लॉकडाऊनच्या 72 दिवसांत प्रशांत शिंदे यांची सामाजिक बांधिलकी ; 7200 गरजूंना केली सर्वोतोपरी मदत

अंबाजोगाई:आठवडा विशेष टीम― एकिकडे कोरोना आणि त्यामुळे झालेले लॉकडाऊन गोरगरीब,गरजू लोकांना मरण यातना देत आहे.तर दुसरीकडे लॉकडाऊनच्या मागील 72 दिवसांत एक देवदूत म्हणून पुढे आलेल्या प्रशांत शिंदे यांनी 7200 गरजूंना सर्वोतोपरी मदत करून सामाजिक बांधिलकी जोपासली आहे.

येथील दत्तकृपा मोबाईल शॉपी व मित्र परिवार यांच्या कडुन सामाजिक जाणिवेतून लॉकडाऊनच्या सुरूवातीपासून गेल्या 72 दिवसांत 7200 गोरगरिबांच्या मदतीसाठी पुढे येत विविध माध्यमातून सामाजिक कार्य सुरू ठेवले आहे.पोलीस बांधवांना मास्क,सॅनिटायझर वाटप केले.त्याच सोबत पोलिस बंदोबस्तासाठी असलेल्या पोलीस बांधवांना व अत्यावश्यक सेवेत असलेल्या विविध शासकीय कार्यालयातील अधिकारी,कर्मचारी यांना मोफत चहा,पाणी,नाष्टा,जेवण,फळेदेणे तसेच गोरगरीब लोकांना भाजीपाला,अन्नधान्य कीट वाटप करणे.शहरातील रस्त्यांवर फिरणाऱ्या गरीब,गरजू,मनोरूग्ण यांना शोधून त्यांना खिचडी,पोहे,पोळी- भाजी,भोजन देणे हे कार्य लॉकडाऊन कालावधीत 21 मार्च ते 1 जून या तब्बल 72 दिवस सुरू होते. हे कार्य लॉकडाऊन शिथील होईपर्यंत सुरूच राहणार आहे असे हॉटेल अमरजाचे संचालक चंद्रकांत आबा शिंदे,दत्तकृपा मोबाईल शॉपीचे संचालक प्रशांत शिंदे यांनी सांगितले होते.त्यानुसार त्यांनी हे सेवाकार्य केले.त्याचा समारोप 1 जून रोजी झाला.यासोबतच “रकदान हेच जीवदान” हे वाक्य डोळ्यांसमोर ठेवून प्रशांत शिंदे यांनी स्वता:हून अनेकदा रकदान ही केले आहे.शिंदे यांच्या या कार्याला डॉ.धनाजी खाडे,अमित जाजू यांचे ही आर्थिक सहकार्य लाभले आहे.समाजात काही माणसे ही संकटाला घाबरणारी असतात.तर काही जण हे संकटातून मार्ग काढून यश मिळवणारी असतात.कोणता ही हेतू,स्वार्थ किंवा दृष्टिकोन डोळ्यांसमोर न ठेवता कोरोनाच्या संकटात अगदी निस्वार्थी भावनेने प्रशांत शिंदे यांचे सामाजिक कार्य सुरूच आहे.या लोककार्यात त्यांचे बंधू दिपक शिंदे,चुलते सुधाकर शिंदे,शेख रशीदभाई,कुलदीप परदेशी,
गौरव कांबले,श्रीकांत धायगुडे,ईश्वर वाघमारे, दिपक गादेलवाड,नईम कुरेशी,अनिकेत थिटे,अक्षय परदेशी,ऋषिकेश आंधळे, पत्रकार अतुल जाधव,सय्यद सादेक,सौरभ चौधरी,योगेश सुकटे,निकी साहू,साईराज देवकर,बापू कुडगर,सय्यद सोहेल,ग्रामीण भागातील शेतकरी बांधव यांचेसह प्रशांतदादा शिंदे मिञ मंडळाचे सहकार्य लाभत आहे.प्रशांत शिंदे यांनी सलग 72 दिवस सामाजिक बांधिलकी जोपासत केलेल्या कार्याचे सर्वस्तरांतून स्वागत होत आहे.