कारेगांव मार्ग पाटोदा ते शिरूर,भगवान गड,औरंगाबाद, बस सुरु करा – एमआयएम

पाटोदा:नानासाहेब डिडुळ―
कारेगांव मार्गे पाटोदा शिरूर भगवान गड औरंगाबाद जाणारी बस गेल्या अनेक महिन्यांपासून बंद आहे,त्यामुळे या भागातील प्रवाशांना मोठा त्रास होत आहे.
खाजगी गाडया आणि खाजगी बस या रस्त्यावर धावू शकतात, मग पाटोदा तालुक्यातून शिरूर,भगवान गड औरंगाबाद कारेगांव मार्गाकडे जाणाऱ्या रस्त्यावर महाराष्ट्राची लाल परी बस का बंद आहे ? रस्त्याचे काम झाले आहे,जर रस्ता खराब होता,तर खाजगी गाडी या रस्त्यावर कशी चालते?कोविड १९ आणि लॉकडाऊनमुळे आर्थिक संकटात आहेत. व्यवसाय बंद आहे.त्यामुळे नागरिक खाजगी गाडीने प्रवास करू शकत नाही.
नागरिकांना भेडसावणाऱ्या समस्या लक्षात घेता एम.आए.एम पक्षाचे राष्ट्रीय अध्यक्ष खा.मा.असदुद्दीन ओवैसी,एम.आए.एम महाराष्ट्र अध्यक्ष औरंगाबाद खा.मा.इम्तियाज जलील, महाराष्ट्र कार्याध्यक्ष डॉ.गफ्फार कादरी,मराठवाडा अध्यक्ष फिरोज लाला,एम.आय.एम बीड जिल्हा अध्यक्ष अॅड शेख शफीक भाऊ, यांच्या सूचनेवरून एम.आए.एम पाटोदा तालुका यांच्या वतीने पाटोदा परिवहन महामंडळाच्या व्यस्थापकांना निवेदनाद्वारे मागणी करण्यात आली नागरिकांसाठी ही मार्ग बस सेवा लवकरात लवकर सुरू करावी
जर ही बस सेवा ८ दिवसात चालू झाली नाही, तर एम आय एम पाटोदा तालुका तर्फे पाटोदा बस स्टँडच्या बाहेर या भागातील नागरिकांसह आंदोलन करणार
असा इशाराही एम.आए.एम पाटोदा तालुकाध्यक्ष हाफिज तनवीर सय्यद यानी दिला या वेळी एम.आए.एम चे पाटोदा तालुका युवक अध्यक्ष मुदस्सिर सैय्यद आदी पदाधिकारी व नागरिक उपस्थित होते.