पाचोरा: भडगाव तालुक्यातील रस्त्यांची दर्जोन्नती करण्यासाठी १४.५० कोटी निधी मंजूर―आमदार किशोर आप्पा पाटील

पाचोरा :आठवडा विशेष टीम― पाचोरा-भडगाव विधानसभा मतदार संघाच्या सर्वागीण विकासासाठी आमदार किशोर आप्पा पाटील यांच्या प्रयत्नातून मुख्यमंत्री ग्रामसडक योजना अंतर्गत पाचोरा भडगाव तालुक्यातील रस्त्यांची दर्जोन्नती करण्यासाठी प्रशासकीय मान्यता मिळाली असून सदर कामांची निविदा प्रसिद्ध होऊन लवकरच विकासकामाची सुरुवात करून तातडीने विकासकामे पूर्ण केली जातील. पाचोरा-भडगाव विधानसभा मतदार संघाच्या सर्वागीण विकासासाठी आमदार किशोर आप्पा पाटील सतत प्रयत्नशील असून, त्यांनी शासनाकडे प्रस्ताव दाखल करून सतत पाठपुरावा करतात. त्यांच्या प्रत्यत्नाना यश आले. म्हणून पाचोरा तालुक्यातील १) रामा ३९ खाजोळा ते पिंप्री बु रस्ता (लांबी २.२२ कि.मी) रक्कम रु.१४९.७९ लक्ष, २) सामनेर ते गुलाबवाडी रस्ता (लांबी ४.०५ कि.मी) रक्कम रु.२३७.३७, ३) रामा लोहारी बु ते लोहारी खु वाणेगाव रस्ता (लांबी ३.०३कि.मी) रक्कम रु.२०८.९४, ४) गाळण बु ते बाळद बु रस्ता (लांबी ४.६७ कि.मी) रक्कम रु.४१७.७८, भडगाव तालुक्यातील ५) कनाशी-लोण-घुसर्डी खु रस्ता (लांबी ३.८१ कि.मी) रक्कम रु.२७७.११ लक्ष, ६) बात्सर ते नवे बात्सर रस्ता (लांबी १.९५ कि.मी) रक्कम रु. १५४.६४ लक्ष इ. गावांना असे एकूण १४.५० कोटी रुपये निधी मुख्यमंत्री ग्रामसडक योजना अंतर्गत पाचोरा भडगाव तालुक्यातील रस्त्यांची दर्जोन्नती करण्यासाठी मंजूर झाले आहे. तरी, आमदार किशोर आप्पा पाटील यांनी मा.ना.देवेंद्र फडणवीस साहेब.मुख्यमंत्री म.रा., मा.ना.दादाजी भुसे ग्रामविकास राज्यमंत्री, मा.ना.गिरीष महाजन पालकमंत्री जळगाव जिल्हा इ. मान्यवरांचे आभार व्यक्त केले आहे. म्हणून आमदार किशोर आप्पा पाटील यांचे नागरिकांनी आभार व्यक्त करून नागरिकांकडुन कौतुक होत आहे.