परळीत धनगर समाजाच्या आरक्षणासाठी ढोल बजाओ,सरकार जगाओ आंदोलन, विविध मागण्यांचे तहसीलदार यांना निवेदन

परळी वैजनाथ:आठवडा विशेष टीम― धनगर समाज एस.टी. आरक्षणाची अंमलजावणी करण्याच्या मागणीसाठी आज दि.२५ रोजी ढोलबजाओ सरकार जगाव आंदोलन करण्यात आले. राज्यभर होणाऱ्या या आंदोलनाला पाठिंबा देण्यासाठी परळी येथे विविध मागण्यांचे निवेदन नायब तहसीलदार बी.एल. रूपनर यांना देण्यात आले. सकल धनगर समाजाच्या वतीने आरक्षणासाठी राज्यभर धनगर समाजाचे ढोल बजाव आंदोलन करण्यात आले आहे. शासनाने मागणी मान्य न केल्यास आंदोलन तीव्र करण्याचा इशारा धनगर समाजाचे नेते शिवदास बिडगर यांनी दिला आहे.

परळी तहसील कार्यालय परिसरात धनगर समाज एस.टी. आरक्षणाची अंमलजावणी करण्याच्या मागणीसाठी राज्यभर करण्यात येणारे ढोल बजाओ सरकार जगाव हे आंदोलन करण्यात आले. या आंदोलनाला पाठिंबा देण्यासाठी तहसील कार्यालय परीसरात आंदोलन करण्यात आले. दरम्यान ढोल बजाओ सरकार जगाव या घोषणांनी तहसील परिसर दणाणून गेला होता.
गेल्या ७० वर्षापासून धनगर समाजाला आपल्या हक्काच्या अनुसूचीत जमातीच्या.आरक्षणापासून वंचित ठेवण्यात आलेले आहे. विविध राजकीय पक्षांनी धनगर समाजाची फसवणुक केलेली आहे. तरी या महाराष्ट्रातील महाविकास आघाडी सरकारला जागे करण्यासाठी होल बजाओ सरकार जगाओ दि.२५ सप्टेंबर २०२० रोजी सकाळी 11 च्या सुमारास करण्यात आले. दरम्यान कोरोनाच्या पार्श्वभूमीवर सर्व नियमांचे पालन करत आंदोलन करण्यात आले. यावेळी धनगर समाजाचे मराठवाडा युवा नेते शिवदास बिडगर, युवा नेते मुन्ना काळे, प्रल्हाद नरवटे, अमोल सातपुते, अमोल काचगुंडे, विलास कचले, सिध्देश्वर रूपनर, मुंजा फुके, शाम भंडारे, विकास देवकते, बाळासाहेब गडदे, शुभम धुमाळ, रामभाऊ कुंडगीर, उमेश रूपनर, श्री रुपनर आदी उपस्थित होते. तहसीलदारांना आंदोलनास पाठिंबा व एसटी आरक्षणाची अंमलबजावणी तात्काळ करावी या मागणीसाठी निवेदन देण्यात आले.