ज्ञानेश्वर धोंडू युवरे (पाटील) ― आठवडा विशेष प्रतिनिधी सोयगाव

जरंडी दि.१३:ज्ञानेश्वर धोंडू पाटील―
कर्जाचा डोक्यावरील असह्य झालेला डोंगर,त्यातच
खरिपाच्या हंगामात पावसाची दडी व आजाराने त्रस्त असलेल्या
तरुण शेतकऱ्याने रविवारी शेतातच विष प्रश्न केल्याची घटना रविवारी घोसला ता.सोयगाव येथे सायंकाळी घडली.या शेतकऱ्याचा उपचारादरम्यान सोमवारी मृत्यू झाला आहे.याप्रकरणी पाचोरा पोलिसात आकस्मिक मृत्यूची नोंद करण्यातआली आहे.तालुक्यात सलग हि तिसऱ्या शेतकर्याची आत्महत्या असून ४८ तासातच घोसला येथील शेतकऱ्याने मृत्यूला कवटाळले असल्याची दुर्दैवी घटना घडली.
सोपान संपत बोरसे(रा.घोसला ता.सोयगाव वय ४३) असे आत्महत्या केलेल्या शेतकऱ्याचे नाव आहे.त्याचे नावावर घोसला शिवारात १ हेक्टर जमीन असून त्याचेकडे तब्बल पाच लाखाचे कर्ज असून त्याला गंभीर आजारानेही छळले असल्याने या शेतकऱ्याने कर्ज फेडावे कि उपचार करावे तसेच खरिपाच्या हंगामाची चिंताजनक असलेली स्थिती पाहून शेतातच विष प्राशन करून कर्जाच्या चिंतेने आत्महत्या केली.तातडीने उपचारासाठी या शेतकऱ्याला पाचोरा येथील खासगी रुग्णालयात दाखल करण्यात आले असता,उपचारादरम्यान त्याचा मृत्यू झाला आहे.दरम्यान एकीकडे सोयगाव तालुक्यात शेतकऱ्यांच्या आत्महत्येचे सत्र सुरु झालेले असतांना प्रशासनाचे मात्र शेतकऱ्यांच्या समस्यांवर दुर्लक्ष झाल्याचे आढळून येत आहे.तब्बल ४८ तासात ३ अल्पभूधारक शेतकऱ्यांनी मृत्यूला मिठी मारली आहे.मृत शेतकऱ्याच्या पश्चात आई,पत्नी,एक मुलगा,एक मुलगी असा परिवार आहे.

जरंडी:ज्ञानेश्वर धोंडू पाटील―
जरंडीसह परिसरात पावसाचा मोठा खंड पडल्याने खरिपाच्या पिकांवर ताण पडला आहे.यासाठी शेतकऱ्यांनी रासायनिक खते आणि फवारणीच्या मात्रा देवून पिकांना जगविण्याची धडपड सुरु केली आहे.पावसाचा मोठा खंड पिकांना तारणारा नसून मारणारा असल्याची प्रतिक्रिया शेतकरी ज्ञानेश्वर वाघ यांनी दिली आहे.
जरंडी परिसरातील मंडळ महसुली गावांमध्ये पावसाचा मोठा खंड पडला असून त्यामुळे खरिपाच्या हंगामावर पावसाअभावी ताण पडला असल्याने खरीपाची आंतर मशागतीचे कामे रखडली आहे.पिकांना पुन्हा डोलदार करण्यासाठी जरंडी,घोसला परिसरात खतांच्या मात्रा आणि फवारणीच्या कामांनी वेग घेतला असून कपाशी पिकांवर तूर्तास मित्र किडींचा मोठा प्रादुर्भाव असल्याने कपाशी पिके धोक्याच्या बाहेर आहे.परंतु पावसाचा मोठा ताण कपाशी आणि मका पिकांवर पडलेला असल्याने मक्याची कोवळी पिके माना टाकत असल्याचे शिवारातील चित्र आहे.मक्यासह सोयाबीन,ज्वारी,बाजरी आदी पिकांनाही पावसाचा मोठा फटका बसला असून कपाशी पिकांना मात्र ठिबक सिंचनच्या मात्रा वर जगविले जात आहे.त्यामुळे खरिपाच्या हंगामातील मक्यास,सोयाबीन,ज्वारी,बाजरी आदी पिके मात्र संकटात सापडली आहे.

ढगाळ वातावरणाचा परिणाम-

जरंडीसह परिसरात आठवडाभरापासून पावूसाचा पत्ता नसून मात्र दिवसभर ढगाळ वातावरण तयार होत असल्याने या बदलत्या वातावरणाचा खरिपाच्या पिकांवर मोठा परिणाम जाणवत असून पुरेसा सूर्यप्रकाश मिळत नसल्याने खरिपाच्या मका,सोयाबीन,ज्वारी,बाजरी आदी पिकांची वाढ खुंटली आहे.वाढ खुंटल्याने पिकांना योग्य प्रमाणात उभारी मिळत नाही त्यामुळे सूर्यप्रकाशाअभावी आणि पावसाअभावी खरीपाची सर्वच पिके अडचणीत सापडली आहे.यावर मात्र कृषी विभागाच्या कोणतेही मार्गदर्शन मिळत नसून शेतकरी पावसाची दडी आणि बदलत्या वातावरणाच्या विळख्यात अडकला आहे.

टोळधाडीचे संकट नियंत्रणात आणण्यासाठी ड्रोनद्वारे फवारणी करणार : कृषीमंत्री

मुंबई/सोयगाव दि ३०:ज्ञानेश्वर धोंडू पाटील―
राज्यात एकीकडे कोरोनाचे संकट सर्वांसमोर उभे असताना दुसरीकडे शेतकऱ्यांसमोर सध्या टोळधाडीचे संकट आले आहे. या संकटांशी सामना करण्याच्या दृष्टिकोनातून कृषी विभागाकडून उपाययोजना केल्या जात आहेत. आतापर्यंत टोळधाड किड्याचा नायनाट करण्यात ५० टक्के यश आले आहे. ज्या भागात हे संकट उभे राहील त्या भागात अग्निशमन बंब आणि ड्रोनच्या माध्यमातून कीटकनाशक फवारणी करून हे संकट दूर करण्यात येणार असल्याची माहिती कृषीमंत्री दादा भुसे यांनी दिली आहे.

कोरोना विषाणूच्या प्रादुर्भावामुळे सर्वाधिक नुकसान कृषी विभागाचे झाले आहे. त्यामुळे लॉकडाऊनची आणखी आवश्यकता भासल्यास त्यातून कृषी क्षेत्र वगळले जाणार असल्याचे म्हटले आहे. तसेच कृषी विभागाने यापूर्वीच शेतकऱ्यांना सूट दिलेली आहे. येणाऱ्या काळात शेतकऱ्यांना आणखी सहकार्य करणार असल्याचेही त्यांनी यावेळी म्हटले.

संपूर्ण राज्यात, देशात कोरोनाचा शेती व्यवसायाला प्रत्यक्ष अप्रत्यक्ष फटका बसलेला असताना शेतकऱ्यांच्या चिंतेत आणखी भर पडण्याची शक्यता कृषी विभागातर्फे वर्तवण्यात आली आहे. शेतकऱ्यांवर टोळ धाडीच हे संकट येण्याची शक्यता वर्तवण्यात आली आहे. यासाठी कृषी विभागाकडून शेतकऱ्यांना सुरक्षेचे उपाय राबविण्याच्या सूचना देण्यात आल्या आहेत. मध्यप्रदेशकडून महाराष्ट्र – मध्यप्रदेशाच्या सीमेलगत असलेल्या धुळे जिल्ह्यातील शिरपूर परिसरातील शेतकऱ्यांना टोळ धाडीची भीती वर्तवण्यात आली आहे.

सावळदबारा:सुनील माकोडे―
जगभरामध्ये कोरोनाव्हायरस ने थैमान घातले असून औरंगाबाद जिल्हा हा रेड झोन मध्ये असून औरंगाबाद मध्ये कोरोना पॉझिटिव ची संख्या 291 असून सोयगाव तालुक्यातील सावळदबारा या सर्कलमध्ये चौदा पंधरा खेडे गावे असून तीन जिल्ह्याची सीमा असून येथे मध्यवर्ती बँक व महाराष्ट्र ग्रामीण बँक मध्ये मध्यवर्ती बँकेमध्ये निराधार व श्रावण बाळ योजना अंतर्गत पेन्शन धारकाला व महाराष्ट्र ग्रामीण बँक मध्ये जनधन खातेधारकांना पाचशे रुपये सातशे ते आठशे लोकांचे बँक मध्ये लोकांनी गर्दी करताना दिसत आहे गावातील पोलीस प्रशासन कोतवाल व पोलीस पाटील आणि तलाठी गांभीर्य घेताना दिसत नाहीत.
पोलीस प्रशासन व महसूल अधिकारी आणि कर्मचारी यांचे दुर्लक्ष होताना दिसत आहे तरी एपीआय बहुरे व सोयगाव येथील तालुका दंडाधिकारी प्रवीण पांडे यांचे कर्मचाऱ्यांवर दुर्लक्ष आढळून असे दिसून येत आहे.
तात्काळ जिल्हाधिकारी उदय चौधरी व ग्रामीण पोलीस अधीक्षक मोक्षदा पाटील यांनी औरंगाबाद जिल्ह्यातील शेवटचे टोकावरती बसलेले 14 ,15 गावाकडे लक्ष देण्यात यावे असे ग्रामस्थांचे म्हणणे आहे.