संवेदनशील पत्रकारांच्या दणक्याने प्रशासनाला जाग आली ,अखेर ससेवाडी येथिल ऊसतोड मजुरांना किराणा किट वाटप करण्यात आले―डॉ.गणेश ढवळे

मांजरसुंबा दि.०९:आठवडा विशेष टीम बीड तालुक्यातील मौजे ससेवाडी येथिल ऊसतोड मजुरांची हेळसांड सरपंच , ग्रामसेवक,तलाठी करत होते. २० दिवसांपासून त्यांना भेटायला आले नव्हते. फक्त फोनवरून गावाबाहेर रहायचे गावात यायचे नाही असा इशारा द्यायचे.

ईतर कुठल्याही प्रकारची सुविधा उपलब्ध करून देण्यात आली नाही. ऊसतोड मजुरांनी मोफत किराणा किट वाटप करण्याविषयी विचारले असता ज्यांनी घोषणा केली त्या पालकमंत्री, जिल्हाधिकारी, तहसिलदार, पंचायत समितीला जाऊन भांडा म्हणायचे. परवा त्यांची लेखी तक्रार जिल्हाधिकारी यांच्याकडे डॉ.गणेश ढवळे लिंबागणेशकर यांनी केली होती त्यांनी बीड जिल्ह्यातील पत्रकारांना विनंती केली होती.
त्यानंतर न्युज सेव्हन डेज न्युज पोर्टल चॅनेल वर बातमी प्रसिद्ध झाली होती तसेच मा.ऋषिकेश विघ्ने संपादक आठवडा विशेष आणि शेख अजिज यांच्या जय हिंद महाराष्ट्र या न्युज मध्ये बातमी प्रसिद्ध झाल्यानंतर आज दि. ०९/०५/२०२० शनिवार रोजी सकाळी ११ वा.१५ मिनिटे मोफत किराणा किट वाटप करण्यात आले.
यावेळी २० दिवस कधीही भेटायला न येणारे सरपंच,ग्रामसेवक ,तलाठी हे त्रिकुट हजर होते.
ऊसतोड मजुरांनी सर्व संवेदनशील पत्रकारांचे आभार मानले आहेत.


Previous post जनतेसाठी आईच्या निधनाचे डोंगरा एवढे मोठे दु:ख विसरून पोलिस निरीक्षक सिद्धार्थ माने पाटोदा तालुक्याच्या सुरक्षिततेसाठी लागले कामाला
Next post बीड: बाहेरील जिल्ह्यात जाण्या-येण्यासाठीच्या परवानगीच्या संकेतस्थळात बदल