लोकसभा निवडणूक 2019: काँग्रेसच्या दुसऱ्या यादीत महाराष्ट्रातील 5 उमेदवार, नागपुर मध्ये नितीन गडकरी विरुद्ध नाना पटोले आमने सामने

नवी दिल्ली : लोकसभा निवडणुकीसाठी काँग्रेसची दुसरी यादी आज जाहीर झाली आहे. 21 उमेदवारांच्या या यादीत महाराष्ट्रातील 5 जागांवरील उमेदवारांच्या नावाची घोषणा झाली आहे. या दुसऱ्या यादीत उर्वरित सर्व 16 जागा या उत्तर प्रदेशातील आहेत. यामध्ये नाना पटोले यांना नागपूरमधून उमेदवारी देण्यात आली आहे. यामुळे नागपुरात नितीन गडकरी विरुद्ध नाना पटोले अशी लढत रंगणार आहे.आणखी दुसऱ्या यादीतही प्रियांका गांधी यांचं नाव आलेले नाही.

Congress Central Election Committee announces the second list of candidates for the ensuing elections to the Lok Sabha. pic.twitter.com/apUjzhWyjq

— Congress (@INCIndia) March 13, 2019

काँग्रेसने महाराष्ट्रातील पाच जागांवरील उमेदवारांच्या यादीत नागपूरमधून नाना पटोले, सोलापूरमधून सुशीलकुमार शिंदे, मुंबई उत्तर-मध्यमधून प्रिया दत्त, मुंबई दक्षिणमधून मिलिंद देवरा, गडचिरोली-चिमूर येथून डॉ. नामदेव उसेंडी यांना उमेदवारी जाहीर केली आहे.