बीड जिल्हाब्रेकिंग न्युजविशेष बातमीसामाजिक

पोखरी येथिल भोसले दलित वस्ती मुलभूत सुविधा पासून वंचित,जीव धोक्यात घालून पाणी शेंदतात – डॉ.गणेश ढवळे

बीड:आठवडा विशेष टीम― बीड तालुक्यातील मौजे पोखरी येथिल भोसले दलित वस्ती एकुण २५ घरे असुन १०० मतदार आहेत.बहुतांशी लोक ऊसतोड मजूर म्हणून वर्षातुन ४महीने ऊसतोडणी मजूर म्हणून बाहेर गावी असतात, रस्ते, पिण्याचे पाणी या. मुलभुत सुविधा पासून भोसले वस्ती वंचित आहे.

    WhatsApp वर बातम्या हव्यात ?


    शिल्पा भोसले: "वस्ती वर रस्ता , पिण्याचे पाणी , अंगणवाडी, समाज मंदीर या मुलभूत सुविधा उपलब्ध नाहीत. पिण्याचे पाणी १ ते दीड कीलोमीटर अंतरावरील भिमा भोसले , रमेश शिंदे , कल्याण भोसले यांच्या बोअर वरुन आणावे लागते.आम्हाला दारात नळयोजना हवी."

    दिलीप भोसले: "दारिद्रय रेषेखालील योजनांचा लाभ श्रीमंत उचलतात त्यांचीच नावे यादित आहेत.पाठीमागे रमाई घरकुल आवास योजनेच्या नावाखाली सर्वे करण्यात आला.प्रत्येकी १००रु व्यक्तिमागे घेतले .नंतर कळाले गावपुढा-याने सर्वे केलेलीं यादि फाडून टाकली.समाजमंदिराची पडझड झाली असुन वारंवार सरपंच , ग्रामसेवक निवडणूक कालावधीत केवळ करतो हे आश्वासन देतात परंतु नंतर सोयीस्कररीत्या विसरतात."

    चंद्रभागा भोसले : "६५ वर्ष वय माझे आहे तेव्हापासून या विहीरीतील पाणी सांडपाणी म्हणून वापरतात.या विहीरीला चहुबाजूंनी कठडा नाही.ऊसतोड मजुर बाहेरगावी गेल्यानंतर लहान मुले , वयस्कर बाई माणसाला पाणी शेंदावे लागते. या विहीरीला चहुबाजूंनी संरक्षक भिंत बांधावी आणि वयस्करांसाठि घरोघरी नळ द्यावे एवढंच गाऱ्हाणं आहे."

    डॉ.गणेश ढवळे,सामाजिक कार्यकर्ते: ५ आक्टोबर २०१५ मधे डॉ.गणेश ढवळे यांच्या नेतृत्वाखाली छत्रपती शिवाजी महाराज पुतळा ते जिल्हाधिकारी कार्यालय शौचालय आणि पीण्याचे स्वच्छ पाणी मिळावे यासाठी टमरेल मोचां काढण्यात आला होता. तत्कालीन जि.प.बीड अध्यक्ष विजयसिंह पंडित यांनी तात्काळ चौकशी कऱण्याचे आदेश दिले.त्यामुळे पाईप लाईन करुन विहीरीत पाणी सोडण्यात आले.तत्कालिन ग्रामसेवक यांना कर्तव्यात कसूर केल्याबदधृल निलंबित करण्यात आले. जीव धोक्यात घालून पाणी शेंदणा-या महिला ,मुलांबाळाचा त्रास कमी व्हावा यासाठी घरपोच नळयोजना हवी.रस्ते , समाजमंदिर दुरावस्थेत आहेत.जिल्हाधिकारी ,मुख्य कार्यकारी अधिकारी जिल्हा परिषद बीड यांना लेखी तक्रार दाखल करण्यात आली आहे.