पक्षाने दिलेली जबाबदारी पार पाडण्यासाठी पंकजाताई मुंडे दिल्लीत
विधानसभा निवडणुकीच्या प्रचारार्थ उद्या एकाच दिवशी तीन जाहीर सभा ; महिला मेळाव्यातही करणार मार्गदर्शन
मुंबई:आठवडा विशेष टीम― पक्षाने दिलेली जबाबदारी पार पाडण्यासाठी पंकजाताई मुंडे हया दिल्ली विधानसभा निवडणुकीतील उमेदवारांच्या प्रचारासाठी आज दुपारी दिल्लीकडे रवाना झाल्या. भाजप उमेदवारांच्या प्रचारार्थ उद्या शुक्रवारी एकाच दिवशी त्यांच्या तीन जाहीर सभा होणार आहेत.
दिल्ली काबीज करण्यासाठी भाजपकडून महाराष्ट्रातील दहा दिग्गज नेत्यांवर प्रचाराची जबाबदारी सोपविण्यात आली आहे, त्यात केंद्रीय नेतृत्वाने स्टार प्रचारक पंकजाताई मुंडे यांचाही समावेश केला आहे. एक आक्रमक नेता म्हणून त्यांचेकडे पाहिले जाते, आपल्या अभ्यासू व दमदार भाषणाने त्या दिल्लीतील मतदारांची मनं जिंकल्याशिवाय राहणार नाहीत. येत्या ८ तारखेला दिल्ली विधानसभा निवडणुकीसाठी मतदान होत असून ११ तारखेला मतमोजणी होणार आहे.
दरम्यान, निवडणूक प्रचारासाठी पंकजाताई मुंडे आज दुपारीच दिल्लीला रवाना झाल्या. त्यांच्या प्रचाराची सुरवात आजपासूनच झाली. संध्याकाळी ८ वा. पटेल नगर विधानसभा मतदारसंघाचे उमेदवार प्रवेश रत्न यांच्या प्रचारार्थ पटेल नगर येथे त्यांची सभा होणार. उद्या ३१ तारखेला दुपारी १२ वा. नरेला विधानसभा मतदारसंघाचे उमेदवार नील दमन खत्री यांच्या प्रचारार्थ बख्तावरपूर येथे, दुपारी ३ वा. बादली मतदारसंघाचे उमेदवार विजयकुमार भगत यांचेकरिता स्वरूप नगर येथे, तर संध्याकाळी ६ वा. रिठाला मतदारसंघाचे उमेदवार मनीष चौधरी यांच्यासाठी बुध विहार येथे त्यांची सभा होणार आहे. १ व २ फेब्रुवारी रोजी पंडित पंत मार्ग नवी दिल्ली येथे उमेदवारांच्या प्रचारार्थ वेगवेगळ्या ठिकाणी आयोजित करण्यात आलेल्या महिला मेळाव्याला त्या मार्गदर्शन करणार आहेत. निवडणूक प्रचारासाठी त्या ४ फेब्रुवारी पर्यंत दिल्लीत असणार आहेत अशी माहिती त्यांच्या संपर्क कार्यालयातून देण्यात आली आहे.
Share this news:
