केज: चंदनसावरगांव पासून ३ कि.मी. परिसरातील कन्टेनमेंट झोन आणि त्यापुढील ४ कि.मी. परिसरातील बफर झोन शिथील

बीड, दि.३:आठवडा विशेष टीम― केज तालुक्यातील चंदनसावरगांव येथे कोरोनाचा (कोविङ -१९) रुग्ण पॉझिटिव्ह आढळुन आला होता. त्यामुळे गावापासून ३ कि.मी. परिसरातील गावे कन्टेनमेंट झोन आणि त्यापुढील ०४ कि.मी. परिसरातील गांवे बफर झोन जाहीर करुन व संचारबंदी लागू करण्यात आली होती. त्या ठिकाणीचे प्रतिबंध शिथील करण्यात येत असून परिस्थिती पूर्ववत करण्यात आली आहे असे आदेश जिल्हाधिकारी राहुल रेखावार यांनी दिले आहेत.

याबाबत जिल्हा आरोग्य अधिकारी जिल्हा परिषद,बीड यांनी या प्रतिबंधात्मक कार्यक्षेत्रामध्ये मागील १४ दिवसात एकही कोविड-१९ पॉझिटिव्ह रुग्ण आढळुन आला नाही. तसेच शासनाचे नियमानुसार मधील प्रक्रिया पूर्ण झालेली असल्याचे कळविले असल्याने चंदनसावरगांव पासून ३ किलोमीटर परिसरात चंदनसावरगांव, भाटूंबा, केकतसारणी, कुंभेफळ, बनकरंजा हा परिसरातील कन्टेनमेंट झोन व ४ कि.मी. परिसरातील आनंदगांव सारणी, जवळबन, ढाकेफळ, जानेगांव, होळ, कळंबअंबा, मानेवाडी व उंदरी हि गावे ७ किलोमिटर परिसरात येत असुन त्या ठिकाणीचे बफर झोन शिथील करण्यात येत आहे व परिस्थिती पूर्ववत करण्यात आली आहे असे आदेश दिले आहेत.

जिल्ह्यात दिनांक ३० जून २०२० रोजीचे रात्री १२.०० या पर्यंत फौजदारी प्रकिया दंड संहिताचे कलम १४४ (१) (३) नुसार मनाई आदेश लागू करण्यात आले आहे. सदर आदेश या आदेशासह अंमलात राहतील.