पवनचक्की कंपन्यांचा मनमानी कारभारामुळे रस्त्याची दुरावस्था; शेळके वस्तीवरील ग्रामस्थ अडचणीत – डॉ.गणेश ढवळे

लिंबागणेश(प्रतिनिधी): बीड तालुक्यातील बेलगाव गावातील शेळके वस्तीवरील रस्ता ग्रामस्थांनी स्वखर्चाने केलेला आहे. उन्हाळ्यात पवनचक्की प्रकल्प धारकांनी याच वस्ती रस्त्यावरून जड वाहनाने साहीत्याची वाहतूक केल्याने रस्ता खचला आहे.सध्या पावसाळ्यात याठिकाणी मोठ्ठ मोठे खड्डे पडल्यामुळे गुडघाभर पाणी साचत असुन चिखलातुन ये जा करताना गावात जाण्यासाठी शाळकरी मुले, भाजीपाला उत्पादक, महिला वृद्ध यांना दवाखाना, बाजारहाट तसेच शेतक-यांना खत बि – बियाणे वाहतूक करण्यासाठी अडचण निर्माण झाली आहे. पवनचक्की अधिकारी फोन सुद्धा उचलत नाहीत.त्यामुळे आमच्या रस्त्याची तातडीने सोय करण्यात यावी.अशी मागणी किसन शेळके,आप्पासाहेब शेळके,भरत शेळके, दामोदर जोगदंड, बाबासाहेब जोगदंड, अतुल शेळके, श्रीराम शेळके, राजेंद्र शेळके,शरद शेळके मोहन शेळके यांनी केली आहे.

विद्युत पोल पडुन दुर्घटना झाली तर जबाबदार कोण?? :- किसन शेळके

पवनचक्की धारकांनी त्यांच्या वाहनांच्या सोयीसाठी सुरक्षित ठिकाणी असणारा विद्युत पोल य वाहतुकीच्या मार्गावरील बांधावर उभा केला असुन पावसाळ्यात वाहत्या पाण्याने बांधाची माती वाहून गेली असुन वादळी वाऱ्यासह पावसाने पोल पडण्याची शक्यता असुन भविष्यात दुर्घटना घडुन पशु अथवा माणसाचा बळी गेल्यास जबाबदार कोण?? असा प्रश्न मोहन शेळके यांनी उपस्थित केला आहे.

पवनचक्की धारकांच्या मनमानी कारभाराला महसूल व पोलीस प्रशासनाचे पाठबळ:- डॉ.गणेश ढवळे