केंद्रीय आरोग्यमंत्री डॉ हर्षवर्धन यांची जागतिक आरोग्य संघटनेच्या अध्यक्षपदी निवड हा संपूर्ण जगाने भारताचा केलेला गौरव― रामदास आठवले

नवी दिल्ली दि.२७:आठवडा विशेष― जागतिक आरोग्य संघटनेच्या (WHO) अध्यक्षपदी केंद्रीय आरोग्य मंत्री डॉ हर्ष वर्धन यांची निवड झाल्याबद्दल आज रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री ना. रामदास आठवले यांनी त्यांचे अभिनंदन केले. जागतिक आरोग्य संघटनेचे अध्यक्षपद भारताकडे येणे हा जगाने भारताचा केलेला गौरव आहे. याचा प्रत्येक भारतीयाला अभिमान वाटत आहे असे ना रामदास आठवले म्हणाले.

कोरोना महामारी च्या संकटाविरुद्ध पंतप्रधान नरेंद्र मोदी यांच्या नेतृत्वात भारताने केलेल्या उत्कृष्ट उपाययोजनांमुळे जगाने भारताचा गौरव करीत जागतिक आरोग्य संघटनेच्या कार्यकारी मंडळाचे अध्यक्षपद भारताला दिले आहे. हा बहुमान भारताचे आरोग्यमंत्री म्हणून डॉ हर्ष वर्धन यांना लाभल्याबद्दल त्यांचे आज आपण मनःपूर्वक अभिनंदन केले असल्याचे ना रामदास आठवले यांनी कळविले आहे.


Leave a Comment

This site uses Akismet to reduce spam. Learn how your comment data is processed.