राष्ट्रवादी काँग्रेस पार्टी

बीड दि.०४:आठवडा विशेष टीम― लिंबागणेश ग्रामपंचायतीने अंगणवाडी सेविकांना अंधारात ठेवून ५ लाख रुपयांचा अपहार केला असुन अंगणवाडीला आहार आणि साहित्य पुरवले असे कागदोपत्री दाखवून निधि उचलला आहे, मात्र असा कुठलाही आहार अथवा साहित्य अंगणवाडी सेविकांना मिळाले नाही अशी कबुली अंगणवाडी सेविकांनी डॉ.गणेश ढवळे यांच्याशी संवाद साधताना स्पष्ट केले आहे.

अंगणवाडी सेविका (अंगणवाडी क्र.१ आणि क्र.२): गणवेश, वाटर प्युरीफायर, कुकर , कपाट , आहार मिळाला नाही

सन २०१७-१८

——————–
मध्ये १४ व्या.वित्त आयोगाच्या निधीतून १ लाख ५४ हजार २३४ रु.जो खर्च दाखवला आहे, त्यामध्ये आम्हाला प्रत्येक अंगणवाडीला केवळ लहान मुलांना ३० खुर्च्या व १ प्लास्टीकची घसरगुंडी मिळाली आहे. आम्हाला गणवेश वाटप करण्यात आला नाही, असे अंगणवाडी सेविका क्र.१ व.क्र.२ ने सांगितले

सन २०१८-१९

——————-
मध्ये १४ व्या वित्त आयोगाच्या निधीतून जो ८८ हजार ४२१ जो खर्च दाखवला आहे, त्यामध्ये अंगणवाडी क्र.१ आणि क्र २ लाख केवळ गस मिळाला आहे, कपाट, वाटर प्युरीफायर , कुकर असे काहीही मिळाले नाही, आम्हाला कपाट प्राथमिक आरोग्य केंद्र येथिल कार्यक्रमात सहभागी झाल्याबद्दल प्राथमिक आरोग्य केंद्र मार्फत मिळाले आहे.

सन २०१९-२०

———————
ग्रांमपंचायतने १४ व्या वित्त आयोगाच्या निधीतून अंगणवाडीसाठी आवश्यक साहित्य व पाणीपुरवठा म्हणुन जो २ लाख ४१ हजार ८५ रु.खर्च केल्याचे कागदोपत्री दाखवले आहे,तसे कुठलेही साहित्य आम्हाला मिळाले नाही. पाणीपुरवठा सुद्धा नाही, शौचालयाचे दार नोव्हेंबर मध्ये खालच्या बाजूस फुटले आहे,ते वारंवार सांगूनही ग्रांमपंचायतने बदलले नाही.

अंगणवाडी क्र.३ अंगणवाडी सेविका:

”आमच्या अंगणवाडीला फक्त मुलांसाठी ३० खुर्च्या आणि गस मिळाला आहे, बाकी गणवेश , कपाट, वाटर प्युरीफायर, कुकर काही सुद्धा मिळाले नाही. आमच्या अंगणवाडीतील मुलांना पिण्याच्या पाण्याची सोय नाही, नसीब शौचालय आहे ,पण पाणी नाही.”

डॉ.गणेश ढवळे ,सामाजिक कार्यकर्ते बीड :

तत्कालीन महिला व बालकल्याण मंत्री तथा पालकमंत्री बीड ना.पंकजाताई मुंडे यांच्या कालावधीत सत्तेचा दुरूपयोग करून अंगणवाडी सेविकांना अंधारात ठेवून ४ लाख ८३ हजार ७४० रु.चा १४ व्या.वित्त आयोगाच्या निधीतून खर्च केल्याचे दाखवून शासनाची तसेच अंगणवाडी सेविका आणि ग्रामस्थांचीही फसवणूक केली आहे. अंगणवाडी क्र.१,२,व ३ लाख पिण्याच्या पाण्याची सोय नाही ,त्यांना वाटर प्युरीफायर , गणवेश, कपाट तसेच कुठलेही आवश्यक साहित्य दिले नाही.एवढेच नाही तर अंगणवाडी क्र.१ व क्र.२ चे शौचालयाचे दार वारंवार सांगुनही बदलले नाही म्हणुन त्याचा वापर ६ महिन्यांपासून बंद आहे. याप्रकरणी ग्रामस्थांनी जिल्हाधिकारी, मुख्य कार्यकारी अधिकारी जिल्हा परिषद, जिल्हा आरोग्य अधिकारी, अध्यक्ष जिल्हा परिषद बीड यांच्या मार्फत मुख्यमंत्री, महिला व बालकल्याण मंत्री, पाणीपुरवठा व स्वच्छता मंत्री, आरोग्य मंत्री, ग्रामविकास मंत्री, शालेय शिक्षण मंत्री, सामाजिक न्याय व विशेष सहाय्य तथा पालकमंत्री बीड, विभागीय आयुक्त यांना लेखी निवेदन ई-मेलद्वारे पाठवले आहे.

बीड:आठवडा विशेष टीम―राष्ट्रवादी विद्यार्थी काँग्रेसचे प्रदेशाध्यक्ष अंजिक्यराणा पाटील यांच्या उपस्थितीत विद्यार्थी काँग्रेसने जिल्हा भरात विद्यार्थी संवाद यात्रेचे आयोजन करण्यात आले. या यात्रेच्या माध्यमातून शालेय व महाविद्यालयीन विद्यार्थ्यांना शैक्षणिक साहित्याचे वाटप, स्नेहभोजन व खाऊ वाटप तसेच जागोजागी वृक्षारोपण इत्यादी उपक्रम राबविण्यात आले.

या यात्रेस शाळा-महाविद्यालयांमधून उत्तम प्रतिसाद मिळत असून, अजिंक्य राणा पाटील यांच्यासह पदाधिकाऱ्यांचे जागोजागी जंगी स्वागत करण्यात आले.

त्यांनी गेवराई येथील मुकबधीर शाळेला भेट देऊन शालेय साहित्याचे वाटप केले. त्यानंतर गढी येथील जय भवानी महाविद्यालय, बीड येथील बलभीम महाविद्यालयाला भेट देऊन शैक्षणिक विषयावर विद्यार्थांशी संवाद साधला. त्यानंतर म्हसोबा फाटा येथील संस्कूती शाळा,शिरूर कासार येथील जि.प.शाळेला भेट देऊन वृष लागवड व विद्यार्थांना शालेय साहित्यांचे वाटप केले.

यावेळी त्यांचे विवीध ठिकाणी जोरदार स्वागत करण्यात आले. यावेळी समवेत राष्ट्रवादी काँग्रेसचे युवा नेते अर्जुन क्षीरसागर, युवा नेते रणवीरसिंंह पंडीत,राष्ट्रवादी विद्यार्थी काँग्रेसचे जिल्हाध्यक्ष पंकज बाहेगव्हाणकर, नगरसेवक भैय्यासाहेब मोरे, नगरसेवक रणजित बनसोडे, नगरसेवक गणेश तांदळे, नगरसेवक विशाल घाडगे, अमोल गायकवाड, आकाश कंडेरे, अनिकेत जाधव, जिवन मकर, अंजिक्य आनेराव, ज्ञानेश कुलकर्णी, रोहिदास भांबे, अभिजित तपसे, सोहेल शेख, अशोक नाडे, बाळा वकटे, प्रदिप जाधव, आकाश मडावी, नितीन साळवी, मयुर बडे, दिपक जाधव, अक्षय तिडके, शरद वाघ, केशव तांदळे, गणेश शिंदे,साळाप्पा रामेश्वर, आप्पा इंदुरे, करण भालशंकर, सुशेन आमटे,अनिकेत सुतार, लहु गायकवाड, राष्ट्रवादी विद्यार्थी काँग्रेसचे पदाधिकारी व महाविद्यालयातील प्रार्चांय,प्राध्यापक, जि.प.चे मुख्याध्यापक, शिक्षक व विद्यार्थीं उपस्थित होते.

शिरूर मतदारसंघात चार सभांचा झंझावात

शिरूर दि.२४: डॉ. अमोल कोल्हे यांचा इमान छत्रपती शिवाजी महाराज, छत्रपती शंभू महाराजांशी आहे. छत्रपती शिवाजी महाराज यांनी स्वराज्याची स्थापना अठरापगड जातीतील लोकांना घेऊन केली आहे. डॉ. अमोल कोल्हेंची जात काढणाऱ्या शिवसेनेच्या उमेदवारांनी विसरू नये की डॉ. कोल्हे शिवरायांचे भक्त आहेत अशा शब्दात विरोधी पक्षनेते धनंजय मुंडे यांनी शिवसेना उमेदवार आढळराव पाटील यांना सुनावले.

शिरूर मतदारसंघाचे उमेदवार डॉ. अमोल कोल्हे यांच्या प्रचारासाठी धनंजय मुंडे यांनी आज तळेगाव ढमढेरे,मांढवगण खराटा ( तालुका शिरूर ) येथे जाहीर सभा घेतल्या त्यावेळी ते बोलत होते. डॉ.कोल्हे आणि माझी मैत्री ही जुनी आहे. कोल्हे यांनी प्रसंगी घरदार विकून छत्रपती शिवाजी महाराज, शंभूराजे यांचा इतिहास मांडला. मला अभिमान आहे की मी या सच्चा मावळ्यासाठी तुमचे आशीर्वाद मागतोय असे मुंडे म्हणाले.

मुख्यमंत्र्यांची या मतदारसंघात 2 दिवसांपूर्वी सभा झाली. त्याला गर्दी किती? तर जेमतेम. तीही २०० रुपये देऊन आणलेली.यावरून हवेचा रोख ओळखा असे मुंडे म्हणाले.डॉ.अमोल कोल्हे हा छत्रपतींचा मावळा आहे. या मावळ्याच्या गर्जनेने विरोधकांची पळता भुई थोडी झाली आहे. दिल्ली हदरवून सोडण्यासाठी या मावळ्याला लोकसभेत प्रचंड बहुमत द्या असे आवाहन त्यांनी केले.

यावेळी उमेदवार डॉ. अमोल कोल्हे, माजी आमदार अशोकबापू पवार, दिलीपराव ढमढेरे, पोपटराव गावडे, प्रदीपदादा कंद आदीसह पदाधिकारी उपस्थीत होते.

आपले ठेवायचे झाकून लोकांचे पहायचे वाकून हे थांबवा

धानोरा-फुंडी-पिंपळगाव दाणी-विहीरा-घोंगडेवाडी रस्त्याचे काम कोणाचे पाप?

शिरुर दि.०२: लोकसभेचे उमेदवार बजरंग सोनवणे यांनी पालकमंत्र्यावर आरोप करताना विचार करावा.आष्टी तालुक्यातील ज्या आठ कोटी रुपयांचे टेंडर बजरंग सोनवणे यांना मिळाले होते त्या रस्त्याची अवस्था पहा.रस्त्याचे काम अर्धवट ठेवून बोगस बिले उचलण्याचे काम केले आहे.त्यांना सत्ताधारी लोकांबद्दल बोलण्याचा नैतिक अधिकार नसल्याचे सांगत आपले ठेवायचे झाकून आणि लोकांचे पहायचे वाकून असा टोला आमदार भिमराव धोंडे यांनी मानूर येथील कॉर्नर बैठकीत लगावला आहे.पुढे बोलताना ते म्हणाले की,बजरंग सोनवणे ज्या कारखान्याच्या विषयावर बोलून पालकमंत्री पंकजा मुंडे यांच्या वर निशाणा साधत आहे,ते पूर्ण चुकीचे आहे.सोनवणे यांचा कारखाना नवीन असल्यामुळे शासनाकडून मोठ्या प्रमाणावर त्याला सवलती मिळत आहेत.ज्या कारखान्याला अजून दहा वर्षे पूर्ण झाली नाही तो कारखाना चालविणारांनी ऊसतोड मजुरांचे प्रश्न सोडविणाऱ्यांवर बेताल आरोप करू नयेत.मुख्यमंत्री ग्रामसडक योजनेतून बजरंग सोनवणे यांनी आष्टी तालुक्यातील ज्या सात-आठ गावांना रस्ता करण्याचे टेंडर घेतले होते.ते काम जाऊन पहा म्हणजे लक्षात येईल.अजूनही या रस्त्याचे काम पूर्ण झाले नसून बजरंग सोनवणे यांचे आरोप म्हणजे आपले ठेवायचे झाकून आणि लोकांचे पहायचे वाकून असला प्रकार आहे.पंतप्रधान नरेंद्र मोदी यांना पुन्हा एकदा पंतप्रधान करण्यासाठी आणि जिल्ह्याच्या सुंस्कृत आणि अभ्यासू खासदार प्रितमताई यांना त्यांच्या संकल्पनेतील भविष्यात होणारे विमानतळ पूर्ण करण्यासाठी मत द्यायचे असल्याचे त्यांनी आवाहन केले.रामकृष्ण बांगर यांच्या विषयी बोलताना ते म्हणाले की,दुसऱ्याला खोटे ठरविणारे हे स्वताच खोटे बोलत असून अगोदर त्यांनी स्वताच्या पाटोद्यात काय विकास केला ते सांगावे. तालुक्यातील अनेक गावांत भिमराव धोंडे यांनी भाजपा उमेदवार प्रितम मुंडे यांच्या प्रचारानिमित्त कॉर्नर बैठका आणि नागरिकांना भेटून त्यांनी प्रत्यक्ष संवाद साधला.

विधान परिषदेचे विरोधी पक्षनेते ना. धनंजयजी मुंडे यांच्या हस्ते दिले नियुक्तीपत्र

अंबाजोगाई (प्रतिनिधी): राष्ट्रवादी काँग्रेस सोशल मिडीया मराठवाडा सरचिटणीसपदी रवीकिरण देशमुख यांची निवड करण्यात आली असून त्यांच्या निवडीचे पत्र विधान परिषदेचे विरोधी पक्षनेते ना.धनंजय मुंडे यांच्या हस्ते त्यांना रविवार,दि.३१ मार्च रोजी देण्यात आले.

नियुक्तीपत्रात महाराष्ट्र प्रदेश राष्ट्रवादी काँग्रेस पार्टी मराठवाडा विभागाचे सोशल मिडीया प्रदेश उपाध्यक्ष डॉ.कपिल झोटींग यांनी म्हटले आहे की,रवीकिरण आबासाहेब देशमुख यांची मराठवाडा सरचिटणीसपदी निवड करण्यात येत आहे. राष्ट्रवादी काँग्रेस पक्षाचे संस्थापक अध्यक्ष आदरणीय खा.शरदचंद्रजी पवार साहेब,प्रदेशाध्यक्ष आ.जयंत पाटील साहेब यांच्या मार्गदर्शनाखाली संघटन बांधण्यासाठी आपण प्रयत्नशील राहाल पक्ष बळकटीसाठी व मजबुत करण्यासाठी तसेच पक्षाची ध्येय धोरणे सर्वसामान्यांपर्यंत पोहोंचविण्यासाठी आपले सहकार्य राहिल असा विश्वास व्यक्त करून निवडीबद्दल रवीकिरण देशमुख यांचे डॉ.कपिल झोटींग यांनी अभिनंदन केले आहे.
नियुक्तपत्र देताना जिल्हा बँकेचे संचालक दत्तात्रय पाटील, जि.प.सदस्य शिवाजी सिरसाट,अंबाजोगाई तालुकाध्यक्ष रणजित लोमटे,डिघोळअंबा गावचे सरपंच बाळसाहेब सोनवणे, अ‍ॅड.कवडे,प्रविण देशमुख आदींसहीत राष्ट्रवादी काँग्रेसचे पदाधिकारी व कार्यकर्ते यावेळी उपस्थित होते.
रवीकिरण देशमुख हे हेमंत राजेमाने बहुउद्देशिय सेवाभावी संस्थेचे अध्यक्ष असून ते राष्ट्रवादी काँग्रेस पक्षाचे निष्ठावंत कार्यकर्ते आहेत.माजलगाव, धारूर,केज,अंबाजोगाई व परळी तालुक्यात त्यांचा मोठा मित्रपरिवार असून त्यांच्या निवडीचा फायदा राष्ट्रवादी काँग्रेस पक्षाला ग्रामिण तसेच शहरी भागात संघटन बांधणीसाठी व पक्ष मजबुतीसाठी होणार आहे.राष्ट्रवादी काँग्रेस सोशल मिडीया मराठवाडा सरचिटणीसपदी रवीकिरण देशमुख यांची निवड झाल्याबद्दल त्यांचे
माजी मंञी प्रकाशदादा सोळंके,माजी आ. अमरसिंह पंडीत, राष्ट्रवादी काँग्रेस व मिञ पक्षाचे लोकसभा उमेदवार बजरंगबप्पा सोनवणे,माजी आ.पृथ्विराज साठे, अंबाजोगाई कृषी उत्पन्न बाजार समितीचे उपसभापती गोविंदराव देशमुख,राजेभाऊ औताडे,विलासराव सोनवणे,नगरसेवक बबनराव लोमटे आदींनी अभिनंदन केले आहे.