पंकजाताई मुंडे

थकीत रक्कमही बँक खात्यात जमा करण्याची केली मागणी

बीड:आठवडा विशेष टीम― महाराष्ट्र राज्य सहकारी कापूस उत्पादक पणन महासंघाकडून बीड जिल्हयात सुरू असलेली शासकीय कापूस खरेदी केंद्रे गेल्या दहा दिवसापासून बंद असल्याने कापूस उत्पादक शेतक-यांना मोठ्या आर्थिक अडचणीला सामोरे जावे लागत आहे, ही खरेदी केंद्र तात्काळ सुरू करावी तसेच कापूस खरेदीचे पैसे त्यांच्या बँक खात्यावर तात्काळ वर्ग करावेत अशी मागणी करत पंकजाताई मुंडे यांनी मुख्यमंत्री उध्दव ठाकरे यांचेकडे एका निवेदनाद्वारे जिल्हयातील शेतक-यांच्या व्यथा मांडल्या आहेत.

मराठवाड्यात मान्सूनच्या पावसाने पाठ फिरवल्यामुळे खरीप हंगामातील पिके शेतकर्‍यांच्या हातून गेली आहेत. त्यात महाराष्ट्रासह मराठवाड्यात झालेल्या परतीच्या पावसाने कापसाची प्रत घसरली असून उताराही घटल्याने खाजगी बाजारात कापसाचे दर कमी झाले आहेत. शेतकर्‍यांची आर्थिक पिळवणूक व नुकसान होवू नये म्हणून महाराष्ट्र राज्य सहकारी कापूस उत्पादक पणन महासंघाने २७ नोव्हेंबर पासून शासकीय कापूस खरेदी केंद्रे सुरु केली होती. बीड जिल्ह्यात साधारण २४ कापूस खरेदी केंद्र सुरु करण्यात आली तथापि ती सर्वच खरेदी केंद्र २० जानेवारी पासून बंद झाली आहेत. त्यामुळे शेतकर्‍यांना कमी भावाने खाजगी व्यापार्‍यांना कापूस विकावा लागत आहे, परिणामी शेतकर्‍याचे आर्थिक नुकसान होत आहे. बीड जिल्ह्यात शासकीय कापूस खरेदी केंद्रात विक्री केलेल्या साधारण ३१ हजार शेतकर्‍यांपैकी १० हजार शेतकर्‍यांना त्यांचा मोबदला अद्यापही मिळालेला नाही. पाऊस नसल्याने अगोदरच दुष्काळी परिस्थिती आणि त्यातच खरेदी केंद्र बंद झाल्याने शेतकरी अधिकच आर्थिक अडचणीत सापडला आहे. शेतकर्‍यांचे आर्थिक नुकसान व पिळवणूक थांबविण्यासाठी शासकीय कापूस खरेदी केंद्र तात्काळ सुरू होणे आवश्यक आहेत, कापूस खरेदी केंद्र तात्काळ सुरु करावीत व प्रलंबित शेतकर्‍यांच्या कापूस खरेदीचा मोबदला लगेचच त्यांच्या बँक खात्यात जमा करून शेतकर्‍यांना दिलासा द्यावा असे पंकजाताई मुंडे यांनी निवेदनात नमुद केले आहे.

बीड:आठवडा विशेष टीम― दरवर्षीप्रमाणे याही वर्षी राष्ट्रसंत भगवानबाबा यांच्या जन्मस्थळ असलेल्या पाटोदा तालुक्यातील सावरगाव-घाट येथे होणाऱ्या भव्य दसरा मेळाव्यास यावेळी केंद्रीय गृहमंत्री अमित (भाई) शहा,मुख्यमंत्री देवेंद्र फडणवीस उपस्थित राहणार असल्याने या मेळाव्याकडे देशाचे लक्ष लागले आहे. तर परळी येथील गोपीनाथ गड येथून भव्य रॅली निघणार आहे.
मंगळवारी ८ ऑक्टोबर दसऱ्याच्या शुभ मुहूर्तावर सकाळी ६ वाजून ३० मिनिटांनी रॅली गोपीनाथ गड येथून सुरू होऊन तेलगाव ,बीड ,नायगाव ,सिरसाळा ,वडवणी,वंजारवाडी,तांबा राजुरी मार्गे भगवानभक्ती गड सावरगाव घाट ता.पाटोदा जि.बीड येथे दहा वाजण्याचा सुमारास पोहोचणार आहे.व त्यानंतर अमित शहा यांच्या प्रमुख उपस्थितीत आणि पंकजा मुंडे यांच्या मार्गदर्शनाखाली दसरा मेळावा हा संपन्न होणार आहे.तरी बीड जिल्ह्यातील सर्व समाजबांधवांनी या अभूतपूर्व दसरा मेळाव्यास येण्याचे आवाहन पाटोदा भाजपाचे युवा नेते ऋषिकेश विघ्ने यांनी केले आह.

यशःश्री निवासस्थानी भेटून मानले आभार

परळी दि.२२:आठवडा विशेष टीम―राज्याच्या ग्रामविकास व महिला बालविकास मंत्री तथा जिल्ह्याच्या पालकमंत्री ना.पंकजाताई मुंडे यांनी बारा बलुतेदार समाजाला विकासाचा मुख्य प्रवाहात आणण्यासाठी मागणी पेक्षा जास्त निधी देऊन समाजाचा सन्मान राखला आहे.ना.पंकजाताई मुंडे यांच्या वंचित घटकांना न्याय देण्याच्या कटिबद्धतेमुळे येणाऱ्या विधानसभा निवडणुकीत त्यांना सन्मानाचा विजय मिळवून देण्याचा निर्धार बारा बलुतेदार समाजाने व्यक्त केला.

बारा बलुतेदार समाजाने पालकमंत्री ना.पंकजाताई मुंडे यांची परळी येथील यश:श्री निवासस्थानी भेट घेतली. गेल्या आठवड्यात खा.डॉ.प्रितमताई मुंडे यांच्या खासदार निधी अंतर्गत सुतार समाजासाठी वैद्यनाथ मंदिर परिसरात सभागृहासाठी दहा लक्ष रुपये, दशनाम गोसावी समाजासाठी वैजनाथ मंदिर परिसरात सभागृहासाठी दहा लक्ष रुपये ,गाढे पिंपळगाव येथे सुतार समाजासाठी पाच लक्ष रुपये निधी मंजूर केल्या बद्दल त्यांनी आभार व्यक्त केले.

याप्रसंगी बारा बलुतेदार समाजाच्या शिष्टमंडळाने ना.पंकजाताई मुंडे यांचा सत्कार करताना “कायम दुर्लक्षित राहिलेल्या बारा बलुतेदार समाजाला विकासाचा परीसस्पर्श देऊन पंकजाताईंनी समाज धारेच्या मुख्य प्रवाहात सामील करून घेतले असून पंकजाताईंच्या कटिबद्धतेची उतराई होण्यासाठी येणाऱ्या निवडणुकीत पंकजाताईंच्या विजयात एकजुटीने परिश्रम घेऊ अशी भावना व्यक्त केली.याप्रसंगी बारा बलुतेदार समाजातील कुंभार,गोसावी,सुतार,माळी समाजासह सर्व बारा बलुतेदार समाजाचे प्रतिनिधी उपस्थित होते.

सिंचन अनुशेष अन् पाण्याची तुट भरून काढण्यासाठी मुख्यमंत्र्यांना दिले पत्र

मुंबई दि.०२: सिंचन अनुशेष आणि पाण्याची तुट भरून काढण्यासाठी मराठवाडा विभागाला राज्यातील इतर धरणांतून पाणी उपलब्ध करून द्यावे तसेच गेल्या काही वर्षापासून या भागाला देय असलेले अनुशेष अनुदान तातडीने देऊन दुष्काळग्रस्त जनतेला दिलासा द्यावा अशी आग्रही मागणी राज्याच्या ग्रामविकास आणि महिला बालविकास मंत्री ना पंकजाताई मुंडे यांनी आज मुख्यमंत्री देवेंद्र फडणवीस यांना एका पत्राद्वारे केली आहे.

मराठवाड्यात सध्या दुष्काळी परिस्थिती गंभीर आहे. विभागातील ७६ तालुक्यांपैकी ५३ तालुके अवर्षण प्रवण क्षेत्रात आहेत. नवीन प्रकल्पासाठी मराठवाड्यात पाणी शिल्लक नाही. येत्या दहा वर्षाच्या काळात महाराष्ट्रातील सिंचन सरासरी बरोबर येण्यास, मराठवाड्याला १५०.१८५ टीएमसी पाणी इतर खोऱ्यातून स्थलांतरीत करणे आवश्यक आहे असे ना. पंकजाताई मुंडे यांनी म्हटले आहे.

कोकण विभागातील दमनगंगा, नारपार, पिंजाळ व वैतरणा खोऱ्यात २६४ टीएमसी  पाणी उपलब्ध असून त्यातून ११५ टीएमसी पाणी अप्पर वैतरणा धरणामार्फत गोदावरी खोऱ्यात स्थलांतरीत करता येते. जायकवाडी धरण, वॉटर ग्रीडसाठी ३५ टीएमसी  पाणी वापरुन ८० टीएमसी पाणी औरंगाबाद, जालना,बीड आदी जिल्हयात वापरता येईल. कृष्णा खोऱ्यातील ५८५ टीएमसी पाणी महाराष्ट्रात वापरण्याची परवानगी लवाद क्रमांक १ नुसार शासनास मिळाली आहे.  मराठवाड्याचा ८.४ टक्के भाग कृष्णा खो-यात येत असल्यामुळे  उस्मानाबाद  व  बीड जिल्हयात ४९.१ टीएमसी पाणी  वापरण्याचा  हक्क मराठवाडयाला पोहचतो परंतु, आजपर्यंत फक्त २५.४ टीएमसी  पाणी मिळाले असून २३.७ टीएमसी पाणी मिळणे बाकी आहे. यावरुन कृष्णा मराठवाडा प्रकल्पास (केएमपी) लागणारे मुळे नियोजनानुसार २३.६६ टीएमसी पाणी (७ टीएमसी ऐवजी) वापरुन कृष्णा मराठवाडा प्रकल्प लवकर पूर्ण क्षमतेने कार्यान्वित करणे आवश्यक असल्याचे त्यांनी पत्रात नमुद केले आहे.

इतर धरणांतून पाणी द्यावे

सन १९८० च्या लवादानुसार गोदावरी खो-यातून पोलावरम प्रकल्पाकरीता कृष्णा खोऱ्यात ८० टीएमसी पाणी देताना महाराष्ट्राच्या वाट्याचे १४ टीएमसी आणि कर्नाटकाचे २१ टीएमसी असे एकूण ३५ टीएमसी पाणी देण्याची तरतूद गोदावरी लवादात आहे. शिवाय हे पाणी नागार्जुन सागर धरणाच्या वरील भागातून महाराष्ट्राने परत घ्यावयाचे आहे, त्यामुळे लवाद तरतुदीनुसार हे १४ टीएमसी पाणी कृय्णा खोऱ्यातून गोदावरी खोऱ्यात लातूर, बीड, उस्मानाबाद या अवर्षण प्रवण जिल्हयात मिळणे आवश्यक आहे. हे पाणी कृष्णा खोऱ्यात वापरण्याचे त्यांना हक्क पोहचत नाही.मराठवाड्यातील काही पूर्व भागास विदर्भातून पाणी स्थलांतरीत करणे सोईचे आहे. त्यामुळे विपुल पाणी असणाऱ्या वर्धा, वैणगंगा, इंद्रावती इत्यादी उप खोत्यातून अंदाजे ३० टीएमसी पाणी मराठवाड्यास मिळणे आवश्यक आहे. हे पाणी नांदेड जिल्हयातील अप्पर पैनगंगा धरणात व परभणी जिल्हयातील येलदरी धरणात स्थलांतरीत करता येते. कारण ह्या धरणांच्या वरील बाजूस विदर्भात बरीच धरणे बांधल्यामुळे या धरणात सध्या पूर्ण क्षमतेने पाणीसाठा होत नाही. त्यामुळे विदर्भातील पाणी या धरणांसाठी वापरणे संयुक्तीक ठरेल असेही त्यांनी म्हटले आहे.

अनुशेष अनुदान देण्याची गरज

अमरावती विभागास सन २०१० पासून दरवर्षी अनुशेष अनुदान मिळते.आज पर्यंत ६८९८ रुपये कोटी त्यांना मिळाले आहेत, त्यानुसार मराठवाडा विभागास कमीत कमी रूपये ५०० कोटी अधिक मागील नऊ वर्षाचा वाटा असे अनुशेष अनुदान मिळणे आवश्यक आहे.
मराठवाड्याला महाराष्ट्राच्या सरासरी विकासाबरोबर आणावयाचे असल्यास सिंचन वाढविण्यासाठी १५० टीएमसी पाणी इतर खोऱ्यातून स्थलांतरीत करण्यासाठी निर्णय घेणे तसेच जायकवाडीच्या वर ११५.५ टीएमसी क्षमतेचे धरण बांधणे आवश्यक असताना १६१ टीएमसी ची म्हणजेच जास्तीची (४५ टीएमसी) धरणे बांधली, तेवढे पाणी (कमीत कमी ३५ टीएमसी) कोकण विभागातून वैतरणा धरणामार्फत मराठवाड्यास उपलब्ध करणे आवश्यक आहे. मराठवाड्यातील सिंचन अनुशेष आणि पाण्याची तुट भरुन काढण्यासाठी त्वरित कार्यवाही करावी, अशी विनंती ना. पंकजाताई मुंडे यांनी मुख्यमंत्र्यांना केली आहे.

बीड दि. ०२: नक्षलवाद्यांच्या हल्ल्यात शहीद झालेल्या शेख तौसिफ या आपल्या भूमीपुत्राचे बलिदान व्यर्थ जाणार नाही, त्यांच्या कुटूंबियांवर कोसळलेल्या दुःखात मी सहभागी आहे अशा शब्दांत राज्याच्या ग्रामविकास आणि महिला बालविकास मंत्री तथा जिल्हयाच्या पालकमंत्री ना पंकजाताई मुंडे यांनी आपल्या शोकभावना व्यक्त केल्या आहेत.

गडचिरोली जिल्हयात नक्षलवाद्यांनी केलेल्या भ्याड हल्ल्यात पाटोदा येथील शेख तौसिफ शेख आरेफ हा जवान शहीद झाला, या घटनेबद्दल पालकमंत्री ना पंकजाताई मुंडे यांनी तीव्र दुःख व्यक्त केले आहे. शेख तौसिफ यांचे बलिदान व्यर्थ जाणार नाही, नक्षलवाद्यांचा बिमोड करण्यासाठी सरकार प्रयत्न करत आहे. शेख तौसिफ यांच्या निधनामुळे त्यांच्या कुटूंबियांवर दुःखाचा डोंगर कोसळला आहे, त्यांच्या दुःखात मी सहभागी आहे, हा जिल्हा त्यांचे बलिदान व शौर्य कदापि विसरणार नाही अशा शब्दांत ना. पंकजाताई मुंडे यांनी आपल्या शोकभावना व्यक्त केल्या.

सिरसाळ्याच्या सभेत शेतकऱ्यांनी मानले पंकजा मुंडे यांचे आभार

परळी दि.१४: वैद्यनाथ सहकारी साखर कारखान्याने ऊस उत्पादक शेतक-यांना एफआरपी प्रमाणे रक्कम अदा केली असून राहिलेले ६०० रूपये देखील बॅकेत वर्ग केले आहेत, सोमवारी सर्व शेतक-यांना ही रक्कम मिळणार आहे. दरम्यान, काल सिरसाळा येथे झालेल्या सभेत ऊस उत्पादक शेतक-यांनी कारखान्याच्या अध्यक्षा तथा जिल्हयाच्या पालकमंत्री ना पंकजाताई मुंडे यांचे याबद्दल आभार मानले आहेत.

सन २०१८ – १९ या गळीत हंगामात ४ लाख ३५ हजार मे.टन ऊसाचे गाळप झाले होते. गाळप झालेल्या ऊस उत्पादकांना वैद्यनाथ कारखान्याने प्रति टन एक हजार ४०० रूपयांचा पहिला हप्ता त्यांच्या बॅक खात्यात नुकताच जमा केला होता. एफआरपी नुसार आणखी सहाशे रूपये म्हणजे एकूण दोन हजार रूपये शेतक-यांना द्यायचे होते. काल ना पंकजाताई मुंडे यांनी याबाबत निर्णय घेऊन राहिलेली प्रति टन ६०० रूपयाची रक्कमही शेतक-यांच्या बॅक खात्यात जमा केली. उद्या सोमवारी संबंधित शेतक-यांना त्यांच्या खात्यातून ही रक्कम काढता येणार आहे.

एक रूपयाही कपात न करता एफआरपी दिली ; शेतक-यांनी मानले आभार

मागील तीन वर्षात एका मागोमाग एक नैसर्गिक संकटं कारखान्यावर आली होती त्यामुळे कारखान्याला आर्थिक नुकसानीला सामोरे जावे लागले होते. असे असले तरी ना. पंकजाताई मुंडे हया ऊस उत्पादकांच्या पाठिशी नेहमीच खंबीरपणे उभा राहील्या. दुष्काळामुळे कारखाना कार्यक्षेत्रातील ऊस पुर्णपणे वाळून गेला होता, ना. पंकजाताई मुंडे यांनी नफा तोटा न बघता शेतक-यांचा संपूर्ण ऊस गाळप केला शिवाय एक रूपयाही कपात न करता एफआरपी ची रक्कम दिली, त्यामुळे आनंदित झालेल्या सिरसाळा, पांगरी, गाढे पिंपळगांव परिसरातील शेतक-यांनी सिरसाळा येथे सुरू असलेल्या प्रचार सभेत जाऊन पंकजाताई मुंडे यांचा सत्कार केला व त्यांचे आभार मानले.