पाटोदा तालुकाबीड जिल्हाब्रेकिंग न्युजसामाजिक

पाटोदा महावितरणच्या अनागोंदी कारभाराविरोधात कार्यालयासमोर बोंबाबोंब आंदोलन – डॉ.गणेश ढवळे

पाटोदा:आठवडा विशेष टीम― पाटोदा तालुक्यातील ग्रामिण भागातील महावितरण अधिकारी आणि कर्मचारी यांचा सावळागोंधळ सुरू असुन छ्त्रपती शिवाजी महाराज पुतळा ते गितेवाडी फाटापर्यत ७ कि.मी.अंतरासाठी केवळ एकच रोहित्र असुन गेल्या ३ वर्षांपासून अत्यंत कमी दाबाचा विद्युत पुरवठा होत असल्याने इलेक्ट्रॉनिक वस्तुंचे नुकसान होत आहे, त्याचबरोबर व्यावसायिकांना मोठ्या अडचणींना सामोरे जावे लागत आहे. ग्रामिण भागांमध्ये लोंबकळणा-या विद्युत तारा, वाकलेले पोल, उघड्यावरील रोहित्र तसेच महावितरणच्या कर्मचा-याची अरेरावी यांना वैतागलेल्या सामाजिक कार्यकर्ते,तथा ग्रामस्थांनी महावितरण कार्यालयासमोर बोंबाबोंब आंदोलन करून श्री. अंजनकर उपसहायक उपभियंता यांना निवेदन दिले.

लक्ष्मण सस्ते ,सामाजिक कार्यकर्ते ― छत्रपती शिवाजी महाराज चौक ते गितेवाडी फाटा या ७ किमी अंतरावर केवळ एकच रोहित्र असुन यावर ३ पेट्रोलपंप, २० वेल्डींग मशिन, दोन बार, ५ खानावळी , १२ चहा हाटेल व्यावसायिक असुन अत्यंत कमी दाबाच्या विजपुरवठा यामुळे उद्योगधंदे बसले आहेत. याविषयी वारंवार तक्रारी करून सुद्धा महावितरण अधिकारी, कर्मचारी यांनी दखल न घेतल्यामुळे नाईलाजास्तव बोंबाबोंब आंदोलन करावे लागले.

विजबिल माफी हवी,लोंबकळणा-या विद्युत तारा, उघड्यावरील रोहित्र,कर्मचा-यांची अरेरावी : डॉ.गणेश ढवळे
पाटोदा तालुक्यातील गावांतर्गत लोबकळणा-या विद्युत तारा, वाकलेले पोल, उघड्यावरील रोहित्र, जास्तीचे विजबिल ,रिडींग न घेताच अंदाजे रिडींग यामुळे ग्रामस्थ हैराण असुन कोरोनाच्या पार्श्र्वभूमीवर कृषिपंप व लघुउद्योग, सरसकट विजबिल माफ करण्यात यावे या मागणीचे निवेदन ऊर्जामंत्री नितिन राऊत, कृषिमंत्री दादाजी भुसे, ग्रामविकास मंत्री हसन मुश्रीफ, सामाजिक न्याय व विशेष सहाय्य तथा पालकमंत्री बीड धनंजय मुंडे यांना ई-मेलद्वारे पाठवण्यात आले असुन तात्काळ मागण्यांची दखल न घेतल्यास भविष्यात महावितरणच्या अनागोंदी कारभार विरोधात जन आंदोलन उभारण्याचा इशारा महावितरणला दिला आहे.यावेळी महावितरण विरोधात बोंबाबोंब आंदोलनात लक्ष्मण सस्ते,डॉ. गणेश ढवळे, अक्षय पवार, धर्मवीर काळे, अर्जुन काळे सहभागी झाले होते.

बातमी बद्दल तुमच्या प्रतिक्रिया लिहा

This site uses Akismet to reduce spam. Learn how your comment data is processed.