धीपत्रकात म्हटले आहे.

पशुसंवर्धन पदविका धारकांना शासनाने नोंदणीकृत करून स्वतंत्र पशुवैद्यकीय व्यवसायास परवानगी द्यावी !

by

बीड दि.०४ ऑगस्ट २०२१:आठवडा विशेष टीम― राज्यातील दुग्धव्यवसाय व्यवस्थापन व पशुसंवर्धन पदविका धारकांना महाराष्ट्र शासनाने नोंदणीकृत करून त्यांना स्वतंत्र व्यवसाय करण्याची परवानगी द्यावी जेणेकरून वाड्या-वस्त्यांवर पशुसेवा अगदी कमी वेळात पोहचेल व गाई-म्हशीचे प्राण वाचेल.शासन दुधाचा महापूर आणण्यासाठी प्रयत्न करते योजना आखते परंतु त्यात मोलाचा वाटा असणारे पशुसंवर्धन पदविकाधारकांच्या नोंदणीच्या वेळी मात्र काणाडोळा करते.असे न करता शासनाने या गोष्टीचा गांभीर्याने विचार करून प्रथमतः पशुसंवर्धन पदविका धारकांना कायदेशीर पशुवैद्यक म्हणून घोषित करावे व त्यांची नोंदणी करून त्यांना नोंदणीक्रमांक द्यावा अशी मागणी जोर धरून आहे. १९८४ च्या कायद्यात बदल करावा, पशुसंवर्धन पदवीकाधारकांना व्यावसायिक नोंदणी देवून संरक्षण द्यावे यासह अन्य मागण्यांसाठी आंदोलन सुरु आहे मात्र शासन याकडे गांभीर्याने लक्ष देत नसून कृषीप्रधान देशातच पशूंकडे शासनाचे लक्ष नसल्याचे समोर येत आहे.

पशुवैद्यक परिषद कायदा १९८४ कलमाअंतर्गत व्यावसायिक नोंदणी देवून संरक्षण द्यावे.महाराष्ट्र राज्य सरकारच्या अखत्यारीमधून पशुसंवर्धन पदवीधारकांच्या राज्यव्यापी परिषदेची नियुक्ती करून स्वतंत्ररीत्या औषधे बाळगणे व नोंदणीकृत व्यवसाय परवाना उपलब्ध करून द्यावा.राज्यातील रिक्त पशुधन पर्यवेक्षक पदांची तत्काळ भरती करण्यात यावी.खासगीरीत्या असंघटित क्षेत्रात भारतीय पशुचिकित्सक परिषद कायद्यान्वये किरकोळ व प्राथमिक स्वरूपाच्या पशुवैद्यकीय उपचार सेवा पदवीधारक डॉक्‍टरच्या सुपरव्हिजन व माध्यमांचा वापर करून आपले कार्य पार पाडतात अशा सर्व पशुसंवर्धन पदविका धारकांना महाराष्ट्र शासनाने नोंदणीप्रमाणपत्र व ओळखपत्र देऊन पशुसेवेचे कार्य सुरू ठेवण्यासाठी बळ द्यावे.

बीड जिल्ह्यातील वीज पुरवठा सुरळीत करा ,अतिरिक्त रोहित्र व दुरुस्तीसाठी निधी उपलब्ध करून द्या -जयदत्त क्षीरसागर

by

बीड (प्रतिनिधी):- जिल्ह्यातील ग्रामीण भागात सध्या रब्बी हंगामात शेतकरी पिकांना पाणी देण्याच्या कामात आहेत मात्र लोडशेडिंगमुळे दिवसा वीज पुरवठा बंद केला जातो तसेच अनेक ठिकाणी जनित्र खराब झाले आहेत त्यामुळे त्याची दुरुस्ती आवश्यक आहे यासाठी बीड जिल्ह्या अतिरिक्त रोहित्र देऊन दुरुस्ती देखभालसाठी अतिरिक्त निधीची गरज आहे सध्या पिकांना पाण्याची नितांत आवश्यकता आहे दिवसाची लोडशेडिंग बंद करून वीज पुरवठा सुरळीत करण्यात यावा अशी मागणी माजीमंत्री जयदत्त क्षीरसागर यांनी मुख्यमंत्री ठाकरे,ऊर्जामंत्री नितीन राऊत यांच्याकडे एका निवेदनाद्वारे केली आहे.

सध्या शेतकर्यांचे रब्बी हंगामासाठी मोठ्या प्रमाणात पाणी देणे चालू आहे वीज पुरवठा कमी दाबाने व खंडित होत असल्याने बीड जिल्ह्यातील शेतकरी अडचणीत सापडला आहे सध्या शेतात गह ज्वारी हरभरा ही पिके उभी असून रब्बी हंगाम पिकांना आता पाण्याची नितांत गरज आहे पिके धोक्यात येऊ लागले आहेत जिल्ह्यात ग्रामीण भागात लोडशेडिंगमुळे आठ तास वीज पुरवठा होत आहे तसेच रात्रीचा वीजपुरवठा होऊ लागल्यामुळे शेतकऱ्यांना पिकास पाणी देताना जंगली जनावरे,सर्प विंचू, श्वापदे यापासून धोका होऊ लागला आहे. मराठवाड्यात व बीड सध्या शेतकर्यांचे रब्बी हंगामासाठी मोठ्या प्रमाणात पाणी देणे चालू आहे वीज पुरवठा कमी दाबाने व खंडित होत असल्याने बीड जिल्ह्यातील शेतकरी अडचणीत सापडला आहे सध्या शेतात गह ज्वारी हरभरा ही पिके उभी असून रब्बी हंगाम पिकांना आता पाण्याची नितांत गरज आहे पिके धोक्यात येऊ लागले आहेत जिल्ह्यात ग्रामीण भागात लोडशेडिंगमुळे आठ तास वीज पुरवठा होत आहे तसेच रात्रीचा वीजपुरवठा होऊ लागल्यामुळे शेतकऱ्यांना पिकास पाणी देताना जंगली जनावरे,सर्प विंचू, श्वापदे यापासून धोका होऊ लागला आहे. मराठवाड्यात व बीड जिल्ह्यात त्याने अनेकांचे बळी घेतले आहेत त्यामुळे भेटीचे व दहशतीचे वातावरण आहे याकरता बीड जिल्ह्यातील शेतकऱ्यांना दिवसा वीज पुरवठा सुरळीत करण्यात यावा तसेच शेतीला पाणीपुरवठा चालू असल्याने जनित्र जळण्याचे प्रमाणही वाढत आहे ग्रामीण भागात डीपीची दरुस्ती करणे व पूर्ण क्षमतेच्या डीपी बसवणे आवश्यक आहेत यासाठी अतिरिक्त ट्रांसफार्मर देण्यात यावी व दुरुस्तीसाठी अतिरिक्त निधीची तरतूद करण्यात यावी अशी मागणी माजी मंत्री जयदत्त क्षीरसागर यांनी मूख्यमंत्री उद्धव ठाकरे ऊर्जा मंत्री नितीन राऊत यांच्याकडे एका निवेदनाद्वारे केली आहे.जिल्ह्यात त्याने अनेकांचे बळी घेतले आहेत त्यामुळे भेटीचे व दहशतीचे वातावरण आहे याकरता बीड जिल्ह्यातील शेतकऱ्यांना दिवसा वीज पुरवठा सुरळीत करण्यात यावा तसेच शेतीला पाणीपुरवठा चालू असल्याने रोहीत्र जळण्याचे प्रमाणही वाढत आहे ग्रामीण भागात डीपीची दरुस्ती करणे व पूर्ण क्षमतेच्या डीपी बसवणे आवश्यक आहेत यासाठी अतिरिक्त ट्रांसफार्मर देण्यात यावी व दुरुस्तीसाठी अतिरिक्त निधीची तरतूद करण्यात यावी अशी मागणी माजी मंत्री जयदत्त क्षीरसागर यांनी मख्यमंत्री उद्धव ठाकरे ऊर्जा मंत्री नितीन राऊत यांच्याकडे एका निवेदनाद्वारे केली आहे.

ग्रामीण भागातील पदवीधरांत रमेश पोकळे आघाडीवर

by

बीड:आठवडा विशेष टीम― बीड जिल्ह्यासह संपूर्ण मराठवाडा विभागात पदवीधर निवडणूकीचे मैदान रंगले आहे.यात मुख्य पक्षांचे नेते पक्षाने दिलेल्या जबाबदारीमुळे पक्षाच्या उमेदवारांचा बाहेरबाहेर प्रचार करताना दिसत आहेत.गोपीनाथराव मुंडे साहेबांच्या विचारांनी चालणारे रमेश पोकळे देखील पदवीधर निवडणूकित औरंगाबाद विभाग मतदारसंघात उभे आहेत त्यांना देखील युवकांची ,ग्रामीण पदविधरांची पसंती आहे.तसेच अनेक पदवीधर संघटनांचा त्यांना पाठिंबा असल्याने ,भाषणकौशल्य उत्तम ,भाजपाचे जिल्हाध्यक्ष पद सांभाळण्याचा अनुभव इत्यादी गोष्टी त्यांना फायदेशीर ठरणार आहेत.

स्व.गोपीनाथ मुंडे साहेबांचे समर्थक ,कार्यकर्त्यांमध्ये देखील रमेश पोकळे नावाची क्रेझ आहे.त्यामुळे निवडणूकित त्यांच स्थान महत्वाचं असणार आहे.

बीड नगरपालिकेला महिलांसाठी शौचालय बांधण्याची आवश्यकताच वाटत नाही ,महिला व बालकल्याण मंत्र्यांना लेखी तक्रार – डॉ. गणेश ढवळे

by

लिंबागणेश/बीड:आठवडा विशेष टीम― बीड शहरातील नगररोड वरील निर्माणाधीन शौचालय बांधकाम केवळ पुरूषांसाठी व्यवस्था नसुन महिलांसाठी स्वतंत्र व्यवस्था नसल्याने महिलांची कुचंबणा होत असून याप्रकरणी महिलांसाठी स्वतंत्र व्यवस्था करण्यात यावी अशी मागणी जिल्हाधिकारी यांच्या मार्फत मुख्यमंत्री, महिला व बालकल्याण मंत्री, विभागीय आयुक्त यांना लेखी निवेदनाद्वारे तक्रार डॉ गणेश ढवळे यांनी केली आहे.

सविस्तर वृत्त असे की,
नगररोड वरील शौचालये बांधकाम हे केवळ पुरूष वर्गासाठी असुन महिलांसाठी स्वतंत्र व्यवस्था करण्यात आली नाही, बीड शहरातील धानोरा रोडवरील, चंपावती शाळेसमोर, पंचायत समिती समोर, निलकमल हॉटेल शेजारी, तसेच सध्या भाजी मंडई भरत असलेल्या बसस्थानका मागील बायपास रोडवरील निर्माण होत असली शौचालये केवळ पुरूष वर्गासाठी व्यवस्था केलेली आहे, नगररोड वर जिल्हाधिकारी कार्यालय, तहसील कार्यालय, पंचायत समिती कार्यालय, न्यायालय, आदि शासकीय कार्यालये आहेत, याठिकाणी पुरूषांसोबत महिलांची मोठ्या प्रमाणावर वर्दळ असते त्यामुळे याठिकाणी पुरूषांसोबत महिलांची व्यवस्था करण्यात यावी यासाठी जिल्हाधिकारी यांच्या मार्फत मुख्यमंत्री, महिला व बालकल्याण मंत्री, सामाजिक न्याय व विशेष सहाय्य तथा पालकमंत्री बीड, विभागीय आयुक्तांना लेखी तक्रार केली आहे.

बीड: कोविड-१९ लढ्यात रुग्णालयातील खरेदीसाठी खर्चीत १५ कोटींची व रुग्णांची हेळसांड – डॉ गणेश ढवळे

by

अनागोंदी कारभार प्रकरणाची चौकशी स्वतंत्र कमिटी गठीत करून करण्याची मागणी

लिंबागणेश/बीड:आठवडा विशेष टीम― महाराष्ट्रासह बीड जिल्ह्यामध्ये कोरोना बाधित रूग्णांच्या उपचारासाठी व रोग निवारणासाठी कोट्यावधी रूपये खर्च केले जात आहेत. केवळ बीड जिल्हा शासकीय रूग्णालय व स्वाराती अंतर्गत इतर ठिकाणी रूग्णांच्या उपचारासाठी रूग्णालयाच्या परिसरात 30 कोटी पेक्षा जास्त निधी खर्च करण्यासाठी दिला आहे.विशेष म्हणजे औषधी खरेदी,कोरोना प्रादुर्भावावरील साहित्य, कोविड रूग्णालय सुरू करणे, वैद्यकीय साहित्य,साधन,यंत्र सामुग्री त्याचबरोबर पॉझिटिव्ह रूग्णांना श्‍वास घेण्यासाठी ऑक्सीजन प्लँट व पाईपलाईन. त्याचबरोबर विद्युतीकरण व इतर गोष्टीसाठी अंदाजे 15 कोटीच्याजवळ खर्च केला आहे. मात्र एवढा खर्च होऊनही लाईट गेली, व्हेन्टीलेटर बंद पडले आणि तडफडून रूग्णाचा मृत्यू झाला.यावर राजकीय नेत्यांनी प्रतिक्रिया दिल्यानंतर दुपारी उठून जिल्हा शल्यचिकीत्सक डॉ.अशोक थोरात यांनी पत्रकबाजी केली.एवढेच नव्हे तर जिल्हा रूग्णालयात काय खरेदी केली,काय सुविधा पुरविल्या हे उघडपणे सांगण्यात डॉ.अशोक थोरात कमी का पडत आहेत. त्यामुळे जिल्हा रूग्णालयात कोट्यावधी रूपयांचा खर्च कशावर झाला? केवळ कागदोपत्री दाखविल्या का? या सर्व गोष्टीची माहिती घेण्यासाठी व चौकशी करण्यासाठी विभागीय आयुक्त सुनील केंद्रेकर यांनी वैद्यकीय कमिटी स्थापन करून जिल्हा रूग्णालयाची पाहणी करून खर्च झालेल्या ठिकाणची पाहणी करावी अशी मागणी करत असताना राजकीय पुढार्‍यांनाही आवाहन केले आहे की पुढार्‍यांनो कोरोनाबाधित रूग्णांच्या संवेदना ओळखा डॉ.अशोक थोरातांना पाठीशी घालू नका अशी भावनात्मक हाक जिल्ह्यातील प्रसिद्ध सामाजिक कार्यकर्ते डॉ.गणेश ढवळे यांनी दिली आहे.

जिल्हा शासकीय रूग्णालयात कोरोनाबाधित रूग्णावर उपचारासाठी अथवा या आजारावर नियंत्रणासाठी जिल्हा प्रशासन,लोकप्रतिनिधी व शासनाकडून करोडो रूपयांचा निधी देण्यात आला. हा निधी कशावर किती खर्च झाला याची माहिती पाहिली तर आश्‍चर्य व्यक्त केले जात आहे. जणू काही जिल्हा रूग्णालय बांधल्यापासून विद्युतीकरण झाले नाही असे भासवून विद्युतीकरणावर 52 लाख 81 हजार रूपये, ऑक्सीजन प्लँट,पाईनलाईन 5 कोटी 18 लाख 47 हजार रूपये,कोरोना वार्डातील अधिकारी,कर्मचारी निवारणीसाठी इमारतीचे विद्युतीकरण 3 लाख 19 हजार,प्रयोगशाळेची सुधारणा 28 लाख,जिल्हा शासकीय रूग्णालयातील अनेक वार्डचे कोविड कक्षात रूपांतरावर लाखो रूपयांचा खर्च केला आहे.त्यामुळे एकंदरीत जिल्हा शल्यचिकित्सक डॉ.अशोक थोरातांनी चालवलेला हा सावळा गोंधळ आणि रूग्णांची हेळसांड झालेली पाहता सामाजिक कार्यकर्ते डॉ.गणेश ढवळे यांनी चौकशीची मागणी केली आहे.कोट्यावधी रूपये खर्च करून पॉझिटिव्ह रूग्णांची हेळसांड होतेय कशी? विद्युतीकरणावर लाखो रूपये खर्च करून लाईट जाते कशी? रूग्णाचा तडफडून मृत्यू होतो कसा? ही जिल्ह्यासाठी आणि डॉ.अशोक थोरातांना पाठीशी घालणार्‍या राजकीय पुढार्‍यासह इतर जणांना रूग्णांची हेळसांड, रूग्णांचा मृत्यू यांच्या संवेदना दिसून येत नाहीत का? त्यामुळे अशोक थोरातांनी कोरोना संदर्भात जो खर्च दाखविला आहे त्या सर्व खर्चाची विभागीय आयुक्त मा.सुनिल केंद्रेकर यांनी चौकशी करावी आणि ज्या ठिकाणी ऑक्सीजन प्लँट,पाईपलाईन, विद्युतीकरण यासह ज्या ठिकाणी खर्च दाखविला आहे त्याची चौकशी,तपासणी करण्यासाठी औरंगाबाद या ठिकाणाहून एक कमिटी पाठवावी अशी मागणी सामाजिक कार्यकर्ते डॉ.गणेश ढवळे यांनी मा.सुनिल केंद्रेकर विभागीय आयुक्तांना मा.राहुलजी रेखावार, जिल्हाधिकारी बीड यांच्या मार्फत केलेल्या ईमेलद्वारे केली आहे.

बीड जिल्ह्यात ३ ऑगस्ट रोजी ५६ जण कोरोना पॉझिटिव्ह ; पाटोदा तालुक्यातील अंमळनेरचा १ पॉझिटिव्ह

by

बीड दि.०३ ऑगस्ट:आठवडा विशेष टीम― आज (दि.०३ ऑगस्ट २०२०) रोजी सायंकाळी ०९.४५ वाजता आलेल्या कोविड-१९ चाचणी अहवालात बीड जिल्ह्यातील ५६ जण कोरोना संसर्ग पॉझिटिव्ह निघाले आहेत.आज एकूण ३४८ अहवाल प्राप्त झाले त्यापैकी २८४ जणांचे अहवाल निगेटिव्ह स्वरूपाचे आहेत.तसेच ०८ जणांचे अहवाल अनिर्णित स्वरूपात आहेत.

पाटोदा तालुक्यातील ०१ जण – ३७ वर्षीय पुरुष (रा.अंमळनेर ता.पाटोदा) पॉझिटिव्ह आहे. बीड तालुक्यातील ११ जण – ४९ वर्षीय पुरुष (रा पंडीत नगर ,ग्रामसेवक कॉलनी,नगररोड,बीड शहर) ८२ वर्षीय महिला (रा.राष्ट्रवादी भवन समोर,बीड शहर) १० वर्षीय महिला (रा.कृष्णमंदीर परिसर,बीड शहर पॉझिटिव्ह रुग्णाची सहवासीत) २० वर्षीय पुरुष (रा शाहशाह नगर,लेंडी रोड,बीड शहर पॉझिटिव्ह रुग्णाची सहवासीत ) ४५ वर्षीय पुरुष (रा.कामखेडा ता.बीड पॉझिटिव्ह रुग्णाची सहवासीत) ६९ वर्षीय महिला (रा.शहंशाह वली दरगाह रोड,बीड शहर) ३१ वर्षीय महिला (रा .सोमेश्वर नगर, बीड शहर पॉझिटिव्ह रुग्णाची सहवासीत) ४० वर्षीय पुरुष (रा.तेलगाव नाका,बीड शहर ,पत्त्याबाबत खात्री करणे सुरु आहे) ५३ वर्षीय पुरुष (रा.चौसाळा ता.बीड) ६२ वर्षीय पुरुष (रा.पालवण ता बीड पॉझिटिव्ह रुग्णाची सहवासीत) २५ वर्षीय पुरुष (रा.सम्राट चौक, शाहुनगर,बीड शहर). परळी तालुक्यातील १६ जण पॉझिटिव्ह आहेत– ३५ वर्षीय महिला (रा.लक्ष्मी मार्केट,परळी शहर पॉझिटिव्ह रुग्णाची सहवासीत) ५८ बर्षीय महिला (रा. लक्ष्मी मार्केट, परळी शहर पॉझिटिव्ह रुग्णाची सहवासीत) ४५ वर्षीय महिला (रा.प्रेमप्रज्ञा नगर,मोंढा मार्केट परळी शहर) १८ वर्षीय पुरुष (रा.गांधी मार्केट,परळी शहर) ३५ वर्षीय महिला (रा.पदमावती कॉलनी,परळी शहर) ३८ वर्षीय पुरुष (रा.लटपटे हॉस्पिटल जवळी ,परळी शहर) ३६ वर्षीय पुरुष (रा. पदमावती कॉलनी परळी शहर) ३२ वर्षीय महिला (रा.भिमवाडी ता.परळी पॉझिटिव्ह रुग्णाची सहवासीत) २७ वर्षीय पुरुष (रा भिमवाडी ता.परळी पॉझिटिव्ह रुग्णाची सहवासीत) ४० वर्षीय पुरुष (रा.कन्हेरवाडी ता.परळी) २६ वर्षीय पुरुष (रा.नाथनगर,परळी शहर) ३५ वर्षीय महिला (रा.धर्मापुरी ता.परळी पॉझिटिव्ह रुग्णाची सहवासीत ) १७ वर्षीय महिला (रा धर्मापुरी ता .परळी पॉझिटिव्ह रुग्णाची सहवासीत) २२ वर्षीय महिला (रा.विद्यानगर परळी शहर पॉझिटिव्ह रुग्णाची सहवासीत) ४५ वर्षीय पुरुष (रा.स्वातीनगर,परळी शहर) ५० वर्षीय पुरुष (रा हमालवाडी ता.परळी). अंबाजोगाई तालुक्यातील ०७ जण पॉझिटिव्ह आहेत– ४५ वर्षीय पुरुष (रा.रमाई नगर,अंबाजोगाई शहर) ५१ वर्षीय पुरुष (रा.पारीजात कॉलनी,अंबाजोगाई शहर) ३४ वर्षीय पुरुष (रा.सावरकर चौक, मंगळवारपेठ,अंबाजोगाई शहर पॉझिटिव्ह रुग्णाची सहवासीत) २५ वर्षीय महिला (रा.सदर बाजार, अंबाजोगाई शहर पॉझिटिव्ह रुग्णाची सहवासीत) ०५ वर्षीय पुरुष (रा ,प्रशांतनगर,अंबाजोगाई शहर पॉझिटिव्ह रुग्णाची सहवासीत ) ०७ वर्षीय महिला (रा.प्रशांतनगर,अंबाजोगाई शहर पॉझिटिव्ह रुग्णाची सहवासीत) ५३ वर्षीय पुरुष (रा मोदीशाळे जवळ,अंबाजोगाई शहर).केज तालुक्यातील ०६ जण पॉझिटिव्ह आहेत– ३९ वर्षीय पुरुष (रा ढाकेफळ ता.केज पॉझिटिव्ह रुग्णाची सहवासीत ) २२ वर्षीय पुरुष (रा.आरणगाव ता.केज पॉझिटिव्ह रुग्णाची सहवासीत) ३५ वर्षीय पुरुष ( रा .आनंदनगर,धारुर चौक,अंबाजोगाई रोड,केज शहर पॉझिटिव्ह रुग्णाच्या सहवासीत) ४८ वर्षीय पुरुष (रा.समर्थ मठ, देशपांडे गल्ली,केज शहर, पॉझिटिव्ह रुग्णाची सहवासीत) ६२ वर्षीय पुरुष (रा.माधवनगर केज शहर) ६० वर्षीय पुरुष( रा गांजी (शेलगाव) ता केज.).धारूर तालुक्यातील ०५ जण पॉझिटिव्ह आहेत– ०३ वर्षीय पुरुष (रा.स्वाराज्य नगर,धारुर शहर पॉझिटिव्ह रुग्णाचा सहवासीत) ३१ वर्षीय महिला (रा. स्वाराज्य नगर,धारुर शहर पॉझिटिव्ह रुग्णाचा सहवासीत) ३० वर्षीय पुरुष (रा.मठ गल्ली ,कसबा,धारुर शहर पॉझिटिव्ह रुग्णाचा सहवासीत) २१ वर्षीय पुरुष (रा घागरवाडा ता.धारुर पॉझिटिव्ह रुग्णाचा सहवासीत) ७६ वर्षीय पुरुष (रा आर्यसमाज मंदीरच्या जवळ,काशीनाथ चौक).अशी बीड जिल्ह्यातील पॉझिटिव्ह आलेल्या ५६ जणांची माहिती आहे.

बीड जिल्ह्यात ३७ जण कोरोना पॉझिटिव्ह ; २८ जुलैचा अहवाल

by

बीड, दि.२९:आठवडा विशेष टीम― बीड जिल्ह्यात दि.२८ जुलैच्या अहवालात ३७ कोरोनाबाधित रुग्ण आढळले असल्याची माहिती प्रशासनाने दिली आहे.जिल्ह्यात आतापर्यंत ६०६ रुग्ण कोरोना पॉझिटिव्ह आढळून आले होते.त्यात ह्या आणखी ३७ जणांची भर पडली आहे. त्यामुळे आता एकूण रुग्णसंख्या ६४३ इतकी झाली आहे.बीड तालुक्यात २१, परळी ५, अंबाजोगाई ८, गेवराई २, आष्टी १ इतके रुग्ण आढळून आले आहेत.

बीड (२१) ―

  1. २५ वर्षीय पुरुष (रा.भिमराज गल्ली,राजुरी वेस,बीड शहर पॉझिटिव्ह रुग्णाचा सहवासीत)
  2. १० वर्षीय महिला (रा.टिळक रोड, बलभीम चौक, बीड शहर पॉझिटिव्ह रुग्णाचा सहवासीत)
  3. ३८ वर्षीय पुरुष (ग.टिळक रोड, बलभीम चौक, बीड शहर पॉझिटिव्ह रुग्णाचा सहवासीत)
  4. २४ वर्षीय महिला (रा एमएम कॉम्प्लेक्स, नेकनुर ता बीड पॉझिटिव्ह रुग्णाचा सहवासीत)
  5. ४८ वर्षीय पुरुष (रा.एमएम कॉम्प्लेक्स, नेकनुर ता.बीड पॉझिटिव्ह रुग्णाचा सहत्वासीत)
  6. २५ वर्षीय पुरुष (रा.एमएम कॉम्प्लेक्स, नेकनुर ता.बीड पॉझिटिव्ह रुग्णाचा सहवासीत)
  7. ०४ वर्षीय महिला (रा.शनी मंदीर गल्ली,बीड शहर पॉझिटिव्ह रुग्णाचा सहवासीत)
  8. ६० वर्षीय पुरुष (रा.शनी मंदीर गल्ली,बीड शहर पॉझिटिव्ह रुग्णाचा सहवासीत)
  9. २८ वर्षीय महिला (रा.शनी मंदीर गल्ली,बीड शहर पॉझिटिन रुग्णाचा सहवासीत)
  10. ३० वर्षीय महिला (रा.माऊली चौक,करीमपुरा,बीड शहर पॉझिटिव्ह रुग्णाचा सहवासीत)
  11. ४० वर्षीय पुरुष (रा काळा हनुमान ठाणा,बीड शहर)
  12. ६० वर्षीय महिला (रा घोडका राजुरी, ता.बीड)
  13. ५५ वर्षीय पुरुष (रा रुंघा गल्ली,चौसाळा, ता.बीड)
  14. ५६ वर्षीय पुरुष (रा कमबाड़ा गल्ली जुना बाजार बीड शहर)
  15. ३८ वर्षीय पुरुष (रा माऊली चौक,करीमपुरा,बीड शहर)
  16. १५ वर्षीय पुरुष (रा.माऊली चौक,रामपुरा,बीड शहर)
  17. ३२ वर्षीय पुरुष (रा.जुन्या एस.पी.ऑफीस जवळ,गणेश नगर,बीड शहर)
  18. २१ वर्षीय पुरुष (रा.चांदणवस्ती खंडेश्वरी रोड,काळा हनुमान ठाणा,बीड शहर)
  19. २५ वर्षीय पुरुष (रा.पालवण चौक,बीड शहर पॉझिटिव्ह रुग्णाचा सहवासीत)
  20. १८ वर्षीय पुरुष (रा.रानुमाता मंदीराच्या मागे,शाहुनगर,बीड शहर)
  21. ४९ वर्षीय महिला (रा.माऊली नगर पिंपरगव्हाण रोड,बीड शहर)

परळी (०५)―

  1. ६५ वर्षीय पुरुष (रा.धर्मापुरी ता.परळी शहर)
  2. १७ वर्षीय पुरुष (रा.टोकवाडी ता परळी पॉझिटिव्ह रुग्णाचा सहवासीत)
  3. ३७ वर्षीय पुरुष (रा.संभाजी नगर,पोलीस स्टेशन,परळी शहर पॉझिटिव्ह रुग्णाचा सहबासीत )
  4. २६ वर्षीय पुरुष (रा.टीपीएस कॉलनी, परळी शहर)
  5. २६ वर्षीय पुरुष (रा. पंचशील नगर, परळी शहर)

अंबाजोगाई (०८)―

  1. ३२ वर्षीय पुरुष (आंबेडकर चौकाजवळ,अंबाजोगाई शहर पॉझिटिव्ह रुग्णाचा सहवासीत)
  2. ४२ वर्षीय पुरुष (रा.हाऊसींग सोसायटी,अंबाजोगाई शहर पॉझिटिव्ह रुग्णाचा सहवासीत)
  3. १६ वर्षीय महिला (रा हनुमान मळा ग्रा.पं.जोगाईवाडी ता अंबाजोगाई पॉझिटिव्ह रुग्णाचा सहवासीत)
  4. १८ वर्षीय पुरुष (रा.हनुमान मळा ग्रा.पं.जोगाईवाडी,ता.अंबाजोगाई पॉझिटिव्ह रुग्णाचा सहवासीत)
  5. २२ वर्षीय पुरुष (रा.सारे गल्ली, अंबाजोगाई पहर)
  6. ३२ वर्षीय पुरुष (रा.अनुराग कॉलनी, अंबाजोगाई शहर पॉझिटिव्ह रुग्णाचा सहवासीत)
  7. ४९ वर्षीय महिला (रा.अनुराग कॉलनी, अंबाजोगाई शहर पॉडिटिव्ह रुग्णाचा सहवासीत)
  8. २६ वर्षीय पुरुष (रा.अनुराग कॉलनी, अंबाजोगाई शहर पॉशिटिव्ह रुग्णाचा सहवासीत)

गेवराई (०२) ―

  1. ४० वर्षीय पुरुष (रा.सरस्वती कॉलनी,ताकडगाव रोड,गेवराई शहर पॉझिटिव्ह कम्णाचा सहवासीत)
  2. ७५ वर्षीय पुरुष (रा.निकम गल्ली,गेवराई शहर)

आष्टी (०१)―

  1. ७० वर्षीय पुरुष (रा.लोणी सय्यद मीर,ता.आष्टी,जि.रु. अहमदनगर येवे उपचार सुरु)

बीड: शासकीय कार्यालयात पिण्याचे पाणी शौचालय मूलभूत सुविधांची कमी ,मात्र रोगराई पसरविण्याची शंभरटक्के हमी – डॉ.गणेश ढवळे

by

बीड:आठवडा विशेष टीम― सहजिल्हानिबंधक तथा मुद्रांक जिल्हाधिकारी कार्यालयात शौचालय सुविधाच नाही, दारुच्या बाटल्या आणि दगडगोट्यांनी खचाखच भरलेले,घाणीचे साम्राज्य असणारे शौचालय आहे.

पिण्याच्या पाण्यासाठी जारचे पाणी–

पिण्याच्या पाण्यासाठी” वरद डेव्हलपर्स” यांनी बांधलेले टाकी आहे, परंतु अस्वचछता असल्याने लोक विकत जारचे पाणी पितात. एवढंच नव्हे तर शासकीय अधिकारी व कर्मचारी सुद्धा विकत जारच्या पाण्यावरच तहान भागवतात.

बीड शहरातील जिल्हाधिकारी कार्यालय शेजारी असणारे दररोज कोट्यावधींची उलाढाल करणाऱ्या सह जिल्हा निबंधक तथा मुद्रांक जिल्हाधिकारी कार्यालयात येणाऱ्या नागरिकांना शौचालय, लघुशंकेसाठी व्यवस्थाच नाही, अस्तित्वात असलेल्या पुरूष शौचालय दारुच्या बाटल्या आणि दगडगोट्यांनी खचाखच भरलेले असुन घाणीचे साम्राज्य पसरले आहे.

वरिष्ठ लिपिक गोपवाड –पाण्याअभावी शौचालय बंद अवस्थेत :

मुद्रांक कार्यालयातील वरिष्ठ लिपीक गोपवाड यांना या ठिकाणी येणा-या नागरिकांचीच नव्हे तर येथिल कर्मचारी यांना सुद्धा शौचालय व लघुशंकेसाठी जिल्हाधिकारी कार्यालयातील शौचालयाचा आधार घ्यावा लागतो. याचवेळी येथिल पुरूष कर्मचारी उघड्यावर लघुशंका करताना आढळून आले आहे.

जिल्हाधिकारी यांनी सर्व शासकीय कार्यालयांना मुलभूत सुविधा उपलब्ध करून द्यावी – डॉ गणेश ढवळे

बीड शहरातील प्रमुख शासकीय कार्यालये याठीकाणी येणा-या नागरिकांना मुलभूत सुविधा उपलब्ध करून देणे बंधनकारक आहे, पिण्याचे पाणी, शौचालय या ठिकाणी स्वच्छता असणे गरजेचे आहे, परंतु मुद्रांक जिल्हाधिकारी कार्यालयातील स्वच्छतागृहात दारुच्या बाटल्या, दगडगोटे युक्त शौचालय व घाणीचे साम्राज्य पसरले असुन साथीचे आजार पसरण्याची शक्यता आहे त्यामुळे जिल्हाधिकारी यांनी सर्व शासकीय कार्यालये यांना तात्काळ मुलभुत सुविधा पुरवावी यासाठी जिल्हाधिकारी राहुलजी रेखावार यांना लेखी निवेदन दिले आहे.

बीड शहरातील वृध्द महिलेचा कोरोनाने मृत्यू

by

बीड दि.१२:आठवडा विशेष टीम― जिल्ह्यात कोरानाचे रुग्ण दिवसेंदिवस वाढत आहेत. गेल्या ४८ तासांमध्ये तिघांचा कोरानामुळे मृत्यू झाल्याची घटना घडलेली असतांनाच आज पहाटे बीड शहरातील एका ७५ वर्षीय महिलेचा जिल्हा रुग्णालयात उपचारादरम्यान मृत्यू झाला. जिल्ह्यात आतापर्यंत कोरानाने ११ जणांचे बळी घेतले आहेत.

बीड शहरातील किल्ला मैदान येथील ७५ वर्षीय महिलेचा रिपोर्ट काल सायंकाळी पॉझिटिव्ह आला होता. तिच्यावर जिल्हा रुग्णालयातील कोविड सेंटरमध्ये उपचार सुरु होते. रात्री उशिरा महिलेची प्रकृती खालावल्याने ऑक्सिजन लावण्यात आले होते. मात्र आज पहाटे २.३० वाजण्याच्या सुमारास सदरील ७५ वर्षीय महिलेचा मृत्यू झाला. या संदर्भात रुग्णालय प्रशासनाने महिलेच्या दफनविधीची शासकीय प्रक्रिया पुर्ण केली असुन नगरपालिका, संबंधित पोलिस ठाणे यांच्याशी पत्र व्यवहार केला आहे. सदरील महिलेचा तकीया मस्जिद परिसरातील कब्रस्तानमध्ये दफनविधी होणार असल्याचे सुत्रांनी सांगितले. दरम्यान काल सायंकाळी जिल्हा रुग्णालयात उमापुर (ता.गेवराई) येथील रुग्णाचा मृत्यू झाला होता. तर पाटोदा तालुक्यातील येवलवाडी, बेनसुर येथील दोन बांधितांचा पुणे येथील रुग्णालयात मृत्यू झाल्याची घटना घडली. त्यानंतर आत बीडमध्ये महिलेचा मृत्यू झाल्याने बळींची संख्या ११ झाली आहे.

राजगृहासारख्या अस्मितेवर घाला घालण्याचा प्रयत्न कराल तर याद राखा―दत्ता वाकसे

by

बीड:आठवडा विशेष टीम― देशातील नव्हे तर संपूर्ण जगाला न्याय हक्क मिळवून देण्यासाठी स्वतःचे आयुष्य समर्पित करणारे व घटनेच्या आधारे बहूजन वंचित छोट छोट्या जातील सामान्य माणसाला स्वाभिमानाने जगण्याचा न्याय मिळवून देणारे महामानव विश्वरत्न भारतीय घटनेचे शिल्पकार डॉक्टर बाबासाहेब आंबेडकर यांच्या मुंबई येथील इतिहासकालीन असलेल्या राजगृह निवासस्थानाची तोडफोड करणाऱ्या जातीवादी समाजकंटकांना तात्काळ राज्याच्या गृहमंत्र्यांनी कडक कारवाई करून शोधून त्यांच्यावर त्या समाजकंटकांवर तात्काळ अटक करून त्यांच्यावर कठोर कारवाई करावी यापुढे जर आमच्या अस्मितेवर घाला घालत असेल तर त्याला जशास तसे उत्तर द्यायला आम्ही तयार आहोत असे प्रसिद्धीपत्रकाद्वारे धनगर समाज संघर्ष समिती बीड जिल्हा प्रमुख दत्ता वाकसे यांनी म्हटले आहे पुढे दिलेल्या प्रसिद्धिपत्रकाद्वारे म्हटले आहे की संबंध बहुजन समाजाच्या अस्मितेवर घाला घालण्याचा प्रयत्न करत असेल तर त्यांना तात्काळ उत्तर देण्यास तयार आहोत या प्रश्ने महाराष्ट्र राज्याचे मुख्यमंत्री उद्धवजी ठाकरे व महाराष्ट्र राज्याचे ग्रह मंत्री अनिल देशमुख यांनी तात्काळ या प्रश्नी त्या समाजकंटकांना तात्काळ अटक करून महाराष्ट्राच्या अस्मितेवर घाला घालणाऱ्या व बहुजन समाजाच्या भावना दुखावणाऱ्या व राजगृहावर तोडफोड करणाऱ्या समाजकंटकांना तात्काळ अटक करून कडक कारवाई करावी संबंध वंचित सामान्य घटकातील सर्व समाज बांधवांना सर्व जाती धर्मातील लोकांना न्याय हक्क मिळवून देण्यासाठी स्वतःचे आयुष्य समर्पित करणारे विश्वरत्न डॉक्टर बाबासाहेब आंबेडकर यांच्या अस्मितेवर घाला घालण्याचा प्रयत्न कराल तर त्यांना जशास तसे उत्तर देऊ असे देखील वाकसे यांनी दिलेल्या प्रसिद्धीपत्रकाद्वारे म्हटले आहे.

…पहा कोणत्या गावातील आहेत हे रुग्ण ; बीड जिल्ह्यात(दि.८) १७ जण कोरोना पॉझिटिव्ह

by

बीड दि.०८ जुलै:आठवडा विशेष टीम― बीड जिल्ह्यातुन आज २६२ जणांचे स्वॅब कोरोना कोविड-१९ RT-PCR चाचणीसाठी कोविड सेंटर ला पाठविण्यात आले होते त्यापैकी १७ जणांचे चाचणी केल्यानंतर स्वॅब अहवाल कोरोना पॉझिटिव्ह स्वरूपाचे आले आहेत.तर २३८ जणांचे अहवाल निगेटिव्ह आले आहेत.आणि ०७ जणांचे अहवाल अनिर्णित (Inconclusive) स्वरूपाचे आहेत.

आज कोरोना पॉझिटिव्ह आढळलेले रुग्ण (१७)―

तीन जण ३६ वर्षीय महिला, १५ व १३ वर्षीय पुरुष (एस.बी.आय.परळी कर्मचा-यांचे कुटुंबिय रा.शिक्षक कॉलनी, मोरेवाडी) अंबाजोगाई तालुक्यातील आहेत. सहा जण ४५ वर्षीय पुरुष (एसबीआय बँक कर्मचारी), परळी शहर ,३३ वर्षीय पुरुष (एसबीआय परळी कर्मचारी), परळी शहर ,७१ व ०७ वर्षीय पुरुष (एसबीआय कर्मचा-याचे कुटुंबीय), परळी शहर ,४६ वर्षीय पुरुष (एसबीआय बँकेचा ग्राहक),परळी शहर
२३ वर्षीय पुरुष (एसबीआय बँकेचा ग्राहक, रा.दादाहरी वडगाव) परळी तालुक्यातील आहेत. दोन जण २६ वर्षीय महिला ( ईस्लामपुरा गेवराई पॉझिटिव्ह सहवासीत ) , गेवराई शहर ,२८ वर्षीय पुरुष ( पुणे हुन आलेला रा.केकतपांगरी ) हे गेवराई तालुक्यातील आहेत. सहा जण ६८ वर्षीय पुरुष ( स्टेट बँक कॉलनी , परवाना नगर , बीड ) , बीड शहर ,४३ वर्षीय पुरुष ( मोमोनपुरा , मक्का चौक ) , बीड शहर ,३० वर्षीय पुरुष ( विद्यानगर पुर्व ) , बीड शहर ,८३ वर्षीय स्त्री ( गोविंदनगर , बीड ) बीड शहर ,५५ वर्षीय पुरुष ( साक्षाळपिंप्री ) , ३० वर्षीय पुरुष ( वंजारवाडी ) हे बीड तालुक्यातील आहेत.बीड तालुक्यातील ६ रुग्णांपैकी ३ रुग्ण हे बीड शहरातील मेगासर्वेतुन आढळलेले आहेत.अशी माहिती प्रशासनाने दिली आहे.

बीड जिल्ह्यात आज ९ कोरोना संक्रमित रुग्ण आढळले

by
बीड जिल्हा कोरोना अपडेट

बीड दि.०४:आठवडा विशेष टीम―आज जिल्ह्यातुन २५१ स्वॅब कोविड-१९ RT-PCR चाचणीसाठी पाठविण्यात आले होते त्यापैकी ९ जणांचे अहवाल कोरोना पॉझिटिव्ह आले आहेत.तर २४२ जणांचे अहवाल निगेटिव्ह स्वरूपाचे आले आहेत.

आजच्या अहवालात बागझरी तालुका अंबाजोगाई येथील ६५ वर्षीय महिला ,राळेसांगवी तालुका शिरूर येथील ४५ वर्षीय पुरुष ,बीड शहरातील २ महिला व अन्य परळीच्या ५ जणांचा अहवाल कोरोना पॉझिटिव्ह आला आहे.

परळी शहरातील टॉवर परिसरात असलेल्या एसबीआय बँकेच्या शाखेतील सहा जणांना काल अस्वस्थ वाटत असल्याने त्यांच्या स्वॅबचे नमुने आरोग्य प्रशासनाने घेऊन अंबाजोगाई येथील कोविड-१९ सेंटरला पाठवण्यात आले होते त्याचा अहवाल आता नुकताच प्राप्त झाला असून ५ जणांचे अहवाल पॉझिटिव्ह आल्याने खळबळ उडाली आहे. एसबीआय बँकेची शाखा तालुक्यातील एक मोठी व्यवहार असणारी बँक आहे. यामुळे कर्मचाऱ्या पासून अनेक लोकांचा संपर्क आल्याची शक्यता नाकारता येत नसल्यामुळे ह्या कोरोना पॉझिटिव्ह रुग्णांकडून अजून किती लोकांना संसर्ग झाला असेल हे आरोग्य प्रशासनापुढे मोठे आव्हान असणार आहे.

आज दि.०४ जुलै २०२० रोजीच्या अहवालातील सविस्तर माहिती―

  • 5 -परळी – 28 वर्षीय पुरुष,32 वर्षीय पुरुष,29 वर्षीय पुरुष,35 वर्षीय पुरुष,55 वर्षीय पुरुष
  • 1 -राळेसांगवी ता शिरूर- 45 वर्षीय पुरुष (भिवंडीहुन आलेले)
  • 1-अजीज पुरा ,बीड- 40 वर्षीय महिला
  • 1-डीपी रोड,बीड- 45 वर्षीय महिला
  • 1- बागझरी ता अंबाजोगाई-65 वर्षीय महिला (पुण्याहून आलेले)

CoronaVirus बीड: जिवनावश्यक किराणा सामानाची घरपोच सेवेसाठी प्रभाग व कॉलनीनिहाय दुकाने जाहीर | Beed Corona Updates

by
बीड जिल्हा कोरोना अपडेट

प्रभाग व भागनिहाय ३२८ दुकाने त्यांचे पत्ते, नियुक्त कर्मचारी यांचे संपर्क क्रमांकांची आदेशासोबत यादी प्रसिद्ध

बीड, दि.२:आठवडा विशेष टीम― बीड शहरात ०८ दिवसांसाठी ९ जुलै रोजी रात्री १२.०० वा पर्यंत संपूर्ण संचारबंदी घोषित करण्यात येवून कुणालाही घराबाहेर पडण्यास सक्त मनाई आदेश लागू करण्यात आले आहेत. या कालावधीत जिवनावश्यक किराणा सामानाची घरपोच सेवा देण्याच्या अनुषंगाने प्रभाग व कॉलनीनिहाय दुकानांची यादी जाहीर करणेत आली आहे. तसेच शासकीय कार्यालय व मा. न्यायालयाचे कामकाजाबाबत जिल्हाधिकारी राहुल रेखावार यांनी निर्देश दिले आहेत.

यामुळे नागरिकांना घराबाहेर पडून अत्यावश्यक
किराणा सामानांची खरेदी करणेस अडचण निर्माण होत आहे.

बीड शहरातीलजिवनावश्यक किराणा सामानाची घरपोच सेवा देण्याच्या अनुषंगाने किराणा दुकानांची त्यांच्यासाठी नेमलेल्या प्रभाग, कॉलनी, गल्ली निहाय यादी ज्यात संबंधित नेमलेल्या दुकानांचे नांव, पत्ता, मोबाईल क्रमांक व दुकानावर नियुक्त कर्मचारी यांचे नांव मोबाईल क्रमांक निहाय यादी प्रसिद्ध करण्यात आली आहे.

नागरिकांनी केवळ अत्यंत आवश्यक किराणा सामान जसे की, तेल, गहू, साखर, तांदूळ इत्यादी वस्तूंचीच मागणी त्यांच्यासाठी नेमलेल्या किराणा दुकानदार यांचेकडेच नोंदवावी.

नागरिकांनी संबंधित दुकानदार यांच्याकडे अनावश्यक वस्तू परफयुम, कॉसमेटीक्स आदी ची सामानाची मागणी करु नये.

संबंधित दुकानावर मागणी नोंदविल्यानंतर दुसऱ्या दिवशी सकळी ०९.०० ते दु. १२.०० वा पर्यंत सामानाची घरपोच डिलेव्हरी नियुक्त कर्मचारी यांचे मार्फत करण्यात येईल. अशा सुचना संबंधित कर्मचारी व दुकानदार यांना देण्यात आलेल्या आहेत.

नागरिकांनी दुकानदारांशी बिलाविषयी चर्चा करावी मगच मागणी नोंदवावी. दुकानदारांकडे Paytm, Googlepay किंवा ऑनलाईन सुविधा असेल तर त्याचा वापर करुनच व्यवहार करावा, अन्यथा कर्मचारी घरी सामान देण्यासाठी आल्यावर त्यांच्याकडे समक्ष रक्कम स्वत: एका पॉकीटात भरावी व दयावी. दुकानदारांनी सदरील रक्कम काळजीपूर्वक हाताळावी.

सर्वांनी चेहऱ्यावर मास्क, रुमाल बांधावा, सॅनीटायझर, साबणाचा वांरवार वापर करावा. सामाजिक अंतर राखावे आणि कोवीड विषयक सर्व खबरदारी घ्यावी. दुकानदारांनी सामानाचे दर जास्त आकारल्यास त्यांच्यावर तात्काळ कारवाई करण्यात येईल.

नागरिकांचा त्यांच्या प्रभागातील दुकानदारांशी संपर्क होणार नाही. त्यांनी प्रसिद्ध करण्यात आलेली यादीत समाविष्ट कर्मचारी यांचेशी त्यांच्या प्रभाग क्रमांकाप्रमाणे संपर्क साधावा.

यासह नागरिकांनी Needly App चा वापर त्यांचे प्रभागातील दुकानदारांशी चर्चा करुनच करावा. सदरील अॅपवर नागरिकांना साहित्याचे दर देखील पाहता येतील.

शासकीय कार्यालय व मा.न्यायालयाचे कामकाजा बाबत खालील प्रमाणे निर्देश देण्यात आले आहेत

१.बँकेचे कर्मचारी यांनी त्यांचे केवळ अंतर्गत व महत्त्वाच्या कार्यालयीन कामकाजासाठीच त्यांचे बँकेचे ओळखपत्र वापरुन कामकाज करणेस परवानगी देण्यात येत आहे. कोणत्याही ग्राहकाला त्यांनी प्रत्यक्ष सेवा देऊ नये.

२. किरकोळ किराणा, घाऊक किराणा व्यापारी व कृषी घाऊक व्यापारी यांनी ऑनलाईन पास काढण्यासाठी त्यांनी अर्जासोबत शॉप अॅक्टची कॉपी/लायसन्स अपलोड करावे व पास प्राप्त झाल्यानंतर दुकान वरील प्रमाणे केवळ घरपोच सेवेसाठी चालू करण्यास परवानगी देण्यात येत आहे. कोणत्याही ग्राहकास या दुकानांवर येण्यासाठी संपूर्ण मनाई आहे. किरकोळ किराणा व्यापाऱ्यांना सकाळी ८.३० ते दु.१२.३० वा व घाऊक किराणा व्यापाऱ्यांना व घाऊक कृषी व्यापाऱ्यांना सकाळी ०९ ते संध्याकाळी ०४.०० वा. पर्यंत परवानगी पास द्वारेच देण्यात येईल.

३. मा.प्रमुख जिल्हा व सत्र न्यायाधीश यांनी काढलेल्या आदेशा प्रमाणेच जिल्हा न्यायालयातील कार्यालयीन कर्मचारी यांना परवानगी असेल.

४. जिल्हा कोषागार कार्यालय यांनी त्यांचे अंतर्गत व महत्वाच्या कार्यालयीन कामकाजासाठी त्यांचे कार्यालयाचे ओळखपत्र वापरुन कामकाज करणेस परवानगी देण्यात येत आहे.

५.अंत्यविधीसाठी शासनाचे पत्रकात नमुद केलेनुसार नियमानुसार परवानगी असेल.

६. पोस्ट ऑफीस राजुरी वेस आणि अधिक्षक पोस्ट ऑफिस बीड येथील कर्मचारी यांना ओळखपत्र वापरुन कामकाज करणेस परवानगी असेल.

७. सर्व प्रकारची मालवाहतूक त्याअनुषंगाने बीड शहराच्या हद्दीतील गोदामे चालवण्यास परवानगी देण्यात आली आहे.

बीड शहरात कोवीड-१९ चा प्रादुर्भाव होण्याची शक्यता लक्षता घेता संपूर्ण शहरामध्ये प्रतिबंधात्मक व्यवस्था कार्यरत करणेत आले आहे. तसेच जिल्ह्यात फौजदारी प्रक्रिया दंड संहिता १९७३ चे कलम १४४ नुसार दिनांक ३० जुलै २०२० रोजीचे रात्री १२.०० वा पर्यंत प्रतिबंधात्मक लागू करण्यात आले आहे, सदर आदेश या आदेशासह लागू राहतील.

बीडकरांनो बातमी पहा..! बीड शहरात ८ दिवसासाठी संपूर्ण संचारबंदी

by
बीड जिल्हा कोरोना अपडेट

बीड दि.०१:आठवडा विशेष टीम― बीड शहरामध्ये नव्याने करोना विषाणूची लागण झालेले तीन रुग्ण आढळले असून बीड शहरात covid-19 चा प्रादुर्भाव होण्याची शक्यता लक्षात घेता संपूर्ण शहरांमध्ये प्रतिबंधात्मक व्यवस्था कार्यरत करणे आवश्यक असल्यामुळे बीड शहरातील इतर भागांमध्ये विषाणूंचा प्रादुर्भाव होऊ नये म्हणून फौजदारी प्रक्रिया दंड संहिता 1973 चे कलम 144 नुसार बीड शहरात आठ दिवसांसाठी (०९ जुलै रोजी रात्री १२.०० वा पर्यंत) संपूर्ण संचारबंदी घोषित करण्यात येऊन कुणालाही घराबाहेर पडण्यास सक्त मनाई करण्यात येत आहे व खालील प्रमाणे निर्देश देण्यात येत आहेत.

1. वैद्यकीय सेवा, वर्तमानपत्रे व माध्यमा विषयक सेवा 24 तास सुरू राहतील.

2.बीड शहरात विशेष परवानगी शिवाय कोणालाही या कालावधीत प्रवेश करता येणार नाही व शहराबाहेरही जाता येणार नाही

3. अत्यावश्यक सेवांची शासकीय कार्यालय वगळता (महसूल ,पोलीस ,ग्रामविकास ,नगरविकास ,कृषी व आरोग्य) बीड शहरातील सर्व आस्थापना ,बँका (शासकीय व खाजगी आस्थापना) इत्यादी बंद राहतील. वरील सहा विभागांचे कर्मचारी कार्यालयीन ओळख पत्राद्वारे शहरांतर्गत प्रवास करू शकतील

4.बीड शहरातील नागरिकांना इतर जिल्ह्यात व राज्यात जाण्यासाठी ऑनलाईन व ऑफलाईन पास मिळणार नाही , परंतु मेडिकल इमर्जन्सी मधील पाससाठी बीड शहरातील नागरिकांनी covid19.mhpolice.in
या वेबसाईटवर भरून पास प्राप्त करून घ्यावा.

5.बीड शहरातील सर्व नागरिकांनी आरोग्य सेतू ॲप तात्काळ डाऊनलोड करून वापरणे बंधनकारक राहील. करोना विषाणू चे अनुषंगाने ताप ,सर्दी ,खोकला डोकेदुखी ,श्वसनास त्रास इत्यादी लक्षणे आढळून आल्यास सदरील ॲपमध्ये self-assessment या सदराखाली आपली माहिती तात्काळ भरावी.

6.बीड शहरात फक्त फिरते दूध विक्रेते यांना परवानगी राहील. कोणत्याही दुकानदारा मार्फत दूध विक्री केली जाणार नाही अथवा दुकान उघडणार नाही.त्यांनी दुधाची पाकिटांची होम डिलिव्हरी करावी व ती करत असताना covid-19 च्या अनुषंगाने सामाजिक अंतराचे पालन करावे.

7.जार वाटर सप्लायर्स यांनी पाणी जारद्वारे वाटप न करता ग्राहकाकडून उपलब्ध भांड्यामध्ये पाणी द्यावे आणि त्या वेळेस covid-19 च्या अनुषंगाने सामाजिक अंतराचे पालन करावे किंवा जार वाटर सप्लायर्स यांनी संपूर्ण जार ग्राहकास द्यावे व रिकामी जार परत न घेता त्याच जार मध्ये पुनर्भरणाची घरपोच सेवा द्यावी. तसेच सर्व वाटर सप्लायर्स कर्मचारी यांनी नियमानुसार पास काढून घेऊन सेवा पुरवावी.

8.परवानाधारक भाजी व फळ विक्रेते यांना पूर्वीप्रमाणे परवानगी राहील, परंतु त्यांनी घरोघरी जाऊनच विक्री करावी.

9.घरगुती गॅस घरपोच सेवा देताना त्या कंपनीचा गणवेश परिधान करावा व त्यांचे गणवेश नसलेले कर्मचारी यांनी नियमानुसार पास काढून सेवा द्यावी.

10. मोबाईल कंपनी ऑपरेटर्स यांच्या कर्मचाऱ्यांनी नियमानुसार पास काढून सेवा द्यावी.

11. वैद्यकीय कर्मचारी व औषधी विक्रेते यांनी दवाखान्याची ओळखपत्र अथवा ऑनलाइन पास द्वारे बीड शहर अंतर्गत प्रवासास परवानगी देण्यात येत आहे.

12. जीवनावश्यक वस्तूंचा पुरवठा करणे बाबतचा आदेश स्वतंत्रपणे काढण्यात येईल.
सदरील आदेशाची अंमलबजावणी तात्काळ करण्यात यावी असे मा. जिल्हाधिकारी बीड यांनी दि.०१/०७/२०२० रोजी आदेशित केले आहे.