डॉ.बाबासाहेब आंबेडकर अनु.जाती आश्रमशाळेस संच मान्यता मिळावी

मुख्यमंत्र्यांना निवेदन ; संस्थाप्रमुख करणार आमरण उपोषण

अंबाजोगाई दि.११:आठवडा विशेष टीम―
बीड जिल्ह्यातील डॉ.बाबासाहेब आंबेडकर अनु.जाती माध्यमिक निवासी आश्रमशाळेस संच मान्यता मिळत नसल्याबाबत मंगळवार,दिनांक 11 ऑगस्ट रोजी मुख्यमंत्र्यांना निवेदन दिले आहे.याप्रश्नी संस्थाप्रमुख लहू बनसोडे हे राहत्या ठिकाणी आमरण उपोषण करणार आहेत.

याबाबत डॉ.बाबासाहेब आंबेडकर अनु.जाती माध्यमिक निवासी आश्रमशाळेचे संस्था प्रमुख लहू बनसोडे यांनी संच मान्यता मिळत नसल्याने मंगळवार,दिनांक 11 ऑगस्ट रोजी राज्याचे मुख्यमंत्री यांना जिल्हाधिकारी,बीड.,सहाय्यक आयुक्त,समाज कल्याण,बीड.,उपजिल्हाधिकारी,अंबाजोगाई यांना निवेदन दिले आहे.सदरील निवेदनात डॉ.बाबासाहेब आबेडकर(अनु.जाती) माध्यमिक निवासी आश्रमशाळेस संच मान्यता व वैयक्तीक मान्यता मिळावी.याबाबत त्यांनी काही संदर्भ दिले आहेत.बीड जिल्ह्यामध्ये एकमेव शाळा असून ही तसेच आवश्यक त्या सर्व निकषांची,बाबींची,कागदपत्रांची पुर्तता करून,वेळोवेळी शासकीय यंञणांकडून तपासणी होवून ही हेतूपुरस्सरपणे जाणून-बुजून या शाळेला संच मान्यता मिळत नाही हे विशेष.गेली अनेक वर्षे संच मान्यतेवरून संस्थेला सातत्याने अपमानास्पद वागणूक मिळत आहे.आमची हेळसांड करून संच मान्यता देण्याबाबत संबंधित अधिकारी यांचेकडून टाळाटाळ केली जात आहे.यामुळे शाळेतील विद्यार्थी,शिक्षक व कर्मचारी यांचे खच्चीकरण व नुकसान होत आहे.म्हणून या शाळेला तात्काळ संच मान्यता व वैयक्तीक मान्यता द्यावी.अन्यथा याप्रश्नी संस्थाप्रमुख लहू बनसोडे यांनी राहत्या ठिकाणी आमरण उपोषण करणार असल्याचा इशारा सदरील निवेदनाद्वारे प्रशासनास दिला आहे.