टाकरखेड्याची शाळा झाली तंबाखुमुक्त

जामनेर:ज्ञानेश्वर धोंडू पाटील– जामनेर तालुक्यातील टाकरखेडा येथील जिल्हा परिषद मराठी शाळा झाली तंबाखुमुक्त.जिल्हा पुरस्कार प्राप्त आदर्श शिक्षक तथा टाकरखेडा शाळेचे मुख्याध्यापक पी.टी.पाटील आणी शाळेतील शिक्षक देवाजी पाटील, रवींद्र चौधरी, जयंत शेळके, श्रीमती जयश्री पाटील, श्रीमती छाया पारधे, रामेश्वर आहेर, श्रीमती ज्योती उंबरकर यांनी तंबाखुमुक्त बाबतचे सर्व निकष पूर्ण केले. निकष पूर्ण केल्यानंतर शाळेला तंबाखुमुक्त बाबतचे सर्टिफिकेट नुकतेच प्राप्त झाले असल्याचे मुख्याध्यापक पी.टी.पाटील यांनी सांगितले. तंबाखुमुक्त शाळा करण्यासाठी शाळेतील सर्व शिक्षकांचे तसेच सलाम मुंबई फाउंडेशन चे जिल्हा समन्वयक संजय ठाणगे, जामनेर पंचायत समितीचे गटशिक्षणाधिकारी विजय सरोदे, शहापूर केंद्राचे प्रभारी केंद्रप्रमुख विकास वराडे, टाकरखेडा उपकेंद्राचे आरोग्य अधिकारी डॉ. पूनम ढेपले यांच्या मार्गदर्शनाखाली शाळा तंबाखुमुक्त करण्यात आली. शाळा तंबाखुमुक्त झाल्याबद्दल टाकरखेडा शाळेचे सर्वत्र अभिनंदन होत आहे.