गोपीनाथ मुंडे

मुंबई दि.२७:ऋषिकेश विघ्ने― भाजपचे राष्ट्रीय अध्यक्ष जगत प्रकाश नड्डा यांच्या ‘टीम’ मध्ये पंकजाताई मुंडे यांचा समावेश झाला असून त्यांच्यावर राष्ट्रीय सचिव पदाची जबाबदारी सोपविण्यात आली आहे. या समावेशाने आता राष्ट्रीय राजकारणातही त्यांचे नेतृत्व अधिक झळाळून निघणार आहे. दरम्यान, या निवडीबद्दल पंकजाताई मुंडे यांनी पंतप्रधान नरेंद्र मोदी, गृहमंत्री अमित शहा, पक्षाध्यक्ष नड्डा यांचे आभार मानले आहेत.

भाजपचे राष्ट्रीय अध्यक्ष जगत प्रकाश नड्डा यांनी आज पक्षाच्या केंद्रीय कार्यकारिणीची घोषणा केली. या नव्या कार्यकारिणीत पंकजाताई मुंडे यांच्यावर राष्ट्रीय सचिव पदाची जबाबदारी सोपविण्यात आली आहे.

पंकजाताई मुंडे यांच्याकडे महाराष्ट्रातील एक धडाडीच्या व आक्रमक नेत्या म्हणून पाहिले जाते. उत्कृष्ट वक्त्या, संघटन कौशल्य व काम करण्याची हातोटी या गुणांमुळे समाजातील सर्व जाती धर्मात त्यांना मानणारा मोठा वर्ग आहे. सन २०१३ मध्ये भारतीय जनता युवा मोर्चाचे महाराष्ट्राचे अध्यक्षपद त्यांनी भूषविले. या काळात तत्कालिन काॅग्रेस – राष्ट्रवादी सरकारच्या विरोधात त्यांनी काढलेली ‘एल्गार’ यात्रा चांगलीच गाजली होती. लोकनेते गोपीनाथराव मुंडे यांच्या निधनानंतर २०१४ मध्ये ‘पुन्हा संघर्ष यात्रा’ काढून त्यांनी महाराष्ट्र पिंजून काढला होता आणि याचाच परिणाम म्हणून २०१४ मध्ये महाराष्ट्रात भाजपला सत्ता मिळाली. दोन वेळा आमदार राहिलेल्या पंकजाताई मुंडे यांनी भाजप सरकारमध्ये कॅबिनेट मंत्री म्हणून अतिशय उत्कृष्ट काम केले. ग्रामविकास, जलसंधारण, महिला बालविकास व रोजगार हमी योजना आदी खात्याच्या माध्यमातून लोक कल्याणाच्या अनेक योजना यशस्वीपणे अमलात आणल्या. केवळ राजकारणातच नाही तर सामाजिक कार्यातही तितक्याच धडाडीने काम करणा-या पंकजाताई मुंडे यांनी स्त्री भ्रूण हत्यांच्या घटना विरोधात मोठी जनजागृती केली. गोपीनाथ मुंडे प्रतिष्ठानच्या माध्यमातून वंचित पिडित घटकांना वेगवेगळ्या प्रकारची मदत तसेच सर्व धर्मीय सामुदायिक विवाह सोहळ्यातून गोरगरिबांचे संसार उभा केले.

आता पक्षाने त्यांना राष्ट्रीय राजकारणात काम करण्याची संधी दिल्याने इथेही त्यांच्या नेतृत्वाची चूणूक दिसल्याशिवाय राहणार नाही. पंकजाताई मुंडे यांच्या नियुक्ती बद्दल महाराष्ट्रातील तमाम भाजप कार्यकर्त्यांनी आनंद व्यक्त केला असून बीड जिल्हयात परळीसह ठिक ठिकाणी कार्यकर्त्यांनी फटाके फोडून जल्लोष केला.

नेतृत्वाचे मानले आभार

या निवडीबद्दल पंकजाताई मुंडे यांनी पंतप्रधान नरेंद्र मोदी, गृहमंत्री अमित शहा, पक्षाध्यक्ष जगत प्रकाश नड्डा, राष्ट्रीय सरचिटणीस बी. एल. संतोष, सह सरचिटणीस व्हि. सतीश यांचे आभार मानले आहेत.

---

थकीत रक्कमही बँक खात्यात जमा करण्याची केली मागणी

बीड:आठवडा विशेष टीम― महाराष्ट्र राज्य सहकारी कापूस उत्पादक पणन महासंघाकडून बीड जिल्हयात सुरू असलेली शासकीय कापूस खरेदी केंद्रे गेल्या दहा दिवसापासून बंद असल्याने कापूस उत्पादक शेतक-यांना मोठ्या आर्थिक अडचणीला सामोरे जावे लागत आहे, ही खरेदी केंद्र तात्काळ सुरू करावी तसेच कापूस खरेदीचे पैसे त्यांच्या बँक खात्यावर तात्काळ वर्ग करावेत अशी मागणी करत पंकजाताई मुंडे यांनी मुख्यमंत्री उध्दव ठाकरे यांचेकडे एका निवेदनाद्वारे जिल्हयातील शेतक-यांच्या व्यथा मांडल्या आहेत.

मराठवाड्यात मान्सूनच्या पावसाने पाठ फिरवल्यामुळे खरीप हंगामातील पिके शेतकर्‍यांच्या हातून गेली आहेत. त्यात महाराष्ट्रासह मराठवाड्यात झालेल्या परतीच्या पावसाने कापसाची प्रत घसरली असून उताराही घटल्याने खाजगी बाजारात कापसाचे दर कमी झाले आहेत. शेतकर्‍यांची आर्थिक पिळवणूक व नुकसान होवू नये म्हणून महाराष्ट्र राज्य सहकारी कापूस उत्पादक पणन महासंघाने २७ नोव्हेंबर पासून शासकीय कापूस खरेदी केंद्रे सुरु केली होती. बीड जिल्ह्यात साधारण २४ कापूस खरेदी केंद्र सुरु करण्यात आली तथापि ती सर्वच खरेदी केंद्र २० जानेवारी पासून बंद झाली आहेत. त्यामुळे शेतकर्‍यांना कमी भावाने खाजगी व्यापार्‍यांना कापूस विकावा लागत आहे, परिणामी शेतकर्‍याचे आर्थिक नुकसान होत आहे. बीड जिल्ह्यात शासकीय कापूस खरेदी केंद्रात विक्री केलेल्या साधारण ३१ हजार शेतकर्‍यांपैकी १० हजार शेतकर्‍यांना त्यांचा मोबदला अद्यापही मिळालेला नाही. पाऊस नसल्याने अगोदरच दुष्काळी परिस्थिती आणि त्यातच खरेदी केंद्र बंद झाल्याने शेतकरी अधिकच आर्थिक अडचणीत सापडला आहे. शेतकर्‍यांचे आर्थिक नुकसान व पिळवणूक थांबविण्यासाठी शासकीय कापूस खरेदी केंद्र तात्काळ सुरू होणे आवश्यक आहेत, कापूस खरेदी केंद्र तात्काळ सुरु करावीत व प्रलंबित शेतकर्‍यांच्या कापूस खरेदीचा मोबदला लगेचच त्यांच्या बँक खात्यात जमा करून शेतकर्‍यांना दिलासा द्यावा असे पंकजाताई मुंडे यांनी निवेदनात नमुद केले आहे.

---

बीड:आठवडा विशेष टीम― दरवर्षीप्रमाणे याही वर्षी राष्ट्रसंत भगवानबाबा यांच्या जन्मस्थळ असलेल्या पाटोदा तालुक्यातील सावरगाव-घाट येथे होणाऱ्या भव्य दसरा मेळाव्यास यावेळी केंद्रीय गृहमंत्री अमित (भाई) शहा,मुख्यमंत्री देवेंद्र फडणवीस उपस्थित राहणार असल्याने या मेळाव्याकडे देशाचे लक्ष लागले आहे. तर परळी येथील गोपीनाथ गड येथून भव्य रॅली निघणार आहे.
मंगळवारी ८ ऑक्टोबर दसऱ्याच्या शुभ मुहूर्तावर सकाळी ६ वाजून ३० मिनिटांनी रॅली गोपीनाथ गड येथून सुरू होऊन तेलगाव ,बीड ,नायगाव ,सिरसाळा ,वडवणी,वंजारवाडी,तांबा राजुरी मार्गे भगवानभक्ती गड सावरगाव घाट ता.पाटोदा जि.बीड येथे दहा वाजण्याचा सुमारास पोहोचणार आहे.व त्यानंतर अमित शहा यांच्या प्रमुख उपस्थितीत आणि पंकजा मुंडे यांच्या मार्गदर्शनाखाली दसरा मेळावा हा संपन्न होणार आहे.तरी बीड जिल्ह्यातील सर्व समाजबांधवांनी या अभूतपूर्व दसरा मेळाव्यास येण्याचे आवाहन पाटोदा भाजपाचे युवा नेते ऋषिकेश विघ्ने यांनी केले आह.

आठवडा विशेष टीम―काहींना जन्मतःच वारसा मिळतो समृद्ध जीवनाचा, तर काही आपलं जीवन स्वतः घडवतात. गोपीनाथ मुंडे म्हणजे स्वकर्तुत्वाने घडलेला माणूस,राजकारणाचा कुठलाही वारसा नसताना राजकारणात गाठणारा अद्वितीय नेता. गोपीनाथ पांडुरंग मुंडे यांचा जन्म बीड जिल्ह्यातील परळी तालुक्यातील नाथरा या गावी एक सामान्य शेतकरी कुटूंबात १२ डिसेंबर १९४९ रोजी झाला. वडील पांडुरंग मुंडे व आई लिंबाबाई मुंडे हे वारकरी होते,आई वडिलांसोबत मुंडे साहेबांनी वयाच्या १४व्या वर्षी पंढरपूरची पाई वारी केली,त्यानंतर सलग सात वर्षे पंढरीची पाई वारी केली,त्यामुळे मुंडे साहेबांवर बालपणापासूनच अध्यात्मिक प्रभाव राहिला, त्यांची घरची परिस्थिती बेताची होती,१९६९मध्ये त्यांचे पितृछत्र हरपले; त्यानंतर त्यांच्या शिक्षणाची जबाबदारी आई व मोठे बंधु पंडितआण्णा यांनी उचलली,भाऊ पंडित अण्णा यांनी स्वतःचे शिक्षण सोडून गोपीनाथ मुंडे यांचे शिक्षण पूर्ण केले.मुंडे साहेब शालेय जीवनात खुप हुशार नव्हते, पण शिक्षणाचं महत्त्व त्यांनी ओळखलं म्हणून, शालेय शिक्षणानंतर उच्च शिक्षणासाठी त्यांनी अंबाजोगाई जवळ केली.

साहेबांच्या राजकीय भवितव्याची वाटचाल…

गोपीनाथ मुंडे यांच्या राजकीय प्रवासाला सुरवात झाली ती महाविद्यालयीन जीवनात, महाविद्यालयात होणाऱ्या अंतर्गत निवडणुकांमद्ये मुंडे साहेब नेहमीच किंग मेकर ठरायचे,प्रत्येक निवडणूक ते सहजपणे जिंकायचे. अंबाजोगाईत शिक्षण घेत असताना त्यांची भेट झाली ती प्रमोद महाजन यांच्याशी,प्रमोद महाजन यांनी मुंडे साहेबांच्या विद्यार्थी दिशेतील नेतृत्व करण्याचे गन ओळखले आणि त्यांच्याशी मैत्री झाली व प्रमोद महाजन यांनी मुंडे साहेबांवर अखिल भारतीय विद्यार्थी परिषदेत काम करण्याची संधी उपलब्ध करून दिली.
मुंडे-महाजन मैत्री पर्व अंबाजोगाई येथे महाविद्यालयात सुरू झालं आणि शेवटच्या श्वासापर्यंत त्यांनी ही मैत्री जपली,मुंडे महाजन या जोडीने महाराष्ट्राच्या राजकारणात पाय रोवले,आणि भारतीय जनता पक्षाचा राज्यभर वटवृक्ष करण्याचं काम या जोडीने केलं. महाविद्यालयात असताना मुंडे साहेबांनी राजकारणाचे प्राथमिक धडे गिरवले, जनमाणसंमध्ये त्यांनी समाजकारण आणि राजकारणाची मोठं बांधण्याची सुरवात केली.गोपीनाथ मुंडे यांनी भाजप पक्ष चांदया पासून बांध्यापर्यंत पोहचवला व घरा-घरात भाजपचा कार्यकर्ता बनविला व पक्षाचा वटवृक्ष वृध्दिंगत केला.मुंडे साहेबांनी आणीबाणीच्या काळात तुरुंगवासही भोगला, आणीबाणीला विरोध करण्याचे धाडस त्यांनी दाखवलं, आणिबाणीतल्या तुरुंगात यशवंत केळकर यांच्यासारख्या कुशल संघटकांचे मार्गदर्शन मिळाले, प्रत्यक्ष राजकारणात भारतीय जनसंघापासुन वसंत भागवत यांचे मार्गदर्शन मिळाले,आणि आणीबाणीनंतर मुंडे साहेबांच्या अंगी नेतृत्व गुण आणखी झळकले, मुंडे साहेबांनी भारतीय जनता युवा मोर्चामधून राजकारणात प्रवेश केला.१९७८मध्ये मुंडे साहेब पहिल्यांदा अंबाजोगाई तालुक्यातील उजनी गटातून जिल्हा परिषदेवर सदस्य म्हणून निवडून गेले.१९८०मद्ये रेणापूर विधानसभा मतदार संघातून प्रथम आमदार म्हणून निवडून गेले, आणि त्यानंतर त्यांनी कधी मागे वळुन पाहिले नाही, भाजपवर ब्राह्मणांचा पक्ष असा ठप्पा बसला होता, पण तो मुंडेसाहेबांच्या नेतृत्वामुळे पुसला गेला. भाजपला बहुजनांशी जोडायचे काम,स्वतःजातीने वंजारी असलेल्या मुंडे साहेबांनी ओबीसी समाज भाजपशी जोडला, त्यामुळे भाजपला राज्यात आपलं स्थान आणखी बळकट करता आलं.१९९५ मद्ये भाजप सेना राज्यात सत्तेवर आले आणि त्या सरकारमध्ये मुंडे साहेब राज्याचे गृहमंत्री झाले,मुंडे साहेब हे कुशल प्रशासक होते, केवळ कठोर निर्णय म्हणजे प्रशासक नसते,परिणामकारक क्रांतिकारी बदल करणारे निर्णय घेणे, निर्णयाची अमलबजावणी करणे,गृहमंत्री असताना गुन्हेगारी विरोधात धडक कार्यवाही केली, पोलिसांना अधिकार दिले, “एन्काऊंटर”हा शब्द त्याच काळात रूढ झाला, मुंबईतील टोळी युद्धाला व गुन्हेगारीला आळा घालण्याचं काम मुंडे साहेबांनी केलं.अत्यंत स्वच्छ चारित्र्याचे मंत्री म्हणून आजही त्यांचा गौरव होतो.

साहेब असे ठरले पक्ष व मैत्रीचा दुवा…

पाहिले प्रमोद महाजन आणि त्यानंतर मुंडे साहेब हे भाजप सेने युतीमधला दुवा होते.दोन्ही पक्षामध्ये तणाव निर्माण झाला, तर ते शांत करण्याचं काम साहेब करायचे.बाळासाहेब ठाकरे यांच्याशी त्यांचे अत्यंत जवळचे संबंध होते, बाळासाहेबांचा कुठलाही शब्द ते पडू द्यायचे नाहीत,मुंडे साहेबांच्या या मनमिळाऊ स्वभावामुळे युतीला महायुतीचे स्वरूप देण्याचं काम साहेबांनी केलं. खासदार राजू शेट्टी, रामदास आठवले, महादेव जानकर यांना जोडण्याचं काम साहेबांनी केलं, साहेबांनी युती अभेद्य राखण्यात मोठी भूमिका बजावली म्हणून आज आपल्याला भाजप सत्तेवर दिसत आहे. त्यामुळेच जेव्हा २०१४च्या विधानसभा निवडणुकीच्या वेळी युती तुटली तेव्हा गोपीनाथ मुंडे यांची सर्वाना उणीव जाणवली.

साहेब अपरंपार मैत्री जपलेला माणूस…..

मुंडे साहेबांनी त्यांच्या दिलदार स्वभावामुळे अनेक मित्र जोडले.विलासराव देशमुख यांच्याशी त्यांची असलेली मैत्री राजकारणात चर्चेचा विषय होता. विलासराव देशमुख काँग्रेसचे व मुंडे साहेब भाजपचे तरीही त्यांच्यात मतभेद कधी आला नाही, ते दोघेही विधानभवनापर्यंत एका गाडीने प्रवास करायचे ,त्यानंतर छगन भुजबळ हे ही साहेबांचे चांगले मित्र होते,त्यानंतर साताऱ्याचे छत्रपती उदयनराजे भोसले यांच्याशी मुंडे साहेबांचे खुप स्नेह होते स्वतः मुंडे साहेब राजेंना कुठलीही निवडणूक न लढवता त्यांना मंत्रिमंडळात येण्याचं आमंत्रण मुंडे साहेबांनी प्रथम दिले होते,राजू शेट्टी साहेब व मुंडे साहेब यांचे नेहमीच एका रथाचे दोन चाके असल्यागत होते,साहेब म्हणायचे राजू शेट्टी साहेब तुम्ही ऊस उत्पादक शेतकऱ्यांची भूमिका घ्या मी ऊस तोडणाऱ्या मजुरांची भूमिका घेतो व त्यामुळे तर मुंडे व शेट्टी हे मैत्रीचं नात अगदी घट्ट झाले होते. पक्षीय चौकटीबाहेर आपली मैत्री जपली म्हणून साहेब सत्तेत नसले तरी मतदारसंघातील विकासकामे कधी थांबली नाहीत.

सर्वसामान्य जनतेच्या मनातील लोकनेते….

साहेबांच्या व्यक्तिमत्वातील गुणवैशिष्ट्ये अत्यंत वाखण्यासरखी होती, ते सत्तेत असले के अन नसले काय साहेब येणार म्हटल्यावर सर्वसामान्य जनतेच्या मनावर किती उत्साह होता, लोक आकाशाकडे डोळे करून बसायचे आता आमच्या साहेबांचे हेलिकॉप्टर येईल. स्वतःभोवती लोकांचा घोळका कायम ठेवण्याची टाकत असणारे मुंडे साहेब हे एकमेव नेते होते, त्या लोकसंपर्काच्या बळावर त्यांनी गेलेली सत्ता पुन्हा परत संपादन केली.या त्यांच्या क्षमतेमुळे त्यांच्या हातात हातात सत्ता नाही म्हणून त्यांची उपेक्षा करण्याची किंवा दखल न घेण्याची हिंमत कुणी करू शकले नाही, राजकारणात जनतेच्या समस्यांची जविण अचूक असावी लागते.सामाजिक मानसशास्त्र आणि जनतेच्या प्रश्नांची अचूक जाण होती,म्हणूनच सर्वसामान्य जनतेने साहेबांच्या लोकनेता असे विशेषण त्यांना त्यांच्या या असामान्य गुणवत्तेमुळे लाभले होते.मराठवाडा विद्यापीठाचे नामांतर असो,की सहकारी साखर कारखानदारी असो,की असंघटीत ऊसतोड मजुरांचा मुद्दा असो, की सर्वसामान्य शेतकऱ्यांचा हिताचा मुद्दा असो, मुंडे साहेब यांचे या विषयातील अचूक निर्णय त्यांना राजकारणात अग्रेसर होण्यासाठी साह्यभूत ठरले होते.

समस्यांची अचूक जण असलेला लोकनेता….

महाराष्ट्रात झालेल्या सामाजिक चळवळीच्या वेळी गोपीनाथ मुंडेनी घेतलेले निर्णय आणि भूमिका यामुळे साहेब एका मतदार संघापुरते किंवा बीड जिल्ह्याचे नेते नव्हते तर ते राज्याचे लोकनेते झाले.
मराठवाडा विद्यापीठाच्या नामांतराची चळवळ सुरू झाली आणि या विषयात लॉंग मार्ग निघाला.मंडल आयोगाचा विषय आला तेव्हा महाराष्ट्र राज्यातून पहिला पाठिंबा मुंडे साहेबांनी दिला होता, सामाजिक न्यायाचा मानदंड मानल्या जाणाऱ्या ये दोन आंदोलनात मुंडेंनी घेतलेल्या भूमिकेमुळे राज्यात भाजपला नवी ओळख मिळाली. त्यांच्यावर जातीयवादी पक्ष अशी टीका करणाऱ्यांची तोंड बंद झाली,ज्या वेळी महाराष्ट्रात गणपती दूध पीत असल्याची बातमी वाऱ्यासारखी पसरली आणि बडे बडे नेते स्वतःच्या हाताने गणपतीला दूध पाजायला सरसावले तेव्हा मुंडे साहेबांनी “माझा असल्या अंधश्रद्देवर विश्वास नाही” असे सांगून योग्य भूमिका घेतली होती, सगळा महाराष्ट्र अंधश्रद्धेकडे पाहत होता तेव्हा विज्ञाननिष्ठा भूमिका मांडणारे गोपीनाथ मुंडे हे पहिले नेते होते.
मराठवाद्यात पाऊस पडलेला नसतानाही केवळ नगर नाशिक जिल्ह्यातील पाणी मराठवाड्याला पाणी सोडले ,गोदाकाठच्या शेकडो गावात पाणी घुसले,अतोनात नुकसान झाले,त्या वेळी त्या प्रश्नांची अचुक जण दाखवत साहेबांनी गोदापरिक्रमेचा कार्यक्रम जाहीर केला. पूरग्रस्त शेतकऱ्यांना मदत मिळवून दिली.
साहेबांनी आयुष्यभर एक स्वप्न पाहिले होते ते की बीड जिल्ह्यातील माझा ऊसतोड मजुर, माझ्या ऊसतोड मजुरांच्या हातातील कोयता मला बंद करायचाय,या कोयत्याच्या जागी मला इंजिनिअर,डॉक्टर, वकील शिक्षक सरकारी नोकरदार बनवायचे आहेत ,माई माझ्या शेवटच्या स्वसापर्यंत मजुरांची निर्णयक भूमिका घेणार आहे असे म्हणायचे.

डोळ्यासमोर महामानवांचा आदर्श होता…

राज्यभर व देशात मुंडे साहेबांची ओळख ओबीसी नेते म्हणून होती,परंतु त्यांनी ज्या महान व्यक्तिमत्वाचा आदर्श राज्यकारभार, जनतेच्या हिताची निर्णायक भूमिका डोळ्यासमोर घेऊन काम करत होते,साहेबांनी छत्रपती शिवराय यांची राज्यकारभार करण्याची शैली व जनतेचे हीतसाहेबांनी ओळखले, त्यानंतर डॉ बाबासाहेब आंबेडकर, महात्मा फुले, शाहु महाराज,यांचे जीवनपट अभ्यास साहेबांचे कार्य चालू होते.
साहेबांनी शेवटच्या श्वासापर्यंत एकविसाव्या शतकातील आद्य संत भगवान बाबा यांना श्रद्धास्थान मानून जिल्ह्यातील विकासाची धुरा हाती घेतली होती, साहेब नेहमीच भगवान बाबांच्या समाधीवर माथा टेकवूनच कुठल्याही कार्याला सुरवात करत होते.साहेबांचा भगवान गडावरील दसरा मेळावा हा राज्यभर कौतुकाची बाब बनली होती, या मेळाव्यात साहेबांवर प्रेम करणारी गोर गरीब जनता, ऊसतोड कामगार दिन दलित सर्वसामान्य जनता या मेळाव्याला साहेबांचा धगधगता आवाज ऐकण्यासाठी दरवर्षी भगवानगडावर माथा टेकवण्यासाठी येतात… भगवानगड व मुंडे कुटुंब हे एक वेगळं समीकरण साहेबांनी जुळून आणले होते.

गड आला पण सिंह गेला… साहेबांचा शेवटचा झंझावत…

२०१४ च्या लोकसभा निवडणुकीत मुंडे साहेबांनी महाराष्ट्र पिंजून काढलं,देशात भाजपची सत्ता आली पाहिजे हा एकच ध्यास डोळ्यासमोर ठेवून त्यांनी दांडगा प्रचार केला,शेवटी साहेबांच्या प्रयत्नाला यश आले व २०१४च्या लोकसभा निवडणुकीत त्यांनी मोठा विजय मिळवला व राज्यात महायुतीचे ४२ खासदार निवडून आले, व देशात केंद्रीय ग्रामविकास मंत्री असे महत्त्वाच खात मिळाले.इतकी वर्षे सत्तेत येण्यासाठी साहेबांनी संघर्ष केला परंतु सत्तेत आल्यावर मुंडे साहेबांना सत्तेची फळे मात्र चाखता आली नाहीत.
२९ जून २०१४ रोजी साहेबांनी पंतप्रधान नरेंद्र मोदी यांच्या सरकारमध्ये ग्रामविकासमंत्री म्हणून शपथ घेतली होती, व या विजयानंतर मुंडेसाहेबांच्या स्वागताची भव्यदिव्य तयारी बीड जिल्ह्यातील जनतेने केली होती, जिल्ह्यातील एका सर्वसामान्य कुटुंबातील तरुणाला केंद्रात मंत्रिपद मिळाल्याचा आनंद गगनात मावत नव्हता,साहेब३ जून२०१४ रोजी दिल्ली वरून जिल्ह्यात येणार होते, भगवान बाबांच्या समाधीवर मस्तक टेकवणार होते,परंतु काळाने घाला घातला आणि मुंडे साहेब ३ जून २०१४ च्या पाहटे दिल्ली विमानतळाकडे जात असतानात्यांच्या गाडीला एका टॅक्सीने जोरात धडक दिली ,तेव्हा साहेबांना तातडीने रुग्णालयात भरती करण्यात आलं पणत्याच वेळी त्यांना आलेल्या हृदयविकाराच्या झटक्यांन त्यांचं निधन झालं, आणि एका झुंजार नेत्याचा शेवट झाला. भाजपच्या संघर्षच्या काळात उभा राहणाऱ्या गोपीनाथराव मुंडे साहेबांना काळान सत्ता उपभोगू दिली नाही. त्यांच्या अंतविधीसाठी जमलेल्या लाखोंचा जमाव त्यांच्या जनसंपर्काची आणि लोकप्रियतेची ग्वाही देत होता, आपल्या लाडक्या नेत्याला अखेरचा निरोप देण्यासाठी जनसागर उसळला होता,ती गर्दी साक्ष होती गोपीनाथराव मुंडे साहेबांच्या लोकसमर्पक आयुष्याची…!
महाराष्ट्रान गोपीनाथ पांडुरंग मुंडे यांच्या रूपान एक झुंजार नेता गमावला होता. एक असा नेता ज्याला जनतेची नाड ठाऊक होती. ज्याला लोकांच्या समस्या कळत होत्या. आणि जो सक्षम होता त्या समस्या दुर करण्यासाठी गोपीनाथ मुंडे साहेबांच्या अकाली निधनामुळे महाराष्ट्राच्या राजकारणात निर्माण झालेली पोकळी कधीही भरून निघणारी नाही.
माझा आवाज तुमच्यापर्यंत पोहचतोय..!
साहेबांवर प्रेम करणारी सर्वसामान्य जनता एवढी होती की साहेबांचा त्यांच्यापर्यंत पोहचणे शक्य नसायचे म्हणून साहेब नेहमीच सभेत एक वाक्य आवर्जून उल्लेख करायचे “मी जरी तुमच्यापर्यंत पोहचत नसलो तरी…….माझा आवाज तुमच्यापर्यंत पोहचतोय..!”हे शब्द सर्वसामान्य जनतेच्या मनातले कधीही न विसरणारे आहेत.

साहेबांची राजकीय जबाबदारी व नेतृत्व…

१९७८- बीड जिल्ह्यापरिषदेवर सदस्य म्हणून विजयी.
◆ (१९८०-१९८५) विधानसभा निवडणुकीत आमदार म्हणून विजय.
◆ १९८० -महाराष्ट्र राज्य भारतीय युवा मोर्चाचे पाहिले अध्यक्ष म्हणून निवड.
◆ १९८२ -भाजप राज्य सरचिटणीस पद..
◆ १९८६- महाराष्ट्र राज्य भाजपचे प्रदेशाध्यक्षपद..
◆ १९८७ -कर्जमुक्ती मोर्चाचे नेतृत्व..
◆ (१९९०-१९९५)-विधानसभा आमदार म्हणून विजयी
◆ (१९९२-१९९५) – विरोधी पक्षनेते पद…
◆ (१९९५-१९९९)-विधानसभा आमदार म्हणून विजयी
◆ (१९९५-१९९९)- महाराष्ट्र राज्याचे उपमुख्यमंत्री व ऊर्जा व गृहमंत्री म्हणून शपथ…
◆ (२००४-२००९)- विधानसभा आमदार म्हणून विजयी.
◆ (२००९-२०१४)- बीड लोकसभेचे खासदार म्हणून प्रथम विजयी.
◆ (२७ जून २०१२)- संयुक्त राष्ट्राच्या ६५ व्या सर्वसाधारण सभेत न्यूयॉर्क येथे भारत सरकारचे प्रतिनिधित्व
◆ २०१४ -खासदार म्हणून दुसऱ्या वेळेस निवडून आले.
◆ (२९ जून २०१४)- केंद्रीय ग्रामविकास मंत्री म्हणून शपथ घेतली.
◆ ३जून२०१४ रोजी कार अपघातात निधन.

―इंजि.दत्ता बळीराम हुले
(बीड जिल्ह्यातील एका ऊसतोड मजुरांचा मुलगा)
मो.९९६०१३५६३४

मुंबई: भारतीय राष्ट्रीय काँग्रेसचे प्रवक्ते सचिन सावंत यांनी आपल्या ट्विटर अकाऊंटवर दिवंगत गोपीनाथ मुंडे व प्रमोद महाजन यांच्याविषयी वादग्रस्त पोस्ट केली होती.परंतु मुंडे समर्थकांमध्ये पसरलेल्या असंतोषामुळे त्यांनी ती ट्विट डिलीट केल्याचे समोर येत आहे.लोकसभेच्या निवडणूका चालू असताना सामाजिक शांतता भंगाचा प्रकार काँग्रेस प्रवक्त्यांनी आपल्या ट्विटच्या माध्यमातून केल्याचे समोर येत आहे.

काँग्रेस प्रवक्ते सावंत यांनी आपल्या ट्विटर हँडलवर “महात्मा गांधी,इंदिरा गांधी व राजीव गांधी देशासाठी गेले…..महाजन आणि मुंढे कशासाठी गेले?” अशा प्रकारचे संतापजनक वक्तव्य केल्याची माहिती सूत्रांकडून मिळत आहे.

आज ज्या पातळीवर भाजपा आणि मोदी, जेटली सारखी मंडळी घसरुन राजीव गांधी वर टिका करत आहेत. त्यांना जशास तसे उत्तर देण्याची धमक आमच्यात आहे. याचकरीता ट्विट केले होते.
परंतु आता डिलीट करत आहे.
असंस्कृतांबरोबरही संस्कृती राखणे ही भित्रेपणाचे लक्षण नसून त्यातच शौर्य असते.

— Sachin Sawant सचिन सावंत (@sachin_inc) May 6, 2019

स्व.प्रमोद महाजन व स्वर्गीय गोपीनाथराव मुंडे साहेबांचे समर्थक ह्या ट्विट मुळे खूप संतापले आहेत.सर्व स्थरावरून काँग्रेस प्रवक्ते सचिन सावंत यांचा निषेध व्यक्त केला जात आहे.

ना. पंकजाताई मुंडे यांनी दिला औरंगाबादच्या बैठकीत कार्यकर्त्यांना दृढ विश्वास!

पाया मजबूत असलेले भाजपचे सरकारच सत्तेवर येणार

राष्ट्रवादीची परिवर्तन यात्रा केवळ सत्ता मिळविण्यासाठी – विरोधकांवर हल्लाबोल

औरंगाबाद दि. २३ : लोकनेते गोपीनाथराव मुंडे साहेबांनी जनतेच्या प्रश्नांवर संघर्षयात्रा काढली ती वंचित उपेक्षितांना न्याय मिळवून देण्यासाठी आणि सत्तेविरुद्ध सामान्यांमध्ये असलेल्या रोशाला वाचा फोडण्यासाठी पण आज काही मंडळी केवळ सत्ता मिळवण्यासाठी यात्रा काढत आहेत. सत्तेशिवाय ते राहूच शकत नाहीत. ज्यांना एवढी वर्षे सत्ता असताना विकासाचे परिवर्तन घडवता आले नाही ते आता स्वार्थासाठी सत्ता परिवर्तन यात्रा काढत आहेत असा हल्लाबोल करून येणा-या निवडणूकीत पाया मजबुत असलेले भाजपचेच सरकार सत्तेवर येणार आहे असा दृढ विश्वास राज्याच्या ग्रामविकास आणि महिला बालविकास मंत्री ना पंकजाताई मुंडे यांनी आज येथे व्यक्त केला.

औरंगाबाद येथे भारतीय जनता पक्षाच्या औरंगाबाद, जालना, बीड व परभणी जिल्हयाच्या शक्तीकेंद्र प्रमुख व बूथप्रमुखांच्या क्लस्टर बैठकीचे आयोजन करण्यात आले होते. यावेळी उपस्थित पदाधिकाऱ्यांना मार्गदर्शन करताना त्या बोलत होत्या.

यावेळी ना.पंकजाताई मुंडे यांनी आपल्या भाषणाने भाजप कार्यकर्त्यांमध्ये जोश भरला. त्या म्हणाल्या,राज्य आणि केंद्र शासनाच्या माध्यमातून आम्ही तळागातील सर्वसामान्य व्यक्तींना केंद्रबिंदू मानून त्यांच्या उत्कर्षासाठी विविध योजना राबवल्या आहेत, त्याचा प्रसार आणि प्रचार जनतेपर्यंत पोहोचवा. आज राज्यातील प्रत्येक व्यक्तीला भाजप सरकारने राबवलेल्या योजनांचा लाभ मिळत आहे आणि म्हणून विरोधकांनी आमची धास्ती घेतली आहे. आज परळीत जे समारोप सभा घेत आहेत त्यांचा राजकारणातून कायमचा समारोप केल्या शिवाय थांबणार नाही असा विश्वास त्यांनी यावेळी व्यक्त केला. बीड – परभणी -जालना- औरंगाबाद जिल्ह्याच्या सर्व जागा जिंकून विरोधकांना झेंडा फडकवण्याची संधी मिळू देणार नसल्याचे त्यांनी यावेळी सांगितले.

कार्यकर्ता हा विजयाचा शिल्पकार

पुढे बोलताना ना.पंकजाताई म्हणाल्या, कार्यकर्ता हा भाजपचा आत्मा असून तोच खरा विजयाचा शिल्पकार आहे. विजयाचा मजबूत पाया रचण्याची वेळ आली आहे.
कार्यकर्त्यांच्या परिश्रमाने भाजप आज जगातील सर्वात मोठा पक्ष म्हणून ओळखला जातो. एक पक्ष जो परिवाराचा आहे पण भाजप हाच परिवार आहे. देश प्रथम नंतर पक्ष अशी समर्पित वैभवशाली परंपरा लाभलेल्या भाजपा सरकारने राबवलेल्या विविध लोककल्याणकारी योजना आपण आज जनतेपर्यंत पोहोचवत आहोत ,पुढची सत्ताही तुमचीच असून जी कामे राहिली आहेत ती आम्हीच पूर्ण करू हा विश्वास तुम्ही जनतेला द्या असे आवाहन ना.मुंडेंनी यावेळी कार्यकर्त्यांना केले.

यावेळी बैठकीला प्रदेशाध्यक्ष रावसाहेब दानवे , हरिभाऊ बागडे ,बबनराव लोणीकर ,संभाजी पाटील निलंगेकर , खा.प्रितमताई मुंडे ,सुजितसिंह ठाकूर भाऊराव देशमुख ,भागवत कराड , प्रवीण घुगे , गोविंदराव केंद्रे आदीसह पक्षाचे आमदार ,जिल्हाध्यक्ष व शक्तीकेंद्र प्रमुख आणि बूथ प्रमुख मोठ्या संख्येने उपस्थित होती.

---