पाटोदा:आठवडा विशेष टीम―पाटोदा तालुक्यातील ढाळेवाडी हे छोटेसे २००० लोकसंख्या असलेले खेडेगाव,गावातील लोक जास्त प्रमाणात पाऊस व रोजगार उपलब्ध नसल्याने उसतोडणीला जातात त्याच गावात गेले २७ वर्षे अखंडपणे वारकरी संप्रदायाचा वसा पुढे सुरू आहे,दि.११ते १७या सात दिवसांत स्व.भागवानभाऊ व वामनराभाऊ येडशिकरयांच्या कृपाशीर्वादाने व वैराग्यामूर्ती भाजनासम्राट हनुमान महाराज मते यांच्या मार्गदर्शनाखाली चालु आहे.
ग्रामदैवत सिध्दनाथ श्रावणी यात्रेनिमित्त या सप्ताहाचे नियोजन केले जाते,तेव्हा गावातील गावकरी तरूणवर्ग शिक्षण,नोकरी, व्यवसाय व रोजगारासाठी पुणे मुंबई औरंगाबाद व अन्य ठिकाणी स्थलांतरित झालेले गावकरी याठिकाणी दरवर्षी नचूकता येतात, मोठ्या उत्साहात सिध्दनाथ पालखी सोहळा व महापंगतीचा कार्यक्रम गावांमध्ये दरवर्षी पार पाडतो.ह. भ. प.हनुमान महाराज मते यांनी काल्याचे कीर्तन व दहीहंडी फोडुन या सप्ताहाची सांगता केली.
या माध्यमातून गावातील युवकांची एकता सामाजिक दृष्टिकोन बदलण्याचे काम या माध्यमातून होत आहे असे मत गावातील तरुण वर्गाने व्यक्त केले आहे.
ढाळेवाडी येथे मोठ्या उत्साहात अखंड हरीनाम सप्ताह पार पडला
