Police Bharti 2022: Uttar Pradesh Police 26210 Constable posts 2022 Apply Online uppbpb.gov.in -Age and Eligibility Criteria, Application fee, Salary ,Posts Details

Police Bharti 2022 – Uttar Pradesh Police Recruitment & Promotion Board (UPPRPB) released the Police Bharti 2022 Tender Notice on 7th Jan 2022 for 26210 Constable Posts recruitment and 172 Fireman Posts recruitment. The online form filling and submission process is going to begin shortly at UP Police bharti official website uppbpb.gov.in Interested candidates can … Read more

गॅस सिलेंडर दरवाढीच्या निषेधार्थ जिल्हाधिकारी कार्यालयासमोर चुलीवर खिचडी करून गांधीगिरि आंदोलन – डाॅ.गणेश ढवळे

बीड: केंद्र सरकारने पेट्रोल-डिझेल सह मोठ्याप्रमाणात एलपीजी गॅस सिलेंडर किंमत वाढवुन महागाई वाढवण्याच्या धोरणाच्या तसेच शेड्यूल ड्रग्स श्रेणीतील ८०० औषधांच्या १० टक्क्यांनी किंमती वाढविण्यास दिलेली मंजुरीच्या निषेधार्थ व वाढीव किंमती तात्काळ कमी करण्यात याव्यात यासाठी सामाजिक कार्यकर्ते तथा कार्याध्यक्ष भ्रष्टाचार निर्मूलन समिती महाराष्ट्र राज्य डाॅ.गणेश ढवळे लिंबागणेशकर यांच्या नेतृत्वाखाली दि.२८ मार्च २०२२ सोमवार रोजी जिल्हाधिकारी कार्यालयासमोर केंद्र सरकारच्या अभिनंदनाचा ठराव घेऊन चुलीवर खिचडी बनवुन प्रतिकात्मक गांधीगिरी आंदोलन करत केंद्र सरकारच्या दर वाढीच्या धोरणाच्या निषेधार्थ अनोखे आंदोलन करण्यात आले या आंदोलनात अड.करूणा टाकसाळ, रामनाथ खोड, शेख युनुस च-हाटकर, हमीदखान पठाण,अशोक कातखडे, नितिन सोनावणे, डाॅ.संजय तांदळे, मोहम्मद मोईज्जोदीन, शेख मुबीन, सय्यद आबेद, अंकुश दहे, आदि सहभागी आहेत.
केंद्र सरकारने दि.२३ मार्च २०२२ रोजी पासुन पेट्रोल-डिझेल सह एलपीजी गॅस प्रति सिलेंडर ५० रू किंमती वाढवल्यामुळे महागाईत भर पडली असून सर्व सामान्यांच्या दैनंदिन आर्थिक व्यवहारावर याचा परीणाम होत असून सर्वसामान्यांचे जगणे मुश्किल झाले असून केंद्र शासनाच्या दरवाढीच्या धोरणाच्या निषेधार्थ व वाढीव किंमती कमी करण्यात याव्यात
अशी मागणी डाॅ.गणेश ढवळे, शेख युनुस,मोहम्मद मोईज्जोदीन, शेख मुबीन, डाॅ.संजय तांदळे, नितिन सोनावणे,आदिंनी जिल्हाधिकारी बीड यांच्यामार्फत पंतप्रधान, राज्यपाल, मुख्यमंत्री,आरोग्य मंत्री यांना केली आहे.

औषधांचे वाढीव दर तात्काळ कमी करावेत:-डाॅ.गणेश ढवळे
____
दि.१ एप्रिल २०२२ पासुन सामान्य आजारापासुन ते गंभीर स्थितीतील रूग्णांवरील उपचारांसाठी वापरण्यात येणारी ८०० औषधे महागणार असून त्यात तापेच्या पैरासिटामोल पासुन कोरोना,हद्यरोग, उच्च रक्तदाब, त्वचारोग, त्वचारोग, अनिमिया, कर्करोग, वेदनाशामक आदि वरील उपचारांसाठी “शेड्यूल ड्रग्स ” श्रेणीतील औषधांच्या किंमती १० टक्क्यांनी वाढविण्यास केंद्र सरकारने दिलेली मंजुरी तात्काळ रद्द करण्यात यावी दैनंदिन वापरातील जीवनावश्यक औषधांच्या किंमती वाढल्यामुळे जगणंच महाग होणार आहे त्यामुळेच वरील वाढीव दर घटविण्यात यावेत.

चुलीवरचे जेवण जिल्हाधिकारी कार्यालयासमोरील आंदोलनकर्त्यांना
_____
गॅस सिलेंडर दरवाढीच्या निषेधार्थ जिल्हाधिकारी कार्यालयासमोर चुलीवरील जेवण आंदोलन दरम्यान बनवण्यात आलेले खिचडी, मठ्ठा आदि जेवण जिल्हाधिकारी कार्यालयासमोरील आंदोलनकर्ते, सामाजिक कार्यकर्ते यांना स्नेह भोजन देण्यात आले.


हिंदु राष्ट्राच्या दिशेने भाजपचे राजकारण – भीम टायगर सेनाचे राष्ट्रीय अध्यक्ष दादासाहेब शेळके

बीड(प्रतिनिधी): काल-परवाच भाजप च्या अध्यात्मिक आघाडीचे तुषार भोसले यांनी महाराष्ट्र राज्य शासनाकडे मागणी केली की हिंदू धर्माचा धर्मग्रंथ भगवद्गीतेचा शालेय शिक्षणात समावेश करा? अशी जाहीर मागणी करून भाजपचे राजकारणी हिंदू राष्ट्राच्या दिशेने चालत असल्याचे सिद्ध झालेले आहे. या अगोदर 7 डिसेंबर 2014 ला तत्कालीन परराष्ट्रमंत्री सुषमा स्वराज यांनी भगवद्गीतेला 5151 वर्षे झाल्याबद्दल आर.एस.एस.च्या वतीने दिल्ली येथे आयोजित कार्यक्रमात भगवद्गीतेला देशाचा राष्ट्रीय ग्रंथ म्हणून जाहीर करा अशी संविधान विरोधी मागणी पंतप्रधान नरेंद्र मोदी कडे केली होती. ‌
देशाला स्वातंत्र्य मिळण्यापूर्वी आपल्या देशात जवळ पास 600 संस्थान होती.स्वातंत्र्यापूर्वी ब्रिटिश भारत आणि संस्थान भारत अशा दोन भागात आपला भारत देश विभा
गला होता.याचा अर्थ एक संघ भारत नव्हता पण जेव्हा डॉ. बाबासाहेब आंबेडकरांचे संविधान लागू झाले तेंव्हा पासून 28 राज्य व 8 केंद्र शासित प्रदेश10 प्रमुख धर्म 7500 हजार जाती अनेक पंथ,भाषा,परंपरा यांना एका माळेत बांधण्याचे काम कोणत्याही धर्माच्या धर्मग्रंथाने नाही तर भारतीय संविधानाने केलेले आहे.आणि हो आज भारतात भारतीय संविधाना मुळेच सगळ्या जाती धर्माचे लोक गुण्या गोविंदाने नांदत असून हेच भाजपच्या डोळ्यात खुपसत असून त्यांना भारताला हिंदु राष्ट्र करून मनुस्मृति लागु करायची आहे. ढोंगी,मनुवादी,देश विरोधी बायल्या असलेल्या तुषार भोसले ला मला विचारायचं या देशात ख्रिश्चन,मुस्लीम, शीख,पारशी, बौद्ध,ज्यु,जैन इत्यादी इत्यादी धर्माचे लोक असून त्या त्या धर्माच्या लोकांनी बायबल,कुराण,गुरुग्रंथ साहेब,आगम, तोराह,झेंडा अवेस्ता,बुद्ध आणि त्याचा धम्म इत्यादी इत्यादी धर्म ग्रंथाला शालेय शिक्षणात समावेश करा अशी मागणी केली असती तर बुडाला मिरच्या लागल्या असत्या हे सांगा यला नको.भारतीय संविधानातील
1) प्रास्ताविक
2) 24 एप्रिल 1973 चा सुप्रीम कोर्टाचे जजमेंट असेल
3 ) भारतीय संविधान भाग 3 मधील धर्मस्वातंत्र्याचा हक्क मधील आर्टिकल 25,26,27,28 असेल हे सर्व धर्मनिरपेक्ष पणाचा पुरस्कार करत असून देशाला एकसंघ ठेवण्याचे काम करत आहे.भाजपचे तुषार भोसले यांच्या मागणी मुळे राष्ट्रीय एकात्मतेला तडा गेला असून त्याच्यावर भारतीय दंड विधान 124 अ नुसार देशद्रोहाचा गुन्हा दाखल करावा व संसदेने अशा धर्मनिरपेक्ष विरोधी वक्तव्ये करणाऱ्याच्या पार्श्वभागात चटणी भरण्याचा कायदा करावा अशी मागणी भिम टायगर सेनेच्या वतीने करण्यात येत आहे.कारण आपल्या सर्व भारतीयासाठी जात आणि धर्मा पेक्षाही देश अत्यंत महत्त्वाचा आहे. 4 एप्रिल1938 ला डॉ.बाबासाहेब आंबेडकर मुंबई विधीमंडळाचे सदस्य असताना विधानसभेत बोलताना म्हणाले “मी सर्वप्रथम भारतीय आहे,आणि शेवटीही भारतीय मला त्याच्या पुढे काही नाही.आणि हीच भूमिका देशातील सर्व नागरिकांची असली पाहिजे तरच त्या देशाला भवितव्य आहे. तसेच 17 डिसेंबर 1946 ला डॉ. बाबासाहेब आंबेडकर संविधान सभेत म्हणतात आपल्या देशाला एकसंघ,मजबूत बनवुन राष्ट्रीय एकात्मता जोपासयाची असेल तर जाती,गट, तट,पंथ,आणि धर्माच्या माळा घरामध्ये खुंटीला अडकवून भारताचा नागरिक म्हणून घराबाहेर पडले पाहिजेत असे स्पष्ट सांगितले होते.पण काही आई घाले देशाला नजर लावण्या साठी अशी राष्ट्रद्रोही वक्तव्ये करत असतात. त्या नालायकांना मला विचारायचे तुला चार दिवस अन्न व पाण्याशिवाय न्यायालयीन कोठडीत ठेवले आणि चौथ्या दिवशी जर तुला विचारले धर्म पाहिजेत का? अन्नपाणी? तेव्हा तुला कळेल गरज कशाची आहे. शालेय शिक्षणात धर्मग्रंथ लागू केला समज जर उद्या भारतीय सीमेवर युद्ध झाले तर घोडे,ढाल, धनुष्य,बाण मंत्र यांचा आपण वापर करणार आहोत का ? यांनी काय साध्य होणार ? उलट देश अधोगतीला लागेल भगवद्गीतेच्या बाबतीत 24 सप्टेंबर 1994 ला प्रभात टॉकीज मद्रास येथे बोलताना डॉ. बाबासाहेब आंबेडकर म्हणाले पुष्कळ लोकांना भगवद्गीता धार्मिक ग्रंथ वाटतो पण मला खेदाने सांगावेसे वाटते या ग्रंथात वाटाय सारखे काहीच नाही. उलट या ग्रंथात बराच अनर्थ आहे.बुद्धीच्या कसोटीवर उतरू शकेल असे काहीच नाही.आणि म्हणून देशाला एकसंघ, मजबूत बनवुन,राष्ट्रीय एकात्मता जोपासुन आर्थिक महासत्ता बनवायचा असेल तर देशातील शालेय शिक्षणात एखाद्या धर्माचा धर्मग्रंथ नाही तर भारतीय संविधानाची गरज आहे.
अशी मागणी भिम टायगर सेनेच्या वतीने मागणी करण्यात येत आहे.


एअरएशिया आंतरराष्ट्रीय विमानाच्या तिकीटाचे पैसे वापस हवेत ? मग हे करा – Airasia Flight Cancelled ? Want REFUND ?

आठवडा विशेष टीम―

एअरएशिया कंपनीच्या आंतरराष्ट्रीय विमानाचे तिकीट तुम्ही बुक केले आहे का ? असल्यास विमानसेवा रद्द (Flight Cancelled) झाली असल्यास तुम्हाला रिफंड भेटत नसल्यास तुम्ही [email protected][email protected] या दोन ईमेल मार्फत तुम्ही तुमचा परतावा (Refund) मागवू शकता त्यासाठी तुम्हाला त्यांनी दिलेल्या क्रेडिट रिफंड व फ्लाईट मूव्ह असे पर्याय दिले जातील ते तुम्हाला मान्य नसल्यास ते मान्य नाहीत असे सांगून फक्त रिफंड हवे आहे असा ईमेल करा. तुम्हाला रिफंड मिळण्यास मदत होऊल.

पशुसंवर्धन पदविका धारकांना शासनाने नोंदणीकृत करून स्वतंत्र पशुवैद्यकीय व्यवसायास परवानगी द्यावी !

बीड दि.०४ ऑगस्ट २०२१:आठवडा विशेष टीम― राज्यातील दुग्धव्यवसाय व्यवस्थापन व पशुसंवर्धन पदविका धारकांना महाराष्ट्र शासनाने नोंदणीकृत करून त्यांना स्वतंत्र व्यवसाय करण्याची परवानगी द्यावी जेणेकरून वाड्या-वस्त्यांवर पशुसेवा अगदी कमी वेळात पोहचेल व गाई-म्हशीचे प्राण वाचेल.शासन दुधाचा महापूर आणण्यासाठी प्रयत्न करते योजना आखते परंतु त्यात मोलाचा वाटा असणारे पशुसंवर्धन पदविकाधारकांच्या नोंदणीच्या वेळी मात्र काणाडोळा करते.असे न करता शासनाने या गोष्टीचा गांभीर्याने विचार करून प्रथमतः पशुसंवर्धन पदविका धारकांना कायदेशीर पशुवैद्यक म्हणून घोषित करावे व त्यांची नोंदणी करून त्यांना नोंदणीक्रमांक द्यावा अशी मागणी जोर धरून आहे. १९८४ च्या कायद्यात बदल करावा, पशुसंवर्धन पदवीकाधारकांना व्यावसायिक नोंदणी देवून संरक्षण द्यावे यासह अन्य मागण्यांसाठी आंदोलन सुरु आहे मात्र शासन याकडे गांभीर्याने लक्ष देत नसून कृषीप्रधान देशातच पशूंकडे शासनाचे लक्ष नसल्याचे समोर येत आहे.

पशुवैद्यक परिषद कायदा १९८४ कलमाअंतर्गत व्यावसायिक नोंदणी देवून संरक्षण द्यावे.महाराष्ट्र राज्य सरकारच्या अखत्यारीमधून पशुसंवर्धन पदवीधारकांच्या राज्यव्यापी परिषदेची नियुक्ती करून स्वतंत्ररीत्या औषधे बाळगणे व नोंदणीकृत व्यवसाय परवाना उपलब्ध करून द्यावा.राज्यातील रिक्त पशुधन पर्यवेक्षक पदांची तत्काळ भरती करण्यात यावी.खासगीरीत्या असंघटित क्षेत्रात भारतीय पशुचिकित्सक परिषद कायद्यान्वये किरकोळ व प्राथमिक स्वरूपाच्या पशुवैद्यकीय उपचार सेवा पदवीधारक डॉक्‍टरच्या सुपरव्हिजन व माध्यमांचा वापर करून आपले कार्य पार पाडतात अशा सर्व पशुसंवर्धन पदविका धारकांना महाराष्ट्र शासनाने नोंदणीप्रमाणपत्र व ओळखपत्र देऊन पशुसेवेचे कार्य सुरू ठेवण्यासाठी बळ द्यावे.

औरंगाबाद जिल्ह्यात आज १ हजार ६१ जण कोरोना पॉझिटिव्ह

जिल्ह्यात 108524 कोरोनामुक्त, 11933 रुग्णांवर उपचार सुरू

औरंगाबाद, दिनांक 29: औरंगाबाद जिल्ह्यात आज 1373 जणांना (मनपा 702 , ग्रामीण 671) सुटी देण्यात आली. आजपर्यंत 108524 कोरोनाबाधित रुग्ण बरे होऊन घरी परतले आहेत. आज एकूण 1061 कोरोनाबाधित रुग्णांची नव्याने भर पडल्याने जिल्ह्यातील एकूण कोरोनाबाधित रुग्णांची संख्या 122941 झाली आहे. आजपर्यंत एकूण 2484 जणांचा मृत्यू झाल्याने एकूण 11933 रुग्णांवर उपचार सुरू आहेत, असे जिल्हा प्रशासनाने कळवले आहे. आढळलेल्या रुग्णांचा तपशील पुढीलप्रमाणे (कंसात रुग्ण संख्या) आहे.

मनपा (456)―
घाटी परिसर (1), भावसिंगपूरा (1),पडेगाव (1),उस्मानपूरा (1),साई नगर (1),बीड बायपास (5),सातारा परिसर (5), देवळाली (2),लक्ष्मी कॉलनी (1),शितल नगर (1),दर्शन विहार (1), सोनिया नगर (3), हर्सुल (11),एन-1 (3),एन-6 (4), एन-7 (6), एन-8 (5),एन-9 (3),एन-11 (8),एन-12 (3), एन-5(2), एन-4 (1), मयुर पार्क (8),जाधववाडी (7), सारावैभव जटवडा रोड (1),पुडंलिक नगर (2),न्यू हनुमान नगर (2), आनंद नगर (3), अदित्य नगर (2), गुलमोहर कॉलनी (2), बालाजी नगर (1), अल्का सोसायटी (1),अलंकार सोसायटी (1),गारखेडा(5), भानुदास नगर (1),देशमुख नगर(1), रेणुका नगर (3),सिंधी कॉलनी (1),विशाल नगर (4),जय विश्वभारती कॉलनी (1), आलमगिर कॉलनी (1), अल्तमश कॉलनी बायजीपूरा (1), म्होसाबा नगर (4),साई मेडिसिटी हॉस्पीटल (1), छत्रपती नगर (1),एस.आर.पी.एफ. कॅम्प (3),कॅम्ब्रीज शाळेजवळ अभिजित हॉटेल (1),देवानगरी (1), जय मल्हार नगर (3), कासलीवाल गार्डन मुंकदवाडी (2), मुंकदवाडी रेल्वे स्टेशन (3), राजीव गांधी नगर (3), विमानतळ जवळ (1), न्यू गणेश नगर (1), ब्लयू बेल हाऊसिंग सोसायटी एम.आय.डी.सी. (1),कासलीवाल पूर्व (1), जय भवाणी नगर (1), पियुष विहार अयोध्या नगर (1), मनाली रेसीडेंन्सी सिडको (1), राज नगर गादिया विहार (1), दर्गा परिसर (1), सुधाकर नगर (1),आकाशवाणी (1),देवळाई परिसर (1),संजय नगर (1),शिवाजी नगर (3), संग्राम नगर जवळ रेणुका माता परिसर (2), हाय कोर्ट कॉलनी (1), केशव नगर (2), गजानन नगर (2), मयुर बन कॉलनी (1), जय भवाणी नगर (6),श्रेय नगर (1),देवानगरी (1),शंभु नगर (1), उल्का नगर (4), विश्व भारती कॉलनी (1), शिवशंकर कॉलनी (1),मिसारवाडी (1),बुढ्ढीलाइन (1), मिल कॉर्नर (1), मोहनलाल नगर (1), न्यु कुतुबपुरा (1), टि.व्ही सेंटर (1), टाऊन हॉल (1), संघर्ष नगर (1), देशमुख नगर (1), करोल (1), म्हाडा कॉलनी (2), विठ्ठल नगर (2), देवगिरी कॉलनी (1), विश्रांती नगर (2), उत्तार नगरी (1), राम नगर (1), दुध डेअरी (1), नायक नगर (1),खडकेश्वर (1), अन्य 256

ग्रामीण (605)

चिकलठाणा (6),वैजापूर (2),उपळी (1),निमगाव(1), फुलंब्री(1), जामखेड (1),पिसादेवी (2), मस्नतपूर (1), कन्नड (1),सिल्लोड (1), आपतगाव (2), लाडगाव शेंद्रा एम.आय.डी.सी. (2), शिरेगाव लासूर स्टेशन (1),अंधारी (1), माळीवाड (3), साई मंदीर बजाज नगर (10), साजापूर (1), गणेश नगर रामगिरी रोड वाळूंज (2),वडगाव (2),सिडको महानगर (3),फुलशिवरा गंगापूर (1), नक्षत्रवाडी (3), कांचनवाडी (1), झाल्टा (1), पैठन (1), अन्य 504

मृत्यू (20)
घाटी (16)
1. पुरूष, 45, रांजणगाव शेनपुंजी
2. स्त्री, 55 कन्नड
3. स्त्री, 65, सिउको महानगर वाळुज
4. पुरूष, 65, जावेडा खुरडा, औरंगाबाद
5. स्त्री, 85, विशाल नगर, गारखेडा
6. स्त्री, 45, चिंचोली लिंबाजी कन्नड
7. स्त्री, 55, गोलटगाव
8. पुरूष, 62, सातारा परिसर
9. स्त्री, 69, जोगेश्वरी औरंगाबाद
10. पुरूष 71, कबाडीपुरा औरंगाबाद
11. पुरूष 60, आठेगाव कन्नड
12. स्त्री, 70 मिल कॉर्नर औरंगाबाद
13. पुरूष 68, नुतन कॉलनी औरंगाबाद
14. स्त्री 60 कन्नड
15. पुरूष 93 खाराकुंवा, औरंगाबाद
16. पुरूष 50 रामचंद्र नगर औरंगाबाद
जिल्हा सामान्य रुग्णालय (2)
1. पुरूष 58 भारत नगर औरंगाबाद
2. स्त्री, 75, वारेगाव ता फुलंब्री
खासगी रुग्णालय (2)
1. स्त्री 78 एन 5 सिडको औरंगाबाद
2. पुरूष 55 अंभाई, ता सिल्लोड


गिरणी कामगाराचा मुलगा ते राज्य भाजपाचे मुख्य प्रवक्ते : केशव उपाध्ये

बीड:आठवडा विशेष टीम―
महाराष्ट्र भाजपाच्या वर्तुळात केशव उपाध्ये हे नांव आज चर्चेत असले तरी इथपर्यन्त मजल गाठणाऱ्यांच्या मागे कठोर परिश्रम, त्याग आणि संघर्ष या गोष्टी निश्चित असतात.सोलापुर येथील गिरणी कामगाराचा मुलगा ज्यांना कुठलाही राजकिय वारसा नाही,निमित्त होत विधार्थी परिषद त्या माध्यमातून भाजपाचा संबंध.वयाची 47 वर्षे पुर्ण करतांना गत 20 वर्षांपासून त्यांचे पाय ध्येयवादी विचाराने प्रेरित होवून मुंबईत स्थिरावले.प्रदेश भाजपच्या मीडिया सेलची जबाबदारी आली आणि जोडीने स्व.गोपीनाथरावजी मुंडे यांचे मिडीया प्रमुख म्हणुनही अनेक वर्षे काम सुरू राहिले.पक्षाने दिलेली जबाबदारी सक्षमपणे पार पाडत आहेत, आता राज्य भाजपाचे मुख्य प्रवक्ते अशी जबाबदारी त्यांच्यावर असून विचारांशी निष्ठा आणि नेतृत्वासोबत योग्य सुसंवाद ठेवून डिजिटल माध्यम युगात केशवजी निभावत असलेली भुमिका तारेवरची कसरत आहे. प्रदेशाध्यक्ष चंद्रकांत दादा पाटील,विरोधी पक्षनेते आ.देवेंद्रजी फडणवीस यांचा विश्वास संपादन करून पक्षाचा विचार आणि केंद्रातील सरकारची बाजू,योजना सामान्य जनतेपर्यंत पोहचविण्याचे उत्कृष्ट कार्य सध्या त्यांच्या हातून घडते,शांत मनमिळावू स्वभावाने, विनोदी शैलीने लोकांची मने जिंकण्याचे कसब त्यांच्यात आहे,एक हाडाचा सामान्य कार्यकर्ता अस पण, म्हणता येईल.मोठ्या पदावर काम करत असले तरी गिरणी कामगाराचा मुलगा त्यांच्यातून बाजुला जात नाही परिणामी त्यांचे पाय जमीनीवर असतात हे नक्की
वर्तमान काळात माणसे कितीही मोठे झाले तरी आपण कोण होतो ? कुठे आलो ?या स्वत्वाची जाणिव ज्यांना असते अशी माणसे क्षणिक सुखाने भारावून कधीच जात नसतात.या उलट आपली जबाबदारी आणि कर्तव्य ओळखून चालतात कारण त्यांच्या आयुष्यात राष्ट्रविचार,मानवतावाद तथा पक्ष विचार निष्ठा नसानसांत मुरलेली असते.त्यापैकीच केशवजी अस म्हटल तर चुकिच ठरणार नाही,त्यांचा आज वाढदिवस शुभेच्छा देतांना या माणसाला मागे वळून पाहण्याचा मी प्रयत्न केला.तेंव्हा लक्षात आले की ते मुळचे सोलापूर गावचे रहिवासी,वडिल गिरणी कामगार,लहाणपणा पासून परस्थीतीची जाणीव आणि हलाखीचा अनुभव,महाविद्यालयीन शिक्षण घेताना स्वःताच्या गरजा मर्यादित ठेवून जगताना ABVP संघटनेशी संपर्क आला.तिथेच मग विचारांचा पाया पक्का झाला.तदनंतर भाजपाशी संपर्क येणे साहजिकच थेट मुंबई आणि मागच्या वीस वर्षांपासून पक्षात माध्यमाची वेगवेगळी जबाबदारी.केशवजी म्हणजे गोपीनाथरावजी मुंडे यांचे विश्वासू सैनिक हि त्यांची ओळख,नाही म्हटले तरी दहा वर्षांहून अधिक दिवंगत नेते मुंडे साहेबांचा माध्यमकर्मी म्हणून त्यांनी काम केले.पक्षात काम करतांना आनेकांसोबत संबंध आले.पण,सामान्य कार्यकर्ता हि ओळख कधीच पुसू दिली नाही,प्रदेश भाजपाने काढलेल्या संघर्ष यात्रा असो किंवा इतर पक्षीय कार्यक्रम माध्यमाची जबाबदारी चांगली पेलवून काम सिध्द केले,मागच्या अनेक वर्षांपासून प्रवक्ता आता मुख्य प्रवक्ता पदावर यशस्विपणे काम करत आहेत.राज्यात फडणवीस सरकार असताना भक्कम बाजू मांडणारा लढाऊ हे लोकांनी पाहिले.सत्ता नसतांना विरोधकांची भुमिका.पक्षाचे धोरण,घेतलेली बाजू आणि केंद्र सरकाची बाजू प्रभावीपणे जनतेच्या समोर घेवून जातात.राज्यातील सत्ताधाऱ्यांना आणि त्यांच्या प्रवक्त्यांना घाम आणण्याचे कसब अनेकदा चर्चेत जनता पाहत आहे.कोरोना सारख्या संकटात बाजू अगदी तालमीतल्या पहेलवाना सारखी कशी मांडतात हे नेहमीच दिसते.केशवजी यांचा स्वभाव निर्भीड असून ते सुतभर ही निष्ठेला तडा जावू देत नाहीत.आमच्या सारख्या नवीन लोकांना नेहमीच योग्य मार्गदर्शन करत सोबत घेवून चालतात,अभ्यासू आणि चिकित्सक वृत्ती,विनोदी फटकारे मारण्याची सवय आहे.शांत मनमिळवू स्वभाव असून स्वःताचे दुःख झाकून इतरांना आनंदाचा प्रसाद वाटणारे केशवजी यांची वाणी मधूर आहे,तोंडात साखर,डोक्यावर बर्फ ठेवून त्यांच्यावर असलेली जबाबदारी पार पाडतात,कुणावर अन्याय करण्याचा मुळ स्वभावच नाही,पक्ष तथा नेतृत्व विकासासाठी त्यांची नेहमीच धडपड चालू असते,पक्षात त्यांच्यावर मोठी जबाबदारी आहे यशस्वीपणे पार पाडतात,प्रसार माध्यम,सोशल मिडिया यांच्या सोबत सुसंवाद ठेवून पक्ष तथा नेतृत्वासाठी फायदा घेण्याचा त्यांचा प्रयत्न सुरू असतो,त्यांचा जनसंपर्क मोठा असून माध्यमांसोबत चांगले संबंध ठेवलेले आहेत.मागचे दिवस आठवून शुद्ध कर्म,परोपकाराने चालणारे केशवजींच्या जिवनात वहिनींचा मोठा वाटा आहे.ज्यामुळे इथपर्यंत मजल गाठण्यात त्यांना यश आले, कुटुंबवत्सल पिता असे म्हटले तर वावगे ठरणार नाही,अशा केशवजी यांना शुभेच्छा देतांना तुमच्या हातून भविष्यात यापेक्षा अधिक कार्य घडावे हिच आमची मनोकामना.

शब्दांकन :-
राम कुलकर्णी,राज्य प्रवक्ता,भारतीय जनता पार्टी.

भाजपाचा विचार सर्वदूर पोहचविणाऱ्या ज्येष्ठांचा धर्मापुरी येथे सन्मान

अंबाजोगाई:आठवडा विशेष टीम― बीड जिल्ह्यात भाजपाचा विचार सर्वदूर पोहचविणा-या ज्येष्ठ नेत्यांचा धर्मापुरी येथे सन्मान करून दिवंगत नेत्यांचे स्मरण करण्यात आले.

भारतीय जनता पक्षाने नुकताच आपला स्थापना दिवस साजरा करून ४१ व्या वर्षात पदार्पण केले.या निमित्ताने प्रा.राम चौधरी धर्मापूरीकर यांनी बीड जिल्ह्यात भाजपाचा विचार सर्वदूर पोहचविणा-या ज्येष्ठ नेत्यांचा धर्मापुरी येथे सन्मान करून दिवंगत नेत्यांचे स्मरण केले.या बाबत आपले मत व्यक्त करताना प्रा.चौधरी म्हणाले की,भाजपा पक्ष विस्तारासाठी अनेकांनी आपले संपूर्ण आयुष्य पक्षासाठी दिले.वेळ प्रसंगी बलिदान ही दिले.त्यात भारतीय जनसंघाचे संस्थापक व पहिले अध्यक्ष तथा कलकत्ता विद्यापीठाचे कुलपती डॉ.श्यामाप्रसाद मुखर्जी,’एकात्म मानव दर्शन’ हा सिध्दांत भारतीय समाजापुढे ठेवणारे पंडीत दीनदयाळजी उपाध्याय,भारताचे दिवंगत माजी पंतप्रधान अटलबिहारी वाजपेयी,ज्येष्ठ नेते लालकृष्ण आडवाणी यांनी देशभर तर दिवंगत नेते प्रमोदजी महाजन,दिवंगत नेते गोपीनाथरावजी मुंडे यांनी ही देशासह महाराष्ट्रात वाडी,वस्ती,तांडा आणि तळागाळातील लोकांपर्यंत भाजपा हा पक्ष पोहोचवला.तसेच बीड जिल्ह्यातील परळी व अंबाजोगाई तालुक्यात गाव खेड्यात जाऊन भाजपा पक्ष विस्तारासाठी योगदान देणारे दिवंगत रोकडोबा दादा फड यांचे मोठे योगदान आहे असे सांगून जुन्या जाणत्या, जेष्ठांच्या कार्याचे स्मरण करून भाजपा पक्ष स्थापना दिनानिमित्त शुभेच्छा दिल्या.तर यावेळेस ज्येष्ठ नेते परमेश्वर दादा फड,रंगनाथराव घोडके,भास्करराव फड,महादेवराव फड, नामदेवराव पाटील, व्यंकटराव पाटील, रामराव फड,विश्वास बागमारे आदी मान्यवरांचा प्रा.राम चौधरी धर्मापुरीकर यांच्या हस्ते शाल व पुष्पगुच्छ देऊन यथोचित सन्मान करण्यात आला.


ग्रामीण भागातील पदवीधरांत रमेश पोकळे आघाडीवर

बीड:आठवडा विशेष टीम― बीड जिल्ह्यासह संपूर्ण मराठवाडा विभागात पदवीधर निवडणूकीचे मैदान रंगले आहे.यात मुख्य पक्षांचे नेते पक्षाने दिलेल्या जबाबदारीमुळे पक्षाच्या उमेदवारांचा बाहेरबाहेर प्रचार करताना दिसत आहेत.गोपीनाथराव मुंडे साहेबांच्या विचारांनी चालणारे रमेश पोकळे देखील पदवीधर निवडणूकित औरंगाबाद विभाग मतदारसंघात उभे आहेत त्यांना देखील युवकांची ,ग्रामीण पदविधरांची पसंती आहे.तसेच अनेक पदवीधर संघटनांचा त्यांना पाठिंबा असल्याने ,भाषणकौशल्य उत्तम ,भाजपाचे जिल्हाध्यक्ष पद सांभाळण्याचा अनुभव इत्यादी गोष्टी त्यांना फायदेशीर ठरणार आहेत.

स्व.गोपीनाथ मुंडे साहेबांचे समर्थक ,कार्यकर्त्यांमध्ये देखील रमेश पोकळे नावाची क्रेझ आहे.त्यामुळे निवडणूकित त्यांच स्थान महत्वाचं असणार आहे.

बीड: ऑनलाईन मतदार नोंदणीचा गैरफायदा घेत बेलवाडीत अनेकांची नावे मतदान यादीत

बेलवाडी ग्रामपंचायत निवडणूकीत झालेला प्रकार, लोक प्रतिनिधित्व कायदा नुसार गुन्हे दाखल असताना जिल्हा प्रशासनाकडुन, निवडणूक विभागाकडून पाठराखण, विभागीय चौकशी व कारवाईसाठी आयुक्तालयासमोर आंदोलन – डॉ.गणेश ढवळे

बीड:आठवडा विशेष टीम― बीड तालुक्यातील बेलवाडी ग्रामपंचायत निवडणुकीत बेकायदेशीर रित्या ऑनलाईन मतदार नोंदणीचा गैरफायदा घेऊन २७ मे २०१८च्या निवडणुकीत बोगस मतदारांचा समावेश उदाहरणार्थ ६ मयत, बेपत्ता व्यक्ती, ११अल्पवयीन शाळकरी मुलं,४ दुबार मतदान, पुणे येथील नोकरीवर असलेले सैनिक जवान, कोकणातील मतदान ड्युटीवर कार्यरत असलेले ग्रामसेवक, ७ लग्न होऊन सासरी गेलेल्या व तिथे नांव नोंदणी करून मतदान केलेल्या मुली, २३बाहेरील गावातील लोकांचे बोगस पद्धतीने केले मतदान आदी प्रकरणात दि, २०/१०/२०१८ रोजी पिंपळनेर पोलीस ठाण्यात फौ.अ.क्र.७३२/२०१८, कलम ४१६,४६५,४६८,४७३,सह १०९ भादवि प्रमाणे कलम १७,१८,३१ लोक कृत्य प्रतिनिधित्व कायदा (Represention of the people act 1950) प्रमाने सरपंच, सरपंच पती,व ईतर संबधितांवर गुन्हा दाखल करण्यात आलेला आहे, याप्रकरणी जिल्हाधिकारी, राज्य निवडणूक आयुक्त, जिल्हा परिषद प्रशासन यांना लेखी तक्रार करून सुद्धा कारवाई न केल्यामुळे संबधितांवर प्रशासकीय कारवाई करण्यासाठी व ग्रामपंचायत बरखास्तीसाठी विभागीय आयुक्त कार्यालय समोर धरणे आंदोलनाचा ईशारा डॉ.गणेश ढवळे लिंबागणेशकर यांनी दिला आहे.
बीड तालुक्यातील बेलवाडी ग्रामपंचायत २७ मे २०१८ मध्ये निवडणुकीत बोगस मतदार खालिलप्रमाणे आहेत

६ मयत मतदारांची नावे समाविष्ट
———————————————
१) चव्हाण अंकुश किसन
अनुक्रमांक १३६
मृत्यू दिनांक २०/०२/२०१८
२) विश्वांभर रामभाऊ यादव
अनुक्रमांक ४०४
मृत्यू दिनांक १३/०२/२०१८
३) निवृत्ती बाबुराव कदम
अनुक्रमांक ३४६
मृत्यू दिनांक १९/०३/२०१७
४) अर्चना भिमराव चव्हाण
अनुक्रमांक ८६
मृत्यू दिनांक २३/०५/२०१८
५) काशीबाई रामा यादव
अनुक्रमांक ४०३
मृत्यू दिनांक १६/१०/२०१७
६) अर्जुन बाबुराव चव्हाण
अनुक्रमांक ७६
मृत्यू दिनांक १३/११/२०१७

पोलीस डायरीवरती बेपत्ता नोंद असलेला–
————————————————–

मस्कर भागवत उत्तम
अनुक्रमांक २५२

दोनदा मतदान केलेले ४ मतदार
————————————-
१) कदम हनुमंत नवनाथ
अनुक्रमांक २९३ & ५३२
२) यादव वर्षा रावण
अनुक्रमांक ५१७ & ५२८
३) कदम अशोक मोहन
अनुक्रमांक ४७९ & ५११
४) खिंडकर अवधूत अर्जुन
अनुक्रमांक ५१० & ५३१
या सर्वांनी दोनदा मतदान केलेले आहे

अल्पवयीन शाळेतील मुलांचे मतदान
—————————————
१) चि, दळवे विठ्ठल नामदेव
जन्मदिनांक २५/०५/२००३
२) चि, चव्हाण हरिभाऊ कल्याण
जन्मदिनांक १४/११/२००२
३) चि, चव्हाण राहुल भिमराव
जन्मदिनांक १०/०६/२००२
४) चि, यादव समाधान रमेश
जन्मदिनांक १८/०८/२००१
५) चि, थापडे सखाराम सुखदेव
जन्मदिनांक १७/०३/२००२
६) चि, चव्हाण ऋषिकेश अंकुश
जन्मदिनांक १९/०५/२००२
७) चि, मुळे जयवंता कारभारी
जन्मदिनांक १६/०६/२००२
८) चव्हाण पवन कारभारी
जन्मदिनांक ३०/०७/२००१
९) चव्हाण पुजा कल्याण
जन्मदिनांक १२/०३/२००१
१०) खिंडकर सुदाम लक्ष्मण
जन्मदिनांक २०/०६/२००१
११) खिंडकर मुक्ता भारत
जन्मदिनांक २०/०३/२०००

कोकणातील मतदान ड्युटीवरील ग्रामसेवकाचे मतदान
———————————————–

यादव भरत विठ्ठलराव
अनुक्रमांक ४७३ , हे ग्रामसेवक असुन कोकणात मतदान ड्युटीवर कार्यरत असताना बेलवाडी ग्रामपंचायत मध्ये परस्पर बोगस मतदान केलेले आहे

पुणे येथे सैन्यदलात नोकरीवर असताना मतदान
———————————————–

पडघन आनिल मारोती हे पुणे येथे सैन्यदलात नोकरीवर असताना त्यांच्या परस्पर त्यांच्यानावे बेलवाडी मध्ये बोगस मतदान केलेले आहे.

बाहेरील गावातील स्थायिक लोकांच्या नावाने बेलवाडीतील रहिवासी दाखवून बोगस मतदान केलेले
———————————————–

१) बागडे गजानन मच्छिंद्र :– ईस्लामपुर बीड
२) बन्सड बन्सी देवराव :- मौजवाडी
३) चव्हाण बाबुराव सुखदेव :- इमामपुर
४) चव्हाण भिमराव शंकर:- घाटसावळी
५) चव्हाण कल्याण सुखदेव:- इमामपुर
६) चव्हाण निलावती बाबुराव:- इमामपुर
७) चव्हाण रामभाऊ सूर्यभान:- घाटसावळी
८) चव्हाण रूक्मिण सूर्यभान:- घाटसावळी
९) चव्हाण सुखदेव किसन:- नाळवंडी तांडा
१०) चव्हाण कविता अंकुश:- नाळवंडी तांडा
११) चव्हाण लक्ष्मण सूर्यभान:- पिंपळगाव घाट
१२) दळवे प्रकाश दादाराव:- कोळवाडी
१३) इंगोले सीताबाई रामभाऊ:- पाडळी
१४) जाधव सुरेश बापुराव:- बांभुळखुटा
१५) कदम गणपती मारोती:- रत्नागिरी
१६) कदम केसरबाई गणपत:- शाहूनगर बीड
१७) कुटे अभिमान राम:- बोर्ड
१८) सातपुते अर्चना सतिश:- बाभूळवाडी
१९) थापाडे गंगासागर सुखदेव:- ढेकणमोह
२०) थापाडे सुखदेव राजाराम:-ढेकणमोह
२१) वाणी बाजीराव लक्ष्मण:- आंबेसावळी
२२) यादव ज्ञानदेव निवृत्ती:- वांगी
२३) यादव शहादेव तुकाराम:- वांगी

वरील प्रकरणी जिल्हाधिकारी बीड, राज्य निवडणूक आयुक्त, मुख्य कार्यकारी अधिकारी जिल्हा परिषद बीड, उपमुख्य कार्यकारी अधिकारी पंचायत समिती जिल्हा परिषद बीड, तहसीलदार बीड यांना लेखी तक्रार दाखल करण्यात येऊन सुद्धा अद्याप कारवाई न केल्यामुळे दि, २ नोव्हेंबर २०२० रोजी विभागीय आयुक्त कार्यालय समोर सामाजिक कार्यकर्ते डॉ.गणेश ढवळे लिंबागणेशकर यांच्या नेतृत्वाखाली धरणे आंदोलन करण्यात येणार असल्याचा इशारा जिल्हा प्रशासनाला दिला आहे.

बेलवाडी ‘मनरेगा अपहार’ प्रकरण ; सोशल मिडियावर डॉ गणेश ढवळेंची नाहक बदनामी करणाऱ्या पोस्ट ,पोलीस प्रशासनाच्या कारवाई कडे लक्ष

बेलवाडी ग्रामपंचायतमध्ये मनरेगा अंतर्गत कामात ६० लाखांचा अपहार, विभागीय आयुक्त कार्यालय समोर धरणे आंदोलन करणार , सोशल मीडियावर बदनामी केली,पोलीस अधीक्षकांकडे तक्रार , अब्रुनुकसानीचा दावा ठोकणार – डॉ गणेश ढवळे

बीड:आठवडा विशेष टीम― महाराष्ट्र शासनाने रोजगार हमी योजना मजुरांच्या हाताला काम मिळावे यासाठी सुरू करण्यात आली मात्र स्थानिक पुढारी यांनी वरिष्ठांच्या वरदहस्ताने शासकीय आधिकारी, कर्मचारी यांच्याशी संगनमताने बोगस मजुर दाखवून व बनावट दस्तऐवज तयार करुन लाखो रूपयांचा अपहार केल्यामुळे संघटीत गुन्हेगारी कायद्यांतर्गत मोक्का लावण्यात यावा अशी मागणी जिल्हाधिकारी, उपजिल्हाधिकारी रोहयो, मुख्य कार्यकारी अधिकारी जिल्हा परिषद बीड यांच्या मार्फत मुख्यमंत्री, रोहयो मंत्री, ग्रामविकास मंत्री, विभागीय आयुक्त यांना केली असून संबंधित प्रकरणी कारवाई करण्यासाठी विभागीय आयुक्त कार्यालय समोर धरणे आंदोलन करण्यात येणार असल्याचे डॉ गणेश ढवळे यांनी सांगितले आहे.

कामाचे नाव वर्क कोड नंबर रक्कम
१)बांधबंदिस्ती १ते ३९ वर्क कोड नंबर १७६८४३, रक्कम २२ लाख ५७ हजार ९९८ रूपये
२) बांधबंदिस्ती ५५ ते १४० वर्क कोड नंबर १७६८४२, रक्कम २२ लाख, ४९ हजार, ७७३ रूपये
३) बांधबंदिस्ती नविन वर्क कोड नंबर १२३४८३७१०५, रक्कम ७ लाख रुपये ६७ हजार १४४ रूपये
४) वृक्षसंगोपन बेलवाडी कोड नंबर १२३४८३७१०५ रक्कम ३ लाख ३५ हजार ५५० रूपये
५) वृक्षसंगोपन वर्क कोड नंबर १२३४८३७१०६ रक्कम २ लाख ३९ हजार ९१५ रूपये
६) शोषखड्डे बेलवाडी वर्क कोड नंबर ४७३४११२३८/४७३४११२३९/४७३४११२४८ रक्कम २ लाख १९ हजार रुपये
७) जलसिंचन विहीर बेलवाडी, वर्क कोड नंबर ४७३४४६९७१ रक्कम १ लाख ८७ हजार रुपये, अशाप्रकारे एकुण ६० लाख ३७ हजार ३८० रुपयांचा अपहार बोगस मजुर व दस्तऐवज दाखवून संगनमताने शासनाची फसवणूक करण्यात आली असल्याचा डॉ गणेश ढवळे यांचा आरोप आहे.

बांधबंदिस्ती एकाच कामाचे एकाच आठवड्यात ४ मस्टर, एकही मजुर उपस्थित नसताना ३८७ बोगस मजुर दाखवले

बेलवाडी गावामध्ये गट क्रमांक १ ते ३९ व गट क्रमांक ५५ ते १४० अशी दोन बोगस कामे कागदोपत्री केल्याचे दाखवले आहे व दोन्ही कामावर दिनांक २६/०४/२०१९ ते ०१/०५/२०१९ या आठवड्यात गट क्रमांक १ते ३९ वरती एकाच कामावर ४ मस्टर काढलेले आहेत.
१) मस्टर क्रमांक २०९९-५० मजुर
२) मस्टर क्रमांक २१००-५० मजुर
३) मस्टर क्रमांक-२१०१-५० मजुर
४) मस्टर क्रमांक-२१०२-४३ मजुर या कालावधीत एकुण १९३ मजुर दाखवले आहेत.

२) बांधबंदिस्ती गट क्रमांक ५५ते १४० या कामावरती दि, २६/०४/२०१९ते ०१/०५/२०१९ या कालावधीत एकाच कामावर ४ मस्टर काढलेले आहेत
१) मस्टर क्रमांक २०९२-५० मजुर
२) मस्टर क्रमांक-२०९३-५० मजुर
३) मस्टर क्रमांक-२०९४-५० मजुर
४) मस्टर क्रमांक-२०९५- ४४ मजुर असे एकूण १९४ मजुर दाखवले असल्याचा डॉ ढवळे यांचा आरोप आहे.
एकाच कामावर व एकाच आठवड्यात ४ मस्टर कसे काय काढले? प्रत्यक्षात एकही मजुर उपस्थित नसताना या आठवड्यात एकुण ३८७ बोगस मजुर दाखवून लाखो रुपये हडप केले आहेत.

२० वर्षापुर्वीची जलसिंचन विहीर नविन खोदल्याचे दाखवून अपहार
२० वर्षापुर्वीची विहीर नविन जलसिंचन विहीर खोदल्याचे दाखवून १ लाख ८७ हजार रूपये निधीचा अपहार करण्यात आला आहे.

मोक्का अंतर्गत कारवाई करण्यात यावी – डॉ.गणेश ढवळे

संबंधित प्रकरणात चौकशी करून दोषींवर गुन्हे दाखल करण्यात येऊन अपहारीत रक्कम शासन दरबारी जमा करण्यात यावी, बोगस मजुरांची नावे यादीत असून बंदिस्त जागेत वैयक्तिक रित्या रोहयो मजुरांचे जवाब नोंदवावेत म्हणजे खाते कोणी उघडले, मजुरांच्या नावावरील पैसे कोणी परस्पर उचलले याचा उलगडा होऊल, याप्रकरणात स्थानिक सरपंच, ग्रामसेवक, ग्राम रोजगार सेवक, आणि पंचायत समिती मधिल गटविकास आधिकारी, विस्तार आधिकारी, इंजिनिअर, एपीओ, डाटा एंट्री ऑपरेटर यांनी संगनमताने अपहार केल्यामुळे संघटीत गुन्हेगारी कायद्यांतर्गत कारवाई करण्यात यावी

सोशल मीडियावर बदनामी केल्याप्रकरणी संबंधितांची डॉ गणेश ढवळे पोलीस अधीक्षकांकडे तक्रार करणार तसेच अब्रुनुकसानीचा दावा ठोकणार

बेलवाडी नरेगाच्या कामातील अपहार प्रकरणात कारवाई करण्यासाठी डॉ गणेश ढवळे यांनी लेखी तक्रार केल्यामुळे सोशल मीडियावर बदनामीकारक मजकूर प्रसिद्ध केल्याप्रकरणी सरपंचपती व त्यांच्या सहकाऱ्यां विरोधात पोलीस अधीक्षक यांना लेखी तक्रार केली असून अब्रुनुकसानीचा दावा ठोकणार आहेत.

डॉ राधाकिसन पवार यांची सूडबुद्धीने कारवाई ; कोविड कक्ष स्थापन करण्याचे लेखी आदेश दिले त्याच दवाखान्याला अनधिकृत म्हणून चौकशी – डॉ ढवळे

डॉ राधाकिसन पवार यांची सूडबुद्धीने कारवाई, कोविड कक्ष स्थापन करण्याचे लेखी आदेश दिले त्याच दवाखान्याला अनधिकृत म्हणून चौकशी, मुख्यमंत्री आरोग्यमंत्री आयुक्तांना लेखी तक्रार ― डॉ. गणेश ढवळे

बीड दि.१०:आठवडा विशेष टीम― डॉ.राधाकिसन पवार जिल्हा आरोग्य अधिकारी बीड यांनी ज्या क्लिनिक मध्ये कोविड-१९ संभाव्य रूग्ण तपासणी कक्ष स्थापन करणायाचे लेखी पत्रक आरोग्य कर्मचाऱ्यामार्फत दिले होते त्याच दवाखान्याची अनधिकृतपणे चालवत असल्याबद्दल पोलीस यंत्रणा व वैद्यकीय यंत्रणेमार्फत चौकशी करून बदनामीचे षडयंत्र डॉ.अशोक थोरात (जिल्हा शल्य चिकित्सक) , डॉ. राधाकिसन पवार (जिल्हा आरोग्य अधिकारी) व डॉ.प्रतिभा रकटे (वैद्यकीय अधिकारी प्राथमिक आरोग्य केंद्र लिंबागणेश) यांनी रचले असल्याचे डॉ गणेश ढवळे यांनी म्हटले आहे.

आरोग्य यंत्रणेतील या अधिकाऱ्यांच्या अनागोंदी कारभाराच्या विरोधातील तक्रार मुख्यमंत्री, आरोग्यमंत्री, आयुक्त आरोग्य सेवा संचनालय मुंबई यांना केल्यामुळे षड्यंत्र सूडबुद्धीने रचले याविषयी चौकशी करून संबंधित दोषींवर कारवाई करण्यात यावी अशी मागणी जिल्हाधिकारी उपसंचालक आरोग्य सेवा परिमंडळ लातूर यांच्या मार्फत मुख्यमंत्री आरोग्यमंत्री आयुक्त आरोग्य सेवा संचनालय मुंबई यांना डॉ.गणेश ढवळे लिंबागणेशकर यांनी केली आहे.

सविस्तर वृत्त असे की, दि. ०८/०९/२०२० रोजी डॉ. प्रतिभा रकटे (वैद्यकीय अधिकारी प्राथमिक आरोग्य केंद्र लिंबागणेश) यांनी जिल्हा आरोग्य अधिकारी डॉ.राधाकिसन पवार यांनी डॉ.कासट एन.डी. यांना जा क्र/जिआअकाबी/आस्था/९५७/२०२० जिल्हा आरोग्य अधिकारी कार्यालय बीड दिनांक ०८/०९/२०२० रोजीच्या पत्रावरून डॉ. गणेश ढवळे अनाधिकृत दवाखाना चालवत असल्याबद्दल तात्काळ चौकशी करून कार्यवाही करणेबाबत सांगितले होते. त्यामध्ये डॉ.गणेश ढवळे यांच्या नर्सिंग होम मध्ये अनाधिकृत औषधसाठा आहे व अनाधिकृत दवाखाना चालवत असल्याचे म्हटले आहे.

दवाखाना अनधिकृत असेल तर कोविड कक्ष स्थापन करण्यासाठी लेखी पत्रक दिले कसे?

सर्वात प्रथम डॉ.गणेश ढवळे यांचे “दिपक क्लिनिक” आहे.नर्सिंग होम नाही दुसरी गोष्ट जर डॉ.गणेश ढवळे लिंबागणेशकर यांचे क्लिनिक अनाधिकृत असेल तर डॉ.राधाकिसन पवार जिल्हा आरोग्य अधिकारी बीड यांनी स्वतः च्या सहीनिशी कोविड कक्ष स्थापन करण्यात यावे असे लेखी पत्रक प्राथमिक आरोग्य केंद्राचे कर्मचारी यांना डॉ.गणेश ढवळे यांच्या क्लिनिक मध्ये का पाठवले? असा प्रश्न निर्माण होतो.

डॉ.गणेश ढवळे यांच्या दिपक क्लिनिक मध्ये अनाधिकृत औषधीसाठा असेल तर औषध निरीक्षक रामेश्वर डोईफोडे यांनी जप्त करून गुन्हा दाखल का केला नाही???

डॉ.गणेश ढवळे यांची पदवी बी.ए.एम.एस. (Bachelor of Ayurveda, Medicine, and Surgery) असुन रजिस्ट्रेशन नं I-36149-A-1 आहे. त्यांच्या रजिस्ट्रेशन दिनांक ०६/०५/२०२४ पर्यंत आहे.दिनांक ०२/०९/२०२० पासुन १५/०९/२०२० पर्यंत लिंबागणेश संपूर्ण गावात संचारबंदी होती.त्यामुळे बीडवरून आवक-जावक करणारे लिंबागणेश येथिल औषध दुकानदार व खाजगी डॉक्टर यांचे येण्या-जाण्याचे प्रमाण कमी झाल्यामुळे व स्वतः डॉ ढवळे स्थानिक असल्याने आवश्यक औषधीसाठा ठेवला होता.ज्यामध्ये आक्षेपार्ह गर्भपातासारखी कुठलीही औषधे नव्हती. त्यामुळे रामेश्वर डोईफोडे यांनी कोणतेही औषध जप्त न करता गुन्हा दाखल करण्यात आला नाही.खाजगी डॉक्टर रूग्ण तपासण्यात कुचराई करत असताना डॉ गणेश ढवळे यांनी रुग्णसेवा देत कर्तव्य बजावले आहे.


सूडबुद्धीने कारवाई करण्याचे कारण ‘वरीष्ठांना केलेली लेखी तक्रार’ ―डॉ.गणेश ढवळे

‘डॉ.रकटे वैद्यकीय अधिकारी प्राथमिक आरोग्य केंद्र लिंबागणेश या लिंबागणेश येथील आरोग्य केंद्रात वारंवार गैरहजर असतात, परिचारिका कडून रूग्णांना उपचार घ्यावे लागतात’ याविषयी डॉ. गणेश ढवळे लिंबागणेशकर यांनी दि, १८/०३/२०२० रोजी मुख्यमंत्री ,आरोग्यमंत्री ,आयुक्त यांना जिल्हाधिकारी बीड यांच्या मार्फत लेखी तक्रार केली होती. त्यावरून जिल्हा आरोग्य अधिकारी यांनी जिल्हा परिषद बीड जाक्रजिपबी/आदि/आस्था/-१/कावि-/ ६७९/१९ पत्रक दि. २०/०३/२०२० अन्वये दि. २०/०३/२०२० रोजी मुख्यालयी राहात नसल्याबद्दल महाराष्ट्र नागरी सेवा (वर्तणूक) नियम १९७९ चे नियम ३(१) (दोन) चा भंग केला आहे म्हणून आपणाविरूद्ध महाराष्ट्र नागरी सेवा (शिस्त व अपिल) नियम १९७९ नुसार प्रशासकीय कारवाई का करण्यात येऊ नये या बाबत ७ दिवसाच्या आत खुलासा मागवला होता.त्यामुळे सूडबुद्धीने सर्व कागदपत्रे असताना केवळ मनस्ताप व दबाव आणण्यासाठी खोटी तक्रार नेकनूर पोलीस ठाण्यात केली गेली असल्याचे डॉ ढवळे यांनी म्हटले आहे.


डॉ. राधाकिसन पवार जिल्हा आरोग्य अधिकारी बीड यांची तक्रार–

दि, ३०/०९/२०२० रोजी डॉ. राधाकिसन पवार जिल्हा आरोग्य अधिकारी यांनी प्राथमिक आरोग्य केंद्र अंतर्गत जिल्हाधिकारी बीड यांनी गावातील ३२७ लोकांची संभाव्य कोरोना संशयितांची यादी तयार केली होती. त्यामध्ये बोगस लोकांची नावे दाखल करण्यात आली असून या गैरकारभारास डॉ. राधाकिसन पवार मुख्य सुत्रधार असल्याची लेखी तक्रार पंतप्रधान, केंद्रीय आरोग्य मंत्री, मुख्यमंत्री, आरोग्यमंत्री ,आयुक्त आरोग्य सेवा संचनालय मुंबई यांना केली होती या गोष्टीचा राग मनात धरून कारवाई केली गेली असल्याचे डॉ ढवळे यांनी म्हटले आहे.


१२ घंटे कोरोना रूग्ण ताटकळत असल्याची तक्रार जिव्हारी लागली

———————————————-
आरोग्य विभागाचा ग्रामिण भागातील ढिसाळ कारभार, त्यातच दि ०५/०९/२०२० रोजी लिंबागणेश येथील ५ कोरोना बाधित रुग्णांना नेण्यासाठी रूग्णवाहिका न आल्यामुळे रात्रभर १२ घंटे रुग्णांची हेळसांड केल्याप्रकरणी विविध दैनिकात, ईलेक्ट्रॉनिक मिडीयावर पोलखोल केल्यामुळे मनामध्ये राग होता, तो सूडबुद्धीने खोटी कारवाई करुन काढण्यात आला याविषयी मुख्यमंत्री ,आरोग्यमंत्री, आयुक्त आरोग्य सेवा संचनालय मुंबई यांना जिल्हाधिकारी बीड, उपसंचालक आरोग्य सेवा परिमंडळ लातूर यांच्या मार्फत लेखी तक्रार डॉ गणेश ढवळे यांनी केली आहे.


पंकजाताई मुंडे यांची भाजपच्या राष्ट्रीय सचिव पदी निवड ; जगत प्रकाश नड्डा यांच्या ‘टीम’ मधील समावेशाने राष्ट्रीय राजकारणातही पाडणार छाप !

मुंबई दि.२७:ऋषिकेश विघ्ने― भाजपचे राष्ट्रीय अध्यक्ष जगत प्रकाश नड्डा यांच्या ‘टीम’ मध्ये पंकजाताई मुंडे यांचा समावेश झाला असून त्यांच्यावर राष्ट्रीय सचिव पदाची जबाबदारी सोपविण्यात आली आहे. या समावेशाने आता राष्ट्रीय राजकारणातही त्यांचे नेतृत्व अधिक झळाळून निघणार आहे. दरम्यान, या निवडीबद्दल पंकजाताई मुंडे यांनी पंतप्रधान नरेंद्र मोदी, गृहमंत्री अमित शहा, पक्षाध्यक्ष नड्डा यांचे आभार मानले आहेत.

भाजपचे राष्ट्रीय अध्यक्ष जगत प्रकाश नड्डा यांनी आज पक्षाच्या केंद्रीय कार्यकारिणीची घोषणा केली. या नव्या कार्यकारिणीत पंकजाताई मुंडे यांच्यावर राष्ट्रीय सचिव पदाची जबाबदारी सोपविण्यात आली आहे.

पंकजाताई मुंडे यांच्याकडे महाराष्ट्रातील एक धडाडीच्या व आक्रमक नेत्या म्हणून पाहिले जाते. उत्कृष्ट वक्त्या, संघटन कौशल्य व काम करण्याची हातोटी या गुणांमुळे समाजातील सर्व जाती धर्मात त्यांना मानणारा मोठा वर्ग आहे. सन २०१३ मध्ये भारतीय जनता युवा मोर्चाचे महाराष्ट्राचे अध्यक्षपद त्यांनी भूषविले. या काळात तत्कालिन काॅग्रेस – राष्ट्रवादी सरकारच्या विरोधात त्यांनी काढलेली ‘एल्गार’ यात्रा चांगलीच गाजली होती. लोकनेते गोपीनाथराव मुंडे यांच्या निधनानंतर २०१४ मध्ये ‘पुन्हा संघर्ष यात्रा’ काढून त्यांनी महाराष्ट्र पिंजून काढला होता आणि याचाच परिणाम म्हणून २०१४ मध्ये महाराष्ट्रात भाजपला सत्ता मिळाली. दोन वेळा आमदार राहिलेल्या पंकजाताई मुंडे यांनी भाजप सरकारमध्ये कॅबिनेट मंत्री म्हणून अतिशय उत्कृष्ट काम केले. ग्रामविकास, जलसंधारण, महिला बालविकास व रोजगार हमी योजना आदी खात्याच्या माध्यमातून लोक कल्याणाच्या अनेक योजना यशस्वीपणे अमलात आणल्या. केवळ राजकारणातच नाही तर सामाजिक कार्यातही तितक्याच धडाडीने काम करणा-या पंकजाताई मुंडे यांनी स्त्री भ्रूण हत्यांच्या घटना विरोधात मोठी जनजागृती केली. गोपीनाथ मुंडे प्रतिष्ठानच्या माध्यमातून वंचित पिडित घटकांना वेगवेगळ्या प्रकारची मदत तसेच सर्व धर्मीय सामुदायिक विवाह सोहळ्यातून गोरगरिबांचे संसार उभा केले.

आता पक्षाने त्यांना राष्ट्रीय राजकारणात काम करण्याची संधी दिल्याने इथेही त्यांच्या नेतृत्वाची चूणूक दिसल्याशिवाय राहणार नाही. पंकजाताई मुंडे यांच्या नियुक्ती बद्दल महाराष्ट्रातील तमाम भाजप कार्यकर्त्यांनी आनंद व्यक्त केला असून बीड जिल्हयात परळीसह ठिक ठिकाणी कार्यकर्त्यांनी फटाके फोडून जल्लोष केला.

नेतृत्वाचे मानले आभार

या निवडीबद्दल पंकजाताई मुंडे यांनी पंतप्रधान नरेंद्र मोदी, गृहमंत्री अमित शहा, पक्षाध्यक्ष जगत प्रकाश नड्डा, राष्ट्रीय सरचिटणीस बी. एल. संतोष, सह सरचिटणीस व्हि. सतीश यांचे आभार मानले आहेत.


ऊसतोड कामगारांना सन्मानजनक वाढ द्या, अन्यथा कोयता चालणार नाही ―पंकजाताई मुंडे यांची साखर संघाच्या बैठकीत आग्रही मागणी

विमा कवच, कोरोना सुरक्षा यावरही केल्या सूचना

मुंबई दि.२१:आठवडा विशेष टीम― राज्यातील ऊसतोड कामगारांना मजूरीच्या दरात सन्मानजनक वाढ मिळावी यासाठी ऊसतोड कामगारांच्या नेत्या पंकजाताई मुंडे यांनी आज साखर कारखाना संघाच्या बैठकीत आग्रही भूमिका मांडली. मजूरांना वाढ न दिल्यास कोयता चालणार नाही असा इशाराही त्यांनी यावेळी दिला.

राज्य सहकारी साखर कारखाना संघाच्या संचालक मंडळाची बैठक आज साखर भवनात पार पडली. पंकजाताई मुंडे यांनी व्हिडिओ काॅन्फरन्सिंग द्वारे या बैठकीत सहभाग घेतला, त्यावेळी त्या बोलत होत्या. राज्यातील ऊसतोडणी व वाहतूक कामगारांच्या संघटनांकडून मागणी संदर्भातील आलेल्या निवेदनांवर यावेळी बैठकीत सविस्तर चर्चा करण्यात आली.

राज्यातील तमाम ऊसतोड मजूरांची मजूरीच्या दरात वाढ मिळावी आणि ही वाढ सन्मानजनकच मिळाली पाहिजे अशी आमची भूमिका असल्याचे पंकजाताई म्हणाल्या. त्यासाठीचा करार हा तीन वर्षाचाच होईल. तथापि, कोरोनाच्या पार्श्वभूमीवर मजूरांना विमा कवच द्यावे, त्याची जवाबदारी राज्य सरकार व कारखान्यांनी घ्यावी. सरकारी पातळीवर असलेल्या विषयावर चर्चा करण्यासाठी एक समिती आणि भाववाढ व कोरोनाच्या पार्श्वभूमीवर केले जाणारे सुरक्षेचे उपाय यावर चर्चा करणारी दुसरी समिती अशा दोन समित्या साखर संघाने स्थापन कराव्यात व त्या दोन्ही समितीचे अध्यक्ष साखर संघाचे अध्यक्ष जयप्रकाश दांडेगावकर असावेत. या दोन्ही समितीने त्यांचे म्हणणे लवादा समोर मांडावे व चर्चा करावी. या विषयाबाबत अत्यंत अनुभवी सन्माननीय खासदार शरद पवार साहेब यांचे मार्गदर्शन घ्यावे अशी सूचना त्यांनी केली.

संप हा मजुरांच्या हक्कासाठी आहे, कोणाचीही राजकीय पोळी भाजण्यासाठी नाही. माझे ऊसतोड कामगार हे राजकीय प्यादे नाहीत असे या संपात विनाकारण हस्तक्षेप करणाऱ्यांसाठी
पंकजाताई मुंडे म्हणाल्या.

ऊसतोड कामगार महामंडळा कडे असणारे विषय हाताळण्यासाठी कमिटीने धनंजय मुंडेंनाही बैठकीला बोलवावे व जवाबदारी निश्चित करावी. सरकार पातळीवर असलेले आणखी मंत्री महोदय उदाहरणार्थ आरोग्य मंत्री राजेश टोपे, कामगार मंत्री दिलीप वळसे पाटील, महिला बाल कल्याण मंत्री यशोमती ठाकूर यांनाही आमंत्रित करावे व अंतिम निर्णय लवादाने घ्यावा अशा सूचना साखर संघाच्या बैठकीत पंकजाताई मुंडेंनी केल्या असल्याचे समजते. ऊसतोड कामगारांच्या मजूरीत वाढ न झाल्यास कोयता चालणार नाही असा इशाराही त्यांनी यावेळी दिला.


बीड: पोलिसांवर कारवाईसाठी अंबाजोगाईत हमाल मुकादमाचे बेमुदत उपोषण

अंबाजोगाई:आठवडा विशेष टीम―
अमानुषपणे मारहाण करणा-या पोलिसांची तक्रार केल्याने जिवीताला धोका निर्माण झाला आहे.तरी या प्रकरणाची सखोल चौकशी करून नाहक मारहाण करणा-या संबंधित पोलिसांवर कठोर कारवाई करण्यात यावी या मागणीचे निवेदन देवून अंबाजोगाईत उपजिल्हाधिकारी कार्यालयासमोर हमाल मुकादम तुकाराम सोपान वारकरी हे सोमवार,दिनांक 21 सप्टेंबर पासून बेमुदत उपोषणास बसले आहेत.

येथील हमाल मुकादम तुकाराम सोपान वारकरी (रा.जयभीम नगर,मोरेवाडी,अंबाजोगाई.जि.बीड) यांनी अंबाजोगाईचे अप्पर जिल्हाधिकारी , उपजिल्हाधिकारी यांना 11 व 18 सप्टेंबर रोजी निवेदन दिले.सदरील निवेदन राज्याचे मुख्यमंत्री,जिल्हाधिकारी,पोलिस अधिक्षक,अप्पर पोलिस अधिक्षक, पोलिस उपअधिक्षक यांना माहितीस्तव दिले आहे.त्यात नमुद केले आहे की,अंबाजोगाई शहर पोलीस ठाण्याच्या 2 कॉन्स्टेबल यांनी कोणते ही कारण नसताना 9 ऑगस्ट 2020 रोजी आपणांस अमानुषपणे बेदम मारहाण केली.यात आपला हात फ्रॅक्चर झाला.मारहाणीत मोबाईल फुटला.तसेच उलट माझ्यावरच गुन्हा दाखल केला.जिथे घटना घडली तेथील सि.सी.टि.व्ही फुटेज पाहून सत्यता तपासा.या अन्यायकारक घटनेत आपणांस न्याय मिळावा.जो पर्यंत संबंधित पोलिसांवर प्रशासनाकडून कारवाई होत नाही.तो पर्यंत आपण व कुटुंबिय बेमुदत उपोषण करीत असल्याचे निवेदक तुकाराम सोपान वारकरी यांनी निवेदनात म्हटले आहे.वारकरी हे सोमवार,दिनांक 21 सप्टेंबर पासून उपजिल्हाधिकारी कार्यालयासमोर बेमुदत उपोषण करीत आहेत.