आष्टी तालुकाबीड जिल्हाब्रेकिंग न्युजमहाराष्ट्र राज्य

बीड: आष्टी तालुक्यातील मंगरूळ गावातील माय-लेकरावर बिबट्याचा हल्ला

आष्टी:आठवडा विशेष टीम― बीड जिल्ह्यातील आष्टी तालुक्यातील मंगरूळ येथे तूर काढत असताना माय-लेकावर बिबट्याने हल्ला चढवला. यात दोघेही जखमी झाले आहेत. ही घटना शनिवारी (दि.२८ नोव्हेंबर) सायंकाळी ५.३०च्या सुमारास घडली.

शिलावती बाबा दिंडे (वय ४२) व अभिषेक बाबा दिंडे (वय १२) अशी बिबट्याच्या हल्ल्यात जखमी झालेल्यांची नावे आहेत. दोघेही माय-लेक आष्टीपासून जवळच असलेल्या मंगरूळ शिवारात तुरीचे पीक काढत होते. त्याचवेळी बिबट्याने हल्ला चढवला. ग्रामस्थांनी घटनास्थळी धाव घेत त्यांची बिबट्याच्या हल्ल्यातून सुटका केली व जखमींना आष्टीच्या सरकारी रूग्णालयात दाखल करण्यात आले आहे. त्यांच्यावर डॉ.मोराळे हे उपचार करत आहेत.

दरम्यान, शुक्रवारी बिबट्याने पंचायत समिती सदस्य पतीचा बळी घेतला. त्यानंतर शिरूर तालुक्यातील महिलेवर हल्ला केला. यात महिला जखमी झाली, त्यानंतर आष्टी तालुक्यात 10 वर्षीय बालकाचा बळी तर वनविभागाच्या कर्मचार्‍यावर हल्ल्याचा प्रयत्न झाला होता. त्यापाठोपाठ माय-लेकरावर हल्ल्याची ही घटना असल्याचे समोर आल्याने बीड जिल्ह्यात खळबळ उडाली आहे.


Leave a Reply

This site uses Akismet to reduce spam. Learn how your comment data is processed.