आठ महिन्यापासून बंद असलेली जगप्रसिद्ध अजिंठा लेणी आजपासून पर्यटकांसाठी खुली

Last Updated by संपादक

सोयगाव दि.०८:ज्ञानेश्वर धोंडू पाटील― कोरोना संसर्गाच्या कालावधीमुळे बंद करण्यात आलेल्या आठ महिन्याच्या कालावधीतील जगप्रसिद्ध अजिंठा लेणीचे दरवाजे बुधवारी राज्यमंत्री अब्दुल सत्तार यांच्या हस्ते उघडण्यात येणार असून बुधवारी अजिंठा लेणी बंदच राहत असल्याने गुरुवारपासून पर्यटकांना जगप्रसिद्ध लेणीत प्रवेश मिळणार असल्याची माहिती तहसीलदार प्रवीण पांडे यांनी मंगळवारी रात्री उशिरा आलेल्या आदेशान्वये दिली आहे.

तब्बल आठ महिन्यापासून सोयगाव तालुक्याच्या पायथ्याशी वसलेल्या जगप्रसिद्ध अजिंठा लेणीत कोरोना संसार्गाआभावी शुकशुकाट पसरलेला होता,परंतु बुधवारी जिह्यातील अजिंठा लेणीचे प्रवेशद्वार राज्यमंत्री अब्दुल सत्तार यांच्या हस्ते उघडण्यात येणार असून पर्यटकांसाठी जगप्रसिद्ध अजिंठा लेणी खुली करण्यात येणार आहे.या लेणीत येणाऱ्या पर्यटकांसाठी कोरोना संसर्गाची नियमावली लागू करण्यात आली असून लेणीत प्रवेशासाठी तोंडाला मास्क आवश्यक आणि लेणीत प्रवेश करणाऱ्या पर्यटकांची आरोग्य तपासणी करण्यात येणार असल्याचे तहसीलदार प्रवीण पांडे यांनी सांगितले बुधवारी अजिंठा लेणी बंदच राहत असल्याने गुरुवार पासून अजिंठा लेणीत पर्यटकांना प्रवेश देण्यात येणार आहे.

Leave a Comment

This site uses Akismet to reduce spam. Learn how your comment data is processed.