सोयगाव तालुक्यात मका पिकांवर लष्कर अळींचा वाढता प्रादुर्भाव ,मक्याच्या पोंग्यात अळीचे वास्तव्य

सोयगाव:ज्ञानेश्वर धोंडू पाटील―
सोयगावसह तालुक्यात बदलत्या वातावरणामुळे शनिवारपासून अचानक लष्करी अळींचा वाढता प्रादुर्भाव झाल्याने सोयगाव तालुक्यातील मका उत्पादक शेतकरी हवालदिल झाले असून यावर उपाय योजनांसाठी मात्र कृषी विभागाकडून मार्गदर्शन मिळत नसल्याने शेतकऱ्यांची चिंता वाढली आहे.
सोयगाव तालुक्यात यंदाच्या खरिपातही मक्याची लागवड मोठ्या प्रमाणावर झालेली असून अचानक ढगाळ वातावरण आणि उन्हाची तीव्रता याप्रमाणे वातावरण बदलत असल्याने अखेरीस लष्करी अळींचा सोयगाव तालुक्यात शिरकाव झालेला आहे.मका पिकांच्या पोंग्यात अळींनी वास्तव्य केले असून उन्हाच्या तीव्रतेमुळे अळीचा प्रादुर्भाव मक्याच्या अंतर भागात वाढलेला आहे.त्यामुळे शेतकऱ्यांना हा प्रादुर्भाव दिसून आलेला नव्हता.काही भागात अळींनी मक्याच्या पिकांमध्ये अंडी तयार केले असून या अंडीमधून अळींची उत्पत्ती वाढत आहे.वाढता प्रादुर्भाव पाहता शेतकऱ्यांची चिंता वाढली आहे.मात्र कृषी विभाग यावर उपाय योजनांसाठी अद्यापही पुढे आलेला नसल्याने,शेतकऱ्यांची चिंता वाढली आहे.
————————
सोयगाव तालुक्यातील लष्करी अळींचा वाढता प्रादुर्भाव नियंत्रणात येत नसल्याची स्थिती निर्माण झालेली असतांना मात्र सोयाबीन पाठोपाठ मका पिकांचा हंगामही मोडीवर आलेला असून पोंग्याच्या स्थितीत असलेला मका पिकांचा हंगाम शेतकऱ्यांनी मोडून काढण्याचा निर्णय घेतला आहे.मागील वर्षीच्या खरीप हंगामात ५२०० हेक्टर वर मक्याची लागवड करण्यात आली होती.मात्र यंदाच्या हंगामात घटलेली लागवड ३८०० हेक्टरवर आली असूनही शेतकऱ्यांची चिंता वाढली आहे
——————————
तालुका कृषी विभाग कागदावरच-
सोयगाव तालुक्यात मका पिकांवरील लष्करी अळींचा वाढता झालेला प्रादुर्भाव नियंत्रणात आणण्यासाठी तालुका कृषी विभागाकडून अद्यापही शेताकात्यांची जनजागृती हाती घेण्यात आलेली नाही. त्यामुळे कृषी विभाग जणूकाही कागदावरच असल्याची स्थिती आढळून येत आहे.
———————————

शेतकऱ्यांनी मका पिकांवरील लष्करी अळींचा काढता प्रादुर्भाव आढळून येताच मक्यावर विविध कीटकनाशक फवारणी हाती घेतल्या असून पोंग्यात दबा धरून बसलेल्या अळीनवर नियंत्रण घालण्यासाठी शेतकऱ्यांनीच फवारण्य हाती घेतल्या आहे.परंतु यावरही यश हाती येत नाही.