भ्रष्टाचार विषयक

बीड:आठवडा विशेष टीम―बीड तालुक्यातील लिंबागणेश या गावात पिण्यासाठी पाणी नव्हते शौचालय नावालाच होते.कुठल्याच कार्यालयात पाण्याची व्यवस्था नव्हती.आठवडा विशेषच्या बातमीच्या दणक्याने व सामाजिक कार्यकर्ते डॉ गणेश ढवळे यांच्या पाठपुराव्याने ग्रामपंचायतने दखल घेत एका दिवसात पाण्याची सिंटॅक्स टाकी बसवली व पाईपलाईन टाकण्याचे काम सुरू केले आहे.

बीड:आठवडा विशेष टीम―पंकजाताई मुंढे यांनी वीरपत्नीचे घरी जाऊन सांत्वन केलेल्या शहिद स्मारकाचा निधी हडपण्याचा भाजपा नेत्याचा प्रयत्न ग्रामस्थांनी हाणून पाडला , वीरपत्नीने मुलाबाळासह ग्रामस्थासमवेत जिल्हाधिकारी कार्यालया समोर धरणे आंदोलन केले होते : डॉ.गणेश ढवळे

Salute to martyr Shivaji Rangnath Shinde from Limbaganesh, Dist. Beed. Met his family n offered my condolences pic.twitter.com/wtZQBAcag0

— Pankaja Gopinath Munde (@Pankajamunde) September 7, 2014

लिंबागणेश ग्रामपंचायतीसाठी आर.ओ.यंत्रासह जलशुद्धीकरण प्रकल्प मंजूर निधी ३ वर्षा पूर्वी उचलण्यात आला.काम केलेच नाही, त्यानंतर दि. १६/०२/२०१८ रोजी पाणी आर.ओ.यंत्र म्हणजे शूद्धिकरण यंत्र बसवण्यासाठी २ लाख ९८ हजार रू निधी १४ वर्मा वित्त आयोगाच्या निधीतून उचलण्यात आला. त्यानंतर पुन्हा सन २०२०-२१ मध्ये शहिद सुभेदार शिवाजी शिंदे स्मारकासाठी आलेला निधी २ लाख ५० हजार रुपये हडप करण्यासाठी मा. दत्तात्रय गिरी, उपमुख्य कार्यकारी अधिकारी जिल्हा परिषद (पंचायत समिती) बीड यांना दि. १५/०८/२०१९ रोजी ग्रामसभा ठराव क्र. १२ दाखवुन ग्रामसभेने निवडलेले शहीद सुभेदार शिवाजी शिंदे यांचे स्मारक उभारणे निधी २ लाख ५० हजार रुपये रद्द करण्यात यावा व तो निधी आर.ओ.यंत्र (तिस-यांदा) बसवण्यासाठी खर्च करण्यात यावा अशी शिफारस करत परवानगी मिळवली संदर्भ: दि. २२/०४/२०२० रोजीचे जिल्हा परिषद सामान्य प्रशासन विभाग जावक क्रमांक क्र.साप्रवि/पंचायत ४/कावि-४१३/२०२०

वीरपत्नी साधना शिवाजी शिंदे, मुलगा कार्तिक व मुलगी शितल शिंदे–

दि. १७ /०९/२०१५ रोजी डॉ.गणेश ढवळें लिंबागणेशकर यांच्या नेतृत्वाखाली आम्ही आप्तकुटुंबिय व ग्रामस्थांनी जिल्हाधिकारी कार्यालया समोर शहीद स्मारकासाठी निधी मंजूर करून द्यावा यासाठी ग्रामस्थ विक्रांत वाणी, मयुर वाणी, अभिजित गायकवाड, अशोक वाणी, दिपक ढवळे, अमोल जाधव, चंद्रकांत शिंदे, रमेश शिंदे यांच्यासह धरणे आंदोलन केल्यानंतर तत्कालिन ग्रामविकास मंत्री व पालकमंत्री बीड पंकजाताई मुंडे यांनी निधि मंजूर केला होता.पंकजाताई मुंडे आमचे सात्वनासाठी घरी आल्या होत्या.आता मंजुर झालेला स्मारकाचा निधी ईतरत्र वळवला असे कळाल्यानंतर पुन्हा एकदा मुलगा कार्तिक व मुलगी शितल आणि ग्रामस्थासह डॉ.गणेश ढवळे यांच्या नेतृत्वाखाली कोरोनाच्या पार्श्र्वभूमीवर लॉकडाऊन संपल्यानंतर आमची आंदोलनाची तयारी आहे.

लिंबागणेशच्या सरपंचांनी किती ग्रामसभा घेतल्या―डॉ गणेश ढवळे

लिंबागणेश ग्रामपंचायतीच्या महिला सरपंचांनी साडेतीन वर्षात क्वचितच एखाद दुसरी ग्रामसभा घेतली असेल, संपुर्ण कारभार त्यांचे पतीच पाहतात. शहिद स्मारकाचा निधी वळवण्याची कोणतीही ग्रामसभा मुळात झालेलीच नाही,ग्रामस्थांच्या मते एकही ग्रामसभा प्रत्यक्षात कोरम पुर्ण करुन झालेली नाही, झेंडावंदन करण्यापूर्वी घेतलेल्या सह्यांचा आधार दाखवुन ग्रामसभा घेण्यात आली असे दाखवून शासनाची दिशाभूल केली जाते.

आर.ओ.यंत्र (जलशुद्धीकरण यंत्र )साठी तिनदा निधी कसा..?

जलशुद्धीकरण प्रकल्प मंजूर निधी मध्ये आर.ओ.यंत्र बसवण्यासाठी निधी मंजूर केला आहे.तसेच दि.१६/०२/२०१८ मधेही आर.ओ.यंत्र म्हणजेच पाणी शुद्धीकरण यंत्र २ लाख ९८ हजार रुपये निधी १४ वर्मा वित्त आयोगाच्या निधीतून खर्च दाखवला आहे.त्यानंतर पुन्हा शहिद सुभेदार शिवाजी शिंदे यांना मंजूर करण्यात आलेला शहिद स्मारक निधी २ लाख ५० हजार रुपये स्मारकाचे काम ग्रामस्थांनी ग्रामसभेत रद्दबातल करण्याचा ठराव घेतल्याचे दाखवून शासनाची दिशाभूल करून निधी हडपण्याचा सरपंचाचा डाव होता का?? एकाच कामासाठी ३ वेळा निधी देता येतो का ??? हा ग्रामस्थांचा प्रश्न आहे.या प्रकरणी ग्रामस्थांनी तिव्र आंदोलनाचा ईशारा दिला आहे.
तसेच १६/०२/२०१८ रोजी पाणीपुरवठा नविन पाईप लाईन २ लाख ९९ हजार रुपये , आणि पाणी पुरवठा देखभाल, दुरुस्ती, हातपंप वर्गणी, विद्युत देयक म्हणुन १ लाख ८३ हजार रुपये खर्च कागदोपत्री दाखवून उचलला आहे.

डॉ.गणेश ढवळें वर ३५३ गुन्हा दाखल करण्याचा असफल प्रयत्न, म्हणून लिंबागणेश पोलिस चौकीतील कर्मचारी यांची वरिष्ठांकडे खोटी तक्रार

शहिद सुभेदार शिवाजी शिंदे स्मारक निधी व जलशुद्धीकरण अपर्ण प्रकल्प भ्रष्टाचार प्रकरणी कारवाई करण्यात यावी अशी लेखी तक्रार मी जिल्हाधिकारी, मुख्य कार्यकारी अधिकारी जिल्हा परिषद बीड यांच्या मार्फत मुख्यमंत्री, पाणीपुरवठा व स्वच्छता मंत्री, सामाजिक न्याय व विशेष सहाय्य तथा पालकमंत्री बीड यांना केल्यानंतर जलशुद्धीकरण प्रकल्पाच्या रूमचे कुलुप तोडले व नासधुस केली अंतर्गत ३५३ चा गुन्हा दाखल करण्यात यावा असे षडयंत्र ग्रांमपंचायतने रचले व खोटा गुन्हा दाखल करण्याचा प्रयत्न केला. याप्रकरणी लिंबागणेश पोलिस चौकीतील कर्मचारी यांनी पुराव्या अभावी गुन्हा दाखल करता येणार नाही असे ठामपणे सांगितल्यानंतर सुडबुद्धीने लिंबागणेश पोलिस कर्मचारी यांच्यावर धादांत खोटे आरोप लाऊन वरिष्ठ अधिकारी नेकनुर पोलिस ठाणे येथे बोगस सह्या घेऊन लेखी तक्रार दाखल करण्यात आली.―डॉ गणेश ढवळे ,सामाजिक कार्यकर्ते ,लिंबागणेश

लिंबागणेश:आठवडा विशेष टीम― बीड तालुक्यातील मौजे लिंबागणेश येथिल ग्रामपंचायतीने १४ व्या वित्त आयोगाच्या निधीतून ५ लाख ४९ हजार ५०० रुपये निधि घशात घालून संपूर्ण गावासह सुप्रसिद्ध भालचंद्र गणपती मंदिर सुद्धा अंधारात आहे, इतका निधी उचलुन गावासह गणपती मंदिर अंधारात असल्यामुळे ग्राभस्थांच्या भावना दुखावल्या असुन संबंधित प्रकरणी चौकशी करून दोषींवर कारवाई करण्यात यावी अशी मागणी ग्रामस्थांनी जिल्हाधिकारी, मुख्य कार्यकारी अधिकारी जिल्हा परिषद, अध्यक्ष जिल्हा परिषद बीड यांच्या मार्फत मुख्यमंत्री, सार्वजनिक बांधकाम मंत्री, ग्रामविकास मंत्री, सामाजिक न्याय व विशेष सहाय्य तथा पालकमंत्री बीड, विभागीय आयुक्त यांना ई-मेल द्वारे पाठवले आहे.

सुंदरभाऊ वाणी :- व्यवस्थापक भालचंद्र गणपती मंदिर

भालचंद्र गणपती मंदिराच्या गाभाऱ्यातील लाईट चालू असुन केवळ एका पथदिव्यावरील दिवा चालू स्थितीत आहे, मंदिराच्या आवारात ५ सौरदिवे लावलेले असुन सध्या एकही चालु अवस्थेंत नाही, ६ महीन्यापासून सौरदिवे बंद आहेत.ग्रांमपंचायतीला सांगून दमुन गेलो. फरक पडत नाही.

सुंदरराव जाधव :वस्तीवरील ग्रामस्थ

जाधव वस्तीवर सौरदिवे लावलेले आहेत पण ते बंद अवस्थेत असुन अमावस्या पुर्णिमेला चालले तर १० मिनिटांच्यावर चालत नाहीत.याविषयी ग्रांमपंचायतला दहा वेळा सांगून झाले ,त्यांना काही फरकच पडत नाही.

डॉ.गणेश ढवळे लिंबागणेशकर :

लिंबागणेश ग्रांमपंचायतने १४ व्या.वित्त आयोगाच्या निधीतून सन २०१६-१७ दीड लाख रुपये , सन २०१७-१८ दीड लाख रुपये ,सन २०१८-१९ दीड लाख रुपये आणि सन २०१९-२० साली ९० हजार ५०० रुपये असा एकूण ५ लाख ४९ हजार ५०० रू.निधि उचलण्यात आला आहे. परंतु ९० टक्के सौरदिवे बंद आहेत. गावात सध्या एकुण २५ पथदिवे चालु अवस्थेत आहेत.परंतु राज्यमार्ग ५६ मांजरसुंभा ते पाटोदा बसस्थानक समोर , मुख्य चौक , मारोती मंदिरासमोर , कानिटकर वाड्यासमोर , आणि विशेष म्हणजे कैकाडी वस्ती , थोरात वस्ती याठीकाणी केवळ दोन तर निर्मळ वस्ती मध्ये ३ पथदिवे सुरू आहेत.

सुप्रसिद्ध भालचंद्र गणपती मंदिराच्या आवारात केवळ एक पथदिवा चालू असुन ५ सौरदिवे बंद अवस्थेत असुन केवळ शोभेच्या वस्तू झाल्या आहेत.
ग्रांमप़चायतने ५ लाख ४९ हजार ५०० रु.निधी उचलून सूद्धा गावासह गणपती मंदिर अंधारात असल्यामुळे बहुतांश ठिकाणी ग्रामस्थांनी आपल्या घरासमोर स्वत: दिवे लावले आहेत, ग्रामस्थांनी जिल्हाधिकारी, मुख्य कार्यकारी अधिकारी जिल्हा परिषद, अध्यक्ष जिल्हा परिषद बीड यांच्या मार्फत मुख्यमंत्री, ऊर्जामंत्री, ग्रामविकास मंत्री, सामाजिक न्याय व विशेष सहाय्य तथा पालकमंत्री बीड, विभागीय आयुक्त यांना लेखी निवेदन ई-मेलद्वारे पाठवले आहे.

कोरोना ठरले सारडांसाठी वरदान , १ कोटी ९४ लाखांचा जाळ आण धुर संगच , जुना पुलच नवा दाखवला, संतप्त ग्रामस्थांनी रस्ता अडवला , डॉ.गणेश ढवळेंची मुख्यमंत्री, बांधकाम मंत्री , ग्रामविकास मंत्री, सामाजिक न्याय व विशेष सहाय्य तथा पालकमंत्री बीड यांच्याकडे जिल्हाधिकारी बीड मार्फत ई-मेल द्वारे लेखी तक्रार ,कारवाईची मागणी

―डॉ.गणेश ढवळें लिंबागणेशकर

पाटोदा:आठवडा विशेष टीम―पाटोदा तालुक्यातील नगरपंचायत हद्दीतील मौजे गितेवाडी ते पाटोदा-चुंबळीफाटा राज्यमार्ग हा १६०० मीटरचा रस्ता ,कामाची किंमत १ कोटी ९४ लाख २३ हजार रुपये, अत्यंत निकृष्ट दर्जाचा रस्ता , मोटार सायकल गेली तरी धुराचे लोट उठलेले दिसतात, त्यातच भर म्हणुन जुना पुल नवा न बांधताच त्यावर ३ इंच सिमेंट थर अंथरून नवा पुल दाखवण्याच्या प्रयत्नामुळे संतप्त ग्रामस्थांनी रस्ताकाम बंद पाडले.

ज्ञानेश्वर सुभाष गिते , ग्रामस्थ

मी एक सामान्य माणूस आहे, १६०० मीटरचा रस्ता ,१ कोटी ९४ लाख २३ हजार रुपये बजेट आहे याला.सिमेंट रस्ता आहे एवढ्या मे महीन्याच्या कडक ऊन्हाळ्यात या रस्त्याला पाणी सूद्धा मारले नाही, उगं २ बोटाचा थर दिलाय. गावक-यांची मागणी आहे कि काम ईस्टीमेट प्रमाणे व्हायला पाहिजे.

चांगदेव गिते ,बेरोजगारांचे नेते ,गितेवाडी

पाटोदा-चुंबळीफाटा राज्यमार्ग ते गितेवाडी हा १६०० मीटरचा रस्ता आहे,त्याला १ कोटी ९४ लाख रु बजेट असताना सुद्धा एक पुल नविन बांधता येत नाही,जुन्यापुलावरच सिमेंटचा थर अंथरुन नवा दाखवायचा प्रयत्न यांना लाज कशी वाटत नाही ?? आम्हाला ते बघवलं नाही आणि शेवटी आम्ही ग्रामस्थांनी काम बंद पाडले आहे, ईस्टीमेट प्रमाणे काम झाले नाही तर पाटोदा नगरपंचायत समोर धरणे आंदोलन करण्यात येईल.

डॉ.गणेश ढवळे ,सामाजिक कार्यकर्ते बीड

पाटोदा नगरपंचायत हद्दीतील गितेवाडी १६०० मीटर रस्त्यासाठी १ कोटी ९४ लाख रू बजेट असताना आणि निकृष्ट दर्जाचे काम कोरोनाच्या पार्श्र्वभूमीवर कोणीही लक्ष देणार नाही तसेच सिमेंट रस्त्याला जर हे महीन्याच्या कडक उन्हाळ्यात पाणी मारले नाही तर रस्ता उधडणारच.आणि जुनाच पुल नवा दाखवुन शासनाची फसवणूक केल्याप्रकरणी संबधित शासकीय अभियंता , ठेकेदार यांच्यावर गुन्हे दाखल करण्यात यावेत आणि संबंधित बोगस कामे करणा-या कंपनीचे नाव काळ्या यादित टाकून ईस्टिमेट प्रमाणे नविन रस्ता करण्यात यावा.यासाठी मुख्यमंत्री , सार्वजनिक बांधकाम मंत्री , ग्रामविकास मंत्री , सामाजिक न्याय व विशेष सहाय्य तथा पालकमंत्री बीड यांना जिल्हाधिकारी, बीड, मुख्य कार्यकारी अधिकारी नगरपंचायत पाटोदा शशिकांत भोसले , नगराध्यक्षा सौ अनिता गणेश नारायणकर यांच्यामार्फत लेखी निवेदन ई-मेलद्वारे पाठवले आहे.

बीड:आठवडा विशेष टीम― लॉकडाऊनमध्ये पकडलेली दुचाकी सोडण्यासाठी एक पोलीस कर्मचारी एका व्यक्तीला पैसे मागतानाचा व्हिडीओ व्हायरल झाला आहे. त्यामुळे बीडमधील शिवाजीनगर पोलीस ठाण्यातील लाचखोरी सोमवारी (दि.१८) चव्हाट्यावर आली आहे.ही गंभीर बाब असून अशा प्रकारामुळेच पोलिसांची जनमानसात प्रतिमा मलिन होत आहे. याप्रकरणी गंभीर दखल घेत पोलीस अधीक्षक हर्ष पोद्दार यांनी संबंधित लाचखोर कर्मचाऱ्यास तडकाफडकी निलंबित केले.
शहरातील शिवाजीनगर पोलीस ठाण्यात लॉकडाऊन दरम्यान जप्त केलेल्या वाहनांच्या आणि वाहन मालकाच्या जामीनसाठी एका पोलिसाने पैसे घेतल्याचा व्हिडीओ व्हायरल झाला आहे. याप्रकरणाची गंभीर दखल घेत बीडचे पोलीस अधीक्षक हर्ष पोद्दार यांनी चौकशीचे आदेश दिले होते. तातडीने बीडचे उपविभागीय पोलीस अधिकारी भास्कर सावंत यांनी ठाण्यास भेट देऊन चौकशी करावी. व अहवाल माझ्यासमोर सादर करावा असे आदेश पोलीस अधीक्षक हर्ष पोद्दार यांनी पत्रकार आणि पोलीस अधिकारी यांच्या ग्रुपवरून संबंधितांना दिले होते. दरम्यान, व्हिडिओतील पोलिसाने १ हजार रुपये स्वीकारल्याचे स्पष्ट होत असून आणखी एक हजार दे, साहेबांना द्यावे लागतात असंही तो व्हिडीओत म्हणत आहे.

अखेर लिंबागणेश पोखरी रस्त्यावर लावली झाडे ; सामाजिक कार्यकर्ते डॉ ढवळे यांच्या पाठपुराव्याला यश

१९ मार्चला उपोषण,कारवाई न झाल्यास १३ एप्रिल ला जिल्हाधिकारी कार्यालयावर धरणे

बीड:आठवडा विशेष टीम―बीड तालुक्यातील मौजे लिंबागणेश ते मौजे भाळवणी दरम्यान होत असलेल्या निष्कृष्ट दर्ज्याच्या रस्ते कामामध्ये शासकीय नियमांची अवहेलना करत खनिज क्रमाची चोरी करत रोहयो योजने अंतर्गत वृक्ष संगोपन केलेल्या अंदाजे 25 लक्ष रुपये वृक्षांची JCB च्या सहाय्याने कत्तल करत शासनाची फसवणूक केल्या प्रकरणी संबंधित दोषींवर गुन्हे दाखल करून काम करणार्याम संस्थेचे नाव काळ्या यादीत टाकून अपहरीत रक्कम शासन दरबारी जमा करण्यासाठी दि 19 माचॅ 2020 गुरूवार रोजी लिंबागणेश स्मशान भूमी येथे डॉ गणेश ढवळे सामाजिक कार्यकर्ते लिंबागणेश यांच्या नेतृवाखाली एकदिवशीय लक्षणिक उपोषण व कारेवाई न झाल्यास दि.13 एप्रिल 2020 रोजी जिल्हा अधिकारी कार्यालया समोर धरणे आंदोलन करण्यात येणार आहे.

बीड तालुक्यातील मौजे लिंबागणेश ते मौजे भाळवणी दरम्यान होत असलेल्या निष्कृष्ट दर्ज्याच्या रस्ते कामा मध्ये शासकीय नियमांची अवहेलना करत खनिज क्रमाची चोरी करत रोहयो योजने अंतर्गत वृक्ष संगोपन केलेल्या अंदाजे 25 लक्ष रुपये वृक्षांची JCB च्या सहाय्याने कत्तल करत शासनाची फसवणूक केली आहे.
1.रस्ता करण्यासाठी शासकीय नियमाने खडी ही मौजे नाळवंडी येथून खरेदी केल्याचे दाखवले आहे प्रत्यक्षात पोखरी गावं शेजारील बाजीबुवा नामक देवस्थाना शेजारी अवैध रित्या खदान खोदून चोरी करून खनिज द्र्व्याचा वापर केला आहे त्याप्रकरणी संबंधित गुत्तेदार व शासकीय अधिकारी यांच्यावर कायदेशीर कारेवाई करण्यात यावी व संस्थेचे नाव काळ्या यादीत टाकावे.
2. मौजे लिंबागणेश ते मौजे भाळवणी दरम्यान रोहयो अंतर्गत अंदाजे 25 लक्ष रुपयांचे वृक्ष संगोपन केवळ तेथील मुरूम रस्ते कामासाठी वापरता यावा यासाठी JCB च्या सहाय्याने लावलेली झाडे उकरून फेकून देण्यात आली व शासनाचे 25 लक्ष रुपयांचे नुकसान केले व मुरून नाळवंडी येथून आणला असे दाखवून शासनाची फसवणूक केली तरी संबंधिता कडून अपहरीत रक्कम शासन तिजोरीत जमा करण्यात यावी.
3. रस्ते कामासाठी वाळू बिंदुसरा नदीतून आणली असून शासन दरबारी कागदोपत्री शहागड येथून आणल्याचे दाखवून शासनाची फसवणूक केली आहे वरील गोष्टीमुळे 10 कोटी रुपयांचे टेंडर शासनाची फसवणूक करून 14.5 कोटी रुपयाचे प्रस्तावित केले आहे तरी शासनाची फसवणूक केल्या प्रकरणी संबंधित दोषींवर गुन्हे दाखल करून काम करणार्याट संस्थेचे नाव काळ्या यादीत टाकून अपहरीत रक्कम शासन दरबारी जमा करण्यासाठी दि. 19 मार्च 2020 गुरूवार रोजी लिंबागणेश स्मशान भूमी येथे एकदिवशीय लक्षणिक उपोषण करणे व कारवाई न झाल्यास दि.13 एप्रिल 2020 रोजी जिल्हाधिकारी कार्यालयासमोर धरणे आंदोलन करण्यात येणार असल्याचे सामाजिक कार्यकर्ते डॉ गणेश ढवळे यांनी आमच्या प्रतिनिधीशी बोलताना सांगितले.