क्राईमपरळी तालुकाबीड जिल्हाब्रेकिंग न्युज

बीड: परळीच्या हिंदनगर भागात अज्ञात युवकाचा मृत्यू ,पहाटे घटना उघडकीस; पोलिस तपास सुरु

परळी वैजनाथ:परळी शहरातील हिंदनगर भागात अज्ञात युवकाचा मॄतदेह आज बुधवार दि.८ मे रोजी पहाटे ५ च्या सुमारास आढळून आला असून पोलिस मात्र ८ वा.घटनास्थळी दाखल झाले आहेत. हा प्रकार नेमका काय आहे? हे तपासानंतरच समजू शकेल. दरम्यान या भागात मोठ्या प्रमाणात अवैध धंदे सुरु असल्याचे नागरिकांनी सांगितले.

याबाबत अधिक माहिती अशी की, परळी शहरातील हिंदनगर भागात आज बुधवार दिनांक ८ मे रोजी अज्ञात युवकाचा मृतदेह रक्ताच्या थारोळ्यात पडलेला आढळून आला. पहाटे उघडकीस आलेल्या या घटनेमुळे या भागातील नागरिकांत भीतीचे वातावरण निर्माण झाले आहे. दरम्यान या भागात मोठ्या प्रमाणात अवैध धंदे सुरु असून या भागातील वाढणारे अवैध धंदे बंद करण्यात यावेत याबाबत पोलिस प्रशासनास लेखी निवेदने दिली असल्याचे या भागातील सामाजिक कार्यकर्ते कुमार केदारी यांनी सांगितले. आता तरी पोलिस प्रशासनाने या भागात मोठ्या प्रमाणावर सुरु असलेले अवैध धंदे बंद करण्यात यावेत अशी मागणी येथील नागरिक करीत आहेत यांनी केली आहे.

बातमी बद्दल तुमच्या प्रतिक्रिया लिहा

This site uses Akismet to reduce spam. Learn how your comment data is processed.