अमृत वृक्ष आपल्या दारी’आणि एक पेड माँ के नाम अभियानात समन्वयाने वृक्ष लागवड करावी – जिल्हाधिकारी दिलीप स्वामी

छत्रपती संभाजीनगर दि.29 – वन महोत्सवात ‘अमृत वृक्ष आपल्या दारी’ ही योजना राबविण्याचेनिर्देश देण्यात आलेले आहेत.  जागतिक तापमानाची वाढती समस्या नियंत्रणात ठेवणेसाठी वृक्ष लागवड करणे अत्यंत महत्वाचे आहे. जिल्ह्यात 1 जुलै ते 7 जुलै या कालावधीत वृक्ष लागवड सप्ताह साजरा करण्यात येणार असून उद्ष्टि पूर्ण करण्यासाठी सर्व विभागाच्या समन्वयाने वृक्ष लागवडीचे उद्ष्टि पूर्ण करण्योच निर्देश जिल्हाधिकारी दिलीप स्वामी यांनी दिले.

वृक्ष लागवडीचे नियोजन आणि उद्ष्टि पूर्ती आढावा बैठक जिल्हाधिकारी कार्यालयाच्या नियोजन समिती सभागृहात आयोजित करण्यात आली होती. या बैठकीस जिल्हा परिषेचे मुख्य कार्यकारी अधिकारी विकास मीना, पोलीस अधीक्षक मनिष कलवानिया, निवासी उपजिल्हाधिकारी विनोद खिरोळकर, सामाजिक वनीकरन विभागाच्या विभागीय वनधिकारी र्किती जमदाडे, राज्य उत्पादन शुल्क विभागाचे महेश झगडे, जिल्हा अधीक्षक कृषी अधिकारी प्रकाश देशमुख, पर्यटन विभागाचे उपसंचालक संजय जाधव, शिक्षणधिकारी प्राथमिक माध्यमिक तसेच सर्व विभागाचे विभागप्रमुख बैठकीस उपस्थित होते.

प्रत्येक शासकीय अधिकारी, कर्मचारी तसेच सामाजिक संस्था, विविध शाळा-महाविद्यालय यांचा सहभाग घेऊन ‘एक पेड माँ के नाम’ योजनेतंर्गत वृक्ष लागवडीमध्ये सक्रीय सहभाग घ्यावा. तसेच स्मृती वनसारखे उपक्रम राबवून जास्तीत जास्त वृक्षाची लागवड व जतन करावे. ही जबाबदारी प्रत्येकाने आस्थेवाईक प्रमाणे पार पाडावी. तसेच शासकीय तसेच खाजगी मालकीचे क्षेत्र, शेत बांधावर, रेल्वेदुतर्फा, कालवा दुतर्फा तसेच रस्ता दुतर्फा क्षेत्रात, सामूहिक क्षेत्र व गायरान क्षेत्रावर मोठ्या प्रमाणात वृक्ष लागवडीचा कार्यक्रम घेऊन अमृत वृक्ष लागवडीच्या चळवळीमध्ये पर्यावरण संवर्धनासाठी सहभागी होण्याचे अवाहन जिल्हाधिकारी स्वामी यांनी केले.

ज्या शासकीय यंत्रणा तसेच स्थानिक स्वराज्य संस्था यांना वृक्ष लागवड करावयाची आहे व त्यांच्याकडे जागा उपलब्ध आहे, मात्र त्यांच्याकडे रोपे निर्मितीसाठी कोणत्याही प्रकारची आर्थिक तरतूद उपलब्ध नाही, अशा यंत्रणांना वनमहोत्सव कालावधीत उपलब्ध जागेच्या प्रमाणात वृक्ष लागवड करण्यासाठी आवश्यक रोपांचा मोफत पुरवठा नजीकच्या रोपवाटिकेतून रोपांच्या उपलब्धतेनुसार केला जाईल. असे विभागीय वनधिकारी किर्ती जमदाडे यांनी प्रास्ताविकात सांगितले.

वृक्षारोपण व पर्यावरण संवर्धनाचे संस्कार विद्यार्थ्यांवर होण्याकरिता व या कार्यात त्यांचा अधिकाधिक सहभाग मिळवण्यासाठी वृक्षलागवड करू इच्छिणारी शाळा, विद्यालय व महाविद्यालय यांनी रोपांची मागणी केल्यास त्यांना वन महोत्सव कालावधीत मागणीनुसार मोफत रोपांचा पुरवठा उपलब्धतेनुसार करण्यात येणार आहे. 

पोलीस व संरक्षण बल यांना वन महोत्सव कालावधीत उपलब्ध जागेनुसार वृक्ष लागवड करण्यासाठी रोपांचा मोफत पुरवठा नजीकच्या रोपवाटिकेतून त्यांची मागणी असल्यास करण्यात येईल. 

शासकीय यंत्रणा, संस्था यांना लागणाऱ्या रोपांची आगाऊ मागणी उपवनसंरक्षक (प्रादेशिक) किंवा विभागीय वनाधिकारी सामाजिक वनीकरण विभाग, छत्रपती संभाजीनगर यांचे कडे मागणी  पत्राद्वारे हमीपत्रासह नोंदवावी. असे आवाहन श्रीमती जमदाडे यांनी केले.