‘दिलखुलास’ कार्यक्रमात धुळे उपविभागीय अधिकारी तृप्ती धोडमिसे यांची मुलाखत

मुंबई, दि. 27 : माहिती व जनसंपर्क महासंचालनालय निर्मित ‘दिलखुलास’ या कार्यक्रमात उपविभागीय अधिकारी, धुळे तथा प्रकल्प अधिकारी, एकात्मिक आदिवासी विकास प्रकल्प, धुळे श्रीमती तृप्ती धोडमिसे यांची विशेष मुलाखत प्रसारित होणार आहे. ही मुलाखत राज्यातील आकाशवाणीच्या सर्व केंद्रांवरून व ‘न्यूज ऑन एआयआर’ या ॲपवर सोमवार  दि. 29 ऑगस्ट आणि मंगळवार दि. 30 ऑगस्ट 2022 रोजी सकाळी 7.25  ते 7.40 या वेळेत प्रसारित होईल.  सहायक संचालक सागरकुमार कांबळे यांनी ही मुलाखत घेतली आहे.

धुळे उपविभागीय अधिकारी कार्यालय व एकात्मिक आदिवासी विकास प्रकल्प कार्यालयाच्या कामात श्रीमती धोडमिसे यांनी कशा प्रकारे आमूलाग्र बदल केले, जात प्रमाणपत्र, अधिवास प्रमाणपत्र वितरण मोहीम, कायदा व सुव्यवस्था, आयएसओ मानांकन, हेरिटेज वॉक, तिरंगा रॅली, आश्रम शाळांमधील विविध उपक्रम व त्याचे दिसून आलेले सकारात्मक परिणाम याची सविस्तर माहिती श्रीमती धोडमिसे यांनी ‘दिलखुलास’ या कार्यक्रमातून दिली आहे.