अंबाजोगाई मध्ये भाजपा नगरसेवक विजय जोगदंड यांचा खून

अंबाजोगाई (बीड) :- अंबाजोगाई नगर पालिकेतील भाजपचे नगरसेवक विजय शेषेराव जोगदंड (वय ३४, रा. परळी वेस, अंबाजोगाई) यांचा आज दि.18 जानेवारी रोजी रात्री ८ वाजताच्या सुमारास खून झाल्याची खळबळजनक घटना घडली. परळी वेस येथे झालेल्या भांडणात तिक्ष्ण हत्यारांच्या साहाय्याने जोगदंड यांच्यावर वार करण्यात आल्याची प्राथमिक माहिती आहे. गंभीर जखमी अवस्थेत त्यांना स्वाराती रुग्णालयात दाखल करण्यात आले परंतु तिथे उपचारादरम्यान त्यांचा मृत्यू झाला. वरिष्ठ पोलीस- अप्पर पोलीस अधीक्षक अजित बोराडे यांचे सह अधिकारी रुग्णालयात दाखल झाले असून पुढील कार्यवाही सुरू आहे.