नंदुरबार: व्यवसायिकांना दुकानभाड्यात सवलत द्यावी, जिल्हाधिकाऱ्यांकडे निवेदनाद्वारे मागणी

नंदुरबार:आठवडा विशेष टीम―घरभाड्यप्रमाणे व्यवसायिकांना दुकान भाडे माफ करण्यात यावे किंवा त्यामध्ये काही सवलत मिळावी. अशी मागणी व्यवसायिक भाडेकरुंकड़न करण्यात आली आहे. याबाबत जिल्हाधिकारी डॉ.राजेंद्र भारुड यांना निवेदन देण्यात आले आहे. शहरात अनेक लोक दुकान भाडेतत्त्वावर घेऊन उपजीविका चालवतात. लॉकडाउनमध्ये जीवनावश्यक वस्तूंची दुकाने वगळता इतर सर्व दुकाने बंद आहेत. दुकानांना ४ हजारांपासून ४० हजारांपर्यंत दुकानभाडे आहे. लाईट बिल वेगळे असते. दुकाने बंद असल्याने छोट्या व्यावसायिकांचे आर्थिक गणित कोलमडले आहे. निवेदनावर संजय बारी, समीर चौधरी, विजय बारी, राकेश तांबोळी, जगदिश किशनचंद आदींच्या सह्या आहेत.