पाटोदा: धनगरजवळका शिवारात कंटेनर पलटी

पाटोदा (नानासाहेब डिडुळ): बीड जिल्ह्यातील पाटोदा तालुक्यातील धनगरजवळका पासुन व चुंभळी फाटा लगत कंटेनर पलटी झाले आहे ही घटना गुरूवार रोजी सायंकाळी 7:30 वाजताच्या दरम्यान घडली आहे.
गुजरात वरून आंध्रप्रदेश कड़े केबल घेऊन जात असताना धनगरजवळका शिवारात समोरून येणाऱ्या ढंपर व ट्रक यांच्या ओव्हरटेक मुळे कंटेनर पलटी झाले. माहतरदेव गर्जे (ड़्रायव्हर ) यांनी कंटेनर रोड़ खाली घेण्याचा प्रयत्न केला परंतु अरूंद पुल असल्याकारणाने कंटेनर पलटी झाला या मध्ये माहतरदेव गर्जे यांना मुका मार लागला आहे.
हा कंटेनर हातोला येथील शिवाजी भास्कर आघाव (वाहन क्र.MH16CD9797) यांच्या मालकीचा असुन कंटेनरचे अंदाजे दीड़ लाखापर्यंत नुकसान झाले आहे.
घटनास्थळी पाटोदा पोलीस उशीरापर्यंत पोहचले नसल्याचे समजते.